تاياۋدا، بۇكىل ەلىمىزدىڭ ىندەتتەن ساقتانۋ - تىزگىندەۋ جاعدايىنىڭ ۇزدىكسىز جاقسارۋىمەن، كوپتەگەن اس - سۋ قۇرىلىمدارى تيجاراتتى بىرتىندەپ قالپىنا كەلتىردى، ەندەشە، تۇتىنۋشىلار وشىرەتكە تۇرعاندا جانە تاماقتانۋدا جەكەلىك قورعانىستى قالاي ىستەۋ كەرەك؟
1. وشىرەتكە تۇرعاندا
وشىرەتكە تۇرعاندا ماسكى تاعۋ، سويلەۋدى ازايتۋ، ىرگەلەس قاريدارلارمەن بەلگىلى ارالىق ساقتاۋ.
وشىرەتتە تۇرىپ، تۇشكىرگەن كەزدە، قاعازبەن اۋىز - مۇرىندى قالقالاۋ نەمەسە بىلەكپەن قالقالاۋ ت.ب.
2. تاماق العاندا
تاماق العاندا، قولىن ۇنەمى جۋىساتىن زاتتارعا تىكەلەي تيگىزبەۋ.
اقشاسىن تولەگەن كەزدە مۇمكىندىكتىڭ بارىنشا ەكى ولشەمدى كود سياقتى تىكەلەي جۋىسپايتىن ەلەكتروندى اقشا تولەۋ ءتاسىلىن تاڭداپ، ەسەپ جابۋدا ناق اقشا ىستەتۋدى ازايتۋ.
3. تاماقتانۋدان بۇرىن
تاماقتانۋدان بۇرىن، بەتى تازا ۇستەلدى، ورىندىقتى تاڭداپ وتىرۋ ءارى ەسىك، تەرەزەگە جاقىن، جەل ءوتۋى جاقسى ورىنعا وتىرۋى. ءبىراق، توپتالۋدان ساقتانۋ.
قولدىڭ تازالىعىنا كوڭىل ءبولۋ، قول جۋاتىن سۇيىقتىقتى ىستەتىپ، اعىندى سۋمەن قولدى جۋۋعا نەمەسە زاراسىزداندىرۋ سۇيىقتىعىمەن قولدى ىسقىلاۋ.
4. تاماقتانعاندا
تاماقتانۋدا، ماسكىنى الىپ قويعاندا، ماسكىنىڭ ىشكى جاعىنىڭ تازا بولۋىنا كوڭىل ءبولىپ، بىلعانۋدان ساقتانۋ.
قاراما - قارسى وتىرۋدان ساقتانۋ، ۇقساس باعىتتا قاراي وتىرۋ ءارى ءبىر مەتردەن ارتىق ارالىق ساقتاۋ.
تاماقتانۋ ۋاقىتىن مۇمكىندىكتىڭ بارىنشا قىسقارتىپ، بىرگە جۇرگەندەرمەن سويلەسۋدى ازايتۋ. ەگەر اسحانادا تاماقتانعاندار ءبىرشاما كوپ بولسا، تاماقتى قوراپقا سالدىرىپ الىپ كەتۋ ءتاسىلىن تاڭداۋ.
5. تاماقتانعاننان كەيىن
تاماقتانىپ بولعاننان كەيىن، اسحانادان دەرەۋ كەتۋ، اسحانادا ايالدايتىن ۋاقىتتى قىسقارتۋ.
قاتىستى حابار:
مەملەكەتتىك دەنساۋلىق ساقتاۋ، سالاماتتىق كوميتەتى: اس ـ سۋ كاسىپ سالالارى تيجارات جۇرگىزۋدە 3 ءتۇرلى شارانى ويداعىداي ىستەۋ كەرەك
3 - ايدىڭ 20 - كۇنى، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ باقىلاۋ ـ تەكسەرۋ ارناۋلى قىزمەتكەرى ۋاڭ بين مىنانى ءبىلدىردى: بۇكىل ەلىمىزدىڭ ىندەتتەن ساقتانۋ - تىزگىندەۋ جاعدايىنىڭ ۇزدىكسىز جاقسارۋىمەن، اس ـ سۋ كاسىپ سالالارى تيجارات جۇرگىزگەندە، 3 جاقتاعى قىزمەتتى ويداعىداي ىستەۋ كەرەك.
ەڭ اۋەلى، اس - سۋ تيجاراتىمەن شۇعىلداناتىن ورىندار ىندەتتەن ساقتانۋ -تىزگىندەۋ باس تۇلعالىق جاۋاپكەرشىلىگىن تياناقتاندىرۋ كەرەك، تيجاراتتى قالپىنا كەلتىرۋدەن بۇرىن، تيجارات ورىندارىن، ياعني ۇلكەن زالدى، بولمەلەردى، سونداي - اق اس ۇيدەگى ءبىرسىپىرا قۇرىلعىلار مەن جابدىقتاردى، ىدىس - اياقتاردى تۇبەگەيلى تازالاپ، زارارسىزداندىرۋ كەرەك. تيجارات جۇرگىزگەن كەزدە، اسحانادا نەمەسە اسحانانىڭ ەسىك الدىنا ارناۋلى ادام ورنالاستىرىپ، اسحاناعا كىرگەن ادامداردىڭ دەنە تەمپەراتۋراسىن ولشەۋ كەرەك، دەنە تەمپەراتۋراسى قالىپتى بولعاندا عانا اسحاناعا كىرگىزۋىنە بولادى. اسحاناعا كىرەتىن ادامداردىڭ سانىن تەجەۋ، مۇمكىندىكتىڭ بارىنشا الدىن الا كەلىسۋ نەمەسە تاماقتانۋدىڭ قاۋىرت كەزىنەن باسقا ۋاقىتتا تاماقتانۋ؛ سونىمەن بىرگە اس ۇستەلدەردىڭ ارالىعىن الىستاتىپ، جەل وتكىزىپ، اۋا الماستىرۋدى جانە تازالاپ زارارسىزداندىرۋدى كۇشەيتىپ، ورىنداردىڭ قول جۋۋ قۇرىلعىلارىنىڭ قالىپتى اينالىمىنا كەپىلدىك ەتىپ، ادامداردىڭ قول جۋۋىنا قولايلىلىق جاساۋ كەرەك. ەسەپ جابۋ مىنبەسى، تازالىق بولمەسى سياقتى جەرلەرگە ءسوز جوق، دەرەۋ كەبەتىن قول زارارسىزداندىرۋ سۇيىقتىعىن قويۋ كەرەك.
ەكىنشى، اس - سۋ كاسىپ سالاسىندا ىستەيتىندەر قىزمەتكە شىعۋدان بۇرىن ماسكى تاعىپ، سالاماتتىقتى باقىلاۋ - ولشەۋ جانە قولدىڭ تازالىعىن ويداعىداي ىستەۋ كەرەك. مانەرلەنگەن ازىقتىقتاردىڭ شيكىسىن، پىسقانىن ايىرىپ قويۋ، مال - قۇستاردىڭ ەتى، جۇمىرتقا سياقتىلاردى ءسوزسىز ابدەن پىسىرۋ كەرەك. ءار كۇنى اس ءۇي مەن اسحانانىڭ ورتاسىن، قۇرىلعىلارىن، ىدىس - اياقتارىن، سونداي - اق ەسىك تۇتقالارىن، ليفت بولمەسىن، الەۋمەتتىك تازالىق بولمەسىن تازالاپ زارارسىزداندىرۋ كەرەك.
ءۇشىنشى، بۇقارالار تاماقتانعاندا جەكە باسىنىڭ قورعانىسىن ويداعىداي ىستەۋ كەرەك، تاماقتانۋدان بۇرىن قول جۋۋ، وشىرەتكە تۇرعاندا ءبىر مەتردەن ارتىق ارالىق ساقتاۋ كەرەك، سونىمەن بىرگە، ءوز الدىنا تاماقتانۋدى، ورتاق ساقپى ىستەتۋدى ۇسىنىس ەتەمىز.
ماتەريالدىڭ كەلۋ قاينارى: جۇڭگو سالاماتتىق تاربيەسى ورتالىعى
حالىق سالاماتتىعى تورى
