شينحۋا اگەنتتىگىنىڭ ءتىلشىسى جيا چيلۇڭ
گۇڭچۇي سىليدىڭ سۋرەتى شينحۋا اگەنتتىگى تاراتقان (جۇڭ شيڭلياڭ تۇسىرگەن)
شياڭگىليلا − يۇنناننىڭ باتىس سولتۇستىك ۇستىرتىندەگى ەڭ ءبىر قاسيەتتى دە كوركەم جەر، زاڭزۋ تىلىندە ”جۇرەكتەگى كۇن مەن اي“ دەگەن ماعىنادا. شياڭگىليلانى ءار ۇلت بۇقاراسىنىڭ باقىتتى مەكەنىنە اينالدىرۋ ءۇشىن، 24 جىلدا ديچيڭ اسكەري بولىمشە رايونىنىڭ بۇرىنعى ورىنباسار سىليڭيۋانى گۇڭچۇي سىلي تىنباي قىزمەت ىستەپ، يۇنناننىڭ باتىس سولتۇستىك ءۇستىرتىنىڭ ءاربىر سۇيەم جەرىن باسىپ، بار ىنتا - پەيىلىمەن شيزاڭ رايونىنىڭ دامۋىنا، ورنىقتىلىعىنا ات سالىسىپ، بۇقارانى كەدەيلىكتەن ارىلتىپ، بايۋعا باستادى.
لىحاسا ”14 - ناۋرىز“ ۋاقيعاسى تۋىلعاننان كەيىن، ول قارلى تاۋلاردى اسىپ، مال شارۋاشىلىق فەرمالارىنا بارىپ، قىستاق، الەۋمەتتىك اۋماقتاردى ارالاپ، بۇتحانالارعا كىرىپ جاعداي ۇعىستى، 4 اي بويى ديچيڭ زاڭزۋ اۆتونوميالى وبلىسىنىڭ 3 اۋدان، 29 اۋىل - قالاشىعىن ارالاپ، پارتيانىڭ ۇلت ساياساتى مەن ءدىن ساياساتىن ۇگىتتەدى، 46 - مايدان بايانداماسىن جاساپ بولعانىندا ول تالىقسىپ بارىپ كوگالعا وتىرا كەتتى.
گۇڭچۇي سىلي حالىق مۇددەسىن كوكەيىندە ساقتادى، بۇقارا كەدەيلىكتەن ارىلماعانشا جايلانىپ جاتا المادى. ول جەرگىلىكتى ورىنداعى 200دەن استام وتباسىنداعى بۇقارانى عىلمي جولمەن ەگىن ەگىپ، مال باعۋعا باستادى، كوكونىس تاقتا اتىزىن تەگىستەۋدەن كوكونىس تۇقىمىن ەگۋگە دەيىن، سۋارىپ، تىڭايتقىش بەرۋدەن كوكونىس سورەسىن ورناتۋعا دەيىن، ولارعا كوكونىس ەگۋدى قولما - قول ۇيرەتتى. گۇڭچۇي سىليدىڭ قۇلشىنىسىنىڭ ارقاسىندا، ديچيڭنىڭ كوشەلەرىندە تۇڭعىش رەت كوكونىس ساتۋشى زاڭزۋ تۇرعىندارى پايدا بولدى، ارناۋلى كوكونىس وندىرىسىمەن اينالىساتىن قىستاقتار دا مولايدى، ىگەرىندى - كەيىندى 21 ەرەكشە باعىمشىلىق الاڭى قۇرىلدى. ول وركەنيەتتى جاڭا سالتتى بەلسەنە جالپىلاستىرىپ، شيپاگەرلەردى باستاپ ءبىر - بىرلەپ قىستاق تۇرعىندارىنىڭ دەنە تەمپەراتۋراسىن، قان قىسىمىن ولشەپ، اۋرۋ جاعدايىن ەگجەي - تەگجەيلى سۇراستىرعان سوڭ ناۋقاسىنا قاراي ءدارى جەتكىزدى.
زىتۇڭ قىستاعىنىڭ تاۋىنان باستالعان تاس جولدى سالۋ ءۇشىن، 50 جاسقا تاياپ قالعان گۇڭچۇي سىلي حالىق جاساقتارىنان قۇرالعان ەكپىندىلەر اترەتىن باستاپ، تاۋدى تالقانداپ، تاستى قوپارىپ، بوگەتتەردى الاستاپ، تەگىس جول جاسادى، 17 رەت نەشە ون مەترلىك جالاماعا شىعىپ، تەسىك تەسىپ، قوپارعىش ءدارى سالىپ، جارتى جىلدا 15 كيلومەتر قاپتال تاس جولىن سالدى؛ شينياڭ قىستاعى مەن لارىن قىستاعى تۇرعىندارىنىڭ تازا سۋ ىشۋىنە مۇمكىندىك جاساۋ ءۇشىن، گۇڭچۇي سىلي 8 حالىق جاساعىن ەرتىپ، 9 كۇندە 28 كيلومەتر شالعايداعى بىڭچى تاۋى قويناۋىنان سۋ قاينارىن تاپتى. قاقاعان قىستا 3 ايدان ارتىق قۇرىلىس جۇرگىزىپ، اۋىلداستارىنا 28 كيلومەترلىك سۋ باستاۋ قۇبىرىن جاتقىزىپ بەردى.
كەدەي بۇقارانىڭ جاقسى تۇرمىس كەشىرۋىنە مۇمكىندىك جاساۋ گۇڭچۇي سىليدىڭ ومىرلىك ارمانى. ءار رەت اۋىلعا بارعاندا ول ۇنەمى اۆتوكولىگىنە كۇرىش، كونسەرۆا جانە كيىم - كەشەك، كورپە - جاستىق سالىپ الادى. جەرگىلىكتى ورىنداعى پاناسىز قارتتار مەن كەدەي وتباسىنا جولىققاندا، ول وسى نارسەلەرىن ولارعا ءبولىپ بەرەدى. ول نيبۋ قارتپەن اڭگىمەلەسكەن كەزدە، قىستاقتاعى 70 جاستان اسقان 25 قارتتىڭ بەيجيڭدى كورگىسى كەلەتىنىن بىلگەن سوڭ، ۇيىندەگى نەبارى 8000 يۋان اقشانى الىپ شىعىپ، وعان اۋداندىق حالىق ىستەرى مەكەمەسىنەن ءبىراز قاراجات سايكەستىرىپ، قارتتاردى بەيجيڭگە اپارىپ ارالاتتى. ول تاعى كەدەي بالالار كاڭ شيۋيىڭ مەن جي شينمەيدىڭ باستاۋىشتان داشۋەگە دەيىن وقۋىنا قارجىلاي كومەكتەستى، جەتىم بالا لوساڭ دۇنجۋدى ەرجەتكەنگە دەيىن باعىپ - قاقتى.
بولىمشە اسكەري رايوننىڭ ورىنباسار سىليڭيۋانى قىزمەت ورنىندا 10 جىل ىستەگەن گۇڭچۇي سىلي 2007 - جىلى بەلگىلەنگەن ەڭ جوعارى قىزمەت شەگى ۋاقىتىنا جەتىپ، قونىستانۋعا جايلى كۇنميڭگە بارىپ سوڭعى ءومىرىن الاڭسىز وتكىزسە بولاتىن ەدى. الايدا ول ءوزىنىڭ شيزاڭ رايونىنا ەڭ قانىق ەكەنىن ايتىپ، جوعارى جاقتىڭ ۇزدىكسىز ۇستىرتتە قالىپ قىزمەت ىستەۋىن بەكىتۋىن ءوتىنىش ەتتى.
2008 - جىلى ديچيڭ 50 جىلدا بولماعان قار اپاتىنا ۇشىرادى، گۇڭچۇي سىلي ءۇرتىس 10 نەشە كۇن جاۋىنگەرلەرمەن بىرگە كۇرەكپەن قاسات قاردى اشتى...
گۇڭچۇي سىلي جونىنەن پارتيانىڭ، ارميانىڭ ءۇمىتىن اقتاۋداعى ەڭ جاقسى ارەكەت − پارتيا جۇكتەگەن ءاربىر قىزمەتتى ويداعىداي ىستەۋ. ول ءوزى سەزىنگەن پارتيا مەن ارميانىڭ قامقورلىعىن، مەيىرىن ءاربىر ادامعا جەتكىزىپ، ءوزىنىڭ ءىس - ارەكەتى ارقىلى پارتيا مەن ارمياعا سي جانە ماداق اكەلدى.
2009 - جىلى ەندى عانا 54 جاسقا شىققان ول ۇزاق ۋاقىت قالجىراۋ سەبەپتى تۇتقيىل جۇرەگى ءتۇيىلىپ، قىزمەت ۇستىندە قازا بولدى. 2010 - جىلى 8 - ايدا ورتالىق اسكەري ىستەر كوميتەتى گۇڭچۇي سىلي جولداسقا ”ۇلتتار ىنتىماعى، العاباسارلىعىن جەبەۋدەگى تاڭداۋلى كادر“ داڭق اتاعىن تولىقتاپ بەردى.
(شينحۋا اگەنتتىگىنىڭ كۇنميڭنان بەرگەن حابارى)
