ەل ءىشى - سىرتىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق اينالىم جاعدايىنا تالداۋ جاسادى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى اقىلداسىپ ورنالاستىردى، «2019 - جىلعى كەدەيلىكتەن ارىلتۋدان قامال الۋ ونىمدىلىگىن باعالاۋ سياقتى جاعدايلار جونىندەگى مالىمەتتى» جانە «ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋ بويىنشا ”قايتا قاداعالاۋ“ جاعدايى جونىندەگى جالپى باياندامانى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 3 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 3 - ايدىڭ 27 - كۇنى ءماجىلىس اشىپ، ەل ءىشى - سىرتىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق اينالىم جاعدايىنا تالداۋ جاسادى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى اقىلداسىپ ورنالاستىردى، «2019 - جىلعى كەدەيلىكتەن ارىلتۋدان قامال الۋ ونىمدىلىگىن باعالاۋ سياقتى جاعدايلار جونىندەگى مالىمەتتى» جانە «ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋ بويىنشا ”قايتا قاداعالاۋ“ جاعدايى جونىندەگى جالپى باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
3 - ايدىڭ 25 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ قىزمەتىنەن جانە كەزەكتەگى ەكونوميكالىق جاعدايدان بەرىلگەن مالىمەتتى تىڭداپ، كەزەكتەگى ىندەتتەن ساقتانۋ - تىزگىندەۋ جانە ەكونوميكا قىزمەتتەرىن اقىلداسىپ، قاتىستى پىكىرلەردى ورتالىق كوميتەت ساياسي بيۋروسىنىڭ ءماجىلىسىنىڭ قاراۋىنا ۇسىنۋدى ۇيعاردى.
ءماجىلىس بىلاي دەپ قارادى: بۇكىل ەل بويىنشا جوعارى مەن تومەننىڭ جانە قالىڭ حالىق بۇقاراسىنىڭ قاجىرلى قۇلشىنىسىنىڭ ارقاسىندا، ىندەتتەن ساقتانۋ - تىزگىندەۋدە كەزەڭدىك ماڭىزدى ناتيجەگە قول جەتىپ، ەكونوميكالىق، قوعامدىق ءتارتىپ تەز قالپىنا كەلدى، ناتيجە وڭاي - وسپاق قولعا كەلگەن جوق. كەزەكتە ەل ءىشى - سىرتىنىڭ ىندەتتەن ساقتانۋ - تىزگىندەۋ جانە ەكونوميكالىق جاعدايىندا جاڭا كەلەلى وزگەرىس تۋىلۋدا، شەكارا سىرتىندا ىندەتتىڭ تەز تارالۋ، ءورشۋ اۋقىمى بايقالىپ، دۇنيە ءجۇزى ەكونوميكاسىنىڭ، ساۋداسىنىڭ ارتۋى اۋىر سوققىعا ۇشىرادى، ەلىمىزدە ىندەتتىڭ سىرتتان كىرۋ قىسىمى ءۇرتىس ارتىپ، ەكونوميكانىڭ دامۋى، اسىرەسە، كاسىپ سالاسى تىزبەگىنىڭ قالپىنا كەلۋى جاڭا سىن - سايىسقا ءدوپ كەلدى. ەل ءىشى - سىرتىنىڭ ىندەتتەن ساقتانۋ - تىزگىندەۋ جاڭا جاعدايىنا مەڭزەس، ەلىمىزدىڭ ىندەتتەن ساقتانۋ - تىزگىندەۋ تاكتيكاسىن جانە توتەپ بەرۋ شاراسىن دەر كەزىندە كەمەلدەندىرىپ، ءتۇيىندى سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ جاعىنا قويىپ، ەلىمىزدىڭ ىندەتتەن ساقتانۋ - تىزگىندەۋ جاعدايىنىڭ ءۇرتىس جاقسارۋ كۇيىن ساقتاۋ كەرەك.
ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋ ءتۇيىندى قىزمەتتەرىن ءۇرتىس مىقتى، ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋ ونىمدىلىگىن ۇزدىكسىز بەكەمدەۋ جانە كەڭەيتۋ كەرەك. ءتۇيىندى وڭىرلەردىڭ ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي ويداعىداي يگەرىپ، ەمدەۋ، قۇتقارۋ - ساۋىقتىرۋ قىزمەتىن ۇزدىكسىز ويداعىداي ىستەپ، سالماقتى ناۋقاستاردى دالمە - ءدال ەمدەۋدى كۇشەيتىپ، ساۋىعۋ سالىستىرماسىن بارىنشا جوعارىلاتۋ، ءولۋ سالىستىرماسىن ازايتۋ كەرەك. بالنيتسادان شىققان ناۋقاستارعا مەديتسينالىق باقىلاۋ جۇرگىزۋ، قاداعالاپ احۋال ۇعىسىپ وتىرۋ، قالپىنا كەلۋ مەزگىلىندە ساۋىقتىرۋ قىزمەتىن ويداعىداي ىستەۋ كەرەك. الەۋمەتتىك اۋماقتىڭ ساقتانۋ - تىزگىندەۋ شاراسىن كەمەلدەندىرىپ، ىندەتكە قاتىستى سوڭعى جۇمىستاردى ءبىر جاقتى ەتۋ قىزمەتىن بايىپتىلىقپەن ويداعىداي ىستەپ، قالىپتى ءوندىرىس، تۇرمىس ءتارتىبىن بىرتىندەپ قالپىنا كەلتىرۋ كەرەك. حۋبەي ولكەسى قاتىستى ولكەلەرمەن ۇشتاسۋدى كۇشەيتىپ، ءوز وڭىرىندەگى ادامداردىڭ سىرتقا شىعىپ جۇمىستانۋى، حۋبەيدا توسىلىپ قالعان سىرت جەردىڭ ادامدارىن قايتارۋ سياقتى قىزمەتتەردى ءتارتىپتى ويداعىداي ىستەۋ كەرەك. بەيجيڭ سياقتى باسقا دا ءتۇيىندى وڭىرلەردىڭ ساقتانۋ - تىزگىندەۋىن ۇزدىكسىز كۇشەيتۋ كەرەك. حاۋىپ - قاتەر تومەن وڭىرلەردىڭ دەر كەزىندە بايقاۋ، جەدەل ءبىر جاقتى ەتۋ، دالمە - ءدال باسقارۋ - تىزگىندەۋ، ءونىمدى قۇتقارۋ - ساۋىقتىرۋ سىندى ۇدايىلانعان ساقتانۋ - تىزگىندەۋ مەحانيزمىن اقاۋسىزداندىرىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ تالابىن تياناقتاندىرىپ، قاتىستى ساقتانۋ - تىزگىندەۋ ساقتىق جوباسىن كەمەلدەندىرۋ ءارى دەر كەزىندە ىسكە قوسىپ، ىندەتتىڭ قايتا بەلەڭ بەرۋىنەن باتىل ساقتانۋ كەرەك.
ءماجىلىس مىنالاردى اتاپ كورسەتتى: شەكارا سىرتىنداعى ەلىمىز ازاماتتارىنا كوڭىل ءبولۋدى، قامقورلىق جاساۋدى كۇشەيتۋ كەرەك، شەتەلدە تۇراتىن ەلشىلىكتەر مەن كونسۋلحانالار كونسۋلدىق قورعاۋدى، قورعانۋعا جەتەكشىلىك ەتۋدى جانە زاتتىق ماتەريالدارمەن قامتاماسىز ەتۋدى ويداعىداي ىستەپ، ولاردىڭ ءومىرىنىڭ حاۋىپسىزدىگى مەن دەنساۋلىعىن قورعاۋ كەرەك. الەمنىڭ ىندەت اۋقىمىن ءجىتى قاداعالاپ جانە وعان تالداۋ جاساپ، حاۋىپ - قاتەر قاينارىن، حاۋىپ - قاتەر ءتۇيىنىن شاپشاڭ، دالمە - ءدال پارىقتاپ جانە باسقارىپ - تىزگىندەپ، شەكارا وتكەلدەرىندە دەنساۋلىق ساقتاۋ بويىنشا كارانتيندەۋدى كۇشەيتىپ، شەكارادان كىرۋ ءتارتىبىن جاقسارتىپ، شەكارادان كىرگەن ادامداردى شوعىرلى اۋاشالاۋ تالابىن تياناقتاندىرىپ، تۇرمىستىق قىزمەت وتەۋدى جانە سالاماتتىق باقىلاۋىن ويداعىداي ورنالاستىرۋ كەرەك. ىندەتتەن ساقتانۋ - تىزگىندەۋدىڭ حالىقارالىق سەلبەستىگىن ىلگەرىلەتىپ، دۇنيە جۇزىلىك دەنساۋلىق ساقتاۋ ۇيىمىمەن اۋىس - كۇيىستى، سەلبەستىكتى تەرەڭدەتىپ، قاتىستى ەلدەرگە قولدان كەلگەنشە ۇزدىكسىز كومەك كورسەتۋ كەرەك.
ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا، ءوندىرىس، تۇرمىس ءتارتىبىن تەز قالپىنا كەلتىرۋ كەرەك. وڭىرلەر، تاراۋلار سەنىمدى بەكەمدەپ، قيىنشىلىققا قارسى اتتانىپ، ىرىقتىلىقپەن ىسكەرلىك كورسەتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، جاڭا دامۋ ۇستانىمىن بۇلجىماي دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ءۇش ءىرى قامال الۋ شايقاسىن باتىل ويداعىداي جۇرگىزىپ، ماكرولىق ساياساتتىڭ تەڭگەرۋ تەبىنىن ارتتىرىپ، ىشكى سۇرانىستى ءونىمدى كەڭەيتىپ، ”التىنى ورنىقتىرۋ“ قىزمەتىن جاپپاي ويداعىداي ىستەپ، جۇمىستى، ءوندىرىستى قالپىنا كەلتىرۋ بويىنشا ىندەتتەن ساقتانۋ - تىزگىندەۋ شاراسىن، باعدارناماسىن يكەمدى ساپالىلاندىرىپ، كەمەلدەندىرىپ، ىندەت تۋدىرعان زياندى ەڭ تومەنگى شەككە تۇسىرۋگە كۇش سالىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن قۇلشىنا ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ نىساناسىن، مىندەتىن جۇزەگە اسىرۋعا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: ماكرولىق ساياساتتى رەتتەۋ جانە اتقارۋ تەبىنىن ارتتىرۋ كەرەك. بەلسەنە توتەپ بەرەتىن ءبىر قىدىرۋ ماكرولىق ساياساتتاردى، شارالاردى جەدەل اقىلداسىپ العا قويۋ كەرەك، بەلسەندى قازىنا ساياساتى اناعۇرلىم بەلسەندى ۇتىمدى بولۋ، ورنىقتى اقشا ساياساتى اناعۇرلىم يكەمدى، لايىقتى بولۋ كەرەك، قازىنا قىزىل سيفرى مولشەرىن ۇيلەسىمدى جوعارىلاتىپ، ەرەكشە زايوم تاراتىپ، جەرگىلىكتى ۇكىمەتتەردىڭ ارنايى زايوم كولەمىن ارتتىرىپ، قارىز اقشا بازارىنىڭ ءوسىم مولشەرىن تومەندەتۋىنە ءجون سىلتەپ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. ءتۇرلى سالىقتى ازايتۋ، اقىنى تومەندەتۋ ساياساتىن ويداعىداي تياناقتاندىرىپ، جەرگىلىكتى ۇكىمەتتەردىڭ ارنايى قارىز تاراتۋىن جانە ىستەتۋىن تەزدەتىپ، ءتۇيىندى نىسانداردىڭ الدىڭعى مەرزىمدىك دايىندىعىن جانە قۇرىلىس قىزمەتىن جەدەل ويداعىداي ىستەۋ كەرەك. قايتالاي قارىز اقشا بەرۋ، ءوسىمىن قازىنادان قايتالاي كوتەرۋ، قارىز اقشانىڭ مەرزىمىن ۇزارتىپ اۋەلگى اقشاسىن وسىمىمەن قايتارۋ سياقتى فينانس ساياساتىنىڭ جەتەكتەۋ، دەم بەرۋ رولىن تولىق ساۋلەلەندىرىپ، كوندوكتسيا مەحانيزمىن ىركىلىسسىزدەندىرىپ، قارجى قۇراۋى قيىن بولۋدى، قارجى قۇراۋى قىمباتقا توقتاۋدى باسەيتىپ، ىندەتتەن ساقتانۋ - تىزگىندەۋگە، جۇمىستى، ءوندىرىستى قالپىنا كەلتىرۋگە جانە ناقتى ەكونوميكانىڭ دامۋىنا دالمە - ءدال فينانستىق قىزمەت وتەۋ كەرەك. جەرگىلىكتى ورىندار مەن كاسىپورىندار اڭىس ەتكەن قيىن ماسەلەلەردى، بوگەتتىك ماسەلەلەردى جىلدام اداقتاپ، وعان تالداۋ جاساپ، دەر كەزىندە ىشكەرىلەي شەشىپ، كاسىپ سالاسى تىزبەگىنىڭ جۇمىستى، ءوندىرىستى قالپىنا كەلتىرۋگە، ءوندىرىس قۋاتىنا جەتۋگە سايكەسۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: ەل ءىشى بازارى قاجەتىن ارتتىرۋدى تەزدەتىپ، ساقتانۋ - تىزگىندەۋ شاراسىن تياناقتاندىرۋ العى شارتىندا ساۋدا سارايلارىنىڭ، بازارلاردىڭ جۇمىستى، بازاردى قالپىنا كەلتىرۋىن، تۇرمىستىق قىزمەت وتەۋ كاسىبىنىڭ قالىپتى تيجاراتىن ءتارتىپتى ىلگەرىلەتۋ كەرەك. تۇرعىنداردىڭ تۇتىنۋىن كەڭەيتىپ، الەۋمەتتىك تۇتىنۋدى ۇيلەسىمدى ارتتىرىپ، ناقتى ساۋدا دۇكەندەرىنىڭ تۇتىنۋىن ىسكە قوسۋ، جەلىدەگى جاڭاشا تۇتىنۋ ورلەۋىن باسەڭدەتپەۋ كەرەك. حالىقارالىق ەكونوميكا - ساۋدا سەلبەستىگىن كۇشەيتىپ، حالىقارالىق زات اينالىمى، قامداۋ تىزبەگى جۇيەسى قۇرىلىسىن جەدەلدەتىپ، حالىقارالىق زات تاسىمالىنىڭ ىركىلىسسىزدىگىن قامتاماسىز ەتۋ كەرەك.
ءماجىلىس مىنالاردى اتاپ كورسەتتى: اۋىل شارۋاشىلىق ءوندىرىسىن جانە ماڭىزدى قوسىمشا ازىق - تۇلىكپەن قامتاماسىز ەتۋدى، قامداۋدى، باعانى ورنىقتىرۋدى ويداعىداي يگەرىپ، كوكتەمگى باسقارۋدى، كوكتەمگى ەگىستىكتى جىلدام ويداعىداي ۇيىمداستىرىپ، اۋىل شارۋاشىلىعىن قولداۋ ساياساتىنىڭ، شاراسىنىڭ اتىز - ارىق باسىنا دەيىن تياناقتانۋىن تەزدەتىپ، ەگىس داقىلدارى دەرت - دەربەزىنەن، زياندى جاندىكتەردەن ساقتانۋدى، تىزگىندەۋدى جانە اۋا رايى اپاتىنان ساقتانۋدى كۇشەيتۋ كەرەك. شوشقا ءوندىرىس قۋاتىنىڭ قالپىنا كەلۋىن ۇزدىكسىز ويداعىداي يگەرىپ، مال، سۋ ونىمدەرى باعىمشىلىعى ءدوپ كەلىپ وتىرعان قيىنشىلىقتاردى ويداعىداي شەشۋ كەرەك. كەدەيلىكتەن ارىلتۋدان قامال الۋ نىساندارىنىڭ جۇمىس باستاۋ، جۇمىستى قالپىنا كەلتىرۋ اياق الىسىن تەزدەتىپ، كەدەي ەڭبەككۇشتەردىڭ تەز ارادا جۇمىس ورنىنا ورالۋىنا، جۇمىستانۋىنا كومەكتەسىپ، ىندەت سەبەبىنەن قايتالاي كەدەيلەسكەن، كەدەيلەسكەن ادامدارعا كومەكتەسۋ - سۇيەمەلدەۋ شاراسىن دەر كەزىندە تياناقتاندىرۋ كەرەك.
ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، حۋبەيدىڭ جۇمىستى، ءوندىرىستى ءتارتىپتى قالپىنا كەلتىرۋىن قولداۋ كەرەك. حۋبەيدىڭ ەكونوميكالىق، قوعامدىق دامۋىن قولداۋدى كۇشەيتىپ، ارناۋلى قولداۋ ساياساتىن شىعارىپ، حۋبەيدىڭ قازىنا، قارجى قۇراۋ، قامداۋ تىزبەگى سياقتىلارداعى ءىس جۇزىندىك قيىنشىلىعىن شەشۋىنە كومەكتەسۋ، حۋبەيدىڭ كاسىپورىندارعا كومەك كورسەتۋ، جۇمىس ورنىن ورنىقتىرۋ، جۇمىستاندىرۋدى جەبەۋ، حالىق تۇرمىسىن قامتاماسىز ەتۋ سياقتى قىزمەتتەرىن قولداۋ كەرەك.
ءماجىلىس كەدەيلىكتەن ارىلتۋدان قامال الۋ ونىمدىلىگىن باعالاۋ جانە ارناۋلى شارلاۋ بويىنشا ”قايتا قاداعالاۋ“ قىزمەتىن تۇراقتاندىردى. ءماجىلىس بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا 2019 - جىلعى كەدەيلىكتەن ارىلتۋدان قامال الۋ جىلىندا كەدەيلىكتى ازايتۋ مىندەتى جالپى بەتتىك ورىندالدى، ولكە دارەجەلى پارتكومدار مەن ۇكىمەتتەردىڭ جاۋاپكەرشىلىگى ونان ارى قاتايدى، اۋىر كەدەي وڭىرلەردىڭ قامال الۋ ونىمدىلىگى كورنەكتى بولدى، ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەر جالپى تۇلعالىق جاقتان شەشىلدى، كەدەيلىكتەن ارىلتۋدان قامال الۋدا شەشۋشى ناتيجەگە قول جەتتى. اماليات پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىنىڭ، ورنالاستىرۋلارىنىڭ دۇرىس ەكەندىگىن، كەدەيلىكتەن دالمە - ءدال ارىلتۋ جالپى جوباسىنىڭ ءىس جۇزىندىككە ۇيلەسەتىندىگىن، جۇڭگو كوممۋنيستىك پارتياسىنىڭ باسشىلىعىن جانە جۇڭگوشا سوتسياليزم ءتۇزىمىنىڭ ساياسي ابزالدىلىعىن تولىق ايگىلەگەندىگىن دالەلدەدى.
ءماجىلىس مىنالاردى اتاپ كورسەتتى: كەدەيلىكتەن ارىلتۋدان قامال الۋ ونىمدىلىگىن باعالاۋ جانە ارناۋلى شارلاۋ بويىنشا ”قايتا قاداعالاۋ“ جاعدايىنان قاراعاندا، كەدەيلىكتەن ارىلتۋدان قامال الۋدا ءدوپ كەلەتىن مىندەتتەر ءالى دە جاپالى دا كۇردەلى، ەندى قالعاندارىنىڭ بارلىعى وڭايشىلىقپەن شەشىلە قويمايتىن ەڭ ماشاقاتتى تۇيىندەر، كەدەيلىكتەن ارىلتۋ جەتىستىگىن بەكەمدەۋدىڭ مىندەتى ەرەكشە اۋىر، ءىشىنارا جەرلەردە، كەيبىر جاقتاردا تاعى دا ءالسىز بۋىندار جانە قىزمەتتەگى جەتكىلىكسىزدىكتەر ءالى دە ورىن تەبۋدە، جاڭا تيپتى ايدارشا ۆيرۋس وكپە قابىنۋ ىندەتى جاڭا قيىنشىلىقتار مەن سىن - سايىستاردى اكەلدى، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە قول جەتكىزۋدە اناعۇرلىم جاپالى قۇلشىنىس جاساۋعا تۋرا كەلەدى. وڭىرلەر، تاراۋلار جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى كۇشەيتىپ، تاباندىلىقتى، توزىمدىلىكتى ساقتاپ، بوساڭسۋ، شايقاستان جالىعۋ يدەياسىنان ساقتانىپ، ۇزدىكسىز شايقاس جۇرگىزۋ تاماشا ستيلىن ساۋلەلەندىرىپ، نىساناعا، ولشەمگە تاباندى بولىپ، جالپى جوبانىڭ دالمە - ءدال بولۋىنا تاباندى بولىپ، قاتاڭ، ناقتى بولۋعا تاباندى بولىپ، كەدەيلىكتەن ارىلتۋدان قامال الۋ ساياساتىنىڭ جالپى تۇلعالىق تۇراقتىلىعىن ساقتاپ، ۇسىنىلىم تەبىنىن، قىزمەت تەبىنىن، كومەكتەسۋ - سۇيەمەلدەۋ تەبىنىن ۇزدىكسىز ارتتىرىپ، كەمىستىكتەردى جاپپاي تەكسەرىپ، شالاعايلىقتاردى تولىقتاپ، ولقىلىقتاردى، ءالسىز تۇستاردى جەدەل تولىقتاپ، كەدەيلىكتەن ارىلتۋ جەتىستىگىن بەكەمدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، دەر كەزىندە جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: كەدەيلىكتەن ارىلتۋدان قامال الۋ شەشۋشى شايقاسى شەگەرىپ ساناۋ ۋاقىتىنا ءوتتى، ءسوز جوق، ساياسي دەڭگەيدى جوعارىلاتىپ، قىزمەتتەردىڭ تياناقتانۋىن شىنداپ كىرىسىپ مىقتى يگەرۋ كەرەك. ساياسي جاۋاپكەرشىلىك ارقالاۋدى كۇشەيتىپ، رەتتەۋ - تۇزەتۋ نەگىزگى تۇلعالىق جاۋاپكەرشىلىگىن قاتايتۋ كەرەك، پارتكومنىڭ (پارتيا باسشىلىق گرۋپپاسى) باسشىلىق القاسى، اسىرەسە، شۋجيلەرى جوعارى ارقىلى تومەنگە باستاماشى بولۋدى وزدەرى يگەرىپ، كەدەيلىكتەن ارىلتۋدان قامال الۋ ونىمدىلىگىن باعالاۋدا بايقالعان ماسەلەلەر مەن ارناۋلى شارلاۋ بويىنشا ”قايتا قاداعالاۋدا“ اتاپ كورسەتىلگەن ماسەلەلەر، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە قاداعالانعان ماسەلەلەر سياقتىلاردى ءبىر تۇتاس ەسكەرىپ، ماسەلەنى رەتتەۋ - تۇزەتۋ مەن كەدەيلىكتەن ارىلتۋدان قامال الۋ كۇندەلىكتى قىزمەتىن ۇشتاستىرىپ، بارلىعىن رەتتەپ - تۇزەتۋدى تولىق تياناقتاندىرۋ كەرەك. كۇندەلىكتى باقىلاۋدى كۇشەيتىپ، رەتتەۋ - تۇزەتۋدەگى فورماشىلدىق، تورەشىلدىك ماسەلەلەرىن قالت جىبەرمەي قاداعالاپ، جاۋاپكەرشىلىك ارقالاماۋ، ىسكەرلىك كورسەتپەۋ، الباتى ىستەۋ، ساندى مالىمەتتىك كەدەيلىكتەن ارىلتۋ جانە كەدەيلىكتەن جالعان ارىلتۋ سياقتى ماسەلەلەردى قاتاڭ تەكسەرىپ ءبىر جاقتى ەتىپ، پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرۋ كەرەك. ۇيىمدىق قامتاماسىزدىقتى كۇشەيتىپ، پارتيا قۇرىلىسىن يگەرىپ، كەدەيلىكتەن ارىلتۋدى جەبەۋدى ىشكەرىلەي ىلگەرىلەتىپ، كەدەي وڭىرلەردىڭ نەگىزگى ساتى پارتيا ۇيىمدارىنىڭ رولىن جاپپاي جوعارىلاتىپ، كادرلاردى كەدەيلىكتەن ارىلتۋدان قامال الۋدىڭ ءبىرىنشى شەبىندە تەكسەرۋگە، سارالاۋعا باسا ءمان بەرۋ كەرەك. جەتىستىكتەن جالپىلىق پايدالانۋدى كۇشەيتىپ، بىرەۋى ارقىلى وزگەسىن تۇسپالداپ، قىزمەتتى جەبەپ، باعالاۋدا، شارلاۋدا بايقالعان ورتاق سيپات الاتىن ماسەلەلەرمەن ۇشتاستىرىپ، قىزمەت مەحانيزمىن كەمەلدەندىرىپ، قىزمەت بىرىككەن كۇشىن كۇشەيتىپ، كەدەيلىكتەن ارىلتۋدان قامال الۋدى اۋىل - قىستاقتى گۇلدەندىرۋ ستراتەگياسىمەن، ”14 - بەسجىلدىق“ جوبامەن ۇشتاستىرۋدى اقىلداسىپ ويداعىداي ىستەۋ كەرەك.
ءماجىلىس باسقا دا ىستەردى اقىلداستى.
