شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 3 - ايدىڭ 24 - كۇنى ۇرىمجىدەن حابارلايدى. تاكلاماكان ءشولىنىڭ وڭتۇستىك جيەگىندە بيڭتۋان 14 - شىسى كۇنيۇي قالاسىنان گۇما ەگىس الاڭىنا دەيىنگى تاس جول نىسانى جۋىق كۇندەردەن بەرى قاۋىرت جۇمىس جۇرگىزۋدە. جالپى ۇزىندىعى 88 كيلومەتر كەلەتىن بۇل تاس جولدا بيىل جىل سوڭىندا كولىك قاتىنايدى، نىسان سالىنىپ بولعان سوڭ، كۇنيۇي قالاسىنان گۇما ەگىس الاڭىنا دەيىنگى قاتىناۋ ۋاقىتى بارىنشا قىسقارادى.
3 - ايدىڭ 20 - كۇنىنە دەيىن، بيڭتۋاندا قۇرىلىسى جالعاساتىن 28 ءتۇيىندى تاس جول قۇرىلىسى نىسانى جۇمىستى قالپىنا كەلتىرۋ شارت - جاعدايىن ازىرلەگەن، جىلدىق جوسپار بويىنشا 5 ميلليارد 722 ميلليون يۋان قارجى قوسىلادى؛ قازىر 26 نىساننىڭ جۇمىسى قالپىنا كەلىپ، جالپى قوسىلعان قارجى 5 ميلليارد 80 ميلليون يۋانعا جەتتى؛ مۇنان تىس، اۋا رايى سەبەبىنەن جۇمىستى قالپىنا كەلتىرۋ شارت - جاعدايى جەتكىلىكسىز 22 نىسان مەجەمەن 4 - ايدىڭ 15 - كۇنىنەن بۇرىن جۇمىستى جاپپاي قالپىنا كەلتىرەدى.
تۇڭعىش توپتا 26 نىساننىڭ جۇمىستى قالپىنا كەلتىرۋى بيىل بيڭتۋاننىڭ قاتىناس نىسانى قۇرىلىسىنىڭ كەڭ كولەمدە باستالعانىن ايگىلەدى. بيڭتۋان قاتىناس - تاسىمال مەكەمەسىندەگى قاتىستى ادامنىڭ تانىستىرۋىنا قاراعاندا، كەزەكتە قۇرىلىسى جالعاساتىن ءتۇيىندى تاس جول نىسانىنا مەملەكەت جوسپارىنداعى قارجىنىڭ 4 ميلليارد 800 ميلليون يۋان قارجىسى تۇگەلدەي تياناقتانىپ بولعان، شىنىڭ، قالانىڭ سايكەستى ءوزى دايىندايتىن بولەگى دە تەز ارادا تياناقتانىپ، ءتۇيىندى نىسان قۇرىلىسىنىڭ قالىپتى ىلگەرىلەۋىنە شىنايى كەپىلدىك ەتىلگەن.
ۇعىسۋعا قاراعاندا، 2020 - جىلى بيڭتۋاندا جاڭادان سالىناتىن ءتۇيىندى تاس جول قۇرىلىس نىسانىنان 10ى بار، نىسانعا جالپى قوسىلعان قارجى 2 ميلليارد 910 ميلليون يۋان، قۇرىلىس ارالىعى 340 كيلومەتر، نىسانعا قاتىستى شى، قالا قازىر الدىڭعى مەرزىمدىك قۇرىلىس قىزمەتىن جەدەل جۇرگىزىپ، تەز ارادا جۇمىس باستاۋ شارت - جاعدايىن ازىرلەۋگە كۇش سالۋدا.
