تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناسادى

سىرتقى ىستەر مينيسترلىگىنىڭ جاۋاپتىسى تىلشىلىكتى قابىلداپ، قاتىستى جاعدايدى تانىستىردى

  شينحۋا اگەنتتىگىنىڭ 3 - ايدىڭ 25 - كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 3 - ايدىڭ 25 - كۇنى مىنانى جاريالادى: مەملەكەت ءتوراعاسى شي جينپيڭ 3 - ايدىڭ 26 - كۇنى بەيجيڭدە 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناسادى.

  بۇل رەتكى ەل باسىلارى كەڭەسىن 20 ەل توبىنا ءتوراعا ەل ساۋد ارابياسى پاتشالىعى باسقارىپ وتكىزەدى، كەڭەس بەينەجازبا فورماسىندا وتكىزىلەدى.

  شينحۋا اگەنتتىگىنىڭ 3 - ايدىڭ 25 - كۇنى بەيجيڭنەن بەرگەن حابارى (ءتىلشى جىڭ ميڭدا). مەملەكەت ءتوراعاسى شي جينپيڭ 3 - ايدىڭ 26 - كۇنى 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناسادى. 3 - ايدىڭ 25 - كۇنى سىرتقى ىستەر مينيسترلىگىنىڭ ورىنباسار مينيسترى ما جاۋشۇي حالىق گازەتى مەكەمەسىنىڭ، شينحۋا اگەنتتىگىنىڭ، ورتالىق تەلەۆيزيا ستانسياسىنىڭ جانە جۇڭگو گازەتى مەكەمەسىنىڭ تىلشىلەرىن قابىلداپ، ەل باسىلارى كەڭەسىنىڭ استارىن جانە جۇڭگو جاقتىڭ كۇتەتىن ءۇمىتىن تانىستىردى.

  ما جاۋشۇي مىنالاردى ءبىلدىردى: 20 ەل توبى (G20) باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسى 3 - ايدىڭ 26 - كۇنى وتكىزىلەدى، مەملەكەت ءتوراعاسى شي جينپيڭ ەل باسىلارى كەڭەسىنە قاتىناسادى. G20نىڭ مۇشەلەرىنىڭ، قۇرمەتتى قوناق ەلدەردىڭ، سونداي - اق قاتىستى حالىقارالىق ۇيىمداردىڭ جاۋاپتىلارى كەڭەسكە قاتىناسادى. بۇل G20نىڭ تاريحىندا باسشىلاردىڭ بەينەجازبادا تۇڭعىش رەت كەڭەس وتكىزۋى بولىپ تابىلادى، سونداي - اق ىندەت تۋىلعاننان بەرى، ءتوراعا شي جينپيڭ قاتىناسقان تۇڭعىش كەلەلى كوپ جاقتى قيمىل بولماق.

  ما جاۋشۇي بىلاي دەدى: كەزەكتە جاڭا تيپتى ايدارشا ۆيرۋس وكپە قابىنۋ ىندەتى الەمنىڭ كوپ جەرىندە تۋىلىپ، تارالىپ، اۋىر ساياسي، ەكونوميكالىق، قوعامدىق ىقپال تۋدىردى. حالىقارالىق قوعام سەلبەستىكتى كۇشەيتىپ، ىندەتكە قارسى تۇرۋدى ايرىقشا ءۇمىت ەتتى. G20 الەمدىك داعدارىسقا توتەپ بەرۋدەگى جانە ەكونوميكانى جونگە سالۋداعى ماڭىزدى تۇعىر، وعان باستى وركەندەگەن ەكونوميكالىق تۇلعالار مەن جاڭادان وركەندەگەن بازار ەكونوميكالىق تۇلعالارى جينالعان، 2008 - جىلعى حالىقارالىق فينانس داعدارىسىنا توتەپ بەرۋ بارىسىندا ماڭىزدى رول اتقاردى. وسى شەشۋشى كەزەڭدە G20 جاڭا تيپتى ايدارشا ۆيرۋس وكپە قابىنۋ ىندەتى جونىندە ارناۋلى ەل باسىلارى كەڭەسىن وتكىزىپ، ىندەتتىڭ تارالۋىنا توتەپ بەرۋ، دۇنيە ءجۇزى ەكونوميكاسىن ورنىقتىرۋ جونىندە تىلدەسۋى، سايكەسۋى كەلەلى ماڭىزعا يە.

  ما جاۋشۇي مىنالاردى ءبىلدىردى: ءتوراعا شي جينپيڭنىڭ تىكەلەي قولباسشىلىق ەتىپ، تىكەلەي ورنالاستىرۋىندا، ەلىمىز ىندەتتەن ساقتانۋ - تىزگىندەۋدە كورنەكتى تابىسقا قول جەتكىزىپ، حالىقارالىق قوعامنىڭ ايرىقشا القاۋىنا يە بولدى. ءتوراعا شي جينپيڭنىڭ ەل باسىلارى ەرەكشە كەڭەسىنە قاتىناسۋى جۇڭگونىڭ حالىقارالىق قوعاممەن قول ۇستاسىپ ىندەتكە قارسى تۇرۋ بەرىك بەكىمىن بەينەلەدى، جۇڭگونىڭ ىندەتكە قارسى تۇرۋداعى حالىقارالىق سەلبەستىكتى ورىستەتۋدى ىلگەرىلەتەتىن ءىرى ەل جاۋاپكەرشىلىگىن ايگىلەدى، جۇڭگونىڭ G20نىڭ سايكەسۋدى، سەلبەسۋدى كۇشەيتۋىن، دۇنيە ءجۇزى ەكونوميكاسىن ورنىقتىرۋىن قولدايتىن بەلسەندى پوزيتسياسىن بەينەلەدى. ءبىز وسى رەتكى ەل باسىلارى ەرەكشە كەڭەسىنەن مىنالاردى ءۇمىت ەتەمىز:

  ءبىرىنشى، ىنتىماقتى كۇشەيتۋ. ۆيرۋستا مەملەكەت شەكاراسى بولمايدى، ىندەت الدىندا ءارقانداي مەملەكەتتىڭ ءوز قامىن عانا ويلاۋىنا بولمايدى. تەك ءبىر نيەتپەن سەلبەسكەندە عانا، ىندەتتى جەڭۋگە، ەكونوميكانى ورنىقتىرۋعا، ءتارتىپتى قالپىنا كەلتىرۋگە بولادى. G20نىڭ مۇشەلەرى ىنتىماقتى كۇشەيتىپ، سىن - سايىسقا بىرگە توتەپ بەرەتىن كۇشتى سيگنال تاراتىپ، حالىقارالىق قوعامنىڭ سەنىمىن سەرپىلتۋ كەرەك.

  ەكىنشى، سەلبەستىكتى كۇشەيتۋ. جەر شارىندا ىندەت جەدەل تارالعان تۇستا، حالىقارالىق سەلبەستىك جاساۋ وتە ماڭىزدى. جۇڭگو جاق ەل ىشىندەگى ساقتانۋ - تىزگىندەۋدى بار كۇشپەن ويداعىداي ىستەۋمەن قاتار، قيىنشىلىعى بار مەملەكەتتەرگە دەر كەزىندە قولىنان كەلگەنىنشە كومەكتەستى. ءبىز ءار جاقپەن تاجىريبەلەردەن ورتاق پايدالانىپ، قابىلەت قۇرىلىسىن بىرگە كۇشەيتىپ، شۇعىل قاجەتتى ەمدەۋ زاتتىق ماتەريالدارىمەن قامداپ، ءار ەلدىڭ جۇڭگودان ساتىپ الۋىنا قولايلىلىق جاسادىق. G20عا مۇشە ەلدەردىڭءوزارا كومەكتەسىپ، تىعىز سايكەسىپ، حالىقارالىق الەۋمەتتىك دەنساۋلىق ساقتاۋ حاۋىپسىزدىگىن بىرگە قورعاۋىن ءۇمىت ەتەمىز.

  ءۇشىنشى، سايكەستىكتى كۇشەيتۋ. ىندەت جەر شارى ەكونوميكاسىنا اۋىر سوققى بولدى. ساقتانۋ - تىزگىندەۋدى ويداعىداي ىستەۋگە شىنايى كەپىلدىك ەتۋ العى شارتىندا، ەلىمىز جۇمىستى، ءوندىرىستى تارتىپپەن قالپىنا كەلتىرىپ، الەمدىك كاسىپ سالاسى تىزبەگىن، قامداۋ تىزبەگىن ورنىقتىرۋدا ماڭىزدى رول اتقاردى. ءبىز ءار جاقتىڭ ماكرولىق ەكونوميكالىق ساياساتتى سايكەستىرۋدى كۇشەيتىپ، قاجەتتى قازىنا، اقشا جانە قۇرىلىم ساياساتتارىن قولدانىپ، بازاردى اشۋدى ىلگەرىلەتىپ، الەمدىك قامداۋ تىزبەگىنىڭ اشىق، ورنىقتى، حاۋىپسىز جانە ىركىلىسسىز اينالىمىنا شىنايى كەپىلدىك ەتىپ، بازار سەنىمىن سەرپىلتۋ ءۇشىن ورەلى رول اتقارۋىن ءۇمىت ەتەمىز.

  قورىتىپ ايتقاندا، جۇڭگو جاق G20نىڭ وزگە دە مۇشەلەرمەن بىرگە قۇلشىنىپ، وسى رەتكى ەل باسىلارى ەرەكشە كەڭەسىنىڭ بەلسەندى تابىستارعا قول جەتكىزۋىن ىلگەرىلەتۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.