تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتى تەلەگرامما جولداپ، لاوس حالىق توڭكەرىستىك پارتياسى قۇرىلعاندىعىنىڭ 65 جىلدىعىن قۇتتىقتادى

  شينحۋا اگەنتتىگىنىڭ 3 - ايدىڭ 22 - كۇنى بەيجيڭنەن بەرگەن حابارى. 3 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتى لاوس حالىق توڭكەرىستىك پارتياسى ورتالىق كوميتەتىنە تەلەگرامما جولداپ، لاوس حالىق توڭكەرىستىك پارتياسى قۇرىلعاندىعىنىڭ 65 جىلدىعىن قۇتتىقتادى. قۇتتىقتاۋ تەلەگرامماسىندا بىلاي دەلىندى:

  65 جىلدان بەرى، لاوس حالىق توڭكەرىستىك پارتياسى لاوس حالقىن ىنتىماقتاستىرا باستاپ، ۇلت ازاتتىعى مەن مەملەكەتتىڭ تۇتاستىعىن ءساتتى جۇزەگە اسىرىپ، سوتسياليستىك قۇرىلىس پەن جاڭارتۋ ىستەرىندە شۇعىلالى ناتيجەگە قول جەتكىزدى. باس شۋجي بىنياڭ جەتەكشى بولعان لاوس حالىق توڭكەرىستىك پارتياسى ورتالىق كوميتەتىنىڭ پارمەندى باسشىلىعىندا، لاوس پارتياسى مەن حالقىنىڭ پارتيا باسشىلىعىن ۇزدىكسىز بەكەمدەپ جانە كەمەلدەندىرىپ، سوتسياليستىك قۇرىلىس پەن جاڭارتۋ ىستەرىن ورنىقتى ىلگەرىلەتىپ، لاوس پارتياسىنىڭ 11 - قۇرىلتايىنىڭ جەڭىسپەن اشىلۋىن تاڭداۋلى ناتيجەمەن قارسى الاتىندىعىنا سەنەمىز.

  جۇڭگو كوممۋنيستىك پارتياسى جۇڭگو - لاوس قارىم - قاتىناسىنا وسكەلەڭ ءمان بەرەدى. 2019 - جىلى 4 - ايدا باس شۋجي شي جينپيڭ مەن باس شۋجي بىنياڭ «جۇڭگو - لاوس تاعدىرلاس ورتاق تۇلعاسىن قۇرۋ ارەكەت جوسپارىنا» بىرگە قول قويىپ، جاڭا داۋىردەگى جۇڭگو - لاوس قارىم - قاتىناسىنىڭ دامۋىنا ايقىن باعدار كورسەتىپ، جول جوباسىن جاسادى. جاقىنعى مەزگىلدەگى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، لاوس پارتياسى، ۇكىمەتى، قوعامنىڭ ءار سالاسى دەر كەزىندە جۇڭگو جاققا حال سۇرايتىندىقتارىن ءبىلدىردى ءارى كومەك قاراجاتپەن قامداپ جانە زاتتىق كومەك بەرىپ، ءوزارا قارايلاساتىن، قيىنشىلىقتاردى بىلەك بىرىكتىرە بىرگە جەڭەتىن جۇڭگو - لاوس تاعدىرلاس ورتاق تۇلعاسى رۋحىن جاندى بەينەلەدى.

  جۇڭگو كوممۋنيستىك پارتياسى لاوس حالىق توڭكەرىستىك پارتياسىمەن بىرگە، ەكى پارتيانىڭ باس شۋجيلەرى كەلىسكەن ماڭىزدى ورتاق تانىمدى ويداعىداي تياناقتاندىرىپ، ستراتەگيالىق بايلانىستى كۇشەيتىپ، ساياسي ءوزارا سەنىمدىلىكتى ارتتىرىپ، پارتيانى جونگە سالۋ، مەملەكەتتى جونگە سالۋ تاجىريبەلەرى اۋىس - كۇيىسىن تەرەڭدەتىپ، ءارقايسى سالاداعى ناقتى ىستەر سەلبەستىگىن كەڭەيتىپ، جۇڭگو - لاوس تاعدىرلاس ورتاق تۇلعاسى قۇرىلىسىن ىلگەرىلەتىپ، ەكى ەلدىڭ سوتسياليستىك قۇرىلىس ىستەرىندە جاڭا دامۋدى جۇزەگە اسىرۋدى ىلگەرىلەتىپ، ادامزاتتىڭ العا باسۋ ىستەرىنە جاڭا ۇلەس قوسۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.