تيانشان تورى   ›   جاڭالىقتار   ›   شينجياڭ حابارلارى

ماياقى ازايتىلدى، وبراز سومدالدى

 جاڭ بەي

  شينجياڭ جۇندۇڭ ەكونوميكالىق، تەحنيكالىق اشۋ رايونىنداعى 6 قوعامدىق قارجى قوسۋ كاسىپورنى اشۋ رايونىنداعى 556 ورتا، شاعىن، ۇساق كاسىپورىننىڭ جانە جەكە تيجاراتشىلاردىڭ 10 ميلليون 446 مىڭ يۋان ماياقىسىن ازايتتى، كەشىرىم ەتتى؛ شينجياڭ ياجۇڭ (توبى) شەكتى سەرىكتەستىگى توپقا قاراستى بازارداعى 3105 ساۋداگەردىڭ 12 ميلليون 400 مىڭ يۋان ماياقىسىن ازايتتى، كەشىرىم ەتتى... ءبىر مەزگىلدەن بەرى، ورتا، شاعىن، ۇساق كاسىپورىندار جانە جەكە ساۋدا - ونەركاسىپشىلەردىڭ ماياقىسى ازايتىلعان، كەشىرىم ەتىلگەن حابارلار اقپارات قۇرالدارىندا ۇزدىكسىز جاريالاندى، قۋاتى، شارت - جاعدايى بار وسى كاسىپورىنداردىڭ ماياقىنى ازايتۋ، كەشىرىم ەتۋ ارەكەتى شەشۋشى ساتتە ساۋداگەرلەرگە، مايعا الۋشىلارعا دەم بەرۋمەن بىرگە، كاسىپورىننىڭ قوعامدىق جاۋاپكەرشىلىك سەزىمىن تولىق ايگىلەپ، كاسىپورىنداردىڭ تاماشا الەۋمەتتىك وبرازىن ورناتىپ، ءبىر جاعادان باس، ءبىر جەڭنەن قول شىعارىپ، ۋاقىتتىق قيىنشىلىقتى بىرگە وتكەرۋدىڭ قۋاتتى وڭ ەنەرگياسىن ۇيىستىردى.

  مايعا بەرۋشى جاق پەن ساۋداگەرلەر، مايعا الۋشىلار مۇددەسى تىعىز قاتىستى تيجارات نەگىزگى تۇلعالارى، ال مۇنىڭ ىشىندەگى ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەر، سالىستىرا ايتقاندا، حاۋىپ - قاتەرگە قارسى تۇرۋ قۋاتى تومەندەر، وسى كەزدە ماياقىنى ازايتۋ، كەشىرىم ەتۋ − ولاردىڭ تيجارات وزىندىك قۇنىن تومەندەتۋمەن بىرگە، تاعى ولاردىڭ قارجىسىن يكەمدى اينالىسقا سالۋىنا مۇمكىندىك جاساۋدان، ولاردىڭ ىندەت تۋدىرعان سوققى بارىسىندا جالىندى كۇشىن قالپىنا كەلتىرۋىنە شارت - جاعداي جاراتۋدان ءارى ەكونوميكالىق، قوعامدىق دامۋدىڭ كەلەلى جاعدايىنا كۇش ۇستەۋدەن دەرەك بەرەدى، الايدا مايعا بەرۋشى جاق جونىنەن ماياقىنى ازايتۋ، كەشىرىم ەتۋ الداعى ەكونوميكالىق تابىسىن قۇربان ەتكەندىك بولعانىمەن، ءبىراق ۇزاق بولاشاققا كوز جىبەرگەندە، ساۋداگەرلەر، مايعا الۋشىلار قيىن وتكەلدەن ءوتىپ، وسى ”كىشكەنە وزەن“ جالىندى ومىرشەڭدىك كۇشىن قالپىنا كەلتىرەتىن بولسا، مايعا بەرۋشى كاسىپورىندار سياقتى ”ۇلكەن وزەننىڭ“ سۋى دا تابيعي تاسىپ مولاياتىن بولادى.

  اۆتونوميالى رايوننىڭ قاتىستى ساياساتتارىنا نەگىزدەلگەندە، ىندەت كەزىندە جەكە ساۋدا - ونەركاسىپشىلەردىڭ ماياقىسىن ازايتقان، كەشىرىم ەتكەن ساۋدا عيماراتتارى، ساۋدا سارايلارى، بازار جانە كاسىپ سالاسى باقشاسى سياقتى مايعا بەرۋشى جاقتىڭ سول جىلعى قورا - جاي سالىعىن، قالا - قالاشىق جەرىن پايدالانۋ سالىعىن تاپسىرۋدا شىنىمەن قيىنشىلىق بولسا، قيىنشىلىق بويىنشا سالىقتى ازايتۋ، كەشىرىم ەتۋ ءوتىنىشىن بەرۋىنە بولادى. ساياساتتان جارىققا شىققان پايدا كومەك قاراجاتىن ازايتۋ، كەشىرىم ەتۋ ءتاسىلى ارقىلى ساتىلار بويىنشا جالعاسىپ جەتسە، ءسوزسىز، تۇتاس رايونىمىزدىڭ ەكونوميكاسىنىڭ، قوعامىنىڭ جىلدام دامۋىنا سارقىلماس قوزعاۋشى كۇش ازىرلەيدى.

  (”لەپتى لەبىز“ ماقالا قابىلداۋ حات ساندىعى: xjrbplb@126.com)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءبىر ميلليون 200 مىڭ مەديتسينالىق ماسكى ۇرىمجىگە ۇشاقپەن جەتكىزىلدى
  • رايونىمىزدىڭ جەر - جەرىندەگى كاسىپورىندار ىندەتتەن ساقتانۋ - تىزگىندەۋ مەن جۇمىستى قايتا باستاپ، ءوندىرىس جۇرگىزۋدى مىقتى ۇستادى
  • ىندەتكە قارسى اتتانۋدىڭ قۋاتتى بىرىككەن كۇشىن ۇيىستىرايىق
  • شاپشاڭ قيمىلداپ، كوپ ءتۇرلى شارانى قاتار قولدانىپ، پارمەندى قامتاماسىز ەتتى