تيانشان تورى   ›   جاڭالىقتار   ›   شينجياڭ حابارلارى

رايونىمىز بيىل 390 ءتۇيىندى نىسان ورنالاستىرادى

جالپى ءبىر تريلليون 678 ميلليارد 800 ميلليون يۋان قارجى قوسىلادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 3 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، 3 - ايدىڭ 26 - كۇنى اۆتونوميالى رايوندىق دامۋ جانە رەفورما كوميتەتىنىڭ سايتى 2020 - جىلعى اۆتونوميالى رايوننىڭ ءتۇيىندى نىسان قۇرىلىستارىنىڭ تىزىمدىگىن جاريالاعان. بيىل جيىنى 390 ءتۇيىندى نىسان ورنالاستىرىلىپ، جالپى ءبىر تريلليون 678 ميلليارد 800 ميلليون يۋان قارجى قوسىلادى ەكەن، بۇل سۋ يگىلىگى، قاتىناس، ەنەرگيا، كاسىپ سالاسى، حالىق تۇرمىسى قاتارلى نىساندارعا سايادى.

  ءتۇيىندى جالعاستى سالىناتىن نىسان 190، بۇعان جالپى 792 ميلليارد 500 ميلليون يۋان قارجى قوسىلادى. مۇندا سۋ يگىلىگى نىساندارى ارتاش سۋ يگىلىگى تورابى ينجەنەرياسى، داشىشيا سۋ يگىلىگى تورابى ينجەنەرياسى قاتارلىلاردى؛ قاتىناس نىساندارى G30 شياۋساۋحۋ - ءۇرىمجى تاس جول نىسانى، G7 جەلىسى ۋتۇڭ داچۋان - باي قىستاعى - اراتۇرىك تاس جول نىسانى، التاي - كوكتوعاي - جۇندۇڭ تەمىر جول نىسانى جانە ءۇرىمجى اۋەجايىن، قاشقار اۋەجايىن جاڭالاپ كەڭەيتىپ سالۋ نىسانى قاتارلىلاردى؛ ەنەرگيا نىساندارىندا شينجياڭ جۇندۇڭ ۋسايۋان بەيسان ەلەكتر ستانسياسى (حۋانىڭ) نىسانى، ياركەن وزەنى زانگاۋ سۋ ەلەكتر ستانسياسى ينجەنەرياسى نىسانى، جۇندۇڭ جاڭا ەنەرگيا بازاسى نىسانى قاتارلىلاردى قامتىدى؛ كاسىپ سالاسى نىساندارى كيىم - كەشەك نىساندارى سىندى 10 نىساندى قامتىدى، حيميا ونەركاسىپ نىساندارى 7، جاڭادان وركەندەگەن كاسىپ سالاسى نىساندارى 5، ەكونوميكالىق ساۋدا زات اينالىمى نىساندارى 9، وزگە نىساندار 7؛ حالىق تۇرمىسى نىساندارى عىلىم - تەحنيكا، وقۋ - اعارتۋ، مادەنيەت، ساياحات، قالا - قالاشىق قۇرىلىسى قاتارلى سالالاردى قامتىدى.

  ءتۇيىندى جاڭادان قۇرىلىس باستايتىن نىسان 80، بۇعان جالپى 134 ميلليارد يۋان قارجى قوسىلادى، مۇندا 6 سۋ يگىلىگى نىسانى، جۇيەدەن، تىزناپ وزەنى مومۇق سۋ يگىلىگى تورابى ينجەنەرياسى، قورعان سۋ يگىلىگى تورابى ينجەنەرياسى قاتارلىلار قامتىلدى؛ قاتىناس نىسانى 18، مۇندا S21 جەلىسى التايدان ۇرىمجىگە دەيىنگى تاس جول قۇرىلىسىنىڭ ءبىرىنشى مەرزىمدىك ينجەنەرياسى (حۋاڭحۋاگۋدان ۇرىمجىگە دەيىنگى بولىگى)، جياڭجۇنمياۋدان نومعا دەيىنگى تەمىر جول نىسانى، بايىنبۇلاق اۋەجايى نىسانى قاتارلىلار قامتىلدى؛ ەنەرگيا نىسانى 15، مۇندا 2020 - جىلعى اۆتونوميالى رايوننىڭ اۋىل - قىستاق ەلەكتر تورىن جاڭالاۋ، دارەجەسىن ءوسىرۋ ينجەنەرياسى، گوتاي شينحۋا ۋسايۋان كەن رايونىنىڭ 1 - ءنومىرلى قۇدىعى ونەركاسىپ كومىركەن نىسانى قاتارلىلار قامتىلدى؛ كاسىپ سالاسى نىسانى 19، مۇندا شينجياڭ يدي قورشاعان ورتا عىلىم - تەحنيكالىق شەكتى سەرىكتەستىگىنىڭ گرافيتتى ولەفين كاسىبى نىسانى (حىبەي بەيشياڭ)، ميدۇڭ رايونى PVC جالپى كاسىپ تىزبەگى جانە سايكەس كاسىپ سالاسى شارۋاشىلىق قۇرۋ باقشاسى قاتارلىلار قامتىلدى؛ حالىق تۇرمىسى نىسانى 21، مۇندا شينجياڭ عىلىم - تەحنيكا شۋەيۋانى قۇرىلىسى نىسانى، كۇسان مادەنيەت جاسامپازدىعى شاعىن قالاشىعىنىڭ ءبىرىنشى مەرزىمدىك قۇرىلىس نىسانى قاتارلىلار قامتىلدى.

  ءتۇيىندى زاپاس نىسان 120، بۇعان مولشەرمەن جالپى 752 ميلليارد 300 ميلليون يۋان قارجى قوسىلادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى