ۋاقىتتى ۇتا قىزمەت ورىستەتىپ، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە قول جەتكىزۋگە شىنايى كەپىلدىك ەتەيىك
ەرىكتى تىلشىلەر يۋان جۇن، ابليميت ماتسايىم 3 - ايدىڭ 19 - كۇنى شەريادان حابارلايدى. 3 - ايدىڭ 9 - كۇنىنەن 18 - كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءوزى جاۋاپتى بولعان اۋىر كەدەي اۋدان شەريا اۋدانىنا بارىپ، سول جەردە كەدەيلىكتەن ارىلتۋدان قامال الۋ شايقاسىنا اشىق - اشكەرە قاداعالاۋ جۇرگىزدى. ول مىنانى باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 9 - كەزەكتى پارتكوم 9 - رەتكى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، ۋاقىتتى ۇتا قىزمەت ورىستەتىپ، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە قول جەتكىزۋگە شىنايى كەپىلدىك ەتۋ كەرەك.
شاۋكەت يمىن شەريا اۋدانىنداعى اۋىر كەدەي قىستاقتاردى ارالاپ، كەدەي وتباسىلارىنىڭ، كەدەيلىكتەن ارىلتۋ بويىنشا باقىلاپ - ساراپتالاتىن وتباسىلارىنىڭ، كەدەيلەسۋگە تاياپ تۇرعان وتباسىلارىنىڭ، كەدەيلىكتەن ارىلعان وتباسىلارىنىڭ جان باسىندىق كىرىسى، كومەكتەسۋ - سۇيەمەلدەۋ شارالارى، ءوندىرىسى، تۇرمىسى سياقتى جاعدايلارىن ەگجەي - تەگجەيلى ۇعىسىپ، كەدەيلەردى سۇيەمەلدەۋ كاسىپورنى، كەدەيلەردى سۇيەمەلدەۋ نىسانى، اۋىل - قىستاق سەلبەستىك كووپەراتيۆى سياقتى جەرلەرگە بارىپ، كاسىپ سالاسى ارقىلى كەدەيلەردى سۇيەمەلدەۋ، جۇمىستاندىرۋ ارقىلى كەدەيلەردى سۇيەمەلدەۋ، جۇمىستى، ءوندىرىستى قالپىنا كەلتىرۋ جاعدايلارىنا تەكسەرۋ - زەرتتەۋ جۇرگىزدى. ”ەكىدەن تارىقتىرماۋ، ءۇشتى قامتاماسىز ەتۋدى“، ”جەتى ءبىر توپتى“، ”ءۇش سەرپىندى ارتتىرۋدى“ دايەكتىلەندىرۋدى، تياناقتاندىرۋدى تىعىز ارقاۋ ەتىپ، ماسەلەنى باعدار ەتۋدەن جازباي، اياق الىستى قاداعالادى، تياناقتاندىرۋدى قاداعالادى، رەتتەۋ - تۇزەتۋدى قاداعالادى، بەكەمدەۋدى قاداعالادى، ساپانى قاداعالادى.
تەكسەرۋ - زەرتتەۋ كەزىندە شاۋكەت يمىن اۆتونوميالى رايوننىڭ تۇيىندە تۇرىپ كومەكتەسەتىن - سۇيەمەلدەيتىن ورنىمەن، شەريا اۋدانىمەن بىرگە شايقاستى اشىق - اشكەرە قاداعالاۋ جانە شايقاس قىزمەتى جوباسىن كەمەلدەندىرۋدى بىرگە اقىلداسىپ، كەدەيلىكتەن ارىلتۋدان قامال الۋ شايقاسىنىڭ شەشۋشى جەڭىسىنە جەتۋدىڭ نىسانالارىن، مىندەتتەرىن جانە قىزمەت جاۋاپكەرشىلىگىن ايقىندادى. كەدەي حالىقتىڭ اراسىنداعى ەڭبەك قابىلەتى بار ادامداردى تۇگەل جۇمىستاندىرۋعا كەپىلدىك ەتۋ سىندى ءتۇيىندى مىقتاپ يگەرىپ، شەريا اۋدانىنداعى كەدەي بۇقارانىڭ جۇمىستانۋ ماسەلەسىن شەشۋدى بەلسەنە سايكەستىردى.
شاۋكەت يمىن بىلاي دەپ باسا دارىپتەدى: بيىل كەدەيلىكتەن ارىلتۋدان قامال الۋ مىندەتىن ورىنداۋدىڭ ەڭ سوڭعى جىلى، پارتيا ورتالىق كوميتەتىنە ەسەپ بەرەتىن، ءار ۇلت بۇقاراسىنا بەرگەن ۋادەنى ورىندايتىن شەشۋشى مەزگىل كەلدى، ءسوز جوق، ارقاۋدى مىقتاپ شيراتىپ، مىعىم كۇش سالىپ، نىسانادان استە اۋىتقىماي، ماشاقاتتى تۇيىندەردى باتىل شەشۋ كەرەك. باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 9 - كەزەكتى پارتكوم 9 - رەتكى جالپى ءماجىلسىنىڭ رۋحىن كەدەيلىكتەن ارىلتۋدان قامال الۋ مىندەتتەرىندە تياناقتاندىرىپ، ”جاۋاپكەرشىلىك، ساياسات، قىزمەت “ سىندى ءۇشتى تياناقتاندىرۋعا شىنايى كەپىلدىك ەتۋ كەرەك. مەحانيزمدى ورنىقتىرىپ، ستيلگە بۇرىلىس جاساپ، جاۋاپكەرشىلىكتى كۇشەيتىپ، دالمە - ءدال شارا قولدانىپ، ولقىلىقتاردى تولىقتاپ، رەتتەۋ - تۇزەتۋدى يگەرىپ، باقىلاۋ - ساراپتاۋدى نىعايتىپ، حاۋىپ - قاتەردەن ساقتانىپ، بار قايراتپەن شايقاسقا اتتانىپ، بار كۇشپەن قامال الىپ، كەدەي اۋدانداردىڭ كەدەيلىك قالپاعىن الىپ تاستاۋىنا، كەدەي قىستاقتاردىڭ تىزىمدىكتەن شىعۋىنا، كەدەي حالىقتىڭ دەر كەزىندە كەدەيلىكتەن ارىلۋىنا شىنايى كەپىلدىك ەتۋ، كەدەيلىكتەن ارىلتۋدان قامال الۋ مىندەتىن جوعارى ساپامەن جالپى بەتتىك ورىنداۋعا شىنايى كەپىلدىك ەتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ءمۇتالىپ قاسىم قاتارلىلار شايقاستى بىرگە قاداعالادى.
