شينحۋا اگەنتتىگىنىڭ 3 - ايدىڭ 26 - كۇنى بەيجيڭنەن بەرگەن حابارى. احىلاق، اقىل - وي، دەنە، ەستەتيكا، ەڭبەك جاقتارىنان جاپپاي جەتىلدىرەتىن وقۋ - اعارتۋ جۇيەسىن قۇرۋ ءۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جاقىندا جاڭا داۋىردە جوعارى، ورتا، باستاۋىش مەكتەپتەردە ەڭبەك تاربيەسىن جاپپاي كۇشەيتۋ جونىندەگى پىكىردى ورتاعا قويدى.
«پىكىردە» مىنالار اتاپ كورسەتىلدى: ەڭبەك تاربيەسى − جۇڭگوشا سوتسياليستىك وقۋ - اعارتۋ ءتۇزىمىنىڭ ماڭىزدى مازمۇنى، سوتسياليزمنىڭ قۇرىلىسشىلارى مەن ءىزباسارلارىنىڭ ەڭبەككەرلىك رۋحى مەن بەت - بەينەسىن، ەڭبەك قۇنى بەتالىسى مەن ەڭبەك شەبەرلىگى ورەسىن تىكەلەي بەلگىلەيدى. جۋىقتاعى جىلداردان بەرى، ءىشىنارا جاستار مەن جاس وسپىرىمدەر اراسىندا ەڭبەك جەمىسىن قادىرلەمەيتىن، ەڭبەك ىستەگىسى كەلمەيتىن، ەڭبەك ىستەي المايتىن جايتتەر بايقالدى، ەڭبەكتىڭ وزگەشە ادام تاربيەلەۋ قۇنى بەلگىلى دارەجەدە ەلەۋسىز قالىپ، ەڭبەك تاربيەسى سولعىندادى، السىرەدى. بۇعان بۇكىل پارتيا، تۇتاس قوعام، ءسوزسىز، ايرىقشا ءمان بەرۋى كەرەك.
«پىكىردە» مىنالار تالاپ ەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ەڭبەك تاربيەسىن دارىندىلاردى جەتىلدىرۋدىڭ تۇتاس بارىسىنا ەنگىزىپ، جوعارى، ورتا، باستاۋىش مەكتەپتىڭ ءارقايسى وقۋ ساتىسىمەن توعىستىرىپ، وتباسىنىڭ، مەكتەپتىڭ، قوعامنىڭ ءارقايسى جاقتارىمەن ساباقتاستىرىپ، احىلاق تاربيەسىن، اقىل - وي تاربيەسىن، دەنە تاربيەسىن، ەستەتيكا تاربيەسىن ءوزارا ۇشتاستىرىپ، تانىم مەن ارەكەتتىڭ بىرلىگىن جۇزەگە اسىرىپ، وقۋشىلاردىڭ دۇنيەگە، ومىرگە، قۇنعا دۇرىس كوزقاراس قالىپتاستىرۋىن ىلگەرىلەتۋ كەرەك.
«پىكىردە» مىنالار ورتاعا قويىلدى: ءداۋىر ەرەكشەلىگىن بەينەلەيتىن ەڭبەك تاربيەسى جۇيەسىن جاپپاي ورناتىپ، ەڭبەك تاربيەسىنىڭ نەگىزگى ءمانىن يگەرىپ، ەڭبەك تاربيەسىنىڭ جالپى تۇلعالىق نىساناسىن ايقىنداپ، ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم دەگەن كوزقاراستى بەرىك ورناتۋ كەرەك. ەڭبەك تاربيەسى ساباقتارىن اشىپ، جوعارى، ورتا، باستاۋىش مەكتەپتەردە ەڭبەك تاربيەسى مىندەتتى ساباعىن ورنالاستىرۋ كەرەك. ەڭبەك تاربيەسىنىڭ مازمۇندارىن، تالاپتارىن بەلگىلەپ، تۇرلىشە وقۋ ساتىسىنا، تۇرلىشە تيپتەگى وقۋشىلاردىڭ ەرەكشەلىگىنە باعىتتاپ، كۇندەلىكتى تۇرمىستاعى ەڭبەكتى، وندىرىستىك ەڭبەكتى جانە قىزمەت وتەۋ سيپاتىنداعى ەڭبەكتى نەگىزگى مازمۇن ەتىپ ەڭبەك تاربيەسىن ورىستەتۋ كەرەك. ەڭبەك ساپاسىن باعالاۋ ءتۇزىمىن كەمەلدەندىرىپ، ەڭبەك ساپاسىن باعالاۋ ناتيجەسىن وقۋشىلاردىڭ جالپى بەتتىك دامۋ جاعدايىن سالماقتاۋدىڭ ماڭىزدى مازمۇنى رەتىندە قاراۋ، تاڭداۋلىلاردى، ۇزدىكتەردى باعالاۋدىڭ ماڭىزدى پايدالانۋ ماتەريالى جانە مەكتەپ ءبىتىرۋ نەگىزى ەتۋ، ءبىر دارەجە جوعارىلاپ وقيتىن مەكتەپتەردىڭ وقۋعا قابىلداۋىنداعى ماڭىزدى پايدالانۋ ماتەريالى نەمەسە نەگىز ەتۋ كەرەك. ەڭبەك تاربيەسىن امالياتتا ايگىلەۋ قيمىلىن كەڭ كولەمدە ورىستەتۋ، وتباسىلارى ەڭبەك تاربيەسىندەگى نەگىزدىك رولىن ساۋلەلەندىرۋ، مەكتەپتەر ەڭبەك تاربيەسىندەگى جەتەكشىلىك رولىن ساۋلەلەندىرۋ، قوعام ەڭبەك تاربيەسىندەگى قولداۋ رولىن ساۋلەلەندىرۋ كەرەك. جوعارى دەڭگەيدەگى جاڭاشا كاسىپورىنداردى وقۋشىلاردىڭ وسى زامانعى عىلىم - تەحنيكا شارت - جاعدايىنداعى ەڭبەك امالياتىن ۇيرەنۋىن جاڭا جاعداي، جاڭا تاسىلمەن قامداۋعا قولداۋ كورسەتۋگە شابىتتاندىرۋ كەرەك. وقۋشىلاردىڭ قالا، اۋىلدارداعى الەۋمەتتىك اۋماقتار، يگىلىك ورنى جانە الەۋمەتتىك ورىندار سياقتى جەرلەرگە بارىپ ەرىكتى قىزمەت وتەۋگە قاتىناسۋىن، الەۋمەتتىك يگىلىكتى ەڭبەك ىستەۋىن، الەۋمەتتىك اۋماقتاردىڭ رەتتەۋ جۇمىستارىنا قاتىناسۋىن قولداۋ كەرەك. ەڭبەك تاربيەسىنىڭ تىرەكتىك، قامتاماسىزداندىرۋ قابىلەتىن كۇش سالا جوعارىلاتىپ، ءتۇرلى ارنالارمەن امالياتتا ايگىلەۋ ورىندارىن كەڭەيتىپ، ءتۇرلى شارالار ارقىلى دارىندىلار قوسىنى قۇرىلىسىن كۇشەيتىپ، قارجى قوسۋ مەحانيزمىن كەمەلدەندىرىپ، حاۋىپسىزدىك قامتاماسىزداندىرۋىن جان - جاقتى كۇشەيتۋ كەرەك.
«پىكىردە» تاعى ەڭبەك تاربيەسىن ۇيىمداستىرىپ اتقارۋدى شىنايى كۇشەيتۋ جونىندە تالاپتار قويىلدى.
