شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 3 - ايدىڭ 24 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق جاراتىلىستىق بايلىق مەڭگەرمەسىنەن ۇعىسۋىنشا، بيىل رايونىمىز كەدەيلىكتەن ارىلتۋدان قامال الۋعا پايدالانىلاتىن جەر، پايدالانىلاتىن كەن جونىنەن قىزمەت وتەۋمەن قامتاماسىز ەتۋ قىزمەتىن كۇشەيتىپ، جاراتىلىستىق بايلىق ساياساتى، قارجى، نىسان، تەحنيكا سياقتى جاقتاردا كەدەي وڭىرلەرگە بەيىمدەلەدى جانە قولداۋ كورسەتەدى.
رايونىمىز قالا - اۋىل قۇرىلىسىنا پايدالانىلاتىن جەردىڭ كوبەيۋ - ازايۋىن بايلانىستىرۋ ساياساتىنان ۇزدىكسىز تولىق جاقسى پايدالانىپ، ولكە كولەمىنەن اتتاعان ەگىستىك جەر تولىقتاۋداعى مەملەكەتتىڭ ءبىر تۇتاس جوسپارلاۋ نىسانىنا بەلسەندىلىكپەن قول جەتكىزىپ، كەدەيلىكتەن ارىلتۋدان قامال الۋدى قارجىمەن قولدايدى؛ جەردەن پارىقتى پايدالانۋدى قولداۋ ساياساتىنان جاقسى پايدالانىپ، اۋىر كەدەي وڭىرلەردەگى تىڭنان قۇرىلىسقا پايدالانىلاتىن جەردىڭ جوسپار كورسەتكىشىن قامتاماسىز ەتىپ، قونىس جاڭالاپ كەدەيلەردى سۇيەمەلدەۋ بويىنشا كوشىرىلگەن وڭىردەگى قورا - جاي ورنىن قايتا تىڭايتۋ، قايتا جاسىلداندىرۋ قىزمەتىن تىڭعىلىقتى ىلگەرىلەتەدى؛ كەن بايلىعىن بارلاۋ، گەولوگيالىق اپاتتان ساقتانۋ - تىزگىندەۋ، گەولوگيالىق ورتا جانە نەگىزدىك ولشەۋ - سىزۋ سياقتى نىسانداردى وڭتۇستىك شينجياڭعا بەيىمدەپ ورنالاستىرۋ تەبىنىن ۇزدىكسىز ارتتىرادى. قازىر اۆتونوميالى رايوندىق جاراتىلىستىق بايلىق مەڭگەرمەسى كۇش - قۋاتتى شوعىرلاندىرىپ، ءتۇرلى قۇرىلىس نىساندارىنا پايدالانىلاتىن جەردى تەكسەرىپ بەكىتۋدى تەز ىلگەرىلەتىپ، جاڭادان سالىناتىن، جالعاستى سالىناتىن نىسانداردىڭ ۋاعىندا تياناقتاندىرىلۋىن بار كۇشپەن قامتاماسىز ەتۋدە.
2019 - جىلى رايونىمىز قالا، اۋىل قۇرىلىسىنا پايدالانىلاتىن جەردىڭ كوبەيۋ - ازايۋىن بايلانىستىرۋ، ەگىستىك جەردى تولىقتاۋدى مەملەكەت ءبىر تۇتاس جوسپارلاۋ ساياساتىنان تولىق، جاقسى پايدالانىپ، مەملەكەت قارجىسىنان 14 ميلليارد 700 ميلليون يۋانعا قول جەتكىزدى؛ جەردەن پارىقتى پايدالانۋدى قولداۋ ساياساتىن تياناقتاندىرىپ، وڭتۇستىك شينجياڭداعى 4 ايماق - وبلىستاعى جەردى وتكەرمەلەۋ قارجىسىن ازايتتى، كەشىرىم ەتتى، جاڭادان ارتقان قۇرىلىسقا ىستەتىلەتىن جەردى اقىلى پايدالانۋ قارجىسى 251 ميلليون يۋان بولىپ، كەدەي اۋدانداردىڭ قۇرىلىسقا پايدالانىلاتىن جەرىنىڭ قامتاماسىز ەتۋگە تيىستىلەرىن تۇگەلدەي قامتاماسىز ەتۋدى جۇزەگە اسىردى؛ نىسانداردى وڭتۇستىك شينجياڭعا بەيىمدەۋگە تاباندى بولىپ، قونىس جاڭالاپ كەدەيلەردى سۇيەمەلدەۋ بويىنشا كوشىپ شىققان وڭىردەگى 21 مىڭ 500 مۋ قورا - جاي ورنىن قايتا تىڭايتۋ، قايتا جاسىلداندىرۋ مىندەتىن ورىنداپ، كەن بايلىعىن تەكسەرۋ، گەولوگيالىق اپاتتان ساقتانۋ - تىزگىندەۋ سياقتى 60 نەشە نىساندى ورنالاستىردى.
