تيانشان تورى   ›   بىلگەنگە مارجان   ›   وتباسى جانە تۇرمىس

قانداي جاعدايدا ماسكى تاقپاۋعا بولادى؟

  3-ايدىڭ 18-كۇنى مەملەكەتتىك دەنساۋلىق ساقتاۋ، سالاماتتىق كوميتەتىنىڭ تور بەكەتى «قاۋىمنىڭ ماسكىنى عىلمي تاعۋى جونىندەگى ۇقتىرۋدى» جاريالاپ، ۇقساماعان ورتادا ماسكى تاعۋ جونىندە عىلمي ۇسىنىس قويدى، تولىق مازمۇنى تومەندەگىدەي: ٴارقايسى ولكە، اۆتونوميالى رايون، توتە قاراستى قالا جانە شينجياڭ ٴوندىرىس ـ قۇرىلىس بيڭتۋانى جاڭاشا تيپتى ايدارشا ۆيرۋس وكپە قابىنۋ ىندەتىنەن بىرلەسىپ ساقتانۋ، بىرلەسىپ تىزگىندەۋ مەحانيزمى (باسشىلىق گرۋپپاسى، قولباسشىلىق شتابى) كەزەكتەگى ساقتانۋ-تىزگىندەۋ جاعدايى مەن ٴوندىرىس، تۇرمىس ٴتارتىبىنىڭ جالپى بەتتىك ٴتارتىپتى بولۋ قاجەتىنە ساي، «قاۋىمنىڭ ماسكىنى عىلمي تاعۋىنا جەتەكشىلىك ەتۋ باعدارلاماسىن» قۇراستىردىق. بۇل باعدارلامادا جاي ادامداردان باستاپ، ەرەكشە بەلگىلەنگەن ورىندارداعى ادامدار، ٴتۇيىندى ادامدار، سونداي-اق كاسىبى اشىق ۇستالعان ادامدار سىندى تۇرلەرگە ايىرىلدى ٴارى ۇقساماعان ورتادا ماسكى تاعۋعا عىلمي ۇسىنىس بەرىلدى. قازىر سىزدەرگە باسىپ تاراتىپ وتىرمىز، وسى بويىنشا اتقارىڭىزدار.

  مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنەن بىرلەسىپ ساقتانۋ، بىرلەسىپ تىزگىندەۋ مەحانيزمى

  2020 – جىلى 3-ايدىڭ 17-كۇنى

  قاۋىمنىڭ عىلمي ماسكى تاعۋىنا جەتەكشىلىك ەتۋ باعدارلاماسى ماسكىنى عىلمي تاعۋ جاڭا تيپتى ايدارشا ۆيرۋس وكپە قابىنۋ ىندەتى، جۇقپالى تۇماۋ سياقتى تىنىس جول جۇقپالى اۋرۋلارى جونىنەن ساقتانۋ رولىن اتقارادى ٴارى ٴوزىن قورعاۋعا، قاۋىمنىڭ اقاۋسىزدىعىنا پايدالى. كەزەكتە، جاڭا تيپتى ايدارشا ۆيرۋس وكپە قابىنۋ ىندەتى جاعدايىندا جۇرتشىلىقتى عىلمي جولمەن ماسكى تاعۋعا جەتەكتەۋ، ىندەتتەن ٴونىمدى ساقتانۋ، جۇرتتىڭ دەنساۋلىعىن قورعاۋ ٴۇشىن، تومەندەگىدەي جەتەكشىلىك ەتۋ باعدارلاماسىن ەرەكشە ورتاعا قويدىق.

  1. جاي ادامدار

  (1) ۇيدە، سىرتتا ادام جوق، اۋا الماسۋى جاقسى ورىنداردا.

  قورعانۋ ۇسىنىسى: ماسكى تاقپاۋ.

  (2) ادامدار توپتاسقان ورىن، مىسالى، كەڭسە، زات ساتۋ، تاماقجاي، جيىن زالى، سەح سياقتىلاردا؛ نەمەسە لەفتكە شىعۋ، اۆتوبۋزعا وتىرۋ سياقتىلار.

  قورعانۋ ۇسىنىسى: حاۋىپ - قاتەرى ورتا، تومەن وڭىرلەردە ماسكى الا ٴجۇرۋ (مەديتسينادا قولدانىلاتىن ٴبىر رەتتىك ماسكى نەمەسە مەديتسينادا قولدانىلاتىن حيرۋرگيالىق ماسكىنى ىستەتۋ)، باسقالارمەن جاقىن ارالىقتا جاناسقاندا (ارالىعى ٴبىر مەتر نەمەسە ودان تومەن) ماسكى تاعۋ كەرەك. حاۋىپ-قاتەرى جوعارى رايونداردا مەديتسينادا قولدانىلاتىن ٴبىر رەتتىك ماسكى تاعۋ كەرەك.

  (3) جوتەلۋ نەمەسە تۇشكىرۋ سياقتى تۇماۋ بەلگىسى بارلار.

  قورعانۋ ۇسىنىسى: مەديتسينادا قولدانىلاتىن ٴبىر رەتتىك ماسكى نەمەسە مەديتسينادا قولدانىلاتىن حيرۋرگيالىق ماسكى تاعۋ.

  (4) ۇيىندە اۋاشالانعان، ساۋىعىپ شيپاحانادان شىققان ادامدارمەن بىرگە تۇرمىس كەشىرەتىندەر.

  قورعانۋ ۇسىنىسى: مەديتسينادا قولدانىلاتىن ٴبىر رەتتىك ماسكى نەمەسە مەديتسينادا قولدانىلاتىن حيرۋرگيالىق ماسكى تاعۋ.

  2. ەرەكشە بەلگىلەنگەن ورىندارداعى ادامدار

  (1) ادامدار تىعىز توپتاسقان شيپاحانا، اۆتوبۋز بەكەتى، ۆوگزال، مەترو بەكەتى، اۋەجاي، ساۋدا سارايى، اسحانا، اۆتوبۋز، سونداي-اق الەۋمەتتىك اۋماق پەن مەكەمە-ورىندارعا كىرىپ-شىعاتىن اۋىز سياقتى ورىندار.

  قورعانۋ ۇسىنىسى: حاۋىپ - قاتەرى ورتا، تومەن رايونداردا، قىزمەتكەرلەر مەديتسينادا قولدانىلاتىن ٴبىر رەتتىك ماسكى نەمەسە مەديتسينادا قولدانىلاتىن حيرۋرگيالىق ماسكى تاعۋ كەرەك. حاۋىپ-قاتەرى جوعارى رايونداردا، قىزمەتكەرلەر مەديتسينادا قولدانىلاتىن حيرۋرگيالىق ماسكىسى نەمەسە KN95/N95 جانە ودان جوعارى دارەجەگە ۇيلەسەتىن قورعانۋ ماسكىسىن تاعۋ كەرەك.

  (2) تۇرمە، قارتتار كۇتىمحاناسى، يگىلىكحانا، رۋحاني دەنساۋلىق ساقتاۋ، ەمدەۋ قۇرىلىمدارى، سونداي-اق مەكتەپتىڭ ساباقحاناسى، جۇمىس ورنىنداعى جاتاق سياقتى ادامدار تىعىز ورنالاسقان ورىندار.

  قورعانۋدى ۇسىنىسى: حاۋىپ-قاتەرى ورتا، تومەن وڭىرلەردە، جايشىلىقتا جانىنا ماسكى الا ٴجۇرۋ (مەديتسينادا قولدانىلاتىن ماسكى نەمەسە مەديتسينادا قولدانىلاتىن حيرۋرگيالىق ماسكى)، ادامدار توپتاسقان جەردە نەمەسە باسقالارمەن جاقىنداسقاندا (ٴبىر مەتر جانە ودان تومەن) ماسكى تاعۋ كەرەك. حاۋىپ-قاتەرى جوعارى وڭىرلەردە، قىزمەتكەرلەر مەديتسينادا قولدانىلاتىن حيرۋرگيالىق ماسكى نەمەسە KN95/N95 جانە ودان جوعارى دارەجەگە ۇيلەسەتىن قورعانۋ ماسكىسىن تاعۋ؛ باسقا ادامدار مەديتسينادا قولدانىلاتىن ماسكى تاعۋ كەرەك.

  3. ٴتۇيىندى ادامدار جاڭا تيپتى ايدارشا ۆيرۋس وكپە قابىنۋ ىندەتىنىڭ كۇماندى ناۋقاستارى، دياگنوزى تۇراقتانعاندار جانە اۋرۋ بەلگىسى جوق جۇعىمدالعاندار؛ جاڭا تيپتى ايدارشا ۆيرۋس وكپە قابىنۋ ىندەتىنە شالدىققاندارمەن تىعىز جاناسقاندار؛ شەكارادان كىرگەندەر (شەكارادان كىرگەننەن باستاپ اۋاشالاۋ اقىرلاسقانعا دەيىن).

  قورعانۋ ۇسىنىسى: مەديتسينادا قولدانىلاتىن حيرۋرگيالىق ماسكى نەمەسە تىنىس الۋ گاز كلاپانى جوق KN95/N95 جانە ودان جوعارى دارەجەگە ۇيلەسەتىن قورعانۋ ماسكسىن تاعۋ كەرەك.

  4. كاسىبى اشىق ۇستالعان ادامدار

  (1) ادەتتەگى امبۋلاتوريا، اۋرۋ بولمەسى سياقتى ورىندارداعى ەمدەۋ قىزمەتكەرلەرى؛ حاۋىپ-قاتەرى تومەن رايوندارداعى ەمدەۋ قۇرىلىمدارىنىڭ شۇعىل ەمدەۋ قىزمەتكەرلەرى؛ ىندەتتەن ساقتانۋ-تىزگىندەۋمەن شۇعىلداناتىن قاتىستى اكىمشىلىك باسقارۋ قىزمەتكەرلەرى، ساقشىلار، اماندىق ساقتاۋشىلار، تازالىقشى سياقتىلار.

  قورعانۋ ۇسىنىسى: مەديتسينادا قولدانىلاتىن حيرۋرگيالىق ماسكى تاعۋ.

  (2) جاڭا تيپتى ايدارشا ۆيرۋس وكپە قابىنۋ ىندەتى دياگنوزى تۇراقتانعاندار، كۇماندى ناۋقاستاردىڭ ناۋقاس بولمەسىندە، ICU دا قىزمەت ىستەيتىندەر؛ بەلگىلەنگەن ەمدەۋ قۇرىلىمدارىنىڭ دەنە قىزۋىن تەكسەرۋ امبۋلاتورياسىندا ىستەيتىن ەمدەۋ قىزمەتكەرلەرى؛ حاۋىپ – قاتەرى ورتا، جوعارى رايوندارداعى ەمدەۋ قۇرىلىمدارىنىڭ شۇعىل ەمدەۋ بولىمىندەگى ەمدەۋ قىزمەتكەرلەرى؛ جۇقپالى اۋرۋلار ٴىلىمىن تەكسەرۋ، لابوراتوريالىق تەكسەرۋ، ورتانى زارارسىزداندىرۋ قىزمەتكەرلەرى؛ دياگنوزى تۇراقتانعان جانە كۇماندى ناۋقاستاردى تاسىمالدايتىندار.

  قورعانۋ ۇسىنىسى: مەديتسينادا قولدانىلاتىن قورعانۋ ماسكىسىن تاعۋ.

  (3) تىنىس جول ۇلگىسىن جينايتىن قىزمەتكەرلەر؛ جاڭا تيپتى ايدارشا ۆيرۋس وكپە قابىنۋ ىندەتىنە شالدىققانداردىڭ كەڭىردەگىن جارۋ، كەڭىردەككە تۇتىكشە سالۋ، كەڭىردەكتى اينامەن تەكسەرۋ، قاقىرىعىن سورعىزۋ، جۇرەك پەن وكپەنى جانداندىرۋ جۇمىستارىمەن شۇعىلداناتىن نەمەسە وكپەنى كوشىرۋ وپەراتسياسىن جاساۋ، پاتولوگيالىق بورشالاۋ قىزمەتىمەن شۇعىلداناتىندار.

  قورعانۋ ۇسىنىسى: باس قاپتامالى (نەمەسە بۇكىل دەنەنى قاپتايتىن) قوزعاۋشى كۇش ارقىلى اۋا جىبەرەتىن سۇزگىش فورمالى تىنىس الۋ قورعانۋ اسپابى نەمەسە جارتىلاي قوزعاۋشى كۇش ارقىلى اۋا جىبەرەتىن سۇزگىش فورمالى تىنىس الۋ قورعاعىشىنا تۇيىق كوزىلدىرىك نەمەسە جالپى بەتتىك قالقا تاعۋ؛ ەكى ٴتۇرلى تىنىس الۋ قورعانۋ اسپابىنا P 100 شاڭ-توزاڭدى ٴسۇزۋ نەگىزگى بولشەگى ىستەتىلەدى، ونى قايتالاي ىستەتۋگە بولمايدى، قورعانۋ اسپاپتارىن زارارسىزداندىرعان سوڭ ىستەتۋ كەرەك.

  5. ىستەتۋدە كوڭىل بولەتىن ىستەر

  (1) تىنىس الۋدا قورعانۋ بۇيىمدارى، ايتالىق ماسكى، بەتقالقا قاتارلىلاردى تاعۋدىڭ الدىندا جانە الىپ تاستاعان كەزدە، الدىمەن قول جۋۋ كەرەك.

  (2) ماسكىنى تاققان كەزدە وڭ-تەرىسى جانە جوعارى-تومەنىنە كوڭىل ٴبولۋ، ماسكى اۋىز بەن مۇرىندى جاۋىپ، مۇرىن قىسقىش بەتكە جاناسىپ تۇرۋ كەرەك.

  (3) ماسكى تاعۋ بارىسىندا، ونىڭ ىشكى بەتىن قولمەن ۇستاۋدان ساقتانۋ، ماسكىنىڭ ەكى ۇشىنداعى باۋ ارقىلى ماسكىنى الىپ تاستاۋ كەرەك.

  (4) ماسكىنى قاباتتاپ تاعۋ ساقتانۋ ونىمدىلىگىن جوعارىلاتپايدى، كەرىسىنشە تىنىس الۋ كەدەرگىسىن ارتتىرادى ٴارى تىعىزدىقتى بۇلدىرەدى.

  (5) ٴار ٴتۇرلى ماسكىنى جۋۋ، زارارسىزداندىرۋ سياقتى شارالاردىڭ ونىمدىلىگىن دالەلدەيتىن دالەل-ىسپات جوق.

  (6) مەديتسينادا قولدانىلاتىن ٴبىر رەتتىك ماسكى جانە مەدەتسينادا قولدانىلاتىن حيرۋرگيالىق ماسكىسى تۇگەلدەي شەكتى مولشەردە ىستەتىلەدى، تاعۋ ۋاقىتى جيىنى 8 ساعاتتان اسپاۋى، كاسىبى اشىق ۇستالعانداردىڭ تاعۋ ۋاقىتى 4 ساعاتتان اسپاۋى كەرەك، قايتالاي ىستەتۋگە بولمايدى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى