3-ايدىڭ 30-كۇنى، اۆتوكولىك چيڭداۋ جياۋجوۋ شىعاناعى ۇلكەن كوپىرى جياۋجوۋداعى تۇتاسۋ جەلىسىنىڭ وڭتۇستىك شىعۋ اۋىزىنان شىعۋدا. (ۇشقىشسىز ۇشاقپەن تۇسىرىلگەن سۋرەت)
چيڭداۋ جياۋجوۋ شىعاناعى ۇلكەن كوپىرى تۇتاسۋ جەلىسى 30-كۇنى ساعات 0دە رەسمي اشىلدى، جياۋجوۋعا ورنالاسقان جۇڭگو-شاڭحاي سەلبەستىك ۇيىمىنىڭ جەرگىلىكتى ەكونوميكا ـ ساۋدا سەلبەستىگىنەن ۇلگى كورسەتۋ رايونى چيڭداۋدىڭ ”تۇرمىس شەڭبەرىمەن جارتى ساعاتتا“ توعىسا الاتىن بولدى.
شاندۇڭ جوعارى قارقىندى تاس جولى چيڭداۋ جياۋجوۋ شىعاناعى ۇلكەن كوپىرى جياۋجوۋ تەمىر جولى قۇرىلىسى كەڭسەسىنىڭ قاتىستى جاۋاپتىسى تانىستىرىپ بىلاي دەدى: چيڭداۋ جياۋجوۋ شىعاناعى ۇلكەن كوپىرى تۇتاسۋ جەلىسىنىڭ جالپى ۇزىندىعى 5749 مەتر، كوپىردىڭ كەڭدىگى 18.5 مەتر، قوس باعىتتا 4 اۆتوكولىك جولى جوبالانعان، باسى جۇڭگو-شاڭحاي سەلبەستىك ۇيىمىنىڭ جەرگىلىكتى ەكونوميكا-ساۋدا سەلبەستىگىنەن ۇلگى كورسەتۋ رايونى ەكولوگيالىق ارناسىنان باستالىپ، چيڭداۋ جياۋجوۋ شىعاناعى ۇلكەن كوپىرى داگۋحى سۋ جولى كوپىرىنىڭ باتىسىمەن جالعاسىپ، جياۋجوۋ قالاسىندا سالىنىپ جاتقان شىعىس، باتىس ۇلكەن ارناسىمەن تۇتاسادى.
وسى تۇتاسۋ جەلىسى اشىلعاننان كەيىن، جۇڭگو-شاڭحاي سەلبەستىك ۇيىمىنىڭ جەرگىلىكتى ەكونوميكا-ساۋدا سەلبەستىگىنەن ۇلگى كورسەتۋ رايونى مەن چيڭداۋ نەگىزگى قالا رايونىنىڭ اۆتوكولىكپەن قاتىناۋ ارالىعى 20 كيلومەتردەي قىسقارادى، اۆتوكولىكپەن 15 مينۋتتا جەتۋگە بولادى. سونىمەن قاتار، بۇل تۇتاسۋ جەلىسى چيڭداۋ جياۋدۇڭ حالىقارالىق اۋەجايىنىڭ تەز قارقىندى جولىنا اينالادى.
ۇعىسۋعا قاراعاندا، چيڭداۋ جياۋجوۋ شىعاناعى ۇلكەن كوپىرىنە 2011 -جىلى 6-ايدىڭ 30-كۇنى اۆتوكولىك قاتىناعان، شىعىسى چيڭداۋدىڭ شىعىس قالا رايونى حايىر جولىنان باستالىپ، جياۋجوۋ شىعاناعى تەڭىز رايونىن ەندەي ءوتىپ، باتىسى حۋاڭداۋ ارالىنداعى قىزىل جارتاسقا دەيىن بارادى، كوپىردىڭ ورتاسى ايقاسپالى كوپىر ارقىلى حۇڭداۋمەن جالعاسىپ، چيڭداۋ، حۋاڭداۋ جانە حۇڭداۋ ارالىن ”品“ ءارپى بويىنشا تۇتاستىردى. وسى رەتكى جياۋجوۋ تۇتاسپالى جەلىسىنىڭ اشىلۋى كوپىردىڭ وڭىرلىك ىقپالداستىق يقۋاتىن اناعۇرلىم كۇشەيتەدى.
