− شينجياڭنان تۇڭعىش توپتا حۋبەيعا كومەككە بارعان ەمدەۋ اترەتىنىڭ شينجياڭعا قايتىپ كەلگەندىگى جونىندە تەز جازبا
شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، يۋان لەي
حالىق ءۇشىن قاسقايا قارسى اتتانىپ، ەڭبەك كورسەتىپ مەكەنگە ورالدى. 3 - ايدىڭ 26 - كۇنى ساعات 16 مولشەرىندە حايحاڭ اۆياتسيا توبى ءۇرىمجى اۆياتسياسى جولاۋشىلار ۇشاعىنىڭ ءۇرىمجى ديوپۋ حالىقارالىق اۋەجايىنا قونۋىمەن، ۋحاندا 59 تاۋلىك بويى ەرلىكپەن شايقاس جاساعان شينجياڭنان تۇڭعىش توپتا حۋبەيعا كومەككە بارعان ەمدەۋ اترەتىنىڭ 142 مۇشەسى شينجياڭعا ورالدى.
ۇشاق ەسىگى اشىلىسىمەن، كوزىمىزگە ءبىر ”جەڭىس تۋى“ وتتاي باسىلدى. اترەت مۇشەلەرى شينجياڭنان تۇڭعىش توپتا حۋبەيعا كومەككە بارعان ەمدەۋ اترەتىنىڭ باس جەتەكشىسى ساۋ يۇيجيڭنىڭ باستاۋىندا ۇشاق باسپالداعىنان ءتۇستى، ولار قولدارىنداعى مەملەكەت تۋىن بۇلعاپ، تۋعان ەل حالقىنا قۇرمەت ءبىلدىردى. ”ورالعاندارىڭىزدى قارسى الامىز“، ”سىزدەر جاپا شەكتىڭىزدەر“... ۇشاق الاڭقىسىندا قىزۋ شاپالاق ءۇنى مەن ماراپات ءۇنى كوتەرىلدى.
59 كۇننىڭ الدىندا، حۋبەيدا ىندەتتەن ساقتانۋ - تىزگىندەۋ شايقاسى قيان - كەسكى ءجۇرىلىپ جاتقان ەدى. شينجياڭ مەديتسينا داشۋەسىنە قاراستى 6 شيپاحانانىڭ قىزمەتكەرلەرىنەن ۇيىمداسقان شينجياڭنان تۇڭعىش توپتا حۋبەيعا كومەككە باراتىن ەمدەۋ اترەتى بۇيرىق تاپسىرىپ الىپ جورىققا اتتاندى.
”10 كۇن بۇرىن بارىپ، ارت - ارتىنان جەتكەن ءارقايسى ەمدەۋ اترەتىنە جاعداي جاساپ تۇردى، ’ناۋقاستاردىڭ توسەك كۇتۋىنەن، ’توسەك ناۋقاستى كۇتكەنگە‘ دەيىن، ءوزارا تانىسپايتىن ادامداردان ەڭ جاقىن جاۋىنگەر سەرىككە اينالعانعا دەيىن، كوپشىلىك ءبىر نيەتپەن ىنتىماقتاسىپ، دياگنوزى تۇراقتاندىرىلعان 529 ناۋقاستى كۇش سالا قۇتقارىپ، ەمدەدى، مۇنىڭ ىشىندە سالماقتى ناۋقاس 355 ادام، قاتەرلى، سالماقتى ناۋقاس 95 ادام، ساۋىعىپ شيپاحانادان شىققانى 321 ادام“. ساۋ يۇيجيڭ شايقاس ناتيجەسىن ماقتانىشپەن مالىمدەدى: ”مىندەتتى تولىق تابىستى ورىنداپ، امان - ەسەن قايتىپ كەلدىك، ءبىز كەرەمەت شايقاس جۇرگىزدىك“.
سۇيىسپەنشىلىك قانشا تەرەڭ بولعان سايىن، ءبىرىن - ءبىرى قيا المايدى، اينىماس سەرىكتەر ءتىپتى دە سولاي. 3 - ايدىڭ 26 - كۇنى تۇستەن بۇرىن اتتاندىرۋ سالتىندا بايلانىس جاساۋشى حۋاڭ لياڭ قول تەلەفونىمەن قاستەرلەپ ساقتاۋعا تاتيتىن ءاربىر ءساتتى ەستەلىككە ءتۇسىردى: ”توننىڭ ىشكى باۋىنداي بولىپ، ۋاقىتتىق قيىنشىلىقتى بىرگە جەڭدى؛ قول ۇستاسا ىندەتكە قارسى اتتانىپ، ەمدەۋ بارىسىندا سىزدەر بىرگە بولدىڭىزدار“ − ۋحان قالاسى دۇڭحۋ جوعارى جاڭا تەحنيكا رايونىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قولباسشىلىق شتابى اترەت مۇشەلەرىنە قۇرمەت جالاۋىن ۇسىندى. كەستەلەنگەن 16 ۇلكەن ءارىپ اترەت مۇشەلەرىنىڭ 59 تاۋلىك بويى ەرلىكپەن جۇرگىزگەن شايقاسىن ايگىلەپ تۇر. ”تيانشاننىڭ سۋىن بىرگە ءىشىپ، شينجياڭ مەن حۋبەيدىڭ سۇيىسپەنشىلىگىن تاعى دا جىرلايمىز“، بۇل ەمدەۋ اترەتىندەگىلەردىڭ ۋحاندا قالعان ساعىنىشى مەن ۋادەسى.
قاسقايا قارسى اتتانعاندارعا العىس ايتامىز. ستاكان شينجياڭ مەن حۋبەي حالقىنىڭ سۇيىسپەنشىلىگىنىڭ ”ومىرلىك“ ەكەندىگىنىڭ سيمۆولى، كىلت حۋبەيعا كومەككە بارعان ەمدەۋ قىزمەتكەرلەرىنىڭ ۋحانعا قايتسا، بەينە ءوز ۇيلەرىنە قايتقاندىعنىڭ سيمۆولى، اترەت مۇشەلەرىنىڭ قابىلداعان تارتۋلارىندا تالاي - تالاي سۇيىسپەنشىلىك قامتىلعان.
اۆتوبۋز جولعا شىققاندا، اترەت مۇشەلەر «مەن جانە مەنىڭ وتانىم» ءانىن شىرقادى، وزدىكتەرىنەن ۇيىمداسىپ كەلگەن قالا حالقى جولدىڭ ەكى جاعىندا تۇرىپ اتتاندىردى. اترەت مۇشەلەرى ”قاھارمان قالادان“ ۇشاققا وتىرىپ، باقىتپەن ”ۇيگە قايتتى“.
”مەملەكەت بويىنشا دەنساۋلىق ساقتاۋ، سالاماتتىق جۇيەسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىندەگى وزات جەكە“ اتاعىن العان شينجياڭ مەديتسينا داشۋەسىنە قاراستى 1 - شيپاحانانىڭ شۇعىل قۇتقارۋ - جاراقات ورتالىعىنىڭ ورىنباسار مەڭگەرۋشىسى ياڭ جيانجۇڭ اتتاناردا كوزىنە جاس الدى. ”بىزبەن قوشتاسۋعا كەلگەندەر بىزبەن بىرگە ەرلىكپەن شايقاس جاساعان جاۋىنگەر سەرىكتەرىمىز، بۇرىن مۇلدە جۇزدەسپەگەن ادامدار، كوپشىلىك اۆتوكولىك تەرەزەسىنەن ءوزارا قول بۇلعادى، ولار بىزگە ’راقىمەت!‘ دەپ ايعايلادى، ءبىز ولارعا ’قايراتتان!‘دەپ ايعايلادىق“، - دەدى ول.
”ايەلىم باس سەسترا، ءبىز حۋبەيعا كومەككە بارۋعا بىرگە تىزىمدەلدىك، ءبىراق وكىنەرلىگى، بىرگە بارا المادىق. ول ءار كۇنى مەنىڭ الدىڭعى شەپتەگى قىزمەتىمە نازار اۋدارىپ، مەنى جىگەرلەندىرىپ، قايراتتاندىرىپ وتىردى“. شينجياڭ مەديتسينا داشۋەسىنە قاراستى 1 - شيپاحانانىڭ سالماقتى ناۋقاستار مەديتسينا ءبولىمىنىڭ ورىنباسار مەڭگەرۋشىسى ما لۇڭ: ءبىر ۇيدەگى ۇشەۋىمىز ءۇش جەردە جاتساق تا، ءبىراق جۇرەگمىز ءبىر جەردە بولدى، - دەدى.
ۋحانداعى تۇرعان جەردە ”مەيىر جەتكىزۋ شاعىن دۇكەنىن“ باسقارۋعا جاۋاپتى بولعان شينجياڭ مەديتسينا داشۋەسىنە قاراستى 1 - شيپاحانانىڭ ىشكى سەكراتسيا ءبولىمىنىڭ سەستراسى گاي جۋان بىلاي دەدى: ”كەتەرىمىزدە ءبىز شينجياڭنىڭ بار تارتۋ - تارالعىسىن ناۋقاستارعا تاراتىپ بەرىپ، ءبىر - ءبىرىمىزدى قۇشاقتاپ، ءبىر - ءبىر اۋىز تىلەك ايتىپ، ءۇمىت ءبىلدىرىپ، قيماستىقپەن ايرىلىستىق“. ”ۋحان سىندى وسى قاھارمان قالاعا ايرىقشا العىس ايتامىز، بىزگە وتە كوپتەگەن اسەرلى ساتتەردى سيلادى جانە العىس ءبىلدىردى“، - دەدى شينجياڭ مەديتسينا داشۋەسىنە قاراستى 2 - شيپاحانانىڭ سەستىراسى، 90 - جىلدىڭ تۇلەگى شۋە جينمين.
قاھارمانداردى قارسى الۋ ءۇشىن، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك جىبەرىپ، جول بويى قورعاپ وتىرىپ، ەمدەۋ اترەتىندەگىلەردى دەمالىس ورنىنا جەتكىزىپ سالدى. اۋەجايدىڭ جوعارى قارقىندى تاس جولىنىڭ ەكى جاعاسىنىڭ ءار 200 مەتر جەرىندە ءبىر ساقشى تۇرىپ، اۆتوكولىك اترەتىنە سالەم بەرىپ قۇرمەت ءبىلدىردى. جول بويى كەزدەسكەن قالا تۇرعىندارى دا قول تەلەفوندارىن الىپ شىعىپ، قاھارمانداردىڭ ورالعان ءساتىن كەسكىنگە ءتۇسىردى.
اترەت مۇشەلەرى دەمالىس ورنىنا جەتكەندە، سول ارادا كۇتىپ تۇرعان قىزمەتتەستەرى ”سەنىڭ كۇلىمسىرەگەن بەينەڭ كوكتەم گۇلىندەي ادەمى“ دەگەن كەرمە تۋدى كوتەرىپ قارسى الا شىقتى. قالا تۇرعىندارى اق حالاتتى جاۋىنگەرلەرگە جوعارى داۋىسپەن: ”سىزدەر جاپا شەكتىڭىزدەر! سىزدەر وتە كەرەمەتسىزدەر!“، - دەدى.
”ءبىزدىڭ قاھارماندارىمىز جاپا شەكتى، ەمدەۋ اترەتىندەگىلەر دەمالعان كەزدە ءبىز ارتقى شەپتە قامتاماسىز ەتۋدى كۇش سالا ويداعىداي ىستەيمىز، گۇل شوعى، جەمىس - جيدەك سەكىلدى كوپشىلىك ساعىنعان ’تۋعان جەردىڭ سيى‘ اترەت مۇشەلەرىن كۇتىپ تۇر“. شينجياڭ مەديتسينا داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى، شينجياڭ مەديتسينا داشۋەسىنە قاراستى 1 - شيپاحانانىڭ باستىعى جيا ۋىنشياۋ: ” اترەت مۇشەلەرىنىڭ 104ى ايەل، ىندەتكە قارسى شايقاستا ولاردىڭ جۇزدەرىندە ’ماسكىنىڭ تابى‘ قالدى، ءبىز ەرەكشە كۇتىمدەۋ بەت جاپسىرماسىن دايىنداپ قويدىق، قاھارماندارىمىز قايتا ورالعاندا ولارعا جىلۋلىق سيلاپ قانا قويماي، سۇلۋلىق تا سيلايمىز!“، - دەدى.
