تيانشان تورى
تيانشان تورى   ›   جاڭالىقتار   ›   وقۋ-اعارتۋ

شوكىرات زاكىر ۇرىمجىدە وقۋ باستاۋ، ساباقتى قالپىنا كەلتىرۋ قىزمەتىن تەكسەرىپ - زەرتتەدى

ساقتانۋ - تىزگىندەۋ شارالارىن عىلمي، دالمە - ءدال تياناقتاندىرىپ، وقىتۋشى - وقۋشىلاردىڭ دەنساۋلىعىنا، وقىتۋدىڭ رەتتى، ءتارتىپتى بولۋىنا شىنايى كەپىلدىك ەتۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 3 - ايدىڭ 23 - كۇنى ۇرىمجىدەن حابارلايدى. 3 - ايدىڭ 23 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالالىق 19 - ورتا مەكتەپكە، 59 - باستاۋىش مەكتەپكە كەلىپ، وقۋ باستاۋ، ساباقتى قالپىنا كەلتىرۋ قىزمەتىن تەكسەرىپ - زەرتتەدى. شوكىرات زاكىر بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، بۇكىل رايونىمىزداعى ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ وقۋ باستاۋ، ساباقتى قالپىنا كەلتىرۋ قىزمەتىن تىڭعىلىقتى جاقسى ىستەپ، ىندەتتەن ساقتانۋ - تىزگىندەۋ شارالارىن عىلمي، دالمە - ءدال تياناقتاندىرىپ، وقىتۋشى - وقۋشىلاردىڭ دەنساۋلىعىنا، وقىتۋدىڭ رەتتى، ءتارتىپتى بولۋىنا شىنايى كەپىلدىك ەتۋ كەرەك.

  ءۇرىمجى قالالىق 19 - ورتا مەكتەپتە شوكىرات زاكىر ىرىقتى تۇردە دەنە تەمپەراتۋراسىن ولشەتىپ، زارارسىزداندىرۋدان وتكەننەن كەيىن، مەكتەپكە كىرۋ ەسىگى، ۋاقىتشا قالدىرىپ باقىلاۋ ورنى، ەمدەۋ ءبولىمى سياقتىلارعا ناقتى تەكسەرۋ جۇرگىزىپ، مەكتەپ جاۋاپتىسىنىڭ ىندەتتەن ساقتانۋ - تىزگىندەۋ، وقۋ - وقىتۋ قىزمەتىن ورىستەتۋ جاعدايلارى جونىندەگى تانىستىرۋىن تىڭدادى.

  تەكسەرىپ - زەرتتەۋ بارىسىندا، شوكىرات زاكىر مىنالاردى ۇعىستى: مەكتەپتىڭ ىندەتتەن ساقتانۋ - تىزگىندەۋ جانە وقۋ باستاۋ، ساباقتى قالپىنا كەلتىرۋ قىزمەتىن جاقسى ىستەۋ ءۇشىن، ءۇرىمجى قالالىق 19 - ورتا مەكتەپ جالپى بەتتىك ءبىر - بىرلەپ تەكسەرۋگە تاباندى بولىپ، وقۋ باستاۋدان بۇرىن ۇيدە اۋاشالانعانداردىڭ سانى، مەديتسينالىق باقىلاۋعا الىنعانداردىڭ سانى سياقتىلاردى دالمە - ءدال يگەرىپ، ۇرىمجىدەن كەتكەن، ۇرىمجىگە ورالعان وقىتۋشى - وقۋشىلاردىڭ ينفورماتسيالارىن ەگجەي - تەگجەيلى تىزىمگە الدىرىپ، تۇرلەرگە ءبولىپ دالمە - ءدال شارا قولدانىپ، ساقتانۋ - تىزگىندەۋ قىزمەتىن جاقسى ىستەدى. سونىمەن بىرگە، ۋاقىت كەزەگىمەن مەكتەپكە كىرۋ، ۋاقىت كەزەگىمەن تاماقتانۋ، ۋاقىت كەزەگىمەن مەكتەپتەن تاراۋ سياقتىلاردى قاتاڭ اتقاردى. شوكىرات زاكىر مىنالاردى باسا دارىپتەدى: يدەيانى، تانىمدى شىنايى جوعارىلاتىپ، وقىتۋشى - وقۋشىلاردىڭ باس اماندىعىنا جانە دەنساۋلىعىنا وسكەلەڭ جاۋاپتى بولۋ پوزيتسياسىمەن، ىندەتتەن ساقتانۋ - تىزگىندەۋدىڭ تۇلعالىق جاۋاپكەرشىلىگىن ويداعىداي وتەپ، ىندەتتەن ساقتانۋ - تىزگىندەۋ جانە وقۋ باستاۋ، ساباقتى قالپىنا كەلتىرۋ قىزمەت جوباسىن اناعۇرلىم ەگجەي - تەگجەيلىلەندىرىپ، شۇعىل جاعدايدى ءبىر جايلى ەتۋ دايىندىق جوباسىن كەمەلدەندىرىپ، وقىتۋشى - وقۋشىلاردىڭ قىزمەت ورنىنا، مەكتەپكە ورالۋ، وقۋ - وقىتۋ، تۇرمىس، تاماق، جاتىن ورىن سياقتى جاقتارداعى قورعانۋ شارالارىن تىڭعىلىقتى تياناقتاندىرىپ، مەكتەپ اۋلاسىنىڭ ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي مىقتى ۇستاۋ كەرەك.

  وسى مەكتەپتىڭ تولىق ورتا 1 - جىلدىق 5 - كلاسىنا كىرگەندە، وقۋشىلار ماسكى تاعىپ، ساباقتى مۇقيات تىڭداپ وتىر ەكەن. شوكىرات زاكىر وقۋشىلارمەن اڭگىمەلەسىپ، ولاردى ۋاقىتتى ۇتىپ، قاجىرلىلىقپەن ۇيرەنىپ، قۇلشىنا احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارى بولۋعا ىنتالاندىردى. ول مىنالاردى باسا دارىپتەدى: قالىپتى وقىتۋ ءتارتىبىن جالپى بەتتىك قالپىنا كەلتىرۋ، سونىمەن بىرگە وقىتۋ مازمۇنى رەفورماسىن ورىستەتۋگە جانە وقىتۋ ۇلگىسى مەن ادىسىندە جاڭالىق اشۋعا ءمان بەرىپ، وقىتۋ فورماسىن ۇزدىكسىز بايىتىپ، ساباقحانانىڭ ونىمدىلىگىن جوعارىلاتىپ، وقىتۋ مىندەتىن جوعارى ساپادا ورىنداۋعا شىنايى كەپىلدىك ەتۋ كەرەك.

  ءۇرىمجى قالالىق 59 - باستاۋىش مەكتەبىندە، شوكىرات زاكىر مەكتەپتىڭ ىندەتتى تەكسەرۋ - ولشەۋ بارىسىن مۇقيات ۇعىستى، سونداي - اق اسحانا، دەنە تاربيە الاڭى سياقتى ورىندارعا بارىپ، سول ورىندا ساقتانۋ - تىزگىندەۋ شارالارىنىڭ تياناقتاندىرىلۋ جانە ارتقى شەپ قامتاماسىز ەتۋ جاعدايىن تەكسەردى. شوكىرات زاكىر مىنالاردى اتاپ كورسەتتى: وقىتۋشى - وقۋشىلار مەكتەپكە كىرگەن كەزدە دەنە تەمپەراتۋراسىن ولشەۋدى، زارارسىزداندىرۋدى، كومەسكى حاۋىپ - قاتەردى جالپى بەتتىك اداقتاپ تەكسەرۋدى قاتاڭ اتقارىپ، ساقتانۋ - تىزگىندەۋ ءبىلمى جونىندەگى ۇگىت - تاربيەنى مۇقيات ورىستەتىپ، قورعانۋ زاتتىق ماتەريالدارىن ۇلەستىرۋدى، زاپاس ساقتاۋدى تىڭعىلىقتى ويداعىداي ىستەپ، كلاس، جاتاق، اسحانا سياقتى ادام شوعىرلى اۋماقتار مەن ءتۇيىندى ورىنداردى زارارسىزداندىرۋ، اۋا الماستىرۋ سياقتى قىزمەتتەردى جاقسى يگەرىپ، مەكتەپ اۋلاسىنىڭ حاۋىپسىزدىگىنە، ورنىقتىلىعىنا، وقىتۋدىڭ رەتتى، ءتارتىپتى بولۋىنا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.