شينجياڭ گازەتىنىڭ جالپىلىق اقپارات قۇرالدارى ءتىلشىسى حى حۇڭۋي 3 - ايدىڭ 30 - كۇنى ۇرىمجىدەن حابارلايدى. اۆتونوميالى رايوننىڭ ورمان شارۋاشىلىعى جانە جايلىم قىزمەتى ماجىلىسىنەن ۇعىسۋعا قاراعاندا، بيىل رايونىمىز جوعارى ساپالى دامۋعا تاباندى بولىپ، ورماننىڭ، جايلىمنىڭ دامۋ ساپاسىن جوعارىلاتىپ، 2 ميلليون مۋ جەرگە ورمان ءوسىرىپ، 3 ميلليون مۋدان استام قۇمايتتانعان جەردى جونگە سالۋدى جوسپارلادى.
بيىل اۆتونوميالى رايون ەگىنجاي ىقتاسىن ورمانىن قالپىنا كەلتىرۋ، وزگەرتۋ قۇرىلىسى مەن قىستاقتاردى جاسىلداندىرۋ، كورىكتەندىرۋدى الداعى ءبىر مەزگىلدەگى اعاش ەگىپ، ورمان وتىرعىزىپ، مەملەكەت جەرىن جاسىلداندىرۋدىڭ ءتۇيىنى ەتىپ، جەرگىلىكتى اعاش ءتۇرىن ەگۋدى نەگىز ەتىپ، بۇقارانىڭ تىلەگىنە قۇرمەت ەتىپ، ۇكىمەت اعاش قالامشاسىمەن قامدايتىن، بۇقارانى اعاش ەگۋگە اتتانىسقا كەلتىرەتىن تاسىلدەن پايدالانىپ، جەمىس اعاشىن وسىرۋگە ىڭعايلى بولسا جەمىس اعاشىن ءوسىرۋ، ورمان وتىرعىزۋعا ىڭعايلى بولسا ورمان وتىرعىزۋ، گۇل ەگۋگە ىڭعايلى بولسا گۇل ەگۋ، ءشوپ ەگۋگە ىڭعايلى بولسا ءشوپ ەگۋ پرينسيبى بويىنشا، مەجەمەن 2022 - جىلعا دەيىن 950 مىڭ مۋ ەگىس اتىزى ىقتاسىن ورمانىن قالپىنا كەلتىرۋ، وزگەرتۋ مىندەتىن ورىندايدى، سونداي - اق قىستاقتاردى جاسىلداندىرۋ، كورىكتەندىرۋ قۇرىلىس مىندەتىن نەگىزىنەن ورىنداپ بولادى، بيىل بارلىق جەمىس باعىنىڭ 200 مىڭ مۋلىق ەگىس اتىزى ىقتاسىن ورمان قۇرىلىسى مىندەتىن الدىمەن ورىندايدى.
رايونىمىز سۋارۋ قۇرىلعىلارىن كەمەلدەندىرىپ، سۋ پايدالانۋ قاجەتىن قامتاماسىز ەتىپ، سوڭعى مەرزىمدىك باسقارۋ، قورعاۋدى كۇشەيتىپ، ورمان وتىرعىزىپ كوگەرتۋگە، اعاش ەگىپ جاسىلداندىرۋعا شىنايى كەپىلدىك ەتىپ، مىندەتتى اعاش ەگۋ قيمىلىن ورىستەتۋگە بەلسەنە ۇيىمداستىرىپ، ”ينتەرنەت + جالپى حالىقتىق مىندەتتى اعاش ەگۋ“ جاۋاپكەرشىلىگىن ادا ەتۋ فورماسىن بايىتىپ، جالپى حالىقتىق مىندەتتى اعاش ەگۋدى جانە تاراۋلاردىڭ جاسىلداندىرۋىن ۇزدىكسىز ىلگەرىلەتەدى.
اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ قاتىستى جاۋاپتسى بىلاي دەپ تانىستىردى: بيىل ورمان شارۋاشىلىعى جانە جايلىم جۇيەسى ەگىستىك جەردى ورمانعا قايتارۋ، جايلىمعا قايتارۋ ينجەنەرياسىن ۇزدىكسىز ويداعىداي يگەرىپ، تەكسەرىپ وتكىزىپ الۋدى، تەكسەرۋ، انىقتاۋ، قىزمەت ناتيجەسىن باعالاۋدى مۇقيات ورىستەتىپ، شارۋالارعا تيىمدىلىك جاساۋ قوسىمشا قاراجاتىن ”يكاتۇڭ“ ارقىلى شىن اتى - جونىمەن تاراتۋدى ويداعىداي ىستەۋگە قۋزاۋشىلىق، جەتەكشىلىك ەتىپ، باقىلاۋ، ولشەۋدى جانە باعالاۋدى كۇشەيتىپ، 924 مىڭ مۋ ەگىستىك جەردى ورمانعا قايتارۋدى، 109 مىڭ مۋ جەردى جايلىمعا قايتارۋدى ورىندايدى؛ تۇياق كەستى بولعان جايلىمعا ارناۋلى تەكسەرۋ ورىستەتىپ، تۇياق كەستى بولعان جايلىمعا ەكپە ءشوپ ەگىپ ەگولوگيانى قالپىنا كەلتىرۋ سىناق تۇيىندەرى نىسانىن اتقارىپ، تۇياق كەستى بولعان 190 مىڭ مۋ جايلىمدى قالپىنا كەلتىرىپ وڭاۋدى، 10 ميلليون 900 مىڭ مۋ جايلىمدى زياندى جاندىك، تىشقان اپاتىنان ساقتاۋدى ورىندايدى.
