تيانشان تورى   ›   ۇيرەنۋ   ›   ماڭىزدى حۇجاتتار

ىندەتتەن ساقتانۋ جاعدايىندا كوكتەمگى ورمان ءوسىرۋ، جاسىلداندىرۋ قىزمەتىن بەلسەنە، ءتارتىپتى ىلگەرىلەتۋ كەرەك

مەملەكەتتىك كەڭەس كەڭسەسى «حابارلاندىرۋ» باسىپ تاراتتى

ىندەتتەن ساقتانۋ جاعدايىندا كوكتەمگى ورمان ءوسىرۋ، جاسىلداندىرۋ قىزمەتىن بەلسەنە، ءتارتىپتى ىلگەرىلەتۋ كەرەك

  شينحۋا اگەنتتىگىنىڭ 3 - ايدىڭ 23 - كۇنى بەيجيڭنەن بەرگەن حابارى. مەملەكەتتىك كەڭەس كەڭسەسى جۋىقتا «ىندەتتەن ساقتانۋ جاعدايىندا كوكتەمگى ورمان ءوسىرۋ، جاسىلداندىرۋ قىزمەتىن بەلسەنە، ءتارتىپتى ىلگەرىلەتۋ جونىندەگى حابارلاندىرۋدى» (تومەندە قىسقاشا «حابارلاندىرۋ» دەلىنەدى) باسىپ تاراتتى. باس شۋجي شي جينپيڭنىڭ ىندەتتەن ساقتانۋ جاعدايىندا بيىلعى كوكتەمگى ورمان ءوسىرۋ قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ جانە لي كىچياڭ زۇڭلي قاتارلى ورتالىقتاعى باسشى جولداستاردىڭ بەكىتۋلەرىنىڭ تالابىن ىشكەرىلەي دايەكتىلەندىرىپ، تياناقتاندىرىپ، كوكتەمگى ورمان ءوسىرۋ، جاسىلداندىرۋ قىزمەتىن بەلسەنە، ءتارتىپتى ىلگەرىلەتىپ، تۇتاس جىلداعى نىسانالاردىڭ، مىندەتتەردىڭ جاپپاي ورىندالۋىنا شىنايى كەپىلدىك ەتۋ تالاپ ەتىلدى.

  «حابارلاندىرۋدا» مىنالار اتاپ كورسەتىلدى: ورمان ءوسىرۋدى، جاسىلداندىرۋدى بەلسەنە، ءتارتىپتى ىلگەرىلەتۋ − جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ ەكونوميكالىق، قوعامدىق دامۋ نىسانالارىن جاپپاي جۇزەگە اسىرۋدىڭ ماڭىزدى مازمۇنى، سونداي - اق كەدەي حالىقتىڭ جۇمىستانىپ كىرىسىن ارتتىرۋىن جەبەۋدىڭ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋدىڭ ماڭىزدى شاراسى. وڭىرلەر، قاتىستى تاراۋلار ىندەتتەن ساقتانۋ - تىزگىندەۋدى ۇزدىكسىز ويداعىداي يگەرۋمەن بىرگە، ورمان ءوسىرۋ، جاسىلداندىرۋ قىزمەتىن بەلسەنە، ءتارتىپتى ورىستەتۋدىڭ ماڭىزدى ءمانىن جەتە تانىپ، ىندەتتەن عىلمي ساقتانۋ - تىزگىندەۋ، تۇرلەر بويىنشا جەتەكشىلىك ەتۋ تالابى بويىنشا جەر - جەردىڭ ىڭعايىنا قاراي ىستەپ، وڭىرلەرگە ءبولىپ شارا قولدانىپ، كوكتەمگى ورمان ءوسىرۋ، جاسىلداندىرۋ قىزمەتىن بەلسەنە، ءتارتىپتى ورىستەتۋ كەرەك. تومەن حاۋىپ - قاتەرلى جەرلەر ورمان ءوسىرۋ، جاسىلداندىرۋ اياق الىسىن جەدەلدەتۋ؛ ورتاشا حاۋىپ - قاتەرلى جەرلەر ۋاقىت كەزەگىمەن جۇمىس باستاپ، قاۋىرت كەزەڭگە شوعىرلاندىرماي جۇمىس ىستەپ، بىتىراڭقى قۇرىلىس جۇرگىزىپ، كوكتەمگى ورمان ءوسىرۋدى، جاسىلداندىرۋدى حاۋىپسىز، ءتارتىپتى ورىستەتۋ كەرەك. جۇمىستى جوبالاۋ، تەكسەرىپ بەكىتۋ تاسىلىنە جاڭالىق ەنگىزىپ، مەردىگەر شاقىرۋ، مەردىگەر بولۋ ءتارتىبىن ىقشامداپ، تەكسەرىپ بەكىتۋ ۋاقىتىن قىسقارتىپ، اتقارۋ اياق الىسىن جەدەلدەتۋ كەرەك. ورمان ءوسىرىپ، جاسىلداندىرىپ، ەكولوگيا ارقىلى كەدەيلەردى سۇيەمەلدەۋ ابزالدىلىعىن ساۋلەلەندىرىپ، جەرگىلىكتى شارۋالاردى، اسىرەسە، ارحيۆ تۇرعىزىلىپ، كارتچكالاندىرىلعان كەدەيلەردى ۇيىمداستىرىپ، جۇمىلدىرىپ، سول جەردە، جاقىن ماڭدا ءتىپتى دە كوپ ورمان ءوسىرۋ، جاسىلداندىرۋ مىندەتىن جۇكتەپ، شارۋالاردىڭ جۇمىستانىپ كىرىسىن ارتتىرۋىن جەبەپ، كەدەيلىكتەن ارىلتۋدان قامال الۋعا دەم بەرۋ كەرەك.

  «حابارلاندىرۋدا» مىنالار تالاپ ەتىلدى: ورمان ءوسىرۋدىڭ ماۋسىمدىق ورنالاستىرىلۋىن ءبىر تۇتاس جوسپارلاۋ كەرەك. ورمان ءوسىرۋ ماۋسىمىن دەر كەزىندە رەتتەپ، ۇيلەسىمدى ورنالاستىرىپ، كوكتەم ماۋسىمىنداعى، جاڭبىرلى ماۋسىمداعى، كۇز، قىس ماۋسىمدارىنداعى ورمان ءوسىرۋ مىندەتىن ءبىر تۇتاس جوسپارلاپ تياناقتاندىرۋ كەرەك. قالامشا ءوندىرۋ - قامداۋدى مىقتى يگەرىپ، جاڭبىرلى ماۋسىمداعى، كۇز، قىس ماۋسىمدارىنداعى اعاش ەگىپ، ورمان وسىرۋگە قاجەت قالامشا سۇرانىسىن قاناعاتتاندىرۋ كەرەك. ورمان وسىرىلەتىن جەرلەردى الدىن الا تەگىستەۋدى كۇنى بۇرىن جۇرگىزىپ، سۋ جيناپ، ىلعالدىقتى ساقتاۋدى ويداعىداي ىستەپ، ورمان ءوسىرۋدىڭ ناتيجەسىن قامتاماسىز ەتۋ ءۇشىن جاقسى نەگىز قالاۋ كەرەك.

  «حابارلاندىرۋدا» مىنالار تالاپ ەتىلدى: مىندەتتى اعاش ەگۋدى جانە تاراۋلاردىڭ جاسىلداندىرۋىن يكەمدى ورىستەتۋ كەرەك. مىندەتتى اعاش ەگۋ تاسىلىنە جانە ادىسىنە جاڭالىق ەنگىزىپ، ”ينتەرنەت + مىندەتتى اعاش ەگۋدى“ ىشكەرىلەي ىلگەرىلەتىپ، قاۋىمدى اعاش ەگۋ مىندەتىن حاۋىپسىز، ءتارتىپتى ورىنداۋعا جەتەكتەۋ كەرەك. مەملەكەت جەرىن جاسىلداندىرۋعا جۇمىس ءبولىسى بويىنشا جاۋاپتى بولۋ ءتۇزىمىن تياناقتاندىرىپ، ورماندى قالا، باۋ - باقشالى قالا جانە ورماندى اۋىل - قىستاق قۇرىلىسىن ۇزدىكسىز ورىستەتىپ، ورگان، مەكتەپ، الەۋمەتتىك اۋماق، گازارما اۋماعى، زاۆود اۋماعى، كەن اۋماعى سياقتىلاردى جاسىلداندىرۋدى، كورىكتەندىرۋدى ىلگەرىلەتۋ كەرەك. ارنالاردى جاسىلداندىرۋدى، ەگىس اتىزدارىنداعى ورمان تورى قۇرىلىسىن، اعىس الاپتارىنداعى سۋ مەن توپىراقتى ساقتاپ، ەكولوگيانى جونگە سالۋدى، سونداي - اق سۋ جۇيەلەرىندەگى توسپالاردىڭ، وزەندەردىڭ، توعانداردىڭ، كولدەردىڭ، سۋ قويماسىنىڭ اينالاسىن جاسىلداندىرۋدى كۇشەيتۋ كەرەك.

  «حابارلاندىرۋدا» مىنالار تالاپ ەتىلدى: ورمان ءوسىرۋ، جاسىلداندىرۋ ساپاسىن جاپپاي جوعارىلاتۋ كەرەك. جاراتىلىس زاڭدىلىعىنا جانە ەكونوميكالىق زاڭدىلىققا بويسۇنىپ، بۇقارانىڭ تىلەك - نيەتىنە قۇرمەت ەتىپ، تاۋ، سۋ، ورمان، اتىز، كول، جايلىم جۇيەلەرىن جونگە سالۋدى ءبىر تۇتاس جوسپارلاپ، سۋعا قاراي جاسىلداندىرىپ، سۋ مولشەرىنە قاراي ىستەپ، سول جەردىڭ ىڭعايىنا قاراي ىستەپ، جەرگە قاراي اعاش ەگىپ، ورمان ءوسىرۋدى، جاسىلداندىرۋدى عىلمي، ولشەمدى ورىستەتۋ كەرەك. عىلىم - تەحنيكالىق تىرەكتى كۇشەيتىپ، ىندەتتەن ساقتانۋ - تىزگىندەۋ تالابىنا ۇيلەسىپ، تەحنيكالىق باۋلۋدى جاڭالىق اشا ورىستەتىپ، مامانداردىڭ الىس ارالىقتان كەڭەس بەرۋ قىزمەت وتەۋىمەن قامداپ، نەگىزگى ساتىنىڭ عىلمي ورمان وسىرۋىنە، جاسىلداندىرۋىنا جەتەكشىلىك ەتۋ كەرەك.

  «حابارلاندىرۋدا» مىنالار تالاپ ەتىلدى: ورمان ءوسىرۋ، جاسىلداندىرۋ ناتيجەسىن كۇش سالا، ويداعىداي قورعاۋ كەرەك. جاڭادان وسىرىلگەن ورمانداردى باسقارۋ - باپتاۋدى كۇشەيتىپ، قاتارعا قوسىلۋ، ورمانعا اينالۋ مولشەرىن جوعارىلاتۋ كەرەك. دالاداعى وت كوزدەرىن باقىلاۋ - باسقارۋدى كۇشەيتىپ، زاڭعا قايشى ءىس - ارەكەتتەردى ءبىر جاقتى ەتۋ سەرپىنىن ارتتىرۋ كەرەك. ورمان ءوسىرۋدىڭ، جاسىلداندىرۋدىڭ كەيىنگى شارۋاشىلىق جۇرگىزۋ، باسقارۋ - باپتاۋ ءتۇزىمىن كەمەلدەندىرىپ، باسقارۋ - باپتاۋ جاۋاپكەرشىلىگىن تياناقتاندىرۋ كەرەك. قاراعاي سۇرەگىنىڭ نەماتوداسى دەرتىنەن ساقتانۋ جانە ونى تىزگىندەۋ سەرپىنىن ارتتىرىپ، امەريكا اق كوبەلەگى، قۇمدى ءشول شەگىرتكەسى سياقتى زياندى جاندىكتەردەن جانە تىشقان، قويان اپاتىنان ساقتانۋ جانە ونى تىزگىندەۋگە ءجىتى ءمان بەرۋ ءارى ونى ويداعىداي ىستەۋ كەرەك.

  «حابارلاندىرۋدا» مىنالار باسا دارىپتەلدى: جەرگىلىكتى ءار دارەجەلى حالىق ۇكىمەتتەرى ۇيىمدىق باسشىلىقتى شىنايى كۇشەيتىپ، تۇلعالىق جاۋاپكەرشىلىكتى نىعايتىپ، ورمان ءوسىرۋ، جاسىلداندىرۋ نىسانا جاۋاپكەرشىلىك ءتۇزىمىن تياناقتاندىرىپ، ىندەتتەن ساقتانۋ - تىزگىندەۋدى ۇزدىكسىز ويداعىداي يگەرۋمەن بىرگە، كوكتەمگى ورمان ءوسىرۋ، جاسىلداندىرۋ قىزمەتىن كورنەكتى ورىنعا قويىپ، ءتۇرلى مىندەتتەردىڭ ءساتتى ورىندالۋىنا شىنايى كەپىلدىك ەتۋ كەرەك. قاتىستى تاراۋلار قىزمەت جاۋاپكەرشىلىگى، جۇمىس ءبولىسى بويىنشا تىعىز سەلبەسىپ، سايكەسە ىلگەرىلەتىپ، ىندەتتەن ساقتانۋ شارت - جاعدايىندا كوكتەمگى ورمان ءوسىرۋ، جاسىلداندىرۋ قىزمەتىن ءتارتىپتى ورىستەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.