تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

رايونىمىز كەدەيلەردى سۇيەمەلدەۋ مىندەتى بار كەدەي ەمەس 44 اۋدانعا (قالا، رايون) كەدەيلىكتەن ارىلتۋدان قامال الۋ ۇسىنىلىمىن ارتتىرادى

2222 كەدەيلەردى سۇيەمەلدەۋ نىسانىنا 5 ميلليارد 870 ميلليون يۋان قارجى قوسۋدى جوسپارلادى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ۋاڭ يۇيجاۋ، جاۋ جىيۇن 3 - ايدىڭ 20 - كۇنى ۇرىمجىدەن حابارلايدى. بيىل رايونىمىز كەدەيلەردى سۇيەمەلدەۋ مىندەتى بار كەدەي ەمەس 44 اۋدانعا (قالا، رايون) كەدەيلىكتەن ارىلتۋدان قامال الۋ ۇسىنىلىمىن ارتتىرادى.

  رايونىمىز بيىل بۇكىل رايوننىڭ كەدەيلەردى سۇيەمەلدەۋ قارجىسىنان ءبىر ءبولىمىن بوساتىپ، كەدەيلەردى سۇيەمەلدەۋ مىندەتى بار كەدەي ەمەس اۋدانداردىڭ كەدەيلەردى سۇيەمەلدەۋ نىسانى قۇرىلىسىن ارنايى قولدايدى. وسىدان ىلگەرى اۆتونوميالى رايوندىق دامۋ، رەفورما كوميتەتى، قازىنا، كەدەيلەردى سۇيەمەلدەۋ سياقتى تاراۋلار بيىل كەدەيلەردى سۇيەمەلدەۋ مىندەتى بار كەدەي ەمەس 44 اۋداندا جوسپارلى اتقاراتىن 5 ميلليارد 870 ميلليون يۋان قارجى قوسىلاتىن 2222 كەدەيلەردى سۇيەمەلدەۋ نىسانىنا تەكسەرۋ جۇرگىزدى. قازىر 2 ميلليارد 700 ميلليون يۋان قارجى تياناقتاندىرىلدى، قالعان بولىگى جەرگىلىكتى زايوم قارجىسىمەن، قازىنانىڭ كەدەيلەردى سۇيەمەلدەۋ ارناۋلى قارجىسى ارناسىمەن ءبىر تۇتاس شەشىلەدى.

  ۇعىسۋعا قاراعاندا، بيىل كەدەيلەردى سۇيەمەلدەۋ مىندەتى بار كەدەي ەمەس اۋدانداردىڭ كەدەيلىكتەن ارىلتۋدان قامال الۋىنىڭ باستى مىندەتتەرى − اناعۇرلىم دالمە - ءدال، اناعۇرلىم ءونىمدى شارالار ارقىلى ءتۇيىندى يگەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، كەدەيلىكتەن ارىلتۋ تابىستارىن بەكەمدەۋ، جوعارىلاتۋ بولىپ تابىلادى. كەدەي حالىقتىڭ كىرىس دەڭگەيىن جوعارىلاتۋدى ارقاۋ ەتىپ، نىسان قۇرىلىسىن شىعار ءتۇيىن ەتىپ، قارجى از جۇمسالاتىن، قىسقا مەرزىمدە تەز ءونىم بەرەتىن كاسىپ سالالارىن دامىتۋ نىساندارىن، جۇمىستاندىرۋ ارقىلى سۇيەمەلدەۋ نىساندارىن اتقارۋدى جەدەل ىلگەرىلەتىپ، ەرتە جۇمىس باستاۋدى، ەرتە سالىپ بولۋدى، ەرتە ءونىمىن كورۋدى ورىنداپ، اناعۇرلىم كوپ جۇمىس ورنىن ازىرلەپ، ەڭبەك قۋاتى بار كەدەي حالىقتىڭ تولىق جۇمىستانۋىن، بارلىق ادامدا جۇمىس بولۋىن، كۇن سايىن كىرىس بولۋىن جۇزەگە اسىرىپ، كىرىستى ۇزدىكسىز ارتتىرىپ، كەدەيلىكتەن ورنىقتى ارىلۋدى جۇزەگە اسىرۋعا شىنايى كەپىلدىك ەتۋ كەرەك. سونىمەن بىرگە، قارجىنى نىسانمەن سايكەستىرۋگە، نىساندى جوبا - جوسپارمەن سايكەستىرۋگە، جوبا - جوسپاردى كەدەيلىكتەن ارىلتۋ قاجەتىمەن سايكەستىرۋگە تاباندى بولىپ، نىسانداردى عىلمي جوسپارلاپ - سارالاپ، نىسانداردىڭ اياق الىسىن جەدەل ىلگەرىلەتىپ، مەردىگەر شاقىرۋ، مەردىگەرلىككە قاتىناسۋ، جەر، قورشاعان ورتانى قورعاۋ سياقتى الدىڭعى كەزەڭدىك قىزمەتتەردى بەلسەنە ىلگەرىلەتىپ، 3 - ايدا جاپپاي جۇمىس باستاپ، العاشقى جارتى جىلدا تامامداۋعا شىنايى كەپىلدىك ەتۋ كەرەك. نىسان كەدەيلىكتەن ارىلۋعا جەتەكتەۋ، كەدەيلىكتەن ارىلۋعا پايدالى بولۋ مەحانيزمىن تياناقتاندىرىپ، ناتيجە نىساناسىن دالمە - ءدال جوبالاپ، نىسان ونىمدىلىگىن بارىنشا ساۋلەلەندىرۋگە شىنايى كەپىلدىك ەتىپ، كەدەي بۇقاراعا تيىمدىلىك جەتكىزۋ كەرەك.

  ولقىلىقتاردى تولىقتاپ، نەگىزدىك قۇرىلىستى كۇشەيتۋ جاقتارىندا بيىل جەر - جەر ”ءۇشتى قامتاماسىز ەتۋ“ تالابىمەن مۇقيات سالىستىرىپ، اسىرەسە، العاشقى كەزدە ولشەم جوعارى بولماۋ ماسەلەسىنە، شالا قالعاندارىن تەكسەرىپ، كەم جەرلەرىن تولىقتاپ، بەكەمدەپ، جوعارىلاتىپ، نە كەم بولسا سونى تولىقتاۋعا تاباندى بولىپ، كەدەي قىستاقتاردىڭ سۋ، توك، جول، حابارلاسۋ سياقتى نەگىزدىك قۇرىلعىلارىنىڭ ءالسىز بولۋ، اۋىل - قىستاقتاردىڭ قاتەرلى ۇيلەرىن جاڭالاۋ ساپاسى جوعارى بولماۋ، اۋىل - قىستاقتاردىڭ حاۋىپسىز اۋىز سۋى ورنىقتى بولماۋ، قونىستانۋ ورتاسى سالىستىرمالى تۇردە ناشار بولۋ جانە قارتايعان، ءالسىز، اۋرۋ، مۇگەدەك، جەتىم - جەسىر سياقتى ەرەكشە كەدەي قاۋىمنىڭ تۇرمىسىنىڭ قامتاماسىز ەتىلۋى ويداعىداي بولماۋ سياقتى السىزدىك ماسەلەلەرىن ءجىتى قاداعالاپ، قاتاڭ شارالار قولدانىپ شەشىپ، كەدەيلىكتەن ارىلتۋدان قامال الۋدىڭ ساپاسى مەن ناتيجەسىن شىن مانىندە جوعارىلاتۋ كەرەك.

  ءالسىز بۋىنداردى كۇشەيتۋ، كەدەيلىكتەن ارىلتۋ تابىستارىن ورنىقتىرۋ جاقتارىندا رايونىمىز مىنالاردى ايقىندادى: جەر - جەر كەدەيلىكتەن ورنىقتى ارىلتۋدىڭ باياندى مەحانيزمىن اقاۋسىزداندىرىپ، كەمەلدەندىرىپ، كەدەيلەردى سۇيەمەلدەۋ كاسىپ سالاسىنىڭ نەگىزدىك قۇرىلعىلار قۇرىلىسىن ۇزدىكسىز كۇشەيتىپ، عىلىم - تەحنيكالىق قىزمەت وتەۋ، دارىندىلاردى باۋلۋ، تاربيەلەۋ - باۋلۋ، ت .ب قولداۋ تەبىنىن ارتتىرىپ، كەدەيلەردى سۇيەمەلدەۋ ونىمدەرىن ءوندىرۋ مەن ساتۋدى ۇشتاستىرۋدى كۇشەيتىپ، كەدەيلەردى سۇيەمەلدەۋ كاسىپ سالاسىن قولداۋ ساياساتتارىن وزگەرتپەي، كەدەيلىكتەن ارىلتۋدان قامال الۋ اياقتاعان كۇنىندە دە، كەدەيلەردى سۇيەمەلدەۋ كاسىپ سالاسىن دامىتۋ ساياساتىن ۇزدىكسىز اتقارۋ، قولداۋ تەبىنىن السىرەتپەي كۇشەيتە ءتۇسۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.