جاۋاپكەرشىلىكتى نىعايتىپ، قىسىم جەتكىزىپ، جىگەردى قاۋلاتىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزەيىك
شينجياڭ گازەتىنىڭ قاشقار تىلشىلەر پۋنكتىندەگى ءتىلشىسى پان يانيۇن 3 - ايدىڭ 20 - كۇنى قاعىلىقتان حابارلايدى. 3 - ايدىڭ 11 - كۇنىنەن 12 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسارى سۇن جينلۇڭ قاعىلىق اۋدانىنا بارىپ، سول جەردە كەدەيلىكتەن ارىلتۋدان قامال الۋ شايقاسىنا اشىق - اشكەرە قاداعالاۋ ورىستەتتى. ول مىنانى باسا دارىپتەدى: ساياسي دەڭگەيدى جوعارىلاتىپ، قىزمەتتى مىقتى يگەرىپ، ناقتى يگەرىپ، جاۋاپكەرشىلىكتى نىعايتىپ، قىسىم جەتكىزىپ، جىگەردى قاۋلاتىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋ كەرەك.
سۇن جينلۇڭ قاعىلىق اۋدانىنىڭ ازىق - تۇلىك ءوندىرىسى، مال، ءۇي قۇستارى ونىمدەرىن مانەرلەۋ، جاڭعاق ساۋداسى، قۇرىلعىلى اۋىل شارۋاشىلىعى ءوندىرىسى سياقتى ورىندارعا بارىپ، كاسىپورىنداردىڭ جۇمىستى، ءوندىرىستى قالپىنا كەلتىرۋ جاعدايىنا تەكسەرۋ - زەرتتەۋ جۇرگىزىپ، اتىز باسىنا، قالامشا ءوسىرۋ بازاسىنا، باعىمشىلىق شاعىن اۋماعىنا جانە ساۋدا بازارىنا دەيىن ىشكەرىلەي ارالاپ، كوكتەمگى ەگىس جانە ەگىس دايىندىعىن، اۋىل شارۋاشىلىعى ءوندىرىسىن اماناتتاپ باسقارتۋ، مال قۇس باعىمشىلىعى ارقىلى كىرىستى ارتتىرۋ جانە اۋىل شارۋاشىلىعى قوسىمشا ونىمدەرى اينالىمى سياقتى جاعدايلارىن ۇعىستى ءارى جۇڭتاي شاعىن اۋماعىنا، اقتاش كەدەيلەردى سۇيەمەلدەۋ بويىنشا شوعىرلى قونىستاندىرۋ رايونى، ۇششارباس قالاشىعى جارباسى قىستاعى سياقتى ورىندارداعى كەدەيلىكتەن ارىلماعان وتباسىلارىن ارالاپ، پارتيانىڭ حالىققا تيىمدىلىك جاساۋ ساياساتتارىنىڭ تياناقتاندىرىلۋ جاعدايى مەن كەدەي ەڭبەككۇشتەردىڭ جۇمىستانۋ جاعدايىن ۇعىسىپ، قىستاق تۇرعىندارىنىڭ كەدەيلىكتەن ارىلۋ كىرىس ەسەبىن جاساۋىنا كومەكتەسىپ، قىستاق تۇرعىندارىن كوپ نەگىزدى وندىرىسپەن شۇعىلدانۋعا شابىتتاندىرىپ، كوپ ارنا ارقىلى جۇمىستانۋدى ىسكە اسىرىپ، كەدەيلىكتەن ارىلۋ نەگىزىن ونان ارى بەكەمدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا جوعارى ساپامەن قول جەتكىزۋگە شابىتتاندىردى.
ۇششارباس قالاشىعىنىڭ جارباسى قىستاعىندا سۇن جينلۇڭ قىستاقتىڭ ”ەكى كوميتەت“ القاسىنداعىلارمەن، قىستاقتا تۇراتىن قىزمەت اترەتىندەگىلەرمەن اڭگىمە ءماجىلىس وتكىزىپ، وسى قىستاقتىڭ دامۋ جاعدايىن ەگجەي - تەگجەيلى ۇعىسىپ، كەدەي وتباسىلارىنا ىشكەرىلەي بارىپ، وتباسىلارىنىڭ كىرىس ينفورماتسياسىن مۇقيات تەكسەرىپ، جۇمىستانۋ جاعدايىن ەگجەي - تەگجەيلى سۇراستىردى. جارباسى قىستاعىنىڭ كاسىپ سالاسى قۇرىلىمىن بەلسەنە رەتتەپ، ءۇستىرت ورىگى، بايساي، كارتوپ سياقتى كاسىپ سالالارىنا سۇيەنىپ شارۋالاردىڭ كىرىستەرىن ارتتىرعانىن ۇعىسقاندا، سۇن جينلۇڭ قىستاق كادرلارىن قىستاق تۇرعىندارىن كەدەيلىكتەن ارىلتىپ، كىرىستەرىن ارتتىرۋىنا ءتيىمدى كاسىپ سالالارىن كۇش سالا ناقتى ەگجەي - تەگجەيلى يگەرىپ، ونى ماركالى كاسىپ سالاسىنا اينالدىرۋعا جىگەرلەندىردى.
سۇن جينلۇڭ مىنالاردى باسا دارىپتەدى: كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ ساتىسىندا استە بويكۇيەزدىككە سالىنباي، ۋاقىتتى ۇتىپ، جۇمىسقا قاجىرلىلىقپەن كىرىسىپ، قۇلشىنا ىستەپ، تۇرگە ءبولىپ شارا قولدانۋدى كۇشەيتىپ، قىستاققا، وتباسىنا، ادامعا دەيىن تياناقتاندىرىپ، ءتۇرلى قىزمەتتەردى ءتىپتى دە دالمە - ءدال، ءتىپتى دە ءونىمدى ىستەۋ كەرەك. كەدەيلىكتەن ءالى ارىلماعان حالىقتان جانە كەدەيلىكتەن ارىلۋى ورنىقسىز حالىقتان، ارحيۆ تۇرعىزىلىپ، كارتچكالاندىرىلعان كەدەي وتباسىلارىنان تىس، كەدەيلەسۋدىڭ الدىنداعى ادامداردى ديناميكالى سارالاۋدى كۇشەيتىپ، قىستاق ”ەكى كوميتەتىنىڭ“، ءبىرىنشى شۋجيدىڭ جاۋاپكەرشىلىگىن قاتايتىپ، ناقتىلاپ، وتباسىلارىنا، ادامدارعا دەيىن ارالاپ ءجۇرىپ بۇقارانىڭ قيىنشىلىعىن جانە ماسەلەلەرىن شەشۋ كەرەك. امالدىڭ بارىنشا ءتۇرلى ادىستەردى قولدانىپ، ىندەتتەن ساقتانۋ - تىزگىندەۋ، كوكتەمگى ەگىس ءوندىرىسى، بۇقارانىڭ ۇيىمدى تۇردە سىرتقا شىعىپ جۇمىستانۋى، قىستاق ورتاسىن رەتتەۋ - وڭاۋ سىندى ءتۇيىندى قىزمەتتەردى ويداعىداي ۇيىمداستىرىپ يگەرۋ كەرەك. جەتەكشى كاسىپورىنداردى، اۋىل شارۋاشىلىعى ونىمدەرى ماركاسىن جانە نەگىزگى ونىمدەردى كۇش سالا جەتىلدىرىپ، ”جەتەكشى كاسىپورىن + سەلبەستىك كووپەراتيۆى + شارۋا وتباسى“ ءونىمدى ۇيىمدىق ۇلگىسىن كۇش سالا جالپىلاستىرىپ، ءوندىرۋ مەن ساتۋدى ءتۇيىلىستىرۋدى كۇشەيتىپ، مۇددە بايلانىسىن ساپالىلاندىرىپ، بۇقارانىڭ ورنىقتى كىرىسكە يە بولۋىنا شىنايى كەپىلدىك ەتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ يۇڭميڭ شايقاستى بىرگە قاداعالادى.
