كادرلار كاسىپورىنداردىڭ ءبىرىنشى شەبىنە بارىپ، ءوندىرىستى قالپىنا كەلتىرۋگە، ءوندىرىس قۋاتىنا جەتۋگە كۇش ۇستەدى
شينجياڭدا تۇراتىن ورتالىققا قاراستى كاسىپورىنداردى، تىرەكتى حالىقتىق كاسىپورىنداردى ”جۇپتاسىپ“ سۇيەمەلدەدى
شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 3 - ايدىڭ 24 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنا قاراعاندا، كاسىپورىنداردىڭ ءوندىرىستى قالپىنا كەلتىرۋىن، ءوندىرىس قۋاتىنا جەتۋىن جانە ءتۇيىندى ونەركاسىپ نىسان قۇرىلىستارىن جاپپاي ىلگەرىلەتۋ ءۇشىن، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى تۇتاس رايونىمىزداعى ورتالىققا قاراستى ءتۇيىندى كاسىپورىنداردىڭ، تىرەكتى حالىقتىق كاسىپورىنداردىڭ ”جۇپتاسىپ“ بايلانىس جاساۋشىلار مەحانيزمىن ورناتىپ، 60 كادردى كاسىپورىنداردىڭ ءبىرىنشى شەبىنە ورنالاستىرىپ، شينجياڭدا تۇراتىن كاسىپورىندارعا جەتەكشىلىك ەتۋ، كومەكتەسۋ - سۇيەمەلدەۋ قىزمەتىن ورىستەتتى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى شىعارعان «شينجياڭدا تۇراتىن كاسىپورىنداردىڭ جالپى بەتتىك ءوندىرىستى قالپىنا كەلتىرۋىنە، ءوندىرىس قۋاتىنا جەتۋىنە جەتەكشىلىك ەتۋ، كومەكتەسۋ - سۇيەمەلدەۋ جانە ءتۇيىندى ونەركاسىپ نىسان قۇرىلىسىن ىلگەرىلەتۋ قىزمەت جوباسىنا» ساي، وسى 60 كادر 3 - ايدىڭ 24 - كۇنىنەن 31 - كۇنىنە دەيىنگى ارالىقتا تۇتاس رايونىمىزداعى مۇناي، مۇناي - حيميا، كومىر، حيميا ونەركاسىبى، توقىماشىلىق، كيىم - كەشەك، ستراتەگيالىق سيپاتتى جاڭادان گۇلدەنگەن كاسىپ سالالارىنداعى، كاسىپتەردەگى شينجياڭدا تۇراتىن ءتۇيىندى ورتالىق كاسىپورىندارىندا تۇراقتاپ تۇرىپ، قىزمەت ورىستەتىپ، كاسىپورىنداردىڭ كەزەكتەگى ءوندىرىس اينالىمى جاعدايىن ۇعىسىپ، قاتىستى تاراۋلارمەن بەلسەنە سايكەسىپ، كاسىپورىنداردىڭ ءوندىرىستى جوعارىلاتىپ، ءوندىرىس قۋاتىنا جەتۋ جانە حاۋىپسىز، ورنىقتى اينالىمى بارىسىنداعى ماسەلەلەرىن ۇعىسىپ، كاسىپورىنداردىڭ ارقالاي الاتىن حاۋىپسىز، ورنىقتى ءوندىرىسىن جەبەيدى. سونىمەن بىرگە، جالعاستى سالىناتىن نىسانداردىڭ قۇرىلىسىن تەزدەتۋىن، جاڭادان سالىنعان نىسانداردىڭ دەر كەزىندە جۇمىس باستاۋىن، زاپاس نىسانداردىڭ جىلدام ىلگەرىلەتىلۋىن جەبەيدى.
وسى 60 كاسىپورىن باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى، شينچيكاڭ ءدارى - دارمەك جارنا شەكتى سەرىكتەستىگى، شينجياڭ شياڭشىڭ جاڭا ماتەريالدار عىلىم - تەحنيكا شەكتى سەرىكتەستىگى، شينجياڭ جيحۋا 7555 كاسىپتىك كيىم - كەشەك شەكتى سەرىكتەستىگى سياقتىلاردى قامتيدى. تالاپ بويىنشا 60 كاسىپورىن تۇرلىشە اۋماققا بولىنەدى، ءاربىر اۋماققا مەڭگەرمە دارەجەلى ءبىر باسشى جەتەكشىلىك ەتىپ، شينجياڭدا تۇراتىن ورتالىق كاسىپورىندارىنىڭ، تىرەكتى حالىقتىق كاسىپورىنداردىڭ ءوندىرىستى قالپىنا كەلتىرۋىنە، ءوندىرىس قۋاتىنا جەتۋىنە جانە ءتۇيىندى ونەركاسىپ قۇرىلىس نىساندارىنىڭ جاعدايىن جاپپاي يگەرىپ، كاسىپورىنداردا ورىن تەپكەن ماسەلەلەردى سايكەسىپ شەشىپ، كاسىپورىنداردىڭ ءوندىرىستى جاپپاي قالپىنا كەلتىرۋىن، ءونىم مولشەرىنە جەتۋىن ىلگەرىلەتىپ، نىساندار قۇرىلىسىن ىلگەرىلەتۋدى جەبەيدى.
”ءبىز كاسىپورىنداردىڭ شيكىزاتپەن قامداۋ، قاتىناس - تاسىمال، اينالىم قارجىسى تاپشى بولۋ سياقتى ماسەلەلەرىن شەشىپ، كاسىپورىنداردىڭ تەز ارادا ءوزى ارقالاي الاتىنداي ءوندىرىس جۇرگىزۋىن ىلگەرىلەتۋىنە ءتۇيىندى كومەكتەسەمىز. قىزمەتكەرلەردەن ماسەلەنى باعدار ەتۋدەن جازباي، كومەكتەسۋ - سۇيەمەلدەۋ، جەتەكشىلىك ەتۋ قىزمەتىن ناق مايداندا ورىستەتىپ، ماسەلەلەردى ءبىر - بىرلەپ تەكسەرۋدى تالاپ ەتەمىز“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جۇمىس جۇرگىزۋدى باقىلاۋ - ولشەۋ، سايكەستىرۋ مەكەمەسىنىڭ ورىنباسار باستىعى گو رۇيبين.
