بيڭتۋان گازەتىنىڭ ءتىلشىسى (ءتىلشى چىن چيۇڭ حابارلايدى) جۇمىستى، ءوندىرىستى قالپىنا كەلتىرۋ قىزمەتىنىڭ ءساتتى ورىستەتىلۋىنە كەپىلدىك ەتۋ ءۇشىن، تاياۋدا، شىحىزى حۋايۋان اۋەجايى مەن تۇمسىق تاڭۋاڭچىڭ اۋەجايى شينجياڭنىڭ ءىشى ـ سىرتىنداعى كوپتەگەن اۋە لەنيالارىن قالپىنا كەلتىرۋدى تەزدەتىپ، جولاۋشىلاردىڭ ساپارعا ءساتتى شىعۋىنا بار كۇشپەن كەپىلدىك ەتىپ، جۇمىستى، ءوندىرىستى قالپىنا كەلتىرۋگە قولايلى ”اۋە جولىن“ اشتى.
3 ـ ايدىڭ 14 ـ كۇنىنەن باستاپ، شىحىزى حۋايۋان اۋەجايى كورلا، اقسۋ، بۇراتالا، قۇمىل، بەيجيڭ سياقتى جەرلەرگە ۇشاتىن اۋە جولىن ىركەس ـ تىركەس قالپىنا كەلتىردى، تاياۋدا گۋاڭجوۋ، شي ـ ان، شاڭحاي سياقتى جەرلەرگە ۇشاتىن اۋە جولىن قالپىنا كەلتىرەدى. قازىر، شىحىزى حۋايۋان اۋەجايىنىڭ ءتۇرلى قىزمەتتەرى قالپىنا كەلدى، اتالعان اۋەجاي رايونعا، دارەجەگە ءبولىپ دالمە ـ ءدال ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتەن ساقتانۋ زاتتىق ماتەريالدارىن بەلسەنە دايىنداپ، زارارسىزداندىرۋ، جەل وتكىزىپ، اۋا الماستىرۋ، دەنە تەمپەراتۋراسىن ولشەۋ سياقتى ساقتانۋ ـ تىزگىندەۋ شارالارىن ويداعىداي تياناقتاندىرىپ، جولاۋشىلاردىڭ اۋەجايعا كىرىپ ـ شىعۋىن قامتاماسىز ەتۋ ءتارتىبىن ساپالىلاندىرىپ، جولاۋشىلاردىڭ حاۋىپسىز ساپارىنا كەپىلدىك ەتتى.
3 - ايدىڭ 17 - كۇنىنە دەيىن، تۇمسىق تاڭۋاڭچىڭ اۋەجايىنىڭ كەزەكشى ۇشاعى جالپى بەتتىك قالپىنا كەلدى. تاسىمال بارىسىنداعى ىندەتتىڭ تارالۋ قاتەرىن تومەندەتۋ ءۇشىن، تۇمسىق تاڭۋاڭچىڭ اۋەجايى زارارسىزداندىرۋ، دەنە تەمپەراتۋراسىن ولشەۋ سياقتى ساقتانۋ شارالارىن قاتاڭ تياناقتاندىرىپ، سونىمەن بىرگە تىرەكتى كۇشتەردى ۇشاققا شىعۋ اۋزىنداعى قىزمەتكە كومەكتەسۋگە جىبەردى.
