اۆتونوميالى رايون كەدەيلىكتەن ارىلتۋدان قامال الۋ قىزمەتىنىڭ اۋماقتىق ءماجىلىسىن اشتى

ۇزدىكسىز كۇش شىعارىپ، قيىندىقتان قامال الىپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە جوعارى ساپامەن قول جەتكىزۋ كەرەك

　　شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ جىيۇن، ۋاڭ يۇيجاۋ 3 - ايدىڭ 21 - كۇنى ۇرىمجىدەن حابارلايدى. 3 - ايدىڭ 19 - كۇنىنەن 20 - كۇنىنە دەيىن، اۆتونوميالى رايون كەدەيلىكتەن ارىلتۋدان قامال الۋ قىزمەتىنىڭ اۋماقتىق ءماجىلىسىن اشتى. ءماجىلىس باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، 10 اۋىر كەدەي اۋداننىڭ كەدەيلىك قالپاعىن الىپ تاستاۋ، كەدەيلىك قالپاعى الىنعان 25 اۋداندى بەكەمدەۋ، جوعارىلاتۋ، كەدەيلەردى سۇيەمەلدەۋ مىندەتى بار 44 كەدەي ەمەس اۋداننىڭ (قالا، رايون) بەكەمدەۋ، جوعارىلاتۋ قىزمەتىن جەكە - جەكە اقىلداسىپ ورنالاستىردى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.

　　ءماجىلىس كەدەيلىك قالپاعى الىناتىن 10 اۋىر كەدەي اۋداننىڭ، كەدەيلىك قالپاعى الىنعان 25 اۋداننىڭ، كەدەيلەردى سۇيەمەلدەۋ مىندەتى بار 44 كەدەي ەمەس اۋداننىڭ (قالا، رايون)، سونداي - اق قاشقار ايماعىنىڭ، حوتان ايماعىنىڭ، قىزىلسۋ قىرعىز اۆتونوميالى وبلىسىنىڭ كەدەيلىكتەن ارىلتۋدان قامال الۋ قىزمەتى احۋالىن ءبىر - بىرلەپ بەينەجازبادا ورنالاستىرىپ تىڭدادى.

　　ءماجىلىس مىنالاردى اتاپ كورسەتتى: قازىر جەر - جەر ”قىسقى شايقاس“ ناتيجەسىن بەكەمدەپ، كەڭەيتىپ، بيىلعى كەدەيلىكتەن ارىلتۋدان قامال الۋ قىزمەتىن تىڭعىلىقتى ىلگەرىلەتۋدىڭ، پارمەندى باستاما كوتەرىپ، شەشۋشى شايقاستا شەشۋشى جەڭىسكە جەتۋ قىزمەتىنىڭ نەگىزىن ۇزدىكسىز بەكەمدەپ، شايقاسقا ارىنداي اتتانۋ سىندى قامال الۋ تەبىنىن بار كۇشپەن ۇدەتتى. جەر - جەر، تاراۋلار باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، ارقاۋدى ۇزدىكسىز مىقتاپ شيراتىپ، مىعىم قايراتقا كەلىپ، كىدىرمەي، سەلقوستىققا سالىنباي، بوساڭسىماي، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي جاقسى دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن جاقسى تياناقتاندىرىپ، كەدەيلىكتەن ارىلتۋدان قامال الۋ نىسانالارى مەن مىندەتتەرىن جوعارى ساپامەن ورىنداۋعا شىنايى كەپىلدىك ەتۋ كەرەك.

　　ءماجىلىس مىنالاردى باسا دارىپتەدى: كاسىپ سالاسىن دامىتۋدى كەدەيلىكتەن ورنىقتى ارىلتۋدىڭ باستى جولى جانە ءتۇبىرلى شاراسى ەتۋگە تاباندى بولىپ، نىسان قۇرىلىسىن مىقتى يگەرىپ، قارجى از جۇمسالاتىن، تەز ءونىم بەرەتىن كاسىپ سالالارىن دامىتۋ نىسانىن، جۇمىستاندىرۋ ارقىلى سۇيەمەلدەۋ نىسانىن اتقارۋدى جەدەل ىلگەرىلەتىپ، ونىمدىلىگىن قىستاقتارعا، وتباسىلارعا، ادامدارعا دەيىن تياناقتاندىرۋدى جۇزەگە اسىرۋ كەرەك. جۇمىستاندىرۋ ارقىلى كەدەيلەردى سۇيەمەلدەۋ تەبىنىن ۇزدىكسىز ارتتىرىپ، ەڭبەك قۋاتى بار كەدەيلەردى جۇمىستاندىرۋدى جەبەپ، ولاردى كەدەيلىكتەن ورنىقتى ارىلتۋعا شىنايى كەپىلدىك ەتۋ كەرەك.

　　ءماجىلىس مىنالاردى باسا دارىپتەدى: ”ەكىدەن تارىقتىرماۋ، ءۇشتى قامتاماسىز ەتۋ“ − كەدەيلىكتەن ارىلتۋدان قامال الۋدىڭ تومەنگى شەك مىندەتى، ماسەلەنى باعدار ەتۋدەن جازباي، قۇرىلىس ۋاقىتىن قاۋىرت ورنالاستىرىپ، ءتۇيىندى مىقتى يگەرىپ، ولقىلىقتاردى تولىقتاپ، ءالسىز تۇستاردى كۇشەيتىپ، قاعا بەرىس، قالتارىس قالدىرماۋ كەرەك. كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن ۇشتاستىرۋعا تاباندى بولىپ، كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋ كەرەك. كەدەيلىكتەن ارىلتۋدان قامال الۋدى جاپپاي تەكسەرۋگە دايىندالۋ قىزمەتىن جاقسى ىستەپ، ارناۋلى قىزمەت القاسىن نىعايتىپ، جاپپاي تەكسەرۋ كۇشتەرىن تولىقتىرىپ، كۇشەيتىپ، جاپپاي تەكسەرۋگە قاتىستى باۋلۋ قىزمەتىن ورىستەتۋ كەرەك.

　　ءماجىلىس مىنالاردى تالاپ ەتتى: جەر - جەر جاۋاپكەرشىلىكتى تياناقتاندىرۋدى كۇشەيتىپ، جاۋاپكەرشىلىكتى ءبىلۋدى، جاۋاپكەرشىلىكتى ايقىنداۋدى، جاۋاپكەرشىلىك ارقالاۋدى قاتاڭ ورىنداپ، ىسكەر كۇشتەردى كەدەيلىكتەن ارىلتۋدان قامال الۋعا شوعىرلاندىرىپ، ساپالى بايلىقتى كەدەيلىكتەن ارىلتۋدان قامال الۋعا توپتاپ، شەشۋشى شايقاستىڭ شەشۋشى جەڭىسىنە قول جەتكىزۋدىڭ پارمەندى بىرىككەن كۇشىن قالىپتاستىرۋ كەرەك. ستيل قۇرىلىسىن كۇشەيتىپ، قايىسپاس قايسارلىق كورسەتىپ، مىعىم قايراتقا كەلىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە كۇش سالا قول جەتكىزۋ كەرەك.