تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

رايونىمىزدىڭ كەدەيلىك قالپاعىن الىپ تاستاعان اۋداندارىندا كەدەيلىكتەن ارىلتۋدان قامال الۋ نىساندارىنىڭ %90ى جۇمىس باستادى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ۋاڭ يۇيجاۋ، جاۋ جىيۇن 3 - ايدىڭ 23 - كۇنى ۇرىمجىدەن حابارلايدى. بيىل رايونىمىزدىڭ كەدەيلىك قالپاعىن الىپ تاستاعان 25 اۋدانى كەدەيلىكتەن ارىلتۋدان قامال الۋ نىسانىنان 1890ىن اتقارۋدى جوسپارعا الدى، بۇعان جالپى 16 ميلليارد 325 ميلليون يۋان قارجى قوسىلادى، 3 - ايدىڭ 20 - كۇنىنە دەيىن، نىسانداردىڭ %90ى جۇمىس باستادى.

  كوز الدا، رايونىمىزدىڭ جەر - جەرى نىسان قۇرىلىسىن ىلگەرىلەتىپ، كەدەيلىكتەن ارىلتۋدان قامال الۋ نىساندارىنىڭ تەز ارادا جۇمىس باستاۋىن، جۇمىستى قالپىنا كەلتىرۋىن قولداپ جانە ۇيىمداستىرىپ ىلگەرىلەتىپ، 3 - ايدا جاپپاي جۇمىس باستاۋىن، الدىڭعى جارتى جىلدا تۇگەلدەي سالىپ بولۋدى جۇزەگە اسىرىپ، قارجىنى ەرتە شىعارۋدى، نىساننىڭ ەرتەرەك ونىمدىلىك كورسەتۋىن، كەدەي بۇقارانىڭ ەرتەرەك يگىلىككە كەنەلۋىن تەزدەتەدى.

  كەدەيلىك تىزىمىنەن شىعارىلعان اۋدان، قىستاق، حالىق جونىنەن وتپەلى مەزگىل ىشىندە قازىر اتقارىلىپ وتىرعان ساياساتتىڭ جالپى تۇلعالىق ورنىقتىلىعى ساقتالادى. رايونىمىز كەدەيلىك قالپاعى الىنىپ، كەدەيلىك تىزىمىنەن شىعارىلعان 25 اۋدانعا ”ءتورتتى توقتاتپاۋ“ تالابىن قاتاڭ تياناقتاندىرادى، قالپاعى الىنعانىمەن جاۋاپكەرشىلىكتى توقتاتپاۋ، قالپاعى الىنعانىمەن ساياساتتى توقتاتپاۋ، قالپاعى الىنعانىمەن كومەكتەسۋ - سۇيەمەلدەۋدى توقتاتپاۋ، قالپاعى الىنعانىمەن باقىلاۋ - باسقارۋدى توقتاتپاۋ كەرەك. كەدەيلىك قالپاعىن الىپ تاستاعان اۋدانداردىڭ كەدەيلىكتەن ارىلتۋدان قامال الۋداعى تۇيىندەرى − بەكەمدەۋدى، جوعارىلاتۋدى، قايتالاي كەدەيلەسۋدەن، كەدەيلەسۋدەن ساقتانۋدى ويداعىداي يگەرۋ ەكەندىگىن، ءسوز جوق، بەكەمدەۋدىڭ، جوعارىلاتۋدىڭ ءتۇرلى شارالارىن جاپپاي تياناقتاندىرىپ، كەدەيلىكتەن ارىلتۋ ساپاسىن شىنايى جوعارىلاتىپ، قامال الۋ تابىستارىن بەكەمدەۋ كەرەكتىگىن ايقىنداۋ كەرەك. نىسان قۇرىلىسىن ۇزدىكسىز جەدەل ىلگەرىلەتۋ، كاسىپ سالاسى، جۇمىستاندىرۋ ارقىلى كەدەيلەردى سۇيەمەلدەۋ تابىستارىن بەكەمدەۋ، ساڭلاۋدى تەكسەرۋ، كەم - كەتىگىن تولىقتاۋ، ولقىلىقتاردى تولىقتىرۋ، قايتالاي كەدەيلەسۋدى باقىلاۋ - ولشەۋدى، ساقتاندىرۋدى كۇشەيتۋ، ىشكى قوزعاۋشى كۇشتى قاۋلاتۋ سياقتى جاقتاردا كەدەيلىكتەن ارىلتۋ ساپاسىن جوعارىلاتۋ كەرەك.

  كاسىپ سالاسى، جۇمىستاندىرۋ ارقىلى كەدەيلەردى سۇيەمەلدەۋ تابىستارىن بەكەمدەۋ جاعىندا، كاسىپ سالاسى ارقىلى كەدەيلەردى سۇيەمەلدەۋدىڭ جەتەكتەۋ رولىن ساۋلەلەندىرۋ كەرەك. رايونىمىز كاسىپ سالاسى ارقىلى كەدەيلەردى يگىلىككە كەنەلتۋ، كەدەيلەردى جەتەكتەۋ مەحانيزمىن كەمەلدەندىرىپ، ءوندىرۋ - ساتۋدى ۇشتاستىرۋدى بەلسەنە ۇيىمداستىرىپ، تۇتىنۋ ارقىلى كەدەيلەردى سۇيەمەلدەۋدى كۇش سالا ىلگەرىلەتىپ، مال، قۇس باعىمشىلىعىنداعى ىندەت حاۋىپ - قاتەرىنەن ساقتانۋ - تىزگىندەۋدى ويداعىداي ىستەپ، ەڭبەككۇشى بار ءاربىر كەدەي وتباسىنىڭ بارلىعىندا كىرىستى ورنىقتى ارتتىراتىن ءبىر تىرەكتى كاسىپ بولۋىنا شىنايى كەپىلدىك ەتۋ كەرەك. كەدەي وتباسىلارىنداعى ەڭبەككۇشتەردىڭ جۇمىستانۋ جاي - جاپسارىن جەتە مەڭگەرىپ، كەدەي بۇقارانى جۇمىستانۋ شەبەرلىگىنە باۋلۋدى كۇشەيتىپ، بۇقارانى كوپ ءتۇرلى ارنالارمەن باسقا سالاعا ويىسىپ جۇمىستانۋعا ۇيىمداستىرىپ، جەتەكتەپ، ساياحات ارقىلى كەدەيلەردى سۇيەمەلدەۋ، ەلەكتروندى ساۋدا ارقىلى كەدەيلەردى سۇيەمەلدەۋ سياقتى جاڭا كاسىپ كۇيىن بەلسەنە دامىتىپ، جۇمىستانۋ ارناسىن كەڭەيتىپ، كەدەي وتباسىنداعى ەڭبەككۇشتەردىڭ تۇگەلدەي جۇمىستانۋىنا، بارلىق ادامدا ىستەيتىن جۇمىس بولۋىنا، ءار كۇنى كىرىس كىرگىزۋىنە شىنايى كەپىلدىك ەتۋ كەرەك. قونىس جاڭالاپ كەدەيلەردى سۇيەمەلدەۋ مىندەتى بار اۋداندار جالعاستى كومەكتەسۋ - سۇيەمەلدەۋ شاراسىن تياناقتاندىرۋدى ويداعىداي يگەرىپ، كاسىپ سالاسى، جۇمىستاندىرۋ، نەگىزدىك الەۋمەتتىك قىزمەت وتەۋ، الەۋمەتتىك اۋماقتى جونگە سالۋ، قوعامعا توعىسۋ سياقتى ماسەلەلەردى شەشىپ، ويداعىداي تياناقتاندىرىپ، ورنىقتى بولۋىنا، كىرىس بولۋىنا، كەدەيلىكتەن ارىلا الۋىنا، بىرتىندەپ اۋقاتتانۋىنا شىنايى كەپىلدىك ەتۋ كەرەك.

  كەدەيلىكتەن ارىلعان اۋدانداردىڭ باياندى ىشكى دامۋ قوزعاۋشى كۇشىنە يە بولۋىنا مۇمكىندىك جاساۋ ءۇشىن، بيىل رايونىمىز تاعى كومەكتەسۋ - سۇيەمەلدەۋ ءتاسىلىن جاڭالاپ، كەدەيلەردى سۇيەمەلدەۋ شاراسى مەن كەدەي بۇقارانىڭ ات سالىسۋىن بايلانىستىرىپ، ءوندىرىس سيلىق تولىقتاماسىن، ەڭبەككۇش كومەك قاراجاتىن بەرۋ سياقتى تاسىلدەردى قولدانىپ، كەدەي بۇقارانى كومەكتەسۋ - سۇيەمەلدەۋ نىسانىن اتقارۋعا ات سالىسۋعا ۇيىمداستىرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى