شينجياڭ گازەتىنىڭ جالپىلىق اقپارات قۇرالداردى تىلشىلەرى يۋان لەي، چاۋ جين 3 - ايدىڭ 26 - كۇنى ۇرىمجىدەن حابارلايدى. 3 - ايدىڭ 26 - كۇنى ەمدەۋ - قۇتقارۋ مىندەتىن تابىسپەن ورىنداعاننان كەيىن، شينجياڭنان تۇڭعىش توپتا حۋبەيعا كومەككە بارعان ەمدەۋ اترەتىنىڭ 142 مۇشەسى ۋحاننان ءۇرىمجى ديوپۋ حالىقارالىق اۋەجايىنا ۇشاقپەن كەلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين اۋەجايعا بارىپ الدارىنان شىعىپ، اۆتونوميالى رايوندىق پارتكوم مەن ۇكىمەت جانە بۇكىل شينجياڭداعى ءار ۇلت بۇقاراسى اتىنان قاھارمانداردىڭ ورالعاندىقتارىن قارسى الىپ، اق حالاتتى جاۋىنگەرلەرگە شىن جۇرەكتەن العىس ايتىپ، وسكەلەڭ قۇرمەت ءبىلدىردى.
ۇشاق الاڭقىسىندا ”جاپا شەكتىڭىزدەر، ورالعاندارىڭىزدى قارسى الامىز“، ”قاھارماندارعا قۇرمەت بىلدىرەمىز“ دەگەن سياقتى قارسى الۋ كەرمە تۋلارى ەرەكشە كوزگە تۇسەدى، ۇشاق امان - ەسەن قونىپ، ۇشاق ەسىگى اشىلعان ساتتە، ەڭ ادەمى گۇلدەر، ەڭ ىقىلاستى شاپالاق ءۇنى ەڭ سۇيىكتى ادامدارعا تارتۋ ەتىلدى، اترەت مۇشەلەرى اۋىلدارىنداعى حالىقتىڭ قۇرمەتى مەن قويۋ سۇيىسپەنشىلىگىن تەرەڭ سەزىندى.
ۇعىسۋعا قاراعاندا، شينجياڭنان تۇڭعىش توپتا حۋبەيعا كومەككە بارعان ەمدەۋ اترەتىنىڭ 142 مۇشەسى شينجياڭ مەديتسينا داشۋەسىنە قاراستى 6 شيپاحانادان كەلگەن، 59 تاۋلىك بويى ۇزدىكسىز ەرلىكپەن شايقاس جۇرگىزىپ، ۋحان داشۋەسى حالىق شيپاحاناسى شىعىس اۋرۋحاناسىندا قاتەرلى، سالماقتى ناۋقاستاردى ەمدەۋ - قۇتقارۋ مىندەتىن تابىسپەن ورىنداپ، بورىشتى اقتاپ، امان - ەسەن جەڭىسپەن ورالدى.
لي پىڭشين شينجياڭعا قايتىپ كەلگەن اترەت مۇشەلەرىن قارسى العاندا بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، شينجياڭداعى قالىڭ ەمدەۋ قىزمەتكەرلەرى باس شۋجي شي جينپيڭنىڭ جانە پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، بۇكىل شينجياڭداعى ءار ۇلت حالقىنىڭ ماڭىزدى تاپسىرماسىن ارقالاپ، حۋبەي حالقىنا دەگەن قويۋ سۇيىسپەنشىلىكپەن، ىستىق ىقىلاسپەن كوكىرەك كەرە العا شىعىپ، حۋبەيعا كومەككە اتتانىپ، بار كۇش - قۋاتىن سالىپ، ايانباي قىزمەت ىستەپ، ۋاقىتپەن جارىسىپ، اۋرۋمەن ايقاسىپ، ءومىردى قورعاپ، ناۋقاستاردى ساۋىقتىرىپ، ۇلى سۇيىسپەنشىلىكتى حۋبەي حالقىنا، ۋحان حالقىنا ارناپ، حۋبەيدى قورعاۋ شايقاسىندا، ۋحاندى قورعاۋ شايقاسىندا جەڭىسكە قول جەتكىزۋگە كۇش - قۋاتتارىن ارنادى. سىزدەر قاجىرلىلىق كورسەتىپ، قايسارلىقپەن ايانباي الىسىپ، قالتقىسىز ۇلەس قوسىپ، شيپاگەر ىزگىلىگىنىڭ وسكەلەڭ رۋحىن ايگىلەدىڭىزدەر، جاڭا داۋىردەگى ەمدەۋ قىزمەتكەرلەرىنىڭ تاماشا وبرازىن ايگىلەدىڭىزدەر، تۋعان ەل حالقى سىزدەردى ابىروي سانايدى جانە ماقتانىش ەتەدى، سىزدەر جاڭا داۋىردەگى ەڭ سۇيىكتى ادامدارسىزدار!
لي پىڭشين بىلاي دەپ اتاپ كورسەتتى: ءار دارەجەلى پارتكوم مەن ۇكىمەت جانە قاتىستى جاقتار كوڭىل ءبولۋ، قامقورلىق جاساۋ شارالارىن تياناقتاندىرىپ، شينجياڭعا قايتىپ كەلگەن ەمدەۋ قىزمەتكەرلەرىنىڭ تىنىعۋ - رەتتەلۋىنە قىزمەت وتەۋدى قامتاماسىز ەتۋ قىزمەتىن دەن قويا ورنالاستىرۋى كەرەك. ىندەتپەن كۇرەسۋدىڭ ءبىرىنشى شەبىندە ەرلىكپەن شايقاسقان ەمدەۋ قىزمەتكەرلەرىنىڭ اسەرلى ىزگى ىستەرىن زور كۇشپەن ۇگىتتەپ، تۇتاس قوعامدى جاڭا داۋىردەگى ەڭ سۇيىكتى، ەڭ اياۋلى اق حالاتتى جاۋىنگەرلەردەن ۇيرەنۋگە، جۇدىرىقتاي جۇمىلاتىن، ەل بىرلىگىنەن بەرىك قامال تۇرعىزاتىن، ەرلىكپەن ايانباي الىساتىن، قيىندىقتاردان قامال الاتىن قۋاتتى كۇشتى ۇيىستىرۋعا باستاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ قوس جەڭىسىنە قول جەتكىزۋ ءۇشىن ىنتىماقتاسا كۇرەس جاساۋى كەرەك.
اۆتونوميالى رايون باسشىلارىنان تيان ۋىن، ماڭلىك سەيىت قارسى الۋدا بىرگە بولدى.
