تيانشان تورى   ›   جاڭالىقتار   ›   شينجياڭ حابارلارى

شينجياڭنان حۋبەيعا كومەككە بارعان ەمدەۋ اترەتىنىڭ سوڭعى توپتاعى مۇشەلەرى امان - ەسەن ورالدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ جىيۇن، چاۋ جين 3 - ايدىڭ 30 - كۇنى ۇرىمجىدەن حابارلايدى. 3 - ايدىڭ 30 - كۇنى تۇستەن كەيىن شينجياڭنان حۋبەيعا كومەككە بارعان ەمدەۋ اترەتىنىڭ سوڭعى توپتاعى 158 مۇشەسى بورىشتارىن ورىنداپ، ۋحاننان ءۇرىمجى ديوپۋ حالىقارالىق اۋەجايىنا ۇشاقپەن ۇشىپ كەلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين اۋەجايعا بارىپ قارسى الىپ، اۆتونوميالى رايوندىق پارتكوم مەن ۇكىمەت جانە تۇتاس شينجياڭداعى ءار ۇلت حالقى اتىنان قاھارمانداردىڭ جەڭىسپەن ورالعاندىقتارىن قىزۋ قارسى الىپ، ەمدەۋ اترەتىنىڭ مۇشەلەرىنە وسكەلەڭ قۇرمەت ءبىلدىردى جانە شىنايى العىس ايتتى.

  بۇل توپتا قايتىپ كەلگەندەر، باستىسى، اۆتونوميالى رايوندىق حالىق شيپاحاناسىنىڭ 142 ەمدەۋ - كۇتىمدەۋ قىزمەتكەرلەرىنەن قۇرالعان شينجياڭنان 3 - توپتا حۋبەيعا كومەككە بارعان ەمدەۋ اترەتىندەگىلەر، 13 ەمدەۋ - كۇتىمدەۋ قىزمەتكەرلەرىنەن قۇرالعان شينجياڭداعى ۇكىمەتتىك ەمەس ەمدەۋ قۇرىلىمدارىنان، قوعامدارىنان حۋبەيعا كومەككە بارعان ەمدەۋ اترەتىندەگىلەر، سونداي - اق اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ 3 كاسىپتىك تىرەكتەسىنەن قۇرالعان شينجياڭنان حۋبەيعا كومەككە بارعان اۋرۋدان ساقتانۋ - تىزگىندەۋ اترەتىندەگىلەر. وسىمەن شينجياڭنان حۋبەيعا كومەككە بارعان ەمدەۋ اترەتىنىڭ 509 مۇشەسى (بيڭتۋاندى قامتيدى) شينجياڭعا تۇگەل قايتىپ كەلدى.

  ۇشاق امان - ەسەن قونعاننان كەيىن، مۇشەلەردىڭ جۇزدەرىنەن جەڭىس شاتتىعى ەسىپ، ۇيگە قايتۋدىڭ باقىتىنا شومىلىپ ۇشاق ساتىسىنان ءتۇستى. ولاردى ۇشاق توقتاتۋ الاڭىندا ”ىندەتكە قارسى اتتانۋدىڭ ءبىرىنشى شەبىندە ەرلىكپەن شايقاس جاساعان قاھارماندارعا قۇرمەت“، ”مۇزداي قارۋلانىپ، شايقاسقا اتتاندى، ىزگى نيەتپەن وتان ءۇشىن باسىن ءباي تىكتى، سۇيىسپەنشىلىكتە شەك بولمايدى، قاھارماندار جەڭىسپەن ورالدى“ سياقتى قارسى الۋ كەرمە تۋلارى، مەكەندەگى حالىقتىڭ ساعىنىشتى كۇلكىسى، كوركەم گۇلدەر مەن قىزۋ قول شاپالاق ءۇنى قارسى الدى.

  لي پىڭشين بىلاي دەدى: ىندەت تۋىلعاننان بەرى، ەمدەۋ اترەتىندەگى بارلىق جولداستار پارتيا ورتالىق كوميتەتى مەن باس شۋجي شي جينپيڭنىڭ ۇندەۋىنە بەلسەنە ءۇن قوسىپ، بۇيرىق الىسىمەن ارەكەتكە كەلىپ، كۇندى - تۇنگە جالعاپ كومەكتەسىپ، كوپشىلىك ءۇشىن ءوز قامىن قايىرىپ قويىپ، ىندەتكە قارسى اتتانۋدىڭ ءبىرىنشى شەبىندە قىزمەت ورىندارىندا تاباندى تۇرىپ، ءوزىن ۇمىتىپ قىزمەت ىستەپ، قيىنشىلىقتان، حاۋىپ - قاتەردەن تايىنباي، باتىلدىقپەن جاۋاپكەرشىلىك ارقالاپ، حۋبەيعا كومەكتەسىپ ىندەتكە قارسى اتتانۋ مىندەتىن تابىسپەن ورىنداپ، شينجياڭداعى ءار ۇلت ەمدەۋ قىزمەتكەرلەرىنىڭ سۇيىسپەنشىلىكتە شەك بولمايتىن، شيپاگەر ىزگىلىگىن، قيىنشىلىقتان، حاۋىپ - قاتەردەن تايىنبايتىن، حاۋىپ - قاتەرگە قارسى اتتانىپ ۇلەس قوساتىن رۋحىن ايگىلەپ، پارتيا ءۇشىن قام جەيتىن، مەملەكەت ءۇشىن قيىنشىلىقتى شەشەتىن، حالىق ءۇشىن ۇلەس قوساتىن اسقاق قاسيەتتى ايگىلەپ، اۆتونوميالى رايوندىق پارتكوم مەن ۇكىمەتكە، سونداي - اق شينجياڭداعى ءار ۇلت بۇقاراسىنا تاماشا جاۋاپ قايتاردى. سىزدەر ەڭ ارداقتى قارسى اتتانۋشىلارسىزدار، جاڭا داۋىردەگى ەڭ سۇيىكتى ادامدارسىزدار، اۋىل حالقىنىڭ ماقتانىشىسىزدار!

  لي پىڭشين بىلاي دەپ باسا دارىپتەدى: ءار دارەجەلى پارتكوم مەن ۇكىمەت، سونداي - اق قاتىستى جاقتار كوڭىل ءبولۋ، قامقورلىق جاساۋ شارالارىن تياناقتاندىرىپ، شينجياڭعا قايتقان ەمدەۋ - كۇتىمدەۋ قىزمەتكەرلەرىنىڭ تىنىعۋ - رەتتەلۋىنە قىزمەت وتەۋدى قامتاماسىز ەتۋ قىزمەتىن كوڭىل قويا ويداعىداي ورنالاستىرۋ كەرەك. ”ىندەتپەن“ شايقاستىڭ ءبىرىنشى شەبىندە ەرلىكپەن شايقاس جاساعان ەمدەۋ - كۇتىمدەۋ قىزمەتكەرلەرىنىڭ اسەرلى ىزگى ىستەرىن بار كۇشپەن ۇگىتتەپ، بۇكىل قوعامدى جاڭا داۋىردەگى ەڭ سۇيىكتى، ەڭ قۇرمەتتى اق حالاتتى جاۋىنگەرلەردەن ۇيرەنۋگە جەتەكتەپ، وڭ ەنەرگيا توپتاپ، رۋحتى سەرپىلتىپ، ىندەتكە قارسى اتتانۋ جانە ەكونوميكالىق، قوعامدىق دامۋدىڭ قوس جەڭىسىنە قول جەتكىزۋ ءۇشىن ىنتماقتاسا كۇرەس جاساپ، كورىكتى شينجياڭ قۇرىپ، وتان ارمانىن بىرگە جۇزەگە اسىرۋ ءۇشىن كۇش قوسۋ كەرەك.

  اۆتونوميالى رايون باسشىلارىنان تيان ۋىن، ماڭلىك سەيىت قارسى الۋدا بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى