شينحۋا اگەنتتىگىنىڭ 3 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 25 - كۇنى كەشتە گەرمانيانىڭ زۇڭليى مەركەلمەن تەلەفوندا سويلەستى.
شي جينپيڭ بىلاي دەپ باسا دارىپتەدى: جۇڭگودا جاڭا تيپتى ايدارشا ۆيرۋس وكپە قابىنۋ ىندەتى تۋىلعان باستاپقى مەزگىلدە، ءسىز جۇڭگو جاقتان حال سۇرايتىندىعىڭىزدى جانە قولداۋ كورسەتەتىندىگىڭىزدى ءبىلدىردىڭىز، گەرمانيا ۇكىمەتى مەن ءار سالاسى جابال كومەك قولدارىن سوزدى، جۇڭگو حالقى مۇنى ەسىندە بەرىك ساقتايدى. قازىر گەرمانيا ىندەتتىڭ قاتاڭ سايىسىنا ءدوپ كەلدى، جۇڭگو حالقى مۇنى تەرەڭ سەزىنىپ وتىر. جۇڭگو جاق گەرمانيا جاقتىڭ ىندەتكە قارسى تۇرۋىنا باتىل قولداۋ كورسەتەدى، قولىنان كەلگەنىنشە جالعاستى كومەك كورسەتۋدى قالايدى. ەكى ەل ماماندارى بەينەجازبا ارقىلى اۋىس - كۇيىس جاسادى، گەرمانيا ماماندارى دا دۇنيە جۇزىلىك دەنساۋلىق ساقتاۋ ۇيىمىنىڭ ماماندار گرۋپپاسىمەن بىرگە جۇڭگوعا كەلىپ تەكسەرۋ جۇرگىزدى. جۇڭگو جاق گەرمانيا جاقپەن ساقتانۋ - تىزگىندەۋ جانە ەمدەۋ تاجىريبەلەرىن ورتاق پايدالانىپ، ۆاكسينا جانە ءدارى زەرتتەۋ - اشۋ سياقتى جاقتارداعى سەلبەستىكتى كۇشەيتىپ، ەكى ەل حالقىنىڭ سالاماتتىعى، باقىتى جانە بۇكىل جەر شارىنىڭ الەۋمەتتىك دەنساۋلىق ساقتاۋ حاۋىپسىزدىگى ءۇشىن ۇلەس قوسۋدى قالايدى. ءسىزدىڭ گەرمانيا حالقىنا باسشىلىق ەتىپ، ىندەتتى ەرتەرەك جەڭۋلەرىڭىزدى تىلەيمىن!
شي جينپيڭ بىلاي دەپ اتاپ كوسەتتى: ۆيرۋستا مەملەكەت شەكاراسى بولمايدى، بۇل بۇكىل ادامزات ءدوپ كەلگەن ورتاق سىن - سايىس. ءارقانداي مەملەكەت بويىن اۋلاققا سالىپ، وزدەرىنىڭ قامىن عانا كۇيتتەۋگە بولمايدى. وسى جولى ىندەتكە قارسى تۇرۋ بارىسىندا، جۇڭگو مەن گەرمانيا، جۇڭگو مەن ەۆروپا ىنتىماقتاسا سەلبەسۋدىڭ كۇشىن ايگىلەپ، وڭ ەنەرگيانى ساۋلەلەندىردى. 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسى اشىلۋ الدىندا تۇر. جۇڭگو جاق گەرمانيانى قامتىعان ءارقايسى جاقپەن سايكەسۋدى، سەلبەسۋدى كۇشەيتىپ، قيىندىقتى بىلەك بىرىكتىرە جەڭۋ، ىنتىماقتاسا وتىرىپ ىندەتكە قارسى تۇرۋ جونىندە ءۇن قاتىپ، حالىقارالىق قوعامنىڭ سەنىمىن سەرپىلتۋدى قالايدى. كوز الداعى مەن بولاشاقتى بىردەي ويلاستىرىپ، ەل ىشىندەگى اسەر مەن الەمدىك ىقپالدى ءبىر تۇتاس ەسكەرىپ، ماكرولىق ەكونوميكالىق ساياساتتى سايكەستىرۋدى كۇشەيتىپ، بازاردى ورنىقتىرۋمەن، ارتۋدى قامتاماسىز ەتۋمەن، جۇمىستانۋدى ورنىقتىرۋمەن، حالىق تۇرمىسىن قامتاماسىز ەتۋمەن بىرگە، بازاردى اشىق ۇستاۋدى ىلگەرىلەتىپ، الەمدىك قامداۋ تىزبەگىنىڭ اشىق، ورنىقتى، حاۋىپسىز بولۋىنا شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: جۇڭگو مەن گەرمانيا ەكى جاق ماڭىزدى ساياسي كەڭەستىك ءتارتىپ دايىنداۋدى جالعاستى ويداعىداي ىستەپ، ءارقايسى سالاداعى اۋىس - كۇيىستى، سەلبەستىكتى ۇزدىكسىز ىلگەرىلەتىپ، جۇڭگو مەن گەرمانيانىڭ، جۇڭگو مەن ەۆروپانىڭ كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتىپ، جاڭا گۇلدەنگەن كاسىپ سالاسى سەلبەستىگىنىڭ كومەسكى كۇشىن اشىپ، ىندەتتىڭ سوققىسىن ازايتۋ كەرەك.
مەركەل مىنالاردى ءبىلدىردى: قازىر ەۆروپانىڭ ىندەت جاعدايى اۋىر، گەرمانيا جاق باتىل ساقتانۋ - تىزگىندەۋ شارالارىن قولدانۋدا. گەرمانيا جاق جۇڭگو جاقتىڭ دەر كەزىندە قۇندى كومەك كورسەتكەندىگىنە العىس ايتادى، جۇڭگو جاقپەن ۆاكسينا، ءدارى زەرتتەۋ - اشۋ سياقتى سالالاردا عىلمي زەرتتەۋ سەلبەستىگىن ورىستەتىپ، ىنتىماقتاسا وتىرىپ ىندەتكە قارسى تۇرۋدىڭ ۇلگىسىن ورناتۋدى ءۇمىت ەتەدى. گەرمانيا جاق شىندىقتى نەگىز ەتە وتىرىپ، وبيەكتيۆ، ءادىل تۇرعى ۇستانىپ، حالىقارالىق سەلبەستىك ارقىلى ىندەتكە بىرگە توتەپ بەرۋدى دارىپتەيدى. 20 ەل توبى مۇشەلەرى سايكەسۋدى، سەلبەسۋدى كۇشەيتىپ، ءوزارا قولداپ، كەزەكتەگى داعدارىستى جەڭۋ، الەمدىك ەكونوميكانى ورنىقتىرۋ ءۇشىن جەتەكشىلىك رول اتقارۋى ءتيىس. گەرمانيا جاق ىندەتتەن كەيىن جۇڭگو جاقپەن گەرمانيا مەن جۇڭگونىڭ، ەۆروپا مەن جۇڭگونىڭ ماڭىزدى بارىس - كەلىسىن، سەلبەستىگىن ۇزدىكسىز ىلگەرىلەتۋدى كۇتەدى.
