ورماندى، جايلىمدى ورتتەن ساقتاۋ، ءورت ءسوندىرۋ قىزمەتىن تاباندىلىقپەن، باتىلدىقپەن يگەرەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 24 - كۇنى اۆتونوميالى رايوننىڭ كوكتەم ماۋسىمىنداعى ورماندى، جايلىمدى ورتتەن ساقتاۋ، ءورت ءسوندىرۋ قىزمەتى جونىندەگى تەلەۆيزور - تەلەفون ءماجىلىسى اشىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: كەزەكتە رايونىمىز كوكتەم ماۋسىمىنداعى ورمان، جايلىم ءورتى كوپ تۋىلاتىن، ءجيى تۋىلاتىن مەزگىلگە، جۇمىستى، ءوندىرىستى جاپپاي قالپىنا كەلتىرۋدى ىلگەرىلەتۋدىڭ شەشۋشى مەزگىلىنە ءوتتى، بۇكىل رايوننىڭ ورماندى، جايلىمدى ورتتەن ساقتاۋ جانە ونى تىزگىندەۋ جاعدايى جالپى جاقتان ورنىقتى بولدى، الايدا ءورت حاۋپىنىڭ دارەجەسى ءبىرشاما جوعارى بولۋ، ارناۋلى كۇشتەر جەتكىلىكسىز بولۋ سياقتى كورنەكتى ماسەلەلەر دە ورىن تەۋىپ وتىر.
ءماجىلىس مىنانى تالاپ ەتتى: جەر - جەر، تاراۋلار ساياسي دەڭگەيدى جوعارىلاتىپ، ورماندى، جايلىمدى ورتتەن ساقتاۋ، ءورت ءسوندىرۋ قىزمەتىن ويداعىداي ىستەۋدىڭ ايرىقشا ماڭىزدىلىعىن جەتە تانىپ، ماسەلەنى باعدار ەتۋدەن جازباي، ورماندى، جايلىمدى ورتتەن ساقتاۋ، ءورت ءسوندىرۋ ءدوپ كەلگەن قاتاڭ دا كۇردەلى جاعدايدى ءداپ باسىپ يگەرىپ، مۇقيات جاۋاپتى بولىپ، ورماندى، جايلىمدى ورتتەن ساقتاۋ، ءورت ءسوندىرۋ قىزمەتىن ويداعىداي يگەرۋ كەرەك. قىزمەت شارالارىن ەگجەي - تەگجەيلى بەلگىلەپ، كومەسكى قاتەرلەردى ءبىر - بىرلەپ تەكسەرۋدى كۇشەيتىپ، ءورت كوزدەرىن باسقارۋدى مىقتى ۇستاپ، ساقتاندىرۋدى باقىلاۋدى كۇشەيتىپ، شۇعىل جاعدايعا توتەپ بەرۋ دايىندىق جوباسىن نىعايتىپ، ءورت جاعدايىن ءبىر جاقتى ەتۋ قابىلەتىن جوعارىلاتىپ، ورماندى، جايلىمدى ورتتەن ساقتاۋ، ءورت ءسوندىرۋ قىزمەتىن كۇش سالا ويداعىداي ىستەۋى كەرەك.
ءماجىلىس مىنانى باسا دارىپتەدى: جەر - جەر تۇلعالىق جاۋاپكەرشىلىكتى كۇشەيتىپ، قىزمەت بىرىككەن كۇشىن قالىپتاستىرىپ، شارالاردى تياناقتاندىرىپ، ناقتىلاندىرىپ، قۋزاۋ - جەتەكشىلىك ەتۋدى كۇشەيتىپ، كولەمدى ورمان ءورت اپاتىنىڭ تۋىلماۋىنا شىنايى كەپىلدىك ەتىپ، اۆتونوميالى رايوننىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ، ورنىقتىلىق قىزمەتىن ءبىر تۇتاس جوسپارلاۋىنا تاماشا ورتا ازىرلەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، ”13 - بەسجىلدىق“ جوبانىڭ نىسانا - مىندەتتەرىن ورىنداۋعا بەلسەندى ۇلەس قوسىپ، ەكولوگيالىق حاۋىپسىزدىكپەن قامتاماسىز ەتۋ كەرەك.
