پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىماستان ناقتى، ەگجەي - تەگجەيلى، تياناقتى يگەرىپ، ەكونوميكانىڭ، قوعامنىڭ قالىپتى ارنادا اناعۇرلىم جوعارى دەڭگەيدە اينالىم جاساۋىن ۇزدىكسىز ىلگەرىلەتۋ كەرەك
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 20 - كۇنى ۇرىمجىدەن حابارلايدى. 3 - ايدىڭ 20 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، بۇكىل رايوننىڭ ىندەتتەن ساقتانۋ - تىزگىندەۋ، ەكونوميكالىق، قوعامدىق دامۋ، كەدەيلىكتەن ارىلتۋدان قامال الۋ سياقتى قىزمەتتەرىن ءبىر تۇتاس جوسپارلاپ ويداعىداي يگەرۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: بۇكىل رايونداعى ءار دارەجەلى، ءارقايسى تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىماستان ناقتى، ەگجەي - تەگجەيلى، تياناقتى يگەرىپ، قىزمەتتىڭ كۇش سالۋ ءتۇيىنى مەن توتەپ بەرۋ شارالارىن ۋاقىتقا، جاعدايعا قاراي رەتتەپ، تۇتاس جىلداعى ەكونوميكالىق، قوعامدىق دامۋ نىسانالارى مەن مىندەتتەرىن جاپپاي ورىنداۋدان اۋىتقىماۋعا، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋدەن، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەن اۋىتقىماۋعا، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋدان اۋىتقىماۋعا تاباندى بولۋ كەرەك.
ءماجىلىس مىنالاردى باسا دارىپتەدى: بۇكىل ەلدىڭ ىندەتتەن ساقتانۋ - تىزگىندەۋ جاعدايىنىڭ ۇزدىكسىز جاقسارۋى، ءوندىرىس، ءتۇرمىس ءتارتىبىنىڭ جەدەل قالپىنا كەلۋ اۋقىمىنىڭ ۇزدىكسىز بەكەمدەلۋى جانە كەڭەيۋى سىندى ءتيىمدى ورايدى مىقتى يگەرىپ، بۇكىل رايوننىڭ ءوندىرىس، تۇرمىس ءتارتىبىنىڭ جاپپاي قالپىنا كەلۋ ابزالدىلىعىنان جاقسى پايدالانىپ، جاۋاپكەرشىلىك سەزىمدى، كوكەي تەستىلىك سەزىمدى، بورىشتىلىق سەزىمدى اناعۇرلىم كۇشەيتىپ، سىرتتان كىرۋدەن ساقتانۋ شارالارىن دالمە - ءدال تياناقتاندىرۋمەن، ىندەتتەن ساقتانۋ - تىزگىندەۋدىڭ ۇزدىكسىز جاقسارۋ جاعدايىن ۇزدىكسىز بەكەمدەۋمەن قاتار، ىرىقتىلىقپەن ءىس تىندىرىپ، ۋاقىتتى ۇتىپ، ەكونوميكانىڭ، قوعامنىڭ قالىپتى ارنامەن اناعۇرلىم جوعارى دەڭگەيدە اينالىم جاساۋىن ۇزدىكسىز ىلگەرىلەتۋ كەرەك. جاڭا دامۋ ۇستانىمىن جاپپاي دايەكتىلەندىرۋ كەرەك. ەكونوميكالىق، قوعامدىق دامۋ مىندەتتەرى نەعۇرلىم اۋىر بولعان سايىن، جاڭا دامۋ ۇستانىمىن سولعۇرلىم مىقتاپ ورناتۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتىپ، دالمە - ءدال كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، كەدەيلىكتەن ارىلتۋدان قامال الۋ مىندەتىنىڭ ۋاعىندا جاپپاي ورىندالۋىنا شىنايى كەپىلدىك ەتىپ، لاستانۋدان ساقتانۋ - جونگە سالۋدان قامال الۋ شايقاسىن ويداعىداي جۇرگىزىپ، ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتىپ، ەلەۋلى حاۋىپ - قاتەرلەردەن ساقتانۋ جانە ونى جويۋدان قامال الۋ شايقاسىن ويداعىداي جۇرگىزىپ، جۇيەلىك فينانستىق حاۋىپ - قاتەرلەردەن ساقتانۋدىڭ تومەنگى شەگىن باتىل ساقتاپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. جۇمىستى، ءوندىرىستى قالپىنا كەلتىرۋدە ونىمدىلىكتى جاپپاي ارتتىرۋ كەرەك. كاسىپورىندارعا تيىمدىلىك جاساۋ ساياساتىن جاپپاي تياناقتاندىرىپ، تيجارات - ساۋدا ورتاسىن ساپالىلاندىرىپ، جەلىدە، جەلىدەن تىسقارى ۇشتاسىپ، قىزمەت وتەۋدى ناقتى، ەگجەي - تەگجەيلى ىستەپ، ءىس جۇزىندىك قيىنشىلىقتاردى شەشىپ، ”بوگەلىستەردى“ اشىپ، ”ۇزىلىستەردى“ جالعاپ، تاپسىرىستارعا كەپىلدىك ەتىپ، تىزبەكتى ورنىقتىرىپ، بازاردى كەڭەيتىپ، كاسىپورىنداردىڭ تەزىرەك ءوندىرىس قۋاتىنا جەتۋىن، تولىق وندىرىسكە ءتۇسۋىن ىلگەرىلەتۋ كەرەك. ءتۇيىندى ستراتەگيالاردى جاپپاي اتقارۋ كەرەك. جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، ”ءبىر بەلدەۋ، ءبىر جولمەن“ بەلسەنە توعىسىپ، جوعارى دەڭگەيدە ەسىك اشۋدى كەڭەيتىپ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ قىزمەتىن قۇلشىنا جاقسى ىستەۋ كەرەك؛ اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن جەدەلدەتىپ، كوكتەمگى اۋىل شارۋاشىلىعى ءوندىرىسىن، مالدىڭ كوكتەۋگە كوشۋىن كۇش سالا ويداعىداي يگەرىپ، اۋىل - قىستاقتىڭ گۇلدەنۋىن تىڭعىلىقتى ىلگەرىلەتۋ كەرەك؛ ساياحات ارقىلى شينجياڭدى گۇلدەندىرۋ ستراتەگياسىن كۇش سالا اتقارىپ، ساتۋ ءتاسىلىن جاڭالاپ، ۇگىتتەۋدى، جالپىلاستىرۋدى كۇشەيتىپ، قىزمەت وتەۋدى ويداعىداي ۇشتاستىرىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك. نىسان قۇرىلىسىنا جاپپاي كۇش سالۋ كەرەك. نازاردى الەۋمەتتىك دەنساۋلىق ساقتاۋعا، شۇعىل جاعدايعا توتەپ بەرۋ زاتتىق ماتەريالدارىمەن قامتاماسىز ەتۋ، حابارلاسۋ، قاتىناس سياقتى سالالارعا شوعىرلاندىرىپ، ءونىمدى قارجى قوسۋدى كوپ ارنالارمەن جەتەكتەپ جانە ونى كەڭەيتىپ، نىسان دايىندىعى مەن الدىڭعى مەرزىمدىك جۇمىستارىن تىڭعىلىقتى جاقسى ىستەپ، سالىنىپ جاتقان نىسانداردىڭ قۇرىلىس قارقىنىن جەدەلدەتىپ، تىڭنان سالىناتىن نىسانداردىڭ ەرتەرەك جۇمىس باستاۋىن ىلگەرىلەتىپ، دامۋ تەبىنىن ۇزدىكسىز ارتتىرۋ كەرەك. قىزمەت وتەۋ كاسىبىن جاپپاي گۇلدەندىرۋ كەرەك. ۇتىمدى تۇتىنۋ قاجەتىن كەڭەيتىپ، 3 - كاسىپ سالاسىنىڭ دامۋىن جەدەلدەتىپ، قالپىنا كەلتىرۋ سيپاتتى، تولەم سيپاتتى تۇتىنۋدى ىلگەرىلەتىپ، تۇتىنۋدىڭ كومەسكى كۇشىن ۇزدىكسىز جارىققا شىعارۋ كەرەك؛ تۇتىنۋدىڭ جاڭا كۇيىن، جاڭا ورلەۋ ءتۇيىنىن، جاڭا ءتاسىلىن ۇزدىكسىز جەتىلدىرىپ، جەلىدە، جەلىدەن تىسقارى توعىسپالى تۇتىنۋدى دامىتىپ، جاڭا ارتۋ ءتۇيىنى مەن جاڭا وندىرگىش كۇشتى قالىپتاستىرۋ كەرەك. قوعامدىق كەلەلى جاعدايدى جاپپاي ورنىقتىرۋ كەرەك. ساقتىق دابىلىن ۇدايى قاعىپ، ۇنەمى قىراعى بولىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي قولدانىپ، ورنىقتىلىقتى قورعاۋ قىزمەتتەرىن تيتتەي دە بوساڭسىماستان ويداعىداي يگەرىپ، ءوندىرىس حاۋىپسىزدىگى قىزمەتىن جاپپاي كۇشەيتىپ، قوعامدىق كەلەلى جاعدايدىڭ باياندى جاراسىمدىلىعىن، ورنىقتىلىعىن ساقتاۋ كەرەك.
ءماجىلىس اۆتونوميالى رايون باسشىلارىنىڭ بۇكىل رايونداعى كەدەيلىك قالپاعى الىنباعان 10 كەدەي اۋداندا كەدەيلىكتەن ارىلتۋدان قامال الۋ شايقاسىن اشىق - اشكەرە قاداعالاۋ جاعدايى جونىندەگى مالىمەتىن تىڭدادى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ مىقتاپ بايلانىستىرىپ، نازاردى وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەر مەن ەرەكشە كەدەي قاۋىمعا شوعىرلاندىرىپ، قايراتتانا شايقاسقا اتتانىپ، قامال الىپ قيىنشىلىقتاردى جەڭىپ، اۋىر كەدەيلىكتى جويۋ شايقاسىنىڭ جەڭىسىنە باتىل قول جەتكىزىپ، كەدەيلىكتەن ارىلتۋدان قامال الۋ مىندەتتەرىنىڭ ۋاعىندا جوعارى ساپامەن ورىندالۋىنا شىنايى كەپىلدىك ەتۋ كەرەك. شايقاستى قاداعالاۋدا ”قاداعالاۋ“ مەن ”شايقاستى“ ۇشتاستىرىپ، ءبىر قىستاققا ءبىر جوبا جاساۋعا، ءبىر وتباسىنا ءبىر شارا قولدانۋعا، قارقىندى قاداعالاۋعا، تياناقتاندىرۋدى قاداعالاۋعا، رەتتەۋ - تۇزەتۋدى قاداعالاۋعا، بەكەمدەۋدى قاداعالاۋعا، ساپانى قاداعالاۋعا تاباندى بولۋ، شايقاستى قاداعالاۋ، كوتەرمەگە الىپ بايلانىس ورناتۋ، كومەكتەسۋ - سۇيەمەلدەۋ ”ۇشەۋىنىڭ ءبىر تۇلعالانۋىنا“ تاباندى بولىپ، جاۋاپكەرشىلىكتىڭ تياناقتانۋىنا، ساياساتتىڭ تياناقتانۋىنا، قىزمەتتىڭ تياناقتانۋىنا شىنايى كەپىلدىك ەتۋ كەرەك. شارالاردى كۇشەيتىپ، بار كۇشپەن قامال الىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“، ”ءۇش تەبىندى كۇشەيتۋدى“ تىڭعىلىقتى ىلگەرىلەتىپ، قايتا كەدەيلەسۋدەن ساقتانۋدى باقىلاۋ - ساراپتاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، ساياساتتىڭ ورنىقتىلىعىن، ۇلاسپالىلىعىن ساقتاپ، كەدەيلىكتەن ارىلتۋ تابىستارىن كۇش سالا بەكەمدەپ، ەڭ سوڭعى ماشاقاتتى تۇيىندەردى باتىل شەشۋ كەرەك. رەتتەۋ - تۇزەتۋدى قاتاڭ، شىنايى ويداعىداي يگەرىپ، شايقاستى اشىق - اشكەرە قاداعالاۋدا بايقالعان ماسەلەلەر جونىندە رەتتەۋ - تۇزەتۋ اشىق ەسەبىن ورناتىپ، رەتتەۋ - تۇزەتۋ نىساناسىن، ۋاقىت شەگىن، شاراسىن، تالابىن، جاۋاپكەرشىلىگىن ايقىنداپ، سوڭىنا دەيىن يگەرۋگە، تۇبەگەيلى رەتتەۋ - تۇزەتۋگە شىنايى كەپىلدىك ەتىپ، ماسەلەلەردى رەتتەۋ - تۇزەتۋ ارقىلى كەدەيلىكتەن ارىلتۋدان قامال الۋدىڭ ساپاسىنىڭ ءوسىپ، ونىمدىلىگىنىڭ ارتۋىن ىلگەرىلەتۋ كەرەك. ولقىلىقتاردى تولىقتاپ ساپانى جوعارىلاتىپ، قيىنشىلىعى ەڭ اۋىر قاۋىمدى، ەڭ كورنەكتى ماسەلەنى، ەڭ ءالسىز بۋىندى ءجىتى كوزدەپ، ماسەلەنى باعدار ەتۋدى كورنەكتىلەندىرىپ، كۇشتى شوعىرلاندىرا قامال الىپ، شالاعايلىقتاردى جاپپاي تەكسەرىپ، ولقىلىقتاردى تولىقتاپ، ءالسىز تۇستاردى كۇشەيتىپ، اقتاڭداق قالدىرماۋ، قالتارىس قالدىرماۋ كەرەك. باسشىلىقتى كۇشەيتىپ، جاۋاپكەرشىلىكتى نىعايتىپ، 5 دارەجەلى شۋجيلەردىڭ بىرگە يگەرۋىنە تاباندى بولىپ، پارتيا، ۇكىمەتتىڭ ءبىرىنشى باسشىلارىنىڭ جاۋاپكەرشىلىگىن نىعايتىپ، فورماشىلدىقتان، تورەشىلدىكتەن باتىل ساقتانىپ، قىزمەتتە بوساڭسۋدان، سالعىرتسۋدان، زەيىن - زەردەنى بىتىراتۋدان باتىل ساقتانىپ، بار كۇشپەن اتتانىپ، زەيىن - زەردەنى، كۇش - قۋاتتى شوعىرلاندىرىپ، ەڭ سوڭعى جەڭىسكە جەتۋگە شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ماجىلىسكە قاتىناستى.
