تيانشان تورى   ›   جاڭالىقتار   ›   وقۋ-اعارتۋ

قاۋىرت كەزگە شوعىرلانباي مەكتەپكە باردى، مەكتەپتەن قايتتى، تاڭەرتەڭ، ءتۇس، كەش تەمپەراتۋرانى ولشەدى، ساقتانۋ بۇيىمدارىن تولىق سەپتەدى

”اۋەزدى كىتاپ وقۋ ۇندەرىنىڭ“ شىعانداپ تۇرۋىنا قۇلشىندى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا، ەرىكتى تىلشىلەر ياڭ جيڭي، يە سۇي

  3 - ايدىڭ 23 - كۇنى بۇكىل شينجياڭداعى ورتا، باستاۋىش مەكتەپتەر، ورتا دارەجەلى كاسىپتىك مەكتەپتەر وقۋ باستاپ، ساباقتى قالپىنا كەلتىردى. مەكتەپتەردىڭ ءتۇرلى ساقتانۋ - تىزگىندەۋ شاراسىنىڭ ەگجەي - تەگجەيلى، دالمە - ءدال بولۋىن قايتكەندە ورىنداپ، وقىتۋ قيمىلىن قايتكەندە حاۋىپسىز، ءتارتىپتى، ۇيىمداستىرۋى، ورىستەتۋى − اتا - انالاردىڭ ەڭ قام جەيتىن ءىسى. وسىعان بايلانىستى ءتىلشى احۋال ۇعىستى.

  3 - ايدىڭ 23 - كۇنى ەرتەمەن، تەمپەراتۋرالارىن ولشەتكەننەن كەيىن ماكىت اۋداندىق تاجىريبە ورتا مەكتەبىنىڭ وقۋشىلارى مەكتەپكە ءتارتىپتى كىردى، مەكتەپ قاقپاسىندا تولىق ورتا 2 - جىلدىعىنىڭ وقۋشىسى مادينا امار كونە ماسكىسىن جيناپ الۋ ساندىعىنا تاستاپ، ءبىر جاڭا ماسكىنى الدى.

  ”ءبىز كونەنى جاڭاعا اۋىستىرۋ ءتاسىلىن قولدانىپ، وقۋشىلارعا ماسكىنى تەگىن بەردىك“، - دەدى ماكىت اۋداندىق وقۋ - اعارتۋ مەكەمەسىنىڭ ورىنباسار باستىعى رىن شياۋگاڭ.

  ماكىت اۋداندىق تاجىريبە ورتا مەكتەبىندە ءاربىر كلاسقا تۇگەلدەي زارارسىزداندىرۋ بۇرىككىش شاۋگىمى، تەمپەراتۋرا ولشەگىش، قول جۋۋ سۇيىقتىعى سياقتى ساقتانۋ بۇيىمدارىن سەپتەپ، وقۋشىلاردىڭ حاۋىپسىز ۇيرەنۋ ورتاسى بولۋىنا شىنايى كەپىلدىك ەتتى.

  اۋات اۋداندىق تاجىريبە باستاۋىش مەكتەبىنە كىرگەنىمىزدە كلاستان كىتاپتى ايشىقتى وقىعان داۋىس ەستىلدى، ساباقحانادا وقۋشىلار دەن قويا ساباق تىڭداپ وتىر ەكەن. ”ءبىز يقۋاتتى كلاس، كومپيۋتەر ءۇيى سياقتىلاردى بوساتىپ، شاعىن كلاستاندىرىلعان وقىتۋ جۇرگىزىپ، كلاستىڭ اۋاسىنىڭ الماسۋىنا كەپىلدىك ەتتىك“. اتالعان مەكتەپتىڭ پارتيا قۇرىلىسى كەڭسەسىنىڭ مەڭگەرۋشىسى جياڭ شيانشيڭ بىلاي دەدى: وقۋشىلاردىڭ مەكتەپكە كەلۋى، مەكتەپتەن قايتۋى، ساباققا كىرۋى، ساباقتان ءتۇسۋى، ساباق ارالىعىنداعى گيمناستيكاسى جانە تاماقتانۋى تۇگەلدەي قاۋىرت كەزگە شوعىرلانباي، ۋاقىت كەزەگىمەن جۇرگىزىلدى.

  ”5 - باستاۋىش مەكتەپتىڭ وقۋشىلارى جاقسى وسپىرىمدەر، ىندەتتى جەڭۋ جاۋاپكەرشىلىگى كۇشتى؛ ۇنەمى قولدارىن جۋادى، ۇنەمى اۋا الماستىرادى، كوبىرەك كۇن شۋاقتاۋ دەنساۋلىققا ءتىپتى دە پايدالى ...“ حو رۇيفاڭ قۇمىل قالالىق 5 - باستاۋىش مەكتەپ 4 - جىلدىق 3 - كلاسىنىڭ كلاس جەتەكشىسى، وقۋ باستاعاننان كەيىن، ءار كۇنى ساباق الدىندا ول وقۋشىلارمەن بىرگە ءوزى قۇراستىرعان ىندەتكە قارسى اتتانۋ بالالار جىرىن جاتقا ايتىپ، شاتتىققا بولەپ، تاربيە بەرۋ تاسىلىمەن ىندەتتەن ساقتانۋ شاعىن ساۋاتىن جالپىلاستىردى.

  3 - ايدىڭ 24 - كۇنى ساعات 9دا قۇلجا قالالىق 24 - باستاۋىش مەكتەپ قاقپاسىنىڭ الدىندا جول نۇسقاۋ كارتاسى كوزگە بىردەن شالدىقتى، وقۋشىلار بەلگىلەنگەن اۋماق بويىنشا وزدەرى ءتارتىپتى تۇردە مەكتەپكە كىرىپ جاتتى. وقىتۋشى - وقۋشىلاردىڭ سالاماتتىعىنا، حاۋىپسىزدىگىنە شىنايى كەپىلدىك ەتۋ ءۇشىن، وقۋ باستاۋدىڭ الدى - ارتىندا، مەكتەپ بەينەجازبا تىكە بەرىلىم تاسىلىمەن ىندەتتەن ساقتانۋ جاتتىعۋىن جانە سالاماتتىق قورعانۋ بىلىمدەرىن ءاربىر وتباسىلارىمەن ءبولىسىپ، ”مەكتەپ، كلاس، جىلدىق، وقىتۋشى - وقۋشى، اتا - انا“ساقتانۋ - تىزگىندەۋ تورىن بەرىك، ءجيى توقىدى.

  قاۋىرت كەزگە شوعىرلاندىرماي مەكتەپكە بارۋ، مەكتەپتەن قايتۋ، تاڭەرتەڭ، ءتۇس، كەش تەمپەراتۋرالارىن ولشەتۋ، مەكتەپ ىشىندە اۋماققا ءبولىنىپ ارەكەت جاساۋ... تۇتاس شينجياڭداعى ورتا، باستاۋىش مەكتەپتەر ساقتانۋ - تىزگىندەۋ وتكەلىن قاتاڭ يگەرۋمەن بىرگە، وقىتۋدى ءتارتىپتى ورىستەتتى.

  وڭتۇستىك شينجياڭدا ىشكى وڭىرلەردەن وقۋ - اعارتۋعا كومەككە كەلگەن وقىتۋشىلار ءبىرشاما كوپ، وقىتۋشىلاردىڭ قىزمەت ورنىنا ورالۋ، اۆتوكولىككە وتىرۋ قاجەتىن قاناعاتتاندىرۋ ءۇشىن اقسۋ ايماعى تەمىر جول تاراۋلارىمەن سايكەسىپ، شينجياڭعا ورالاتىن وقىتۋشىلارعا 6 ارناۋلى پويەز شىعاردى؛ حوتان ايماعى 10 كەزەكشى ۇشاقپەن الدىن الا سايكەسىپ، بايلانىس جاساپ، وقۋ - اعارتۋعا كومەككە كەلگەن 1300دەن استام وقىتۋشىنىڭ گانسۋ، سىچۋان، شانشي سياقتى جەرلەردەن حوتانعا ورالۋىنا كومەكتەستى، 2800دەن استام وقىتۋشى ارناۋلى پويەزبەن قىزمەت ورىندارىنا ورالىپ، ءتۇرلى مەكتەپتەردىڭ دەر كەزىندە وقۋ باستاۋىن، ساباقتى قالپىنا كەلتىرۋىن قامتاماسىز ەتتى.

  ”ءبىز تالاپ بويىنشا، ىشكى وڭىرلەردەن قىزمەت ورنىنا ورالعان وقىتۋشىلاردى اۋاشالادىق، اۋاشالاۋ اياقتاپ، مەكتەپكە كەلەر الدىندا دەنساۋلىق تەكسەرتۋگە ۇيىمداستىرىپ، دەنساۋلىعى اقاۋسىز بولعاننان كەيىن قىزمەت ورنىنا شىعۋىن بەلگىلەدىك“، - دەدى اقسۋ ايماقتىق وقۋ - اعارتۋ قىزمەت كوميتەتىنىڭ مۇشەسى، ايماقتىق وقۋ - اعارتۋ مەكەمەسىنىڭ ورىنباسار باستىعى ياڭ حۇڭجۇن.

  ءتىلشى مىنالاردى ۇعىستى: وقۋ باستاپ، ساباقتى قالپىنا كەلتىرگەننەن كەيىن، رايونىمىزداعى ءار دارەجەلى، ءار ءتۇرلى مەكتەپتەر ”وقۋ باستاۋداعى العاشقى ساباق“، ”ساباق الدىنداعى 10 مينۋت“، ”نەگىزگى تاقىرىپتىق كلاس جيىنى“ سياقتىلاردان تولىق پايدالانىپ، ىندەتكە ۇشتاستىرىپ، وتانشىلدىق تاربيەسىن، العىس ايتۋ تاربيەسىن، ءومىر تاربيەسىن، ىندەتتەن ساقتانۋ - تىزگىندەۋ بويىنشا عىلىم جالپىلاستىرۋ بىلىمدەرىن نەگىزگى تاقىرىپ ەتكەن تاربيە قيم−ىلدارىن ورىستەتىپ، وقىتۋشى - وقۋشىلاردىڭ ءومىرىنىڭ حاۋىپسىزدىگى مەن جان - ءتان ساۋلىعىن قامتاماسىز ەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى