چىن چۋانگو ءۇرىمجى قالاسىندا مەكتەپتەردىڭ وقۋ باستاۋ، ساباقتى قالپىنا كەلتىرۋ جانە مەكتەپتەردىڭ ىندەتتەن ساقتانۋ - تىزگىندەۋ قىزمەتىن تەكسەرىپ - زەرتتەگەندە، تەكسەرگەندە بىلاي دەپ باسا دارىپتەدى
وقۋ باستاۋ، ساباقتى قالپىنا كەلتىرۋ قىزمەتىن قاتاڭ، ەگجەي - تەگجەيلى، ناقتى ويداعىداي ىستەپ، وقىتۋ ءتارتىبىنىڭ قالىپتى جۇرگىزىلۋىنە، وقىتۋشى - وقۋشىلاردىڭ دەنساۋلىعىنا شىنايى كەپىلدىك ەتۋ كەرەك
3 - ايدىڭ 23 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ وقۋ باستاۋ، ساباقتى قالپىنا كەلتىرۋ جانە مەكتەپتەردىڭ ىندەتتەن ساقتانۋ - تىزگىندەۋ قىزمەتىن تەكسەرىپ - زەرتتەدى، تەكسەردى. سۋرەتتە: چىن چۋانگو ءۇرىمجى 1 - تامىز ورتا مەكتەبىندە ساباقتان سىرتقى قيمىل جۇرگىزىپ جاتقان ءار ۇلت وقىتۋشى - وقۋشىلارىمەن ىستىق ىقىلاسپەن اڭگىمەلەسىپ، وقىتۋشى - وقۋشىلاردىڭ مەكتەپكە كىرگەندەگى دەنساۋلىق تەكسەرتۋ - ولشەتۋ، جەكەلىك قورعانۋ، ورتانى زارارسىزداندىرۋ سياقتى جاعدايلاردى تاپتەشتەي ۇعىسۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 23 - كۇنى ۇرىمجىدەن حابارلايدى. 3 - ايدىڭ 23 - كۇنى − بۇكىل رايونىمىزداعى ورتا، باستاۋىش مەكتەپتەر جانە ورتا دارەجەلى كاسىپتىك مەكتەپتەر وقۋ باستاعان، ساباقتى قالپىنا كەلتىرگەن العاشقى كۇن، 5000 نەشە مەكتەپتەگى 4 ميلليوننان استام وقۋشى مەكتەپكە قايتا ورالدى. تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ وقۋ باستاۋ، ساباقتى قالپىنا كەلتىرۋ جانە مەكتەپتەردىڭ ىندەتتەن ساقتانۋ - تىزگىندەۋ قىزمەتىن تەكسەرىپ - زەرتتەدى، تەكسەردى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەكتەپتەردىڭ ىندەتتەن ساقتانۋ - تىزگىندەۋ جانە وقۋ - وقىتۋ قىزمەتىن قاتاڭ، ەگجەي - تەگجەيلى، ناقتى ويداعىداي ىستەۋ، وقۋ - وقىتۋدىڭ قالىپتى جۇرگىزىلۋىنە، وقىتۋشى - وقۋشىلاردىڭ دەنساۋلىعىنا شىنايى كەپىلدىك ەتۋ كەرەك.
چىن چۋانگو ءۇرىمجى 1 - تامىز ورتا مەكتەبىنە كەلىپ، تولىق ورتانىڭ، ورتالاۋدىڭ، باستاۋىشتىڭ ءار جىلدىقتارىن ارالاپ وقۋ - وقىتۋ جاعدايىن ناقتىلى ۇعىستى، تەكسەردى. تەمپەراتۋراسىن ىرىقتى تۇردە ولشەتكەننەن كەيىن، چىن چۋانگو وقىتۋ عيماراتىنا كىرىپ، وقىتۋشى - وقۋشىلاردىڭ مەكتەپكە كىرىپ دەنساۋلىق تەكسەرتۋ - ولشەتۋ، جەكەلىك قورعانۋ، ورتانى زارارسىزداندىرۋ سياقتى جاعدايلاردى تاپتەشتەي ۇعىسىپ، مەكتەپ باسشىلارى مەن وقىتۋشىلاردىڭ پىكىر - ۇسىنىسىن مۇقيات تىڭدادى. چىن چۋانگو ىلگەرىندى - كەيىندى تولىق ورتا 2 - جىلدىعىنىڭ 1 -، 2 - كلاستارىنا، باستاۋىش 3 - جىلدىعىنىڭ 1 - كلاسىنا جانە ساباقتان سىرتقى قيمىل جۇرگىزىپ جاتقان ورتالاۋ 2 - جىلدىعىنىڭ 7 - كلاسىنا كىرىپ، ءار ۇلت وقىتۋشى - وقۋشىلارىمەن ىقىلاسپەن اڭگىمەلەستى. ساباقتاستاردىڭ ماسكىسى جەتكىلىكتى ەكەندىگىن، مەكتەپكە بارۋ، مەكتەپتەن قايتۋ جولىندا وزدەرىن جاقسى قورعايتىندىقتارىنان، جاتاق، كلاس، اسحانالاردىڭ مەرزىم سايىن زارارسىزداندىرىلىپ، اۋا الماستىرىلاتىندىعىنان حابار تاپقاننان كەيىن، چىن چۋانگو مۇنى تۇراقتاندىردى. ول بىلاي دەدى: ءتۇرلى قورعانۋ شاراسىن اناعۇرلىم قاتاڭ، اناعۇرلىم ەگجەي - تەگجەيلى، اناعۇرلىم ناقتى تۇردە ويداعىداي تياناقتاندىرىپ، مەكتەپكە بارۋ، مەكتەپتەن قايتۋ، قاۋىرت كەزدە ۋاقىت كەزەگىمەن تاماقتانۋ، ساباق ارالىعىندا سۋ ءىشۋ، جاتاقتى باسقارۋ سياقتى ءاربىر بۋىنداعى، ءاربىر نازىك بۋىنداعى قىزمەتتەردى ىجداعاتتىقپەن ويداعىداي ىستەپ، وقۋشىلاردىڭ الاڭسىز ۇيرەنۋىنە اقاۋسىز، حاۋىپسىز ورتا جاراتۋ كەرەك.
ءۇرىمجى قالالىق 42 - ورتا مەكتەپتىڭ ورتاسى تاپ - تۇيناقتاي رەتتى، كىتاپتى داۋىستاپ وقىعان ۇندەر ەستىلەدى، وقۋشىلار وقۋ باستاعاننان كەيىنگى العاشقى ساباققا قاتىناسىپ، جاڭا تيپتى ايدارشا ۆيرۋس وكپە قابىنۋ ىندەتى بىلىمدەرىن ۇيرەنىپ جاتقان ەدى. چىن چۋانگو باستاۋىش 1 - جىلدىعىنىڭ 3 - كلاسىنا كىرىپ، بالالاردىڭ ۇيرەنۋ، تۇرمىس جاعدايىن دەن قويا سۇرادى ءارى بالالارعا ماسكى تاعۋدى، قولدى ۇنەمى جۋىپ تۇرۋدى، ءبىر جەرگە توپتالماۋدى تاپسىردى. ول وقىتۋشىلارعا: باستاۋىش مەكتەپ وقۋشىلارىنىڭ جاسى كىشى، ءوزىن قورعاۋ قابىلەتى ءبىرشاما ءالسىز، وقىتۋ ۋاقىتىن عىلمي ورنالاستىرىپ، عىلمي ساقتانۋ بىلىمدەرىن جالپىلاستىرىپ، ءوزىن قورعاۋ تانىمىن جوعارىلاتىپ، بالالاردىڭ دەنساۋلىعىن شىنايى ويداعىداي قورعاپ، اتا - انالارىن الاڭسىز ەتىڭدەر، قوعامدى الاڭسىز ەتىڭدەر، - دەپ تاپسىردى.
چىن چۋانگو بىلاي دەپ باسا دارىپتەدى: مەكتەپتىڭ ىندەتتەن ساقتانۋ - تىزگىندەۋى جانە وقۋ باستاۋ، ساباقتى قالپىنا كەلتىرۋى ءاربىر بالاعا قاتىستى ءىرى ءىس، بۇعان ءاربىر اتا - انا كوڭىل ءبولىپ وتىر. ءار دارەجەلى، ءارقايسى تاراۋلار باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، مەكتەپ حاۋىپسىزدىگىن جانە وقىتۋشى - وقۋشىلاردىڭ دەنساۋلىعىن قورعاۋ ساياسي جاۋاپكەرشىلىگىن باتىل ارقالاپ، اناعۇرلىم قاتاڭ پوزيتسيا، اناعۇرلىم جان - جاقتى شارا، اناعۇرلىم قاتاڭ باسقارۋ ارقىلى ىندەتتەن ساقتانۋ - تىزگىندەۋ جانە وقۋ - وقىتۋ مىندەتتەرىن جاپپاي تياناقتاندىرىپ، وقۋ باستاۋدىڭ، ساباقتى قالپىنا كەلتىرۋدىڭ حاۋىپسىز، ءتارتىپتى بولۋىنا، ەشقانداي اعاتتىق تۋىلماۋىنا شىنايى كەپىلدىك ەتۋ كەرەك. ساقتانۋ - تىزگىندەۋ شاراسى ەگجەي - تەگجەيلى بولۋ كەرەك. ءبىر مەكتەپتە ءبىر شارا بولۋعا تاباندى بولىپ، مەكتەپتى، كلاستى بىرلىك ەتىپ، وقىتۋشى - وقۋشىلاردىڭ دەنساۋلىق احۋالىن دالمە - ءدال يگەرىپ، دەنە تەمپەراتۋراسىن باقىلاۋ - ولشەۋ، ماسكى تاعۋ، اۋا الماستىرۋ، زارارسىزداندىرۋ، ءتۇيىندى ورىنداردى قاتاڭ زارارسىزداندىرۋ سياقتى شارالاردى تياناقتاندىرىپ، مەكتەپ ورتاسىنىڭ تاپ - تۇيناقتاي، تازالىعىن ساقتاۋ؛ ماسكى، تەمپەراتۋرا ولشەگىش، زارارسىزداندىرۋ سۇيىقتىعى سياقتى ىندەتتەن ساقتانۋ زاتتىق ماتەريالدارىمەن قامداۋدى بار كۇشپەن قامتاماسىز ەتىپ، وقىتۋشى - وقۋشىلاردىڭ قورعانۋ قاجەتىن شىنايى قامتاماسىز ەتۋ كەرەك. مەكتەپ اۋلاسىن باسقارۋدى قاتايتۋ كەرەك. مەكتەپكە كىرىپ - شىعۋدى باسقارۋدى قاتاڭ تۇردە كۇشەيتىپ، وقۋشىلاردىڭ قورعانۋ قىزمەتىن اتا - انالار مەن مەكتەپ بىرلەسە وتىرىپ بىرگە ويداعىداي ىستەۋ؛ وقىتۋشى - وقۋشىلاردى قاۋىرت كەزدە ۋاقىت كەزەگىمەن تاماقتاندىرۋدى عىلمي ورنالاستىرىپ، جاتاققا ۇيلەسىمدى جاتقىزىپ، كلاس سىرتىنداعى قيمىلداردى ۋاقىت كەزەگىمەن ورىستەتىپ، توپتالۋدان، شوعىرلانۋدان ساقتانۋ؛ كەزەكشىلىك ىستەۋدى، كۇزەتتە تۇرۋدى ۇدايىلاندىرىپ، مەكتەپ توڭىرەگى ورتاسىن جونگە سالۋدى كۇشەيتىپ، حاۋىپسىز، تاماشا ورتا جاراتۋ كەرەك. وقۋ - وقىتۋ عىلمي بولۋ كەرەك. جىلدىقتارعا، كلاستارعا، وقۋشىلارعا قاراي وقىتۋ جوسپارىن ساپالىلاندىرىپ، وقىتۋدى زەرتتەۋ قىزمەتىن ەگجەيلى - تەگجەيلى ىستەپ، وقىتۋدى دەن قويا ورىستەتىپ، ريتىمدى يگەرىپ، فورمانى بايىتىپ، ونىمدىلىكتى جوعارىلاتىپ، وقىتۋ ساپاسىن ۇزدىكسىز جوعارىلاتۋ كەرەك. باسقارۋ جاۋاپكەرشىلىگىن نىعايتۋ كەرەك. ءار دارەجەلى پارتكومدار قاراستى جەر جاۋاپكەرشىلىگىن بۇلجىماي ارقالاۋى، ءبىرىنشى باسشى ءوزى ورنالاستىرىپ، ءبىرىنشى شەپكە بارىپ تەكسەرۋ، قۋزاۋ - جەتەكشىلىك ەتۋ كەرەك؛ وقۋ - اعارتۋ اكىمشىلىك تاراۋلارى وقۋ باستاۋدى، ساباقتى قالپىنا كەلتىرۋدى جانە مەكتەپتىڭ ىندەتتەن ساقتانۋ - تىزگىندەۋىن كەزەكتەگى ماڭداي الدى ءىرى ءىس رەتىندە قاراپ، جەتەكشىلىكتى كۇشەيتىپ، ءبىر تۇتاس جوسپارلاپ باسقارۋ كەرەك؛ ءار دارەجەلى مەكتەپتەر ەگجەي - تەگجەيلى تياناقتاندىرىپ، ءتۇرلى شارالاردى شىنايى تۇردە مەكتەپكە، ادامعا دالمە - ءدال تياناقتاندىرۋ كەرەك؛ قاتىستى تاراۋلار تىعىز سەلبەسىپ، سايكەسە بىرلەسىپ ارەكەتتەنىپ، وقۋ باستاۋ، ساباقتى قالپىنا كەلتىرۋ جانە مەكتەپتىڭ ىندەتتەن ساقتانۋ - تىزگىندەۋ قىزمەتىن ءبىر نيەتپەن كۇش سالىپ، ويداعىداي ىستەۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ بىرگە تەكسەرىپ - زەرتتەدى.
