تيانشان تورى   ›   جاڭالىقتار   ›   ماڭىزدى حابارلار

جۇڭگو مەن ناميبيانىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن شي جينپيڭ مەن ناميبيانىڭ زۇڭتۇڭى گەينگوبپ ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 3 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 22 - كۇنى ناميبيانىڭ زۇڭتۇڭى گەينگوبپپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ناميبيا ديپلوماتيالىق قارىم - قاتىناس ورناتقان 30 جىلدان بەرى، حالىقارالىق جاعداي قالاي وزگەرسە دە، ەكى جاق باستان - اياق تار جول، تايعاق كەشۋدى بىرگە وتكەرىپ، قول ۇستاسا العا ىلگەرىلەدى. سوڭعى جىلداردان بەرى، مەن گەينگوبپ زۇڭتۇڭمەن تالاي رەت ديدارلاسىپ، جۇڭگو مەن ناميبيانىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن ورناتۋ جانە دامىتۋ جونىندە ماڭىزدى ورتاق تانىمعا كەلىپ، ەكى ەلدىڭ قارىم - قاتىناسى مەن ءار سالاداعى سەلبەستىگىنىڭ جاڭا بەلەسكە كوتەرىلۋىنە جەتەكشىلىك ەتىپ، ەكى ەل حالقىنىڭ ىرىس - قۇتىن ارتتىردىق. مەن جۇڭگو - ناميبيا قارىم - قاتىناسىنىڭ دامۋىنا وسكەلەڭ ءمان بەرەمىن، گەينگوبپ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن جاڭا باستاما ەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جانە جۇڭگو مەن افريكا سەلبەستىگىنىڭ قارىشتاپ دامۋىنىڭ تاريحي ورايىن ويداعىداي يگەرىپ، ساياسي ءوزارا سەنىمدىلىكتى بەكەمدەپ، ناقتى ىستەر سەلبەستىگىن تەرەڭدەتىپ، جاڭا داۋىردەگى جۇڭگو - ناميبيا قارىم - قاتىناسىن دامىتۋعا تىڭ قوزعاۋشى كۇش ۇستەپ، اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قۇرۋعا كۇش قوسۋدى قالايمىن.

  گەينگوبپ قۇتتىقتاۋ تەلەگرامماسىندا مىنالاردى ءبىلدىردى: ەكى ەل ديپلوماتيالىق قارىم - قاتىناس ورناتقاننان بەرى باستان - اياق ىنتىماقتاسۋعا جانە ءوزارا پايدا جەتكىزىپ سەلبەسۋگە تاباندى بولدى، ناميبيا مەن جۇڭگونىڭ جالپى بارىستىق دوستىعى ءداۋىردىڭ وزگەرىسىنىڭ جانە الەمدىك سىن - سايىستىڭ سىنىنان سۇرىنبەي ءوتتى. جاڭا تاريحي كەزەڭدە، ناميبيا جاق جۇڭگو جاقپەن ناقتى ىستەر سەلبەستىگىن تەرەڭدەتىپ، ەكى ەل قارىم - قاتىناسىنا جاڭا ومىرشەڭدىك كۇش ۇستەپ، بەيبىت، گۇلدەنگەن، ورنىقتى تاعدىرلاس ورتاق تۇلعا قۇرۋدى قالايدى. ناميبيا ۇكىمەتى مەن حالقى جۇڭگو جاقتىڭ ەرلىكپەن كۇرەس جۇرگىزىپ، جاڭا تيپتى ايدارشا ۆيرۋس وكپە قابىنۋ ىندەتىن ءونىمدى تىزگىندەگەندىگىن القايدى، جۇڭگو جاقپەن ۇزدىكسىز قول ۇستاسىپ ىندەتتىڭ دۇنيە جۇزىندە تارالۋىنا قارسى تۇرۋدى قالايدى. ءتوراعا شي جينپيڭنىڭ پارمەندى باسشىلىعىندا، جۇڭگونىڭ، ءسوزسىز، ءتىپتى دە گۇلدەنىپ - كوركەيەتىندىگىنە سەنەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.