شينجياڭ گازەتىنىڭ جالپىلىق اقپارات قۇرالدارى ءتىلشىسى سۋ لۋپيڭ
الەۋمەتتىك قاتىناس قۇرالدارىنا وتىرعاندا قانداي ىستەرگە كوڭىل ءبولۋ كەرەك؟ بازار ارالاپ زات ساتىپ العاندا ساقتانۋ - قورعانۋدى قالاي جاقسى ىستەگەن ءجون؟ اسحانالارعا بارىپ تاماقتانعاندا قايتكەندە حاۋىپسىز، تازا بولادى 3 - ايدىڭ 29 - كۇنى الەۋمەتتىك ورىنداردا ىندەتتەن ساقتانۋ جونىندە اۆتونوميالى رايوندىق اۋرۋدان ساقتانۋ - تىزگىندەۋ ورتالىعى جاڭا تيپتى ايدارشا ۆيرۋس وكپە قابىنۋ ىندەتىن ءبىر جاقتى ەتۋ ەپيدەمولوگيالىق تەكسەرۋ قىزمەت گرۋپپاسىنىڭ باستىعى لي فان ءتۇيىندى ورىنداردى بەلگىلەدى.
”الەۋمەتتىك قاتىناس قۇرالدارىن باسقارۋشى جاق، ءسوزسىز، قاتىناس قۇرالدارىنىڭ ساقتانۋ - تىزگىندەۋ دايىندىق جوباسىن جاساپ، شوفەرلەر مەن قىزمەتكەرلەردى باسقارۋدى كۇشەيتۋ كەرەك“. لي فان بىلاي دەدى: باسقارۋشى جاق شوفەرلەردىڭ دەنساۋلىق جاعدايىن دەر كەزىندە يگەرۋى كەرەك، ماسەلەن، قىزۋ، جوتەلۋ جايتى بار ما، جوق پا، ىندەت رايوندارىنا بارعان نەمەسە شەتەلگە شىققان كەشىرمەسى بار ما، جوق پا، دەنساۋلىق جاعدايى جاقسى، ىندەت رايونىنا بارماعان شوفەرلەر مەن قىزمەتكەرلەردىڭ عانا قىزمەتكە شىعۋىنا بولادى. قىزمەتكە شىققان كەزدە، باسقارۋشى جاق ءار كۇنى شوفەرلەر مەن قىزمەتكەرلەردىڭ دەنە تەمپەراتۋراسىن ولشەۋى، دەنساۋلىق جاعدايىن باقىلاپ - تەكسەرىپ تۇرۋى كەرەك.
”دايىندىق جوباسىن جاساعان كەزدە، مىسالى، پويەز، حالىقتىق اۋە قاتىناسى سياقتى ۇزاق جولدى قاتىناس قۇرالدارىنىڭ ەڭ سوڭعى ءۇش قاتارىندا، ءسوزسىز، اۋاشالاۋ رايونىن قۇرۋ كەرەك. جول ۇستىندە جولاۋشىلاردان قىزۋ، جوتەلۋ سياقتى اۋرۋ بەلگىلەرى بايقالسا، باسقا جاققا اپارۋدان بۇرىن باسقالاردان اۋاشالاۋ كەرەك“. لي فان بىلاي دەپ تانىستىردى: الەۋمەتتىك قاتىناس قۇرالدارىنا، ءسوزسىز، قاجەتتى ىندەتتەن ساقتانۋ زاتتىق ماتەريالدارىن سەپتەۋ كەرەك، مىسالى، دەنە تەمپەراتۋراسىن ولشەۋ اسپابى، زارارسىزداندىرۋ بۇيىمدارى، ءبىر رەتتىك پايدالاناتىن ماسكى جانە ۇگىت ماتەريالدارى سياقتىلار. جول ۇستىندە باسقارۋشى جاق بەلگىلى ۋاقىتتا قاتىناس قۇرالىن زارارسىزداندىرۋ جانە اۋاسىن الماستىرۋ، قالىپتى، حاۋىپسىز اينالىسقا تۇسۋىنە كەپىلدىك ەتىپ، تاسىمال كۇشىن دەر كەزىندە سايكەستىرىپ، ادام اينالىسىن تىزگىندەۋ كەرەك. ۇزاق جولدى قاتىناس قۇرالدارىنا قاراتا، ماسەلە بايقالسا تابۋعا قولايلى بولۋ ءۇشىن، باسقارۋشى جاق جولاۋشىلاردىڭ ينفورماتسياسىن يگەرۋى كەرەك.
جاي جولاۋشىلاردىڭ الەۋمەتتىك قاتىناس قۇرالدارىنا وتىرۋىنا قاراتا، لي فان جولاۋشىلارعا ماسكى تارتۋدى، قاۋىرت ۋاقىتتا ءبولىنىپ ءجۇرۋدى، توپتالماۋدى ەسكەرتتى. الەۋمەتتىك كولىككە وتىرعان كەزدە مۇمكىندىكتىڭ بارىنشا بىتىراپ وتىرىپ، ارالىق ساقتاۋ؛ جوتەلگەن، تۇشكىرگەن كەزدە ەڭ جاقسىسى، قاعاز شىتپەن اۋىزدى، مۇرىندى باسۋ، قاعاز شىت بولماسا جەڭىمەن باسۋ، باسقالارعا جاساعان ىقپالدى ازايتۋ كەرەك. ەگەر قىزۋ، جوتەلۋ سياقتى اۋرۋ بەلگىلەرى بايقالسا، دەر كەزىندە ەمدەلىپ، ەمدەۋ قۇرىلىمدارىنىڭ قويعان دياگنوزىنا نەگىزدەلە وتىرىپ، قايتا ساپار ورنالاستىرۋ كەرەك.
ساۋدا سارايلارىنىڭ، ەرەن بازارلارىنىڭ ىندەتتەن ساقتانۋىنا قاراتا، لي فان بىلاي دەپ قارادى: كاسىپورىندار ىندەتتەن ساقتانۋ ءتۇزىمىن جاساپ، ارناۋلى ادام جاۋاپتى بولىپ اتقارۋ كەرەك. قىزمەتكەرلەر شىن اتى - ءجونىن قولدانۋ ءتۇزىمىن اتقارىپ، كاسىپورىن قىزمەتكەرلەردىڭ دەنساۋلىق جاعدايىن، ءسوزسىز، يگەرىپ، ءار كۇنى دەنە تەمپەراتۋراسىن ولشەۋ كەرەك. قىزىپ اۋىرعان قىزمەتكەرلەر بولسا، الدىمەن شيپاحاناعا جەتكىزىپ ەمدەتۋ، ناۋقاسى جاقسارعان سوڭ بارىپ جۇمىسقا شىعۋىنا بولاتىنىن - بولمايتىنىن ساراپتاۋ؛ ءىرى ساۋدا سارايلارىندا، ەرەن بازارلاردا الىپ قالىپ باقىلاۋ رايونىن اشىپ، دەنە تەمپەراتۋراسىن ەكشەپ تەكسەرگەن كەزدە قىزعان قاريدارلار بولسا، الدىمەن الىپ قالىپ باقىلاۋ رايونىنا ورنالاستىرىپ، ونان سوڭ قاتىستى تاراۋلارعا مالىمدەۋ؛ ساۋدا سارايلارىندا، ەرەن بازارلاردا اۋانىڭ الماسۋىنا، بەلگىلى ۋاقىتتا زارارسىزداندىرۋعا كەپىلدىك ەتىپ، مۇمكىندىكتىڭ بارىنشا ادام اينالىسىن مەڭگەرۋ، ايتالىق، اقى الۋ ارناسىن كوبەيتۋ سياقتىلاردان پايدالانىپ قاريدارلاردى ءبولىپ، قاتارعا تۇرۋ ارالىعىن ۇزارتۋ؛ ساۋدا سارايلارىنىڭ، ەرەن بازارلاردىڭ تازالىق ۇيلەرىنە قول جۋۋ، زارارسىزداندىرۋ سۇيىقتىقتارىن سەپتەپ، قاريدارلاردىڭ قول جۋۋىنا قولايلىلىق جاراتۋ كەرەك.
”جاي قاريدارلار مۇمكىندىك بولسا، جابىق ليفتكە وتىرماۋى، حاۋىپسىزدىك وتكەلىنەن جۇرگەندە نەمەسە ەلەكتر باسپالداققا شىققاندا مۇمكىندىكتىڭ بارىنشا باسپالداقتىڭ جاقتاۋىن ۇستاماۋ كەرەك“. لي فان بىلاي دەدى: ءار رەت زات ساتىپ الاردان بۇرىن الدىمەن الاتىن زات تىزىمدىگىن جاساپ، الىپ بولعان سوڭ دەرەۋ قايتۋ، ساۋدا سارايلارىندا، ەرەن بازارلاردا ۇزاق ۋاقىت ايالداماۋ، وسى بارىستا ماسكىنى جاقسى تارتۋ كەرەك.
اسحانالاردىڭ ىندەتتەن ساقتانۋىنا قاراتا، لي فان مىناداي ۇسىنىس بەردى: قىزمەتكەرلەردى باسقارۋدى، قىزمەتكەرلەردىڭ دەنساۋلىق جاعدايىن يگەرۋدى، ىندەتتەن ساقتانۋعا باۋلۋدى ويداعىداي ىستەۋدى، نەگىزدىك تازالىقتى كۇشەيتۋمەن قاتار، ءسوزسىز، كەلۋ قاينارى سەنىمدى ازىق - تۇلىكتى تاڭداۋ كەرەك. ءۇي قۇستارىن ءوزى سويماۋ، ساتىپ العان ازىق - تۇلىك ماتەريالدارى، ءسوزسىز، تولىمدى، كەلۋ قاينارى انىق بولۋ كەرەك. ەسىكتەن كىرگەن كەزدە دەنە تەمپەراتۋراسىن ولشەۋدەن تىس، كاسىپورىن نەمەسە جەكە تيجاراتشىلار قاريدارلاردىڭ ينفورماتسياسىن ەستەلىككە الىپ، ماسەلە بايقالا قالسا تابۋعا قولايلى بولۋ، سونداي - اق تاماقتانۋشىلارعا ۋاقىتتى قىسقارتۋدى، اڭگىمە ايتۋدى ازايتۋدى ەسكەرتۋ كەرەك. ءبىر ۇستەل قوناق قابىلداعان سايىن، قىزمەتكەرلەر ۇستەل، ورىندىق، ىدىس - اياق سياقتىلاردى زارارسىزداندىرۋ كەرەك. ”تاماقتانعان كەزدە، ءبولىنىپ تاماقتانۋدى، ورتاق ساقپى - قاسىق ىستەتىپ، حاۋىپ - قاتەردى ازايتۋدى دارىپتەيمىز. ۇيگە سىرتتان تاماق بۇيىرتسا نەمەسە سالىپ الىپ كەتسە، ءتىپتى، جاقسى بولادى“. لي فان بىلاي دەدى: ”بۇيىرتىلعان تاعامنىڭ سىرتقى قورابىن زارارسىزداندىرۋعا كەڭەس بەرمەيمىز. ادەتتە بۇيىرتىلعان تاماق ەكى قابات قوراپقا سالىنادى، سىرتقى ءبىر قاباتىن الىپ تاستاسا بولدى. زارارسىزداندىرۋ سۇيىقتىعىمەن قوراپتى زارارسىزداندىرسا، ازىق - تۇلىككە زالال جەتكىزۋى مۇمكىن“.
”ءبىز ءاربىر ادامنىڭ قالتاسىنان ماسكى تاستاماۋدى دارىپتەيمىز، ادام كوپ شوعىرلانعان جەرلەرگە، الەۋمەتتىك ورىندارعا بارعاندا، ءسوزسىز، ماسكى تارتۋ كەرەك“، - دەدى لي فان ەسكەرتىپ، - ”ادەتتەگى مەديتسينالىق ماسكىنى قالىپتى جاعدايدا 8 ساعاتتا الماستىرۋ كەرەك، ۇزاق ۋاقىت پايدالانۋعا بولمايدى. ماسكى تارتۋدىڭ الدى - ارتىندا قول جۋۋ كەرەك، قولدى جۋۋ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋدىڭ ماڭىزدى بۋىنى. ماسكى تارتقان كەزدە مۇرىن قىسقىشتى نىعىزداپ، ماسكىنى بەتكە تىعىز جاپسىرسا، ساقتانۋ - قورعاۋ ونىمدىلىگى سونشا جاقسى بولادى“.
