تيانشان تورى   ›   جاڭالىقتار   ›   شينجياڭ حابارلارى

شينجياڭنان شىعاتىن سولتۇستىك جەلىدەگى ماڭىزدى بۋىن — التاي - كوكتوعاي - جۇندۇڭ تەمىر جولىنىڭ قۇرىلىس قارقىنىنا كۇش سالا كەپىلدىك ەتىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى مۋ جىپىڭ 3 - ايدىڭ 23 - كۇنى ۇرىمجىدەن حابارلايدى. 3 - ايدىڭ 23 - كۇنى تۇستەن بۇرىن قۇرىلىسشىلار التاي - كوكتوعاي - جۇندۇڭ تەمىر جولى سورسۋ تۋنەلىنە جول توسەنىش جاتقىزۋ قۇرىلىسىن باستادى، بۇل اۆتونوميالى رايوننىڭ ءتۇيىندى نىسانى التاي - كوكتوعاي - جۇندۇڭ تەمىر جولى جۇمىسىنىڭ قالپىنا كەلگەندىگىنەن دەرەك بەرەدى.

  التاي - كوكتوعاي - جۇندۇڭ تەمىر جولى − شينجياڭ تەمىر جولىنىڭ شينجياڭنان شىعاتىن سولتۇستىك جەلىدەگى ماڭىزدى بۋىن بولىپ، شينجياڭ تەمىر جولى تورى جوباسىندا ”ءتورت تىك، ءتورت كولدەنەڭ“ نەگىزگى قاڭقاسىنداعى ”ءتورت تىك“ قاڭقانىڭ ءبىرى. بۇل جەلى باتىستا بەيتۇن - التاي جەلىسىندەگى التاي ۆوكزالىنان باستالىپ، وڭتۇستىكتە ءۇرىمجى - جۇندۇڭ تەمىر جولىنىڭ جۇندۇڭ ۆوكزالىمەن ۇلاسىپ، كۇيتۇن - بەيتۇن تەمىر جولىمەن، لانجوۋ - شينجياڭ لەنياسىمەن، ءۇرىمجى - جياڭجۇنمياۋ تەمىر جولىمەن بىرىگىپ، سولتۇستىك شينجياڭ تەمىر جول اينالما جەلىسىن قۇرايتىن، التاي ايماعى مەن ءۇرىمجى اراسىنداعى قولايلى ارنا ەسەپتەلەدى.

  التاي ايماعىنا ورنالاسقان سورسۋ تۋنەلىنىڭ جالپى ۇزىندىعى 4333 مەتر، التاي - كوكتوعاي - جۇندۇڭ تەمىر جولىنداعى ەڭ ۇزىن تۋنەل بولىپ، نىساننىڭ مەڭگەرۋ سيپاتتى ينجەنەرياسى جانە ءتۇيىندى ينجەنەرياسى سانالادى. تۋنەل 2019 - جىلى 9 - ايدىڭ 27 - كۇنى تۇتاستىرىلعان، ”تۇرعان جەرىمىزدە سۋ، ەلەكتر، جىلۋمەن قامداۋ جانە ىندەتتەن ساقتانۋ - تىزگىندەۋ شارالارى تۇگەلدەي ورنالاستىرىلىپ، جۇمىس قالپىنا كەلدى، قۇرىلىس مەرزىمىنىڭ تۇيىنىنە ساي، وندىرىسكە كۇش سالا ۇيىمداستىرىپ، قۇرىلىس قارقىنىنا شىنايى كەپىلدىك ەتتىك. قازىر تۇتاس تۇلعا بويىنشا جول توسەنىشىن جاتقىزۋ قۇرىلىسى جۇرىلۋدە، كۇنىنە 75 مەتردەن ىلگەرىلەتۋ جوسپارلانىپ، مەجەمەن 4 - ايدىڭ سوڭىندا ورىندالىپ بولىپ، كەيىنگى تۋنەل ىشىنە رەليس جاتقىزۋعا نەگىز قالانادى“، - دەدى جۇڭگو تەمىر جول 10 - مەكەمەسى التاي - كوكتوعاي - جۇندۇڭ تەمىر جولى S2 بەلگى بولىگىنىڭ نىسان ديرەكتور ءبولىمى 1 - تارماق ءبولىمىنىڭ ديرەكتورى مىڭ فانلياڭ.

  التاي - كوكتوعاي - جۇندۇڭ تەمىر جولى 2016 - جىلى 5 - ايدىڭ 21 - كۇنى جۇمىس باستاپ، سالىنا باستاعان، جالپى ۇزىندىعى 427 كيلومەتر. كوكتوعايدان جۇندۇڭعا دەيىنگى بولىگىندە 2019 - جىلى 12 - ايدىڭ 31 - كۇنى پويەز قاتىناپ ىسكە قوسىلعان، التايدان كوكتوعايعا دەيىنگى بولىگىندە مەجەمەن بيىل 8 - ايدا پويەز قاتىنايدى، سول كەزدە التاي - كوكتوعاي - جۇندۇڭ تەمىر جولىندا تۇتاس لەنيا بويىنشا پويەز قاتىناپ، ىسكە قوسىلاتىن بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى