تيانشان تورى   ›   جاڭالىقتار   ›   ءۇرىمجى

ٴۇرىمجى قالاسى 22 تارماقتى ٴتيىمدى شارانى جاريالادى

  اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىسقا ورنالاستىرۋ كولەمىن كەڭەيتۋ!

  ىندەت تۋىلعاننان بەرى، ٴۇرىمجى قالاسى اۆتونوميالى رايوننىڭ قاتىستى تالاپتارىنا ساي، «اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىسقا ورنالاستىرۋ كولەمىن كەڭەيتۋ قىزمەتىن شىنايى جاقسى ىستەۋ جونىندەگى پىكىردى» ورتاعا قويىپ، 22 تارماقتى باعىتتامالى ساياساتتىق شارانى العا قويىپ، كاسىپورىنداردىڭ اۋىرتپالىعىن جەڭىلدەتۋگە، جۇمىستانۋعا كەپىلدىك ەتۋگە كومەكتەسىپ، كوپ ٴتۇرلى شارانى قاتار قولدانىپ، جۇمىستانۋدى ورنىقتىردى.

  قازىرگە دەيىن، بۇكىل قالاداعى 51 مىڭ قىزمەت ورنىنىڭ زەينەتكەرلىك، جۇمىسسىزدىق، جۇمىس ۇستىندە جارالانۋ ٴۇش ٴتۇرلى قوعامدىق قامسىزداندىرۋىنان 524 ميلليون يۋان كەشىرىم ەتىلىپ، جۇمىس ورنىن ورنىقتىرۋعا قوسىمشا قاراجات الۋدى ٴوتىنىش ەتۋ شارتىنا ۇيلەسەتىن 38 مىڭ كاسىپورىنعا 184 ميلليون يۋان جۇمىس ورنىن ورنىقتىرۋ قوسىمشا قاراجاتى تاراتىلىپ، 615 مىڭ 300 جۇمىسشى - قىزمەتكەر يگىلىككە كەنەلدى؛ ۇرىمجىگە قايتىپ جۇمىستانعاندارعا 1 ميلليون 109 مىڭ 200 يۋان قوسىمشا قاراجات جانە كاسىپتىك تاربيەلەنۋ قوسىمشا قاراجاتىن بەرۋ تياناقتاندىرىلدى؛ 1600 دەن استام ادام ىستەتۋشى ورىن جۇمىس ورنى قاجەتى ينفورماتسياسىنان 13 مىڭنان استامىن جاريالاپ، جۇمىس ىزدەگەندەردەن 28 مىڭنان استام ادام - رەت قابىلدادى.

  بۇل ناقتى شارالار مىنالار:

  كەمەيتىپ كەشىرىم ەتۋ، جارتىلاي كەمەيتۋ

  2020 - جىلى 2 - ايدان 6 - ايعا دەيىن ورتا، شاعىن، ۇساق كاسىپورىنداردىڭ نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىنىڭ ورىندار تاپسىراتىن قاراجات بولەگى كەشىرىم ەتىلەدى. 2 - ايدان 4 - ايعا دەيىن ٴىرى كاسىپورىندار قاتارلى قامسىزداندىرۋعا قاتىناسقان باسقا ورىنداردىڭ (ورگان، ٴىس ورىندارى قامتىلمايدى) نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىنىڭ ورىندار تاپسىراتىن قاراجات بولەگىنىڭ جارتىسى الىنادى. 2020 - جىلى 2 - ايدىڭ 1 - كۇنىنەن كەيىن، كەشىرىم ەتۋ مەرزىمىندە جاڭادان جۇمىس باستاعان ينجەنەريالىق قۇرىلىس نىساندارىنىڭ جۇمىس ۇستىندە جارالانعانداردى قامسىزداندىرۋ قاراجاتىن ساتىلى تۇردە كەشىرىم ەتۋگە بولادى.

  كاسىپورىندار ەڭ كوپ دەگەندە 6 اي قوعامدىق قامسىزداندىرۋ تاپسىرۋىنا بولادى

  ىندەتتىڭ ىقپالىمەن، ٴوندىرىس تيجاراتىندا اۋىر قيىنشىلىق تۋىلعان كاسىپورىندار ٴوزى تۇرعان جەردەگى قوعامدىق قامسىزداندىرۋدى بىتىرەتىن قۇرىلىمداردان قوعامدىق قامسىزداندىرۋ قاراجاتىن كەشىكتىرىپ تاپسىرۋدى ٴوتىنىش ەتۋىنە بولادى، كەشىكتىرىپ تاپسىرۋ مەرزىمى 2020 - جىل ىشىندە بولادى، كەشىكتىرىپ تاپسىرۋ مەرزىمى ەڭ ۇزاق بولعاندا 6 ايدان اسپايدى، كەشىكتىرىپ تاپسىرۋ مەزگىلىندە ايىپ سوما الىنبايدى. ٴىرى كاسىپورىندار سياقتى قامسىزداندىرۋعا قاتىناسقان باسقا ورىندار جارتىلاي قوعامدىق قامسىزداندىرۋدى تاپسىرىپ الۋ ساياساتى مەن كەشىكتىرىپ تاپسىرۋ ساياساتىنان بىرگە يگىلىكتەنۋىنە بولادى. ىندەت مەزگىلىندە، كاسىپورىندار كەشىكتىرىپ تاپسىرۋ ٴراسىمياتىن ٴبىتىرۋدى جەلىدە ٴوتىنىش ەتۋىنە بولادى.

  قوعامدىق قامسىزداندىرۋ قوسىمشا قاراجاتىن 3 اي كەشىكتىرىپ بىتىرۋىنە بولادى

  ىندەتتىڭ ىقپالىمەن، جۇمىستانۋ، شارۋاشىلىق قۇرۋ قوسىمشا قاراجاتى سياقتى كاسىپتەردى ۋاعىندا بىتىرە الماعان كاسىپورىندار مەن جەكەلەر 2020 - جىلدىق قوعامدىق قامسىزداندىرۋ قوسىمشا قاراجاتىن، كاسىپتىك تاربيەلەنۋ قوسىمشا قاراجاتىن ٴوتىنىش ەتكەندە، ىندەت جاعدايى اياقتاعاننان كەيىنگى 3 اي ىشىندە مالىمدەپ بىتىرۋىنە بولادى. اتقارۋ مەرزىمى 2020 - جىل ىشىندە بولادى.

  ادام قىسقارتپاعان نەمەسە ازىراق ادام قىسقارتقان كاسىپورىندارعا جۇمىس ورنىن ورنىقتىرۋ قوسىمشا قاراجاتى قايتارىلادى

  ادام قىسقارتپاعان نەمەسە ادام قىسقارتۋ مولشەرى %2.7 تەن جوعارى بولماعان قامسىزداندىرۋعا قاتىناسقان كاسىپورىندار، ىندەت مەزگىلىندە، ورتا، شاعىن، ۇساق كاسىپورىنداردىڭ ادام قىسقارۋ مولشەرى % 5.5 تەن جوعارى بولماعان، جۇمىسشى - قىزمەتكەر سانى 30 ادامنان (30 ادامدى قامتيدى) تومەن قامسىزداندىرۋعا قاتىناسقان كاسىپورىنداردىڭ قىزمەتكەر قىسقارتۋ سالىستىرماسى قامسىزداندىرۋعا قاتىناسقان جۇمىسشى - قىزمەتكەر جالپى سانىنىڭ %20 ىنەن اسىپ كەتپەسە، جۇمىس ورنىن ورنىقتىرۋ قوسىمشا قاراجاتى بەرىلەدى، قوسىمشا قاراجات ولشەمى وتكەن جىلعى ناقتى تاپسىرعان جۇمىسسىزدىق قامسىزداندىرۋ قاراجاتىنىڭ %50 ى بويىنشا قايتارىلادى.

  ٴوندىرىس تيجاراتى ۋاقىتتىق قيىنشىلىققا ۇشىراعان، ونىڭ ۇستىنە قالپىنا كەلۋدەن ٴۇمىت بار، ادام قىسقارتپاعان نەمەسە ازىراق ادام قىسقارتقان قامسىزداندىرۋعا قاتىناسقان كاسىپورىندارعا جۇمىسسىزدىقتى قامسىزداندىرۋ، جۇمىس ورنىن ورنىقتىرۋ قوسىمشا قاراجاتىن قايتارىپ بەرۋ ساياساتى اتقارىلادى، قايتارۋ ولشەمى: 1055 يۋان× كاسىپورىننىڭ وتكەن جىلعى ايلىق ورتاشا جۇمىسسىزدىق قامسىزداندىرۋىنا قاتىناسقان ادام سانى × 6 اي بويىنشا بولادى، اتقارۋ مەرزىمى 2020 - جىلى 12 - ايدىڭ 31 - كۇنىنە دەيىن ۇزارتىلادى. جۇمىسسىزدىقتى قامسىزداندىرۋ قاراجاتى مولشەرىن تومەندەتۋ ساياساتى جالعاستى اتقارىلىپ، اتقارۋ مەرزىمى 2021 - جىلى 4 - ايدىڭ 30 - كۇنىنە دەيىن ۇزارتىلادى.

  ەڭ جوعارى بولعاندا %50 تەن اسپايتىن تاربيەلەۋ قوسىمشا قاراجات قارجىسى الدىن الا بوساتىلادى

   ىندەت مەزگىلىندە، كاسىپورىندار، كاسىپتىك مەكتەپتەر (تەحنيك جۇمىسشىلار مەكتەپتەرىن قامتيدى)، كاسىپتىك تاربيەلەۋ قۇرىلىمدارى جاڭادان قابىلدانعان جۇمىسشى - قىزمەتكەرلەردى جۇمىسقا قابىلداۋدان بۇرىنعى تاربيەلۋ، جاڭاشا شاكىرت ٴتۇزىمى، جوعارى تەحنيكالىق دارىندىلار، جۇمىستانۋداعى ٴتۇيىندى قاۋىم سياقتى جەلىدەگى كاسىپتىك شەبەرلىك تاربيەلەۋدى ۇيىمداستىرىپ اشسا، كاسىپتىك تاربيەلەۋ قوسىمشا قاراجات كولەمىنە ەنگىزىلەدى. كاسىپورىندار تاربيەلەۋ جۇرگىزسە نەمەسە تاربيەلەۋ قۇرىلىمدارى نىسان تۇزىمىندىك تاربيەلەۋ جۇرگىزسە، ەڭ جوعارى بولعاندا %50 تەن اسپايتىن تاربيەلەۋ قوسىمشا قاراجات قارجىسى الدىن الا بوساتىلادى.

  جۇمىسسىزدىق قامسىزداندىرۋ قاراجاتى ۋاعىندا، تولىعىمەن بەرىلەدى

  ىندەت مەزگىلىندە، شارتقا ۇيلەسەتىن جۇمىسسىزدارعا جۇمىسسىزدىق قامسىزداندىرۋ قاراجاتى ۋاعىندا، تولىعىمەن بەرىلەدى، قاراجات الۋ مەرزىمى 3 ايلىق شەكتەمەگە ۇشىرامايدى. ورىندار مەن جەكەلەردە جۇمىسسىزدىق قامسىزداندىرۋ اقىسىن تاپسىرعانىنا 1 جىل بولعان، ٴبىراق جۇمىسسىزدىق قامسىزداندىرۋ اقىسىن الۋ شارتىنا ۇيلەسپەيتىن جۇمىسسىزدارعا جۇمىس ورنىمەن ەڭبەك قاتىناسىن كۇشىنەن قالدىرعان ايدان باستاپ اي سايىن جۇمىسسىزدىق قوسىمشا قاراجاتى بەرىلەدى، بەرۋ ولشەمى اي سايىن 1055 يۋان بولادى، قوسىمشا قاراجاتتى العان مەزگىلدە نەگىزگى ەمدەۋدى قامسىزداندىرۋ قاراجاتىن ۋاكىلاتان تاپسىرۋ، ۋاقىتتىق باعا قوسىمشا قاراجاتى سياقتى باسقا جۇمىسسىزدىق قامسىزداندىرۋ مامىلەسىنەن يگىلىكتەنبەيدى، ٴبىتىرۋ مەرزىمى ىندەت اياقتاعاننان كەيىنگى ايعا دەيىن ۇزارتىلىپ، ۋاقىتى وتسە قابىلدانبايدى. جۇمىسسىزدىق قوسىمشا قاراجاتى مەن جۇمىسسىزدىق قامسىزداندىرۋ قاراجاتىنان ٴبىر ۋاقىتتا يگىلىكتەنۋگە بولمايدى .

  ادام باسىنا ٴبىر جولدا 1000 يۋان جۇمىستانۋ قوسىمشا قاراجاتى بەرىلەدى

  ٴتۇرلى كاسىپورىندار جۇمىسسىزدىققا تىزىمدەلگەنىنە جارىم جىلدان اسقان ادامدى جۇمىسقا ورنالاستىرسا ٴارى ٴبىر جىلدان ارتىق ەڭبەك توقتامىن جاساسسا، ٴارى بەلگىلەمە بويىنشا قوعامدىق قامسىزداندىرۋ اقىسىن تاپسىرسا، ادام باسىنا ٴبىر جولدا 1000 يۋان جۇمىستانۋ قوسىمشا قاراجاتى بەرىلەدى. اتقارۋ مەرزىمى 2020 - جىلى 3 - ايدىڭ 1 - كۇنىنەن 12 - ايدىڭ 31 - كۇنىنە دەيىن بولادى.

  جاڭا تيپتى ايدارشا ۆيرۋس وكپە قابىنۋ ىندەتىنە شالدىققانداردىڭ شارۋاشىلىق قۇرۋ كەپىلدىك قارىزىن قايتارۋ ۋاقىتىن ۇزارتۋىنا بولادى

  تاراتىلىپ بولعان جەكەلەردىڭ شارۋاشىلىق قۇرۋ كەپىلدىك قارىزى جونىندە، قارىز الۋشى جاڭا تيپتى ايدارشا ۆيرۋس وكپە قابىنۋ ىندەتىنە شالدىقسا، قارىز العان بانكەگە قارىز قايتارۋ ۋاقىتىن ۇزارتۋدى ٴوتىنىش ەتۋىنە بولادى، كەشىكتىرۋ ۋاقىتى ٴبىر جىلدان اسپايدى، وسىمىنە قازىنا تاراۋلارى جالعاستى قولداۋ كورسەتەدى.

  جۇمىستانۋدا قيىنشىلىعى بار ادامدار ٴساتتى جۇمىستانسا شابىتتاندىرۋ قاراجاتى بەرىلەدى

  الەۋمەتتىك اۋماقتا جەكە تيجاراتپەن شۇعىلداناتىن جانە شاعىن، ۇساق كاسىپورىن قۇرعان، جۇمىستانۋدا قيىنشىلىعى بار ادامدار ٴساتتى جۇمىسقا ورنالاسسا، جۇمىستانۋعا، شارۋاشىلىق قۇرۋعا 5000 يۋان شابىتتاندىرۋ قاراجاتى بەرىلەدى؛ تۇڭعىش رەت كاسىپورىن قۇرعان نەمەسە جەكەشە تيجاراتپەن شۇعىلدانعان ٴارى قالىپتى تيجارات جۇرگىزگەن جوعارى مەكتەپتەردەن وقۋ تاۋىسقان وقۋشىلارعا ٴبىر جولدا 10 مىڭ يۋان شارۋاشىلىق قۇرۋعا شابىتتاندىرۋ قاراجاتى بەرىلەدى؛ ٴۇرىمجى قالاسى اۋىل ـ قىستاق نوپوسىنداعىلار اۋىلعا قايتىپ شارۋاشىلىق قۇرىپ، ٴساتتى تۇردە تۇڭعىش كاسىپورىن قۇرسا، سونداي - اق قالىپتى تيجارات جۇرگىزگەنىنە ٴبىر جىلدان اسسا، ەڭ جوعارى بولعاندا 10 مىڭ يۋاننان اسپايتىن ٴبىر رەتتىك شارۋاشىلىق قۇرۋ قوسىمشا قاراجاتى بەرىلەدى .

  جۇمىستانۋدا قيىنشىلىعى بارلاردىڭ قوعامدىق قامسىزداندىرۋ قوسىمشا قاراجاتىنىڭ مەرزىمى 1 جىلعا ۇزارتىلادى

  جۇمىستانۋدا قيىنشىلىعى بارلاردىڭ يكەمدى جۇمىستانۋ قوعامدىق قامسىزداندىرۋ قوسىمشا قاراجات بەرۋ ساياساتىنىڭ مەرزىمى تولعان جانە الەۋمەتتىك يگىلىكتىك جۇمىس ورنىمەن شۇعىلدانۋ ساياساتىنىڭ مەرزىمى تولسا دا، ٴالى ورنىقتى جۇمىستانۋدى جۇزەگە اسىرماسا، ساياساتتان يگىلىكتەنۋ مەرزىمىن ٴبىر جىل ۇزارتۋعا بولادى، قوسىمشا قاراجاتتى اتقارۋ مەرزىمى 2020 - جىلى 1 - ايدىڭ 1 - كۇنىنەن 12 - ايدىڭ 31 - كۇنىنە دەيىن بولادى.

  يكەمدى جۇمىستانۋدا قيىنشىلىعى بولعان ادامدار مەن جوعارى مەكتەپ تاۋىسقان وقۋشىلار 2020 ـ جىلى 1 ـ ايدىڭ 1 ـ كۇنىنەن باستاپ، ٴوزىنىڭ ٴىس جۇزىندىك جاعدايىنا قاراي زەينەتاقى، ەمدەۋ قامسىزداندىرۋى جانە جۇمىسسىزدىق قامسىزداندىرۋىن تاپسىرسا تولىق قوسىمشا قاراجات بەرىلەدى، قوسىمشا قاراجات بەرۋ مەرزىمى ەڭ ۇزاق بولعاندا 3 جىل بولادى، قوسىمشا قاراجات تاپسىرۋ نەگىزدىك سانى اۆتونوميالى رايوننىڭ وتكەن جىلداعى جۇمىسشى - قىزمەتكەرلەردىڭ قوعامدىق ورتاشا ەڭبەكاقىسىنان اسىپ كەتپەيدى. 2020- جىلى 1 - ايدىڭ 1 - كۇنىنەن باستاپ، تۇڭعىش رەت قوعامدىق قامسىزداندىرۋ قوسىمشا قاراجاتىنان يگىلىكتەنسە، ونىڭ ۇستىنە زاڭدا بەلگىلەنگەن زەينەتكە شىعۋ جاسى 5 جىلعا جەتپەسە، زاڭدا بەلگىلەنگەن زەينەتكە شىعۋ جاسىنا دەيىن ۇزارتۋعا بولادى، قالعان ادامدارعا بەرىلەتىن قوسىمشا قاراجاتتىڭ ۋاقىت شەگى ەڭ ۇزاق بولعاندا 3 جىلدان اسپايدى.

  ستۋدەنتتەرگە قاتىناس، تۇرمىس اقىسى قاتارلىلار بەرىلەدى

   2020 - جىلى 1 - ايدىڭ 25 - كۇنىنەن 4 - ايدىڭ 30 - كۇنىنە دەيىن، ٴۇرىمجى قالاسىنا قىزمەت ىستەۋگە كەلگەن، ٴۇرىمجى قالاسى نوپوسىندا بولماعان جوعارى مەكتەپتەردەن وقۋ تاۋىسقان وقۋشىلارعا شينجياڭنان سىرت جەرلەرگە 500 يۋان، شينجياڭنىڭ ىشىندە 300 يۋان ولشەمى بويىنشا ٴبىر رەتتىك قاتىناس قوسىمشا قاراجاتى بەرىلەدى؛ ٴۇرىمجى قالاسىندا پراكتيكا ىستەگەن وقۋ تاۋىساتىن وقۋشىلارعا ادام باسىنا اي سايىن 600 يۋان ولشەم بويىنشا، وقۋ تاۋىسقان وقۋشىلاردىڭ تۇرمىستىق قوسىمشا قاراجاتى بەرىلەدى، ادام باسىنا اي سايىن 600 يۋان ولشەم بويىنشا كاسىپورىن، ٴىس ورىندارى تاماق قوسىمشا قاراجاتى بەرىلەدى، ادام باسىنا اي سايىن 100 يۋان ولشەم بويىنشا وقۋ تاۋىسقان وقۋشىلار تۇرعان مەكتەپتىڭ قىزمەت قوسىمشا قاراجاتى بەرىلەدى .

  ىندەتتىڭ ىقپالىنا ۇشىراپ، جۇمىستانۋدا قيىنشىلىققا ۇشىرعان ادامدارعا كومەكتەسۋ

  ىندەتتىڭ ىقپالىنا ۇشىراعان، جۇمىستانۋدا قيىنشىلىعى بار ادامداردى دەر كەزىندە جۇمىسقا ورنالاستىرۋعا كومەكتەسۋ كولەمىنە ەنگىزۋ كەرەك. جۇمىستانۋدا قيىنشىلىعى بارلارعا ” ٴبىر ادامعا ٴبىر شارا قولدانۋ“ بويىنشا، ىرىقتىلىقپەن قىزمەت وتەپ، كاسىپورىن قابىلداۋ، دەربەس شارۋاشىلىق قۇرۋ، يكەمدى جۇمىستانۋ سياقتى كوپ ٴتۇرلى جولدار ارقىلى جۇمىسقا ورنالاستىرىپ، ٴتۇرلى قوعامدىق قامسىزداندىرۋ قوسىمشا قاراجاتىن جانە جۇمىستانۋ، شارۋاشىلىق قۇرۋ جەڭىلدىك ساياساتىن بەلسەنە تياناقتاندىرۋ كەرەك.

اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى