تيانشان تورى   ›   جاڭالىقتار   ›   شينجياڭ حابارلارى

قاتىناس ءتۇيىندى نىساندار قۇرىلىسى تەز قارقىنمەن جۇرگىزىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ، ما ينيڭ 3 - ايدىڭ 28 - كۇنى ۇرىمجىدەن حابارلايدى. اۋا رايىنىڭ جىلىنۋىنا ىلەسە، رايونىمىزدىڭ تاس جول، تەمىر جول، اۆياتسيا قۇرىلىسى نىساندارىنىڭ جۇمىسى ىركەس - تىركەس قالپىنا كەلتىرىلدى، جۇمىس قالپىنا كەلگەن نىسانداردا جۇمىس مەرزىمى مىقتى ۇستالىپ، جەدەلدەتە جۇمىس جۇرىلۋدە.

  3 - ايدىڭ 26 - كۇنى تۇستەن بۇرىن G30 شياۋساۋحۋ − ءۇرىمجى جول بولىگىن كەڭەيتىپ سالۋ قۇرىلىسىنىڭ جۇمىس باسىندا قازۋ ماشينالارى، جول شىڭاۋ ماشينالارى قاۋىرت جۇمىس جۇرگىزىپ جاتتى. ”نىسان 3 - ايدىڭ 20 - كۇنى جۇمىستى قالپىنا كەلتىرگەننەن بەرى، ءارقايسى ورىندار جەدەلدەتە جۇمىس جۇرگىزدى، بارلىق تۋنەل تۇگەلدەي تۇتاستىرىلىپ، قۇرىلىس ينجەنەرياسىنىڭ جالپى تۇلعالىق قارقىنى %80تەن استى، سوڭعى مەزگىلدە جانە دە جابدىقتار مەن ادامداردى ۇزدىكسىز كوبەيتىپ، بيىل ءساتتى تۇردە كولىك قاتىناۋىنا شىنايى كەپىلدىك ەتەمىز“، - دەدى اتالعان نىساننىڭ ورىنباسار قولباسشىسى ۋىڭ ۋىنجۇڭ.

  بيىل رايونىمىزداعى جالعاستى سالىناتىن 35 تاس جول نىسانىنىڭ 23 ىندە 3 - ايدىڭ 25 - كۇنىنە دەيىن جۇمىس قالپىنا كەلتىرىلىپ، جۇمىستى قالپىنا كەلتىرۋ مولشەرى %65.7كە جەتتى، تەڭىز دەڭگەيىنىڭ بيىك بولۋىنىڭ، تومەن اۋا تەمپەراتۋراسىنىڭ ىقپالىنا ۇشىرايتىن قالعان نىسانداردا 4 - ايدىڭ 25 - كۇنىنەن بۇرىن جۇمىس تۇگەلدەي قالپىنا كەلتىرىلەدى. جاڭادان جۇمىس باستايتىن 14 تاس جول نىسانىنىڭ الدىڭعى مەرزىمدى قىزمەتتەرى بەلسەندىلىكپەن ىلگەرىلەتىلۋدە.

  سالىنىپ جاتقان 3 ۇلكەن تەمىر جول ءتۇيىندى ينجەنەرياسى گولمۇت − كورلا تەمىر جولىندا (شينجياڭ بولىگى)، حوتان − چارقىلىق تەمىر جولىندا، التاي − كوكتوعاي − جۇندۇڭ تەمىر جولىندا تۇگەلدەي جۇمىس قالپىنا كەلتىرىلدى، قۇرىلىس جۇرگىزۋ جوسپارى بويىنشا، گولمۇت − كورلا تەمىر جولى مەن التاي − كوكتوعاي − جۇندۇڭ تەمىر جولىندا بيىل پويەز قاتىناپ ىسكە قوسىلادى.

  بيىل رايونىمىزدا حالىقتىق اۆياتسيادا جالعاستى سالىناتىن نىسانداردان ءۇرىمجى، قاشقار، اقسۋ، قۇلجا اۋەجايىن وزگەرتىپ كەڭەيتىپ سالۋ ينجەنەرياسى، سونداي - اق تاشقورعان، موڭعۇلكۇرە، كەريا اۋەجايى قۇرىلىسى نىسانى بار، قازىر تاشقورعان اۋەجايى قۇرىلىسى نىسانىنان باسقا جالعاستى سالىناتىن قالعان نىساندار تۇگەلدەي جۇمىستى قالپىنا كەلتىردى. جاڭادان جۇمىس باستايتىن نىسانداردا ايتالىق، بايىنبۇلاق اۋەجايى نىسانىندا، جۇندۇڭ (شونجى) اۋەجايى نىسانىندا، باركول اۋەجايى نىسانىندا، تۇرپان اۋەجايى ۇشۋ اۋماعىن وزگەرتىپ، كەڭەيتىپ سالۋ نىسانىندا، التاي ايماعىنداعى امبەباپ اۋەجايدا، سونداي - اق امبەباپ اۆياتسيا كاسىبى سايكەستى جابدىقتارى نىسانىندا قازىر جۇمىس باستاۋدىڭ الدىڭعى مەرزىمدىك قىزمەتتەرى جەدەل ىلگەرىلەتىلۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى