تيانشان تورىنىڭ حابارى. 3-ايدىڭ 25-كۇنى، اۆتونوميالى رايوندىق وقۋ-اعارتۋ مەڭگەرمەسى ۇقتىرۋ جاريالاپ، اۆتونوميالى رايونعا قاراستى جوعارى مەكتەپتەردىڭ 2020-جىلعى كوكتەمگى وقۋ ماۋسىمى 4-ايدىڭ 8-كۇنىنەن باستاپ پارىقتى ۋاقىتتا ىركەس-تىركەس وقۋ باستايتىنىعىن ايقىندادى. مەكتەپتەردىڭ وقۋ باستاۋ ۋاقىتىن سول مەكتەپتىڭ ىندەتتەن ساقتانۋ-تىزگىندەۋ جانە وقىتۋ دايىندىق جاعدايىنا قاراي بەلگىلەيدى ءارى وقىتۋشى-وقۋشىلارعا الدىن الا ۇقتىرادى.
ۇقتىرۋدا مىنالار تالاپ ەتىلدى: جەر-جەردەگى ءارقايسى مەكتەپتەر قاراستى ورىننىڭ باسقارۋ پرينسپىنە تاباندى بولىپ، جوعارى مەكتەپتەردىڭ نەگىزگى تۇلعالىق جاۋاپكەرشىلىگىن تياناقتاندىرىپ، ٴبىر مەكتەپ، ٴبىر جوبا جاساپ، مەكتەپ اۋلاسىنداعى ىندەتتەن ساقتانۋ-تىزگىندەۋ جانە ساباقتى قالپىنا كەلتىرۋ قىزمەتىن ويداعىداي ىستەۋى كەرەك. ىشكى ولكەلەردەگى وقىتۋشىلار مەن وقۋشىلار جاعدايىنا قاراي كەشەۋىلدەپ وقۋ باستاۋعا تىزىمدەلۋىنە بولادى.
