ءتۇيىندى نىساندار قۇرىلىسىندا تىڭ سەرپىلىس بولۋدى بار كۇشپەن ىلگەرىلەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 3 - ايدىڭ 24 - كۇنى ۇرىمجىدەن حابارلايدى. 3 - ايدىڭ 23 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ۇكىمەت جۇيەسىنىڭ قاتىستى قىزمەتتەرىن اقىلداسىپ ورنالاستىردى.
ءماجىلىس 2020 - جىلى بۇكىل رايونىمىزدا جالعاستى سالىناتىن جانە تىڭنان قۇرىلىس باستايتىن نىسانداردىڭ كاسىپ سالاسىنا ءبولىنۋ جاعدايىنان بەرىلگەن مالىمەتتى تىڭدادى. ءماجىلىس مىنالاردى اتاپ كورسەتتى: ءتۇيىندى نىساندار قۇرىلىسى تۇتاس جىلدىق ەكونوميكالىق، قوعامدىق دامۋ نىسانالارى مەن مىندەتتەرىن ورىنداۋعا سايادى. ۇكىمەت پارتيا باسشىلىق گرۋپپاسى مەن ۇكىمەت كەڭسەسى پارتيا باسشىلىق گرۋپپاسى، سونداي - اق ۇكىمەت جۇيەسىندەگى ءارقايسى تاراۋلار ساياسي دەڭگەيدى شىن مانىندە جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ تالابىنا ساي، ءتۇيىندى نىساندار قۇرىلىسىندا تىڭ ناتيجەگە قول جەتكىزۋدى بار كۇشپەن ىلگەرىلەتۋ كەرەك.
ءماجىلىس مىنالاردى باسا دارىپتەدى: جاڭا دامۋ ۇستانىمى ارقىلى ءتۇيىندى نىساندار قۇرىلىسىنا ءبىر تۇتاس جەتەكشىلىك ەتۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتىپ، مەملەكەتتىڭ كاسىپ سالاسى ساياساتىنان جانە قارجى قوسۋ بەتالىسىنان كوز جازباي، بۇكىل رايونىمىزدىڭ ەكونوميكالىق، قوعامدىق دامۋىنىڭ بولاشاق قاجەتىن كوزدەپ، ءوز ابزالدىلىعىن جانە كاسىپ نەگىزىن تياناق ەتىپ، شىن مانىندە ولقىلىقتاردى تولىقتاپ، ءالسىز بۋىنداردى كۇشەيتۋ كەرەك. ورايدى مىقتى يگەرىپ، ءونىمدى قارجى قوسۋدى كۇش سالا كەڭەيتۋ قاجەت، اسىرەسە، نازاردى الەۋمەتتىك دەنساۋلىق ساقتاۋ، شۇعىل جاعدايعا توتەپ بەرۋ زاتتىق ماتەريالدارىمەن قامتاماسىز ەتۋ، حابارلاسۋ، قاتىناس سياقتى سالالارعا شوعىرلاندىرىپ، كوپ ءتۇرلى جولدارمەن ءونىمدى قارجى قوسۋعا باستاپ جانە ونى كەڭەيتىپ، جابدىق جاساۋ، بيولوگيالىق ءدارى جاساۋ، ونەركاسىپ ينتەرنەتى، 5G، سالاماتتىق كۇتىنۋ، ساياحات اشۋ سياقتى ءتۇيىندى كاسىپ نىساندارىن بەلسەنە زەرتتەپ جانە ىلگەرىلەتىپ، بۇكىل رايونىمىز ەكونوميكاسىنىڭ جوعارى ساپامەن دامۋىن جەبەۋگە باياندى قوزعاۋشى كۇش جانە ارىن ۇستەۋ كەرەك.
ءماجىلىس مىنالاردى باسا دارىپتەدى: نىساندار قۇرىلىسى اياق الىسىن جەدەلدەتىپ، ساپاسىن جوعارىلاتىپ، ونىمدىلىگىن ارتتىرۋ، جاڭا ارتۋ تۇيىندەرىن جەتىلدىرۋ جاعىنا كۇش سالۋ كەرەك. بيىل جىل باسىنداعى تۇراقتى مال - مۇلىككە قارجى قوسۋ نىساناسىن ارقاۋ ەتىپ، ”ءبىر توبىنىڭ قۇرىلىسىن جۇرگىزۋ، ءبىر توبىنىڭ قۇرىلىس جۇمىسىن باستاۋ، ءبىر توبىن دايىنداۋ“ تالابىنا ساي، ۇيىمدىق باسشىلىقتى كۇشەيتىپ، نىسانانى ايقىنداپ، جاۋاپكەرشىلىكتى اشالاپ، قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، كاسىپكە، سالاعا ءبولىپ، نىسانداردىڭ ناقتاپ تياناقتانۋىن ورنالاستىرىپ، ىلگەرىلەتىپ، نىسانداردى ىلگەرىلەتۋ بارىسىنداعى ماسەلەلەردى دەر كەزىندە سايكەستىرىپ شەشىپ، نىساندار قۇرىلىسى قارقىنىن جاپپاي تەزدەتۋدى ىلگەرىلەتىپ، قۇرىلىستىڭ ەرتە اياقتالۋىنا، ەرتە وندىرىسكە قوسىلۋىنا، ەرتە ونىمدىلىك بەرۋىنە شىنايى كەپىلدىك ەتۋ كەرەك. قۇرىلىس جۇرگىزىپ جاتقان ورىنداردىڭ ىندەتتەن ساقتانۋ - تىزگىندەۋىن كۇشەيتىپ، نىسان ساپاسىنا جانە ءوندىرىس حاۋىپسىزدىگىنە شىنايى كەپىلدىك ەتۋ كەرەك. جەر - جەردى، تاراۋلاردى نىسانداردى جۇمىسكەرلەرمەن قامتاماسىز ەتۋ قىزمەت وتەۋ قىزمەتىن ويداعىداي ىستەۋگە قۋزاپ، جەتەكشىلىك ەتىپ، قۇرىلىس جۇرگىزۋشى ورىنداردى نىسان قۇرىلىسىندا دەنساۋلىق ساقتاۋ، ىندەتتەن ساقتانۋ، ءوندىرىس حاۋىپسىزدىگى سياقتى جۇمىس ورنىنا شىعۋدان بۇرىن باۋلۋ قىزمەتىن ويداعىداي ىستەۋگە جەتەكشىلىك ەتىپ، ساپا حاۋىپسىزدىگى تانىمىن بەرىك ورناتىپ، ءوندىرىس حاۋىپسىزدىگى كومەسكى قاتەرلەرىن ءبىر - بىرلەپ تەكسەرىپ، وڭاپ، ەلەۋلى، ەرەكشە ءىرى شىرعالاڭداردىڭ تۋىلۋىنان باتىل ساقتانۋ قاجەت. ۇكىمەتتىك قىزمەت وتەۋدى ساپالىلاندىرىپ، تاماشا دامۋ ورتاسىن قالىپتاستىرۋ ءتيىس. سالىق تيىمدىلىگى، قازىنا قوسىمشا قاراجاتى سياقتى ساياساتتاردى دەن قويا تياناقتاندىرىپ، الۋان ءتۇرلى شارالاردى قولدانىپ كاسىپورىنداردىڭ اۋىرتپالىعىن جەڭىلدەتىپ، ورتا، شاعىن، ۇساق كاسىپورىنداردى سۇيەمەلدەۋ سەرپىنىن ارتتىرۋ كەرەك. ”بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ىرىقتى تۇردە الدا تۇرىپ قىزمەت وتەپ، قاتىستى تەكسەرىپ بەكىتۋ، ءبىتىرۋ ۋاقىتىن بارىنشا قىسقارتىپ، قىزمەت وتەۋ ونىمدىلىگىن جوعارىلاتۋ كەرەك.
ءماجىلىس مىنالاردى تالاپ ەتتى: تۇلعالىق جاۋاپكەرشىلىكتى ناقتىلاندىرىپ، قاتايتىپ، ءبىر تۇتاس جوسپارلاپ سايكەستىرىپ، پارمەندى ىلگەرىلەتىپ، مىندەتتەردى ءبىر - بىردەن اشالاپ، شارالاردى ءبىر - بىردەن تياناقتاندىرىپ، بۋىندار بويىنشا مىقتى يگەرىپ، نىساندار قۇرىلىسى نەگىزگى شايقاس مايدانىندا جاۋاپكەرشىلىك ارقالاپ، ىسكەرلىك كورسەتىپ، اتويلاپ الدا ءجۇرىپ، جوعارى ساپامەن دامۋعا بەلسەنە ۇلەس قوسۋ كەرەك.
