تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى «ورتالىقتىڭ 6 - شارلاۋ گرۋپپاسىنىڭ شينجياڭ ۇيعۇر اۆتونوميالى رايونىنىڭ كەدەيلىكتەن ارىلتۋدان قامال الۋىن ارناۋلى شارلاۋ بويىنشا ”قايتا قاداعالاۋى“ جونىندەگى اڭىس پىكىرىن» جەتكىزدى، رەتتەۋ - تۇزەتۋدى تياناقتاندىرۋ قىزمەتى جونىندە ورنالاستىرۋ جاسادى

ساياسي دەڭگەيدى جوعارىلاتىپ، رەتتەۋ - تۇزەتۋدى تياناقتاندىرۋدى مىقتاپ يگەرىپ، كەدەيلىكتەن ارىلتۋدان قامال الۋ مىندەتىنىڭ ۋاعىندا، جاپپاي ورىندالۋىنا شىنايى كەپىلدىك ەتۋ كەرەك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 21 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، «ورتالىقتىڭ 6 - شارلاۋ گرۋپپاسىنىڭ شينجياڭ ۇيعۇر اۆتونوميالى رايونىنىڭ كەدەيلىكتەن ارىلتۋدان قامال الۋىن ارناۋلى شارلاۋ بويىنشا ”قايتا قاداعالاۋى“ جونىندەگى اڭىس پىكىرىن» جەتكىزدى، رايونىمىزدىڭ رەتتەۋ - تۇزەتۋدى تياناقتاندىرۋ قىزمەتى جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋ بويىنشا ”قايتا قاداعالاۋى“ − باس شۋجي شي جينپيڭ ءوزى ورنالاستىرعان كەلەلى ساياسي مىندەت ءارى پارتيا 19 - قۇرىلتايىنان كەيىنگى ورتالىقتىڭ شارلاۋداعى تۇڭعىش ”قايتا قاداعالاۋى“. بۇكىل رايونداعى ءار دارەجەلى پارتيا ۇيىمدارى مەن پارتيالى باسشى كادرلار ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ دەڭگەيىندە تۇرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ دەڭگەيىندە تۇرىپ، جاپپاي دوڭگەلەك داۋلەتتى قوعام ورناتۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋ دەڭگەيىندە تۇرىپ، كەدەيلىكتەن ارىلتۋدان قامال الۋدىڭ ساياسي جاۋاپكەرشىلىگىن ويداعىداي اتقارۋ، باتىلدىقپەن جەڭىسكە جەتۋ سىندى ايبىندى ۋادەنى ويداعىداي ورىنداۋ دەڭگەيىندە تۇرىپ، ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋىنىڭ ”قايتا قاداعالاۋىندا“ اڭىس ەتىلگەن پىكىرلەر بويىنشا رەتتەۋ - تۇزەتۋ ورىستەتۋدى ماڭىزدى ساياسي مىندەت ەتۋگە تاباندى بولىپ، بارلىعىن قابىلداپ الىپ، ءتىزىم بويىنشا بارلىعىن تاپسىرىپ الىپ، ءتىزىم بويىنشا بارلىعىن تۇزەتىپ، رەتتەۋ - تۇزەتۋدىڭ تىڭعىلىقتى بولۋىنا، ناقتى ونىمدىلىك كورسەتۋىنە شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ۇزدىكسىز، ىشكەرىلەي ۇيرەنىپ، دايەكتىلەندىرىپ، جاۋاپكەرشىلىك سەزىمدى، كوكەي تەستىلىك سەزىمدى، بورىشتىلىق سەزىمدى ونان ارى كۇشەيتىپ، ”قايتا قاداعالاۋدا“ بايقالعان ماسەلەلەر مەن ونىمدىلىك باعالاۋىندا اتاپ كورسەتىلگەن ماسەلەلەردى رەتتەۋ - تۇزەتۋدى تياناقتاندىرۋدى وراي ەتىپ، كەدەيلىكتەن ارىلتۋدىڭ ساپاسىن شىن مانىندە جوعارىلاتۋدى، كەدەيلىكتەن ارىلتۋدىڭ تابىستارىن بەكەمدەۋدى ماڭىزدى ورىنعا قويىپ، نازاردى ”ەكىدەن تارىقتىرماۋ، ءۇشتى قامتاماسىز ەتۋگە“ شوعىرلاندىرىپ، قايراتتانا ۇمتىلىپ، جاعدايعا قاراي قيمىلداپ، كۇشتى شوعىرلاندىرىپ ولقىلىقتاردى تولىقتاپ، ءالسىز تۇستاردى كۇشەيتىپ، كەدەيلىكتەن ارىلتۋدان قامال الۋ مىندەتىنىڭ ۋاعىندا، جوعارى ساپالى ورىندالۋىنا شىنايى كەپىلدىك ەتۋ كەرەك.

  ءبىرىنشى، ساياسي دەڭگەيدى جوعارىلاتۋ كەرەك. رەتتەۋ - تۇزەتۋدى ”ەكىنى قورعاۋ“دى ورىنداۋدى امالياتتا ايگىلەۋدىڭ تىكە ولشەمى ەتۋگە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىرۋدىڭ ءىس جۇزىندىك ارەكەتى ەتۋگە، كەدەيلىكتەن ارىلتۋدان قامال الۋ ساياسي جاۋاپكەرشىلىگىن تياناقتاندىرۋدىڭ، كەدەيلىكتەن ارىلتۋدان قامال الۋ نىساناسى مەن مىندەتىن ۋاعىندا ورىنداۋعا شىنايى كەپىلدىك ەتۋدىڭ كەلەلى شاراسى ەتۋگە تاباندى بولىپ، شەشۋشى شايقاستىڭ شەشۋشى جەڭىسىنە جەتەتىن رۋحاني كۇيدى ايگىلەپ، ستراتەگيالىق تاباندىلىقتى ساقتاپ، جاۋاپكەرشىلىك ارقالاۋدى كۇشەيتىپ، بەرىك، باتىل تۇردە مىقتاپ، ناقتى، ويداعىداي يگەرىپ، كەدەيلىكتەن ارىلتۋدان قامال الۋدىڭ تارتىمدى، باياندى بولۋىنا شىنايى كەپىلدىك ەتۋ كەرەك.

  ەكىنشى، رەتتەۋ - تۇزەتۋدى تياناقتاندىرۋدى مىقتاپ يگەرۋ كەرەك. ىرىقتىلىقپەن ”قايتا قاداعالاۋدا“ اڭىس ەتىلگەن پىكىرلەرمەن ولشەم، ۇلگى، ەسەپ بويىنشا تۋرالانىپ، قاتاڭ، ناقتى ىستەپ، دالمە - ءدال كۇش ۇستەپ، رەتتەۋ - تۇزەتۋ ەسەپ تىزىمدىگىن ورناتىپ، رەتتەۋ - تۇزەتۋ نىساناسىن، ۋاقىت شەگىن، شارالارىن، تالاپتارىن، جاۋاپكەرشىلىگىن ايقىنداپ، نە ماسەلە بولسا سول ماسەلەنى رەتتەۋ - تۇزەتۋگە، نە ماسەلە كورنەكتى بولسا سول ماسەلەنى كۇش سالا رەتتەۋ - تۇزەتۋگە تاباندى بولىپ، بىرەۋى رەتتەپ - تۇزەتىلسە بىرەۋىن تىزىمىنەن ءوشىرىپ، بارلىق ماسەلەنىڭ تياناقتانۋىنا، بارلىق ىسكە جاۋاپ قايتارىلۋىنا شىنايى كەپىلدىك ەتۋ كەرەك.

  ءۇشىنشى، كۇندەلىكتى باقىلاۋدى كۇشەيتۋ كەرەك. پارتيانى جاپپاي قاتاڭ جونگە سالۋ تالاپتارىن كەدەيلىكتەن ارىلتۋدان قامال الۋدىڭ تۇتاس بارىسىمەن ساباقتاستىرۋعا تاباندى بولىپ، رەتتەۋ - تۇزەتۋدى تياناقتاندىرۋ جاعدايىن القانى جىلدىق جان - جاقتى باعالاۋدىڭ ماڭىزدى مازمۇنىنا كىرگىزىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىن ارناۋلى جونگە سالۋدى ۇزدىكسىز، ىشكەرىلەي ورىستەتىپ، پارتيا قۇرىلىسىن يگەرىپ، كەدەيلىكتەن ارىلتۋدى جەبەۋدى ىشكەرىلەي ىلگەرىلەتىپ، ءالسىز، بىتىراندى نەگىزگى ساتى پارتيا ۇيىمدارىن رەتكە سالۋدى ۇدايىلاندىرۋدى، ۇزاق ونىمدىلىككە يە ەتۋدى ىلگەرىلەتىپ، كەدەي وڭىرلەردەگى نەگىزگى ساتى پارتيا ۇيىمدارىنىڭ ساياسي يقۋاتى مەن جاۋىنگەر قامالدىق رولىن جاپپاي جوعارىلاتىپ، كەدەيلىكتەن ارىلتۋدان قامال الۋدىڭ جاپپاي جەڭىسىنە قول جەتكىزۋگە پارمەندى كەپىلدىك ازىرلەۋ كەرەك.

  ءتورتىنشى، تۇلعالىق جاۋاپكەرشىلىكتى تياناقتاندىرۋ كەرەك. اۆتونوميالى رايوندىق پارتكوم مەن ۇكىمەت ساياسي جاۋاپكەرشىلىك ارقالاپ، تۇلعالىق جاۋاپكەرشىلىكتى تياناقتاندىرۋ، ءار دارەجەلى پارتكومدار مەن ۇكىمەتتەردىڭ ءبىرىنشى باسشىلارى ءبىرىنشى جاۋاپتى ادام بولۋ جاۋاپكەرشىلىگىن اتقارىپ، وزىمەن بايلانىستىرۋعا، مىندەت جاۋاپكەرشىلىگىمەن بايلانىستىرۋعا، قىزمەتىمەن بايلانىستىرۋعا تاباندى بولىپ، رەتتەۋ - تۇزەتۋ ءتارتىبىن قاتايتۋ، رەتتەۋ - تۇزەتۋ جاۋاپكەرشىلىگىن نىعايتۋ كەرەك. ”قايتا قاداعالاۋدا“ اڭىس ەتىلگەن ماسەلەلەردى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە قاداعالانعان ماسەلەلەرمەن، كەدەيلىكتەن ارىلتۋدان قامال الۋ ونىمدىلىگىن باعالاۋدا اتاپ كورسەتىلگەن ماسەلەلەرمەن، شايقاستى باسى - قاسىندا قاداعالاۋدا بايقالعان ماسەلەلەرمەن ءبىر تۇتاس جوسپارلاپ، ماسەلەلەردى رەتتەۋ - تۇزەتۋدى كەدەيلىكتەن ارىلتۋدان قامال الۋدىڭ كۇندەلىكتى قىزمەتىمەن ۇشتاستىرىپ، بىرەۋى ارقىلى وزگەسىن تۇسپالداپ، ءبىر - بىرلەپ سالالاپ، رەتتەۋ - تۇزەتۋدى تۇگەلدەي تياناقتاندىرىپ، ماسەلەلەردى رەتتەۋ - تۇزەتۋ ارقىلى كەدەيلىكتەن ارىلتۋدان قامال الۋدىڭ ساپاسىن جوعارىلاتىپ، ونىمدىلىگىن ارتتىرۋدى جەبەۋ كەرەك.

  بەسىنشى، قىزمەت ستيلىنە بۇرىلىس جاساۋ كەرەك. كەدەيلىكتەن ارىلتۋدان قامال الۋ بارىسىنداعى فورماشىلدىقتى، تورەشىلدىكتى رەتتەۋ - جونگە سالۋ تەبىنىن ۇزدىكسىز ارتتىرىپ، كەدەيلىكتەن جالعان ارىلتۋدان، ساندى مالىمەتتىك كەدەيلىكتەن ارىلتۋدان قاتاڭ ساقتانىپ، نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، قالىڭ كادرلاردى جاۋاپكەرشىلىك ارقالاپ ىسكەرلىك كورسەتۋگە شابىتتاندىرىپ، اناعۇرلىم اسقاق جىگەرمەن، اناعۇرلىم بەرىك سەنىممەن، اناعۇرلىم تىڭعىلىقتى ستيلمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل تۇردە، ۋاعىندا قول جەتكىزۋ كەرەك.

  ءماجىلىس تەلەۆيزور - تەلەفون ءماجىلىسى فورماسىندا ءارقايسى ايماقتارعا (وبلىس، قالا)، اۋداندارعا (قالا، رايون) جانە بيڭتۋاننىڭ شى (قالا)، تۋاندارىنا (الاڭ) دەيىن اشىلدى. شوكىرات زاكىر، شاۋكەت ءيمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى جاۋاپتى جولداستار، شينجياڭ اسكەري رايونىنداعى، قارۋلى ساقشى شينجياڭ باس اترەتىندەگى قاتىستى جاۋاپتى جولداستار ماجىلىسكە قاتىناستى. اۆتونوميالى رايونعا (ورتالىق) توتە قاراستى ورىندارداعى جاۋاپتى جولداستار، ءارقايسى ايماقتارداعى (وبلىس، قالا)، اۋداندارداعى (قالا، رايون) جانە بيڭتۋاننىڭ شى (قالا)، تۋاندارىنداعى (الاڭ) جاۋاپتى جولداستار، ت.ب ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.