تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ تۇڭعىش كولەمدەنگەن پولي ەستەر نىسانى قۇرىلىس باستادى

سالىنىپ بىتكەن سوڭ تومەنگى جەلىدەگى سايكەستى كاسىپ تىزبەگىندە 50 مىڭنان استام ادامدى جۇمىستانۋعا باۋرايدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى رىن جياڭ 3 - ايدىڭ 29 - كۇنى كورلادان حابارلايدى. 3 - ايدىڭ 29 - كۇنى، شينجياڭنىڭ تۇڭعىش كولەمدەنگەن پولي ەستەر نىسانى − شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنىڭ جىلىنا 500 مىڭ توننا پولي ەستەر ءوندىرۋ نىسانى كورلانىڭ شاڭكۋ جوعارى - جاڭا تەحنيكالىق اشۋ رايونى مۇناي جانە مۇناي حيميا كاسىپ باقشاسىندا قۇرىلىس باستادى.

  ”بۇل نىسان جوعارىدا حيميا ونەركاسىبى كاسىبىمەن تۇتاسىپ، تومەندە توقىما، كيىم - كەشەك كاسىبىمەن جالعاساتىن ماڭىزدى بۋىن، سالىنىپ بىتكەن سوڭ، شينجياڭنىڭ پولي ەستەر حيميالىق تالشىق شيكىزاتىن كولەمدەندىرىپ ءوندىرۋ جاعىنداعى اقتاڭداعىن تولتىرىپ، شينجياڭ ونەركاسىپ كاسىپ تۇرلەرىن بايىتىپ، وسى زامانعى كاسىپ جۇيەسىن ورناتۋعا دەم بەرەدى“، - دەيدى كورلا ەكونوميكالىق - تەحنيكالىق اشۋ رايونى پارتيا قىزمەت كوميتەتىنىڭ قاتىستى جاۋاپتىسى.

  ۇعىسۋىمىزشا، نىسان 2021 - جىلدىڭ سوڭىندا سالىنىپ ءبىتىپ، وندىرىسكە قوسىلادى ەكەن، مولشەرمەن 3 ميلليارد 400 ميلليون يۋان قارجى قوسىلعان نىسانعا جىلىنا 250 مىڭ توننا ۇزىن تالشىق جانە جىلىنا 250 مىڭ توننا قىسقا تالشىق ءوندىرۋ قامتىلعان. سالىنىپ ءبىتىپ، وندىرىسكە قوسىلعان سوڭ، جىلدىق ساتىلىم كىرىسى 3 ميلليارد 760 ميلليون يۋانعا، سالىق تابىسى 57 ميلليون يۋاننان اسىپ، تىكەلەي 600دەن استام ادامدى جۇمىستانۋعا تارتىپ، سوڭعى كاسىپ سالاسىندا توقىما، گۇل باسۋ - بوياۋ سياقتى سايكەستى كاسىپ تىزبەگىندە 50 مىڭنان استام ادامدى جۇمىستاندىرادى.

  جۇڭتاي توبى پارتكومنىڭ شۋجيى، القا باستىعى ۋاڭ حۇڭشيننىڭ تانىستىرۋىنشا، اتالعان نىساندى جۇڭتاي توبى مەن جىجياڭ جىڭكاي توبى بىرلەسىپ قارجى قوسىپ سالادى ەكەن، سالىنىپ بىتكەن سوڭ شيكىزاتتىڭ شينجياڭ ىشىندە قامدالۋىن، ءونىمنىڭ سول جەردە تۇتىنىلۋىن، كاسىپ سالاسىنىڭ جەرگىلىكتى ورىنعا تيىمدىلىك جاساۋىن جۇزەگە اسىرىپ، شينجياڭنىڭ پوليەفيرلىك حيميالىق تالشىق شيكىزاتىن كولەمدەندىرىپ ءوندىرۋ جاعىنداعى اقتاڭداقتى ءونىمدى تولتىرىپ، ماقتا توقىمانىڭ، جابىسقاق تالشىق توقىمانىڭ، ارالاسپا توقىمانىڭ كولەمدى توقىما كاسىپ جۇلگەسىن قالىپتاستىرىپ، شينجياڭنىڭ ”ماقتا وندىرىسىندەگى ءىرى رايوننان“ ”توقىما وندىرىسىندەگى ءىرى رايونعا“ قادام تاستاۋىن ىلگەرىلەتەدى.

  بيىل جۇڭتاي توبى 4 ۇلكەن جاڭا نىسان ورنالاستىرىپ وتىر، ونىڭ ۇشەۋى بايىنعولين موڭعۇل اۆتونوميالى وبلىسىنا ورنالاسقان، جالپى قوسىلاتىن قارجى 7 ميلليارد 500 ميلليون يۋان، بارلىعى اۆتونوميالى رايوننىڭ ءتۇيىندى نىسان قاتارىنا كىرگەن، الدىمەن قۇرىلىس باستاعان، جىلىنا 500 مىڭ توننا پوليەفير ءوندىرۋ نىسانى − جۇڭتاي توبىنىڭ بيىلعى 4 ۇلكەن جاڭا نىسانىنىڭ ءبىرى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى