− ءتوراعا شي جينپيڭ 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى ءارى ءبىر قىدىرۋ ماڭىزدى قۋاتتامالار العا قويىپ، ماڭىزدى جەتەكشىلىك رول اتقاردى، ەل باسىلارى ەرەكشە كەڭەسى بەلسەندى ناتيجەلەرگە قول جەتكىزدى
شينحۋا اگەنتتىگىنىڭ 3 - ايدىڭ 26 - كۇنى بەيجيڭنەن بەرگەن حابارى (ءتىلشى جىڭ ميڭدا). ءتوراعا شي جينپيڭ 3 - ايدىڭ 26 - كۇنى 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى. ەل باسىلارى كەڭەسى اياقتاعاننان كەيىن، سىرتقى ىستەر مينيسترلىگىنىڭ ورىنباسار مينيسترى ما جاۋشۇي ەل باسىلارى كەڭەسىنىڭ ناتيجەلەرىن تانىستىردى.
ما جاۋشۇي مىنالارى ءبىلدىردى: ءتوراعا شي جينپيڭ كەڭەسكە قاتىناستى ءارى «ىندەتكە قول ۇستاسا قارسى اتتانىپ، ۋاقىتتىق قيىنشىلىقتى بىرگە جەڭەيىك» دەگەن تاقىرىپتا ماڭىزدى ءسوز سويلەپ، ادامزات تاعدىرلاس ورتاق تۇلعا ۇستانىمىنان جازباي، جۇڭگونىڭ ىندەتكە قارسى تۇرۋىنداعى ءىس جۇزىندىك تاجىريبەلەرىمەن ۇشتاستىرىپ، ىندەتتەن ساقتانۋ - تىزگىندەۋدە حالىقارالىق سەلبەستىكتى كۇشەيتۋ، دۇنيە ءجۇزى ەكونوميكاسىن ورنىقتىرۋ جونىندە ءبىر قىدىرۋ ماڭىزدى قۋاتتامالار العا قويىپ، ماڭىزدى جەتەكشىلىك رول اتقاردى.
ءبىرىنشى، ”جۇڭگو تاجىريبەسىن“ تانىستىردى. ءتوراعا شي جينپيڭ بىلاي دەپ باسا دارىپتەدى: توسىننان كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو ۇكىمەتى، جۇڭگو حالقى قيىندىق پەن قاتەردەن تايسالماي، حالىقتىڭ ءومىرىنىڭ حاۋىپسىزدىگى مەن دەنساۋلىعىن باستان - اياق ءبىرىنشى ورىنعا قويىپ، سەنىمدى بەكەمدەۋ، قيىندىقتاردى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ جالپى تالابىنا ساي، جالپى حالىقتى اتتانىسقا كەلتىرۋگە، بىرلەسىپ ساقتانۋعا، بىرلەسىپ تىزگىندەۋگە، اشىق، جاريا بولۋعا تاباندى بولىپ، ىندەتكە قارسى تۇرۋدىڭ حالىقتىق شايقاسىن جۇرگىزدى. جۇڭگونىڭ قولدانعان ءونىمدى شارالارى باسقا ەلدەردىڭ ىندەتكە قارسى اتتانۋ كۇرەسىنە ءونىمدى ۇلگى ۇسىندى.
ەكىنشى، ”جۇڭگو قۋاتتاماسىن“ باياندادى. ءتوراعا شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ الەمدىك توسقاۋىل شايقاسىن باتىل تۇردە ويداعىداي جۇرگىزۋ كەرەك. حالىقارالىق قوعام جەدەل ارەكەتتەنىپ، ىندەتتىڭ ءورشۋ اۋقىمىن باتىل تەجەۋى كەرەك. الەۋمەتتىك دەنساۋلىق ساقتاۋ جۇيەسى ءالسىز وركەندەپ كەلە جاتقان ەلدەردىڭ توتەپ بەرۋ قابىلەتىن جوعارىلاتۋىنا قول ۇستاسا كومەكتەسۋ كەرەك. حالىقارالىق بىرلەسىپ ساقتانۋدى، بىرلەسىپ تىزگىندەۋدى ءونىمدى تۇردە ورىستەتۋ كەرەك. ءارقايسى ەلدەر، ءسوزسىز، قول ۇستاسىپ بىرلەسىپ ساقتانۋدىڭ، بىرلەسىپ تىزگىندەۋدىڭ ەڭ تىعىز تورىن جايۋ كەرەك. دۇنيە جۇزىلىك دەنساۋلىق ساقتاۋ ۇيىمى سياقتى حالىقارالىق ۇيىمداردىڭ رولىن ساۋلەلەندىرۋىن بەلسەندى قولداپ، عىلمي، ۇيلەسىمدى ساقتانۋ - تىزگىندەۋ شارالارىن بەلگىلەپ، ىندەتتىڭ شەكارا اسىپ تارالۋىن بار كۇشپەن توسۋ كەرەك. حالىقارالىق ماكرولىق ەكونوميكالىق ساياساتتى سايكەستىرۋدى كۇشەيتۋ كەرەك. پارمەندى، ۇتىمدى قازىنا جانە اقشا ساياساتىن اتقارىپ، فينانستى باقىلاۋ - باسقارۋ سايكەستىگىن كۇشەيتىپ، كەدەن سالىعىن ازايتىپ، كەشىرىپ، قامالدى كۇشىنەن قالدىرىپ، ساۋدانى ىركىلىسسىزدەندىرىپ، الەمدىك كاسىپ تىزبەگىنىڭ، قامداۋ تىزبەگىنىڭ تۇراقتىلىعىن قورعاپ، حالىقتىڭ نەگىزگى تۇرمىسىن قامتاماسىز ەتۋ كەرەك. وسى قۋاتتامالار الەمنىڭ سايكەسە ارەكەتتەنىپ، ىندەتكە قارسى اتتانۋىندا ماڭىزدى مانگە يە.
ءۇشىنشى، ”جۇڭگو دارىپتەمەسىن“ العا قويدى. ءتوراعا شي جينپيڭ سوزىندە ءبىر قىدىرۋ ناقتى دارىپتەمەلەردى العا قويدى. ىندەتتەن ساقتانۋ - تىزگىندەۋ جاعىندا، 20 ەل توبى دەنساۋلىق ساقتاۋ مينيسترلەرىنىڭ ءماجىلىسىن ەرتەرەك اشىپ، ينفورماتسيالاردان ورتاقتاسۋدى كۇشەيتىپ، ءدارى، ۆاكسينا زەرتتەپ - اشۋ، ىندەتتەن ساقتانۋ سەلبەستىگىن ورىستەتۋدى العا قويدى. 20 ەل توبىنىڭ دۇنيە جۇزىلىك دەنساۋلىق ساقتاۋ ۇيىمىنا سۇيەنىپ، ىندەتتەن ساقتانۋ - تىزگىندەۋ ينفورماتسيالاردان ورتاقتاسۋدى كۇشەيتىپ، جاپپاي جۇيەلى دە ءونىمدى ساقتانۋ - تىزگىندەۋ باعدارناماسىن جالپىلاستىرۋدى ۇسىندى. وڭىرلىك الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ بايلانىس مەحانيزمىن ورناتىپ، توسىن الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋ بويىنشا اتتانىسقا كەلتىرۋ قارقىنىن جوعارىلاتۋدى تالقىعا سالدى. لايىقتى ۋاقىتتا الەمدىك الەۋمەتتىك دەنساۋلىق ساقتاۋ حاۋىپسىزدىگى بويىنشا جوعارى دارەجەلىلەر ءماجىلىسىن وتكىزۋدى ۇسىندى. ىندەتكە قارسى تۇرۋ بويىنشا كومەكتەسۋ سەلبەستىگى جاعىندا، 20 ەل توبىنىڭ ىندەتكە قارسى تۇرۋ بويىنشا كومەك بەرۋ دارىپتەمەسىن العا قويىپ، دۇنيە جۇزىلىك دەنساۋلىق ساقتاۋ ۇيىمىنىڭ قولداۋىمەن ينفورماتسيا بايلانىسىن، ساياسات سايكەستىگىن، ارەكەت سەلبەستىگىن كۇشەيتۋدى ۇسىندى. دۇنيە ءجۇزى ەكونوميكاسىن، فينانسىن ورنىقتىرۋ جاعىندا، 20 ەل توبىنىڭ ارەكەت جوسپارىن جاساۋ ءارى ىندەتكە قارسى تۇرۋ ماكرولىق ساياساتىن سايكەستىرۋ جونىندە دەر كەزىندە قاجەتتى مەحانيزمدىك بايلانىس جانە ورنالاستىرۋ جاساۋ دارىپتەمەسىن العا قويدى. وسى دارىپتەمەلەردىڭ بارلىعى ىندەتكە توتەپ بەرۋدىڭ حالىقارالىق سەلبەستىگىن ايرىقشا جەبەيدى.
ءتورتىنشى، ”جۇڭگو ۇلەسىن“ قوستى. ءتوراعا شي جينپيڭ بىلاي دەپ باسا دارىپتەدى: جۇڭگو جاق ءار ەلمەن ساقتانۋ - تىزگىندەۋدىڭ پايدالى ادىستەرىن ءبولىسىپ، ءدارى - دارمەك جانە ۆاكسينانى بىرلەسىپ زەرتتەپ - اشۋدى ورىستەتۋدى ءارى ىندەت تارالعان مەملەكەتتەرگە قولىنان كەلگەنىنشە كومەك كورسەتۋدى قالايدى. جۇڭگو حالىقارالىق بازاردى شيكىزاتتىق دارىلەر، تۇرمىستىق قاجەتتى بۇيىمدار، ىندەتتەن ساقتانۋ زاتتىق ماتەريالدارى سياقتى ونىمدەرمەن قامداۋ تەبىنىن كۇشەيتەدى. جۇڭگو بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارىپ، تاباندىلىقپەن رەفورمانى كەڭەيتىپ، ەسىكتى ايقارا اشىپ، بازارعا كىرۋ رۇقساتىن كەڭەيتىپ، تيجارات - ساۋدا ورتاسىن ۇزدىكسىز ساپالىلاندىرىپ، يمپورتتى بەلسەنە كەڭەيتىپ، سىرتقا قارجى قوسۋدى كەڭەيتىپ، دۇنيە ءجۇزى ەكونوميكاسىنىڭ ورنىقتىلىعىنا ۇلەس قوسادى. جۇڭگو جاق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بويىنشا ينتەرنەتتەگى ءبىلىم ورتالىعىن قۇردى، ونى بارلىق مەملەكەتكە اشىق ۇستايدى. وسىنداي ناقتى شارالار جۇڭگونىڭ جاۋاپكەرشىلىكتى ءىرى ەل رەتىندە بورىشىن ۇستىنە الىپ، حالىقارالىق ىندەتكە قارسى تۇرۋ سەلبەستىگىن ورىستەتۋگە، بازار سەنىمدىلىگىن جوعارىلاتۋعا ماڭىزدى قوزعاۋشى كۇش ۇستەگەندىگىن ايگىلەدى.
ما جاۋشۇي مىنالاردى ءبىلدىردى: تاراپتاردىڭ بىرگە قۇلشىنۋىندا، وسى رەتكى ەل باسىلارى ەرەكشە كەڭەسى تومەندەگى جاقتاردا بەلسەندى ناتيجەلەرگە قول جەتكىزدى: ءبىرىنشى، تاراپتار حالىقارالىق سەلبەستىكتى كۇشەيتىپ، سىن - سايىسقا بىرگە توتەپ بەرۋگە ۋادە بەردى. ەل باسىلارى كەڭەسى «20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنىڭ مالىمدەمەسىن» جاريالاپ، ىندەتتە مەملەكەت شەكاراسى بولمايتىندىعىن، 20 ەل توبى مۇشەلەرىنىڭ جۇدىرىقتاي جۇمىلىپ، ىندەت قاتەرىنە توتەپ بەرۋىن باسا دارىپتەدى. تاراپتار بارلىق شارالاردى قولدانىپ، ىندەتكە قارسى اتتانۋعا، ءومىردى قورعاۋعا، ەكونوميكانى قايتا سەرپىلتۋگە ۋادە بەرىپ، حالىقارالىق قوعامعا بەلسەندى سيگنال جەتكىزدى. ەكىنشى، تاراپتار ينفورماتسيالاردان دەر كەزىندە ورتاقتاسۋعا، ەمدەۋ زاتتىق ماتەريالدارىمەن قامداۋدى قامتاماسىزداندىرۋعا، وركەندەۋ جولىنداعى ەلدەرگە، اسىرەسە، ەڭ وركەندەمەگەن ەلدەرگە قولداۋ كورسەتۋگە، سونىمەن بىرگە، الەمدىك الەۋمەتتىك دەنساۋلىق ساقتاۋ جۇيەسىن كەمەلدەندىرىپ، بولاشاقتاعى جۇقپالى اۋرۋ ىندەتىنە توتەپ بەرۋگە ويداعىداي دايىندالۋعا قوسىلدى. ءۇشىنشى، تاراپتار الەمدىك ەكونوميكانىڭ، فينانستىڭ ورنىقتىلىعىن قورعاپ، بازار سەنىمدىلىگىن جوعارىلاتىپ، جۇمىستاندىرۋدى، حالىق تۇرمىسىن قامتاماسىز ەتىپ، ىندەتتىڭ الەمدىك ساۋدا مەن قامداۋ تىزبەگىنە سوققىسىن ازايتۋعا ۋادە بەردى.
ما جاۋشۇي بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى ءالى دە كوپتەگەن جەرلەرگە لاڭ سالۋدا، جاعداي وتە اۋىر. ءبىز ءتوراعا شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، 20 ەل توبىنىڭ كوپ جاقتى مەحانيزم تۇعىرىن ىلگەرىلەتۋ ارقىلى حالىقارالىق قوعامنىڭ ورتاق تانىمىن اناعۇرلىم ويداعىداي ۇيىستىرىپ ءارى ناقتى شارالار قولدانىپ، ۆيرۋستىڭ ءورشۋىن ەرتەرەك تەجەپ، دۇنيە ءجۇزى ەكونوميكاسىنىڭ ارتۋىن قالپىنا كەلتىرۋ ءۇشىن بەلسەندى ۇلەس قوسىپ، تاراپتارمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز.
