شينحۋا اگەنتتىگىنىڭ 4 - ايدىڭ 1 - كۇنى ۇرىمجىدەن بەرگەن حابارى (ءتىلشى دۋ گاڭ حابارلايدى) شينجياڭ بيىل 3 ميلليارد 93 ميلليون يۋان قارجى قوسىپ، وڭتۇستىك شينجياڭ 4 ايماق ـ وبلىستاعى ”كومىردىڭ ورنىنا ەلەكتر پايدالانۋ“ (1 ـ مەرزىمدىك) سايكەستى ەلەكتر تورى ينجەنەرياسىن جۇرگىزەدى، 290 مىڭعا جۋىق ەگىنشى ـ مالشى وتباسىنىڭ جىلۋمەن قامداۋ شارت ـ جاعدايى جاقسارادى، شوعىرلى اۋىر كەدەي وڭىرلەردىڭ ەلەكترمەن قامداۋ نەگىزدىك قۇرىلعى دەڭگەيى دە جوعارىلايدى.
ءتىلشىنىڭ مەملەكەتتىك ەلەكتر تورى شينجياڭ ەلەكتر شەكتى جاۋاپكەرشىلىك سەرىكتەستىگىنەن ۇعىسۋىنشا، مەملەكەتتىك ەلەكتر تورابى سەرىكتەستىگىنىڭ بيىلعى قارجى قوسقان وڭتۇستىك شينجياڭ 4 ايماق ـ وبلىستاعى ”كومىردىڭ ورنىنا ەلەكتر پايدالانۋ“ (1 ـ مەرزىمدىك) سايكەستى ەلەكتر تورى ينجەنەرياسى، اۋىر كەدەي وڭىرلەر: قاشقار ايماعىنىڭ، حوتان ايماعىنىڭ، قىزىلسۋ قىرعىز اۆتونوميالى وبلىسىنىڭ 24 اۋدان ـ قالاسىن، 199 اۋىل ـ قالاشىعىن، 1078 قىستاعىن قامتيدى. ينجەنەريا مەجەمەن بيىل 10 ـ ايدىڭ 31 ـ كۇنىنەن بۇرىن ورىندالىپ بولادى، كەلەسى جىلۋمەن قامداۋ مەزگىلى بولعاندا، تۇرعىنداردىڭ ەلەكتر ارقىلى جىلۋمەن قامداۋىنان قالىپتى يگىلىكتەنۋىنە كەپىلدىك ەتەدى.
2019 ـ جىلى وڭتۇستىك شينجياڭ 4 ايماق ـ وبلىستاعى ”كومىردىڭ ورنىنا ەلەكتر پايدالانۋ“ (1 ـ مەرزىمدىك) سايكەستى ەلەكتر تورابى ينجەنەرياسى رەسمي باستالدى، 3 جىلعا ءبولىپ جۇرگىزۋ جوباسى اتقارىلدى، العاشقى جىلدا 4 ميلليارد 600 ميلليون يۋان قارجى قوسىلىپ، 316 مىڭ تۇرعىن يگىلىككە كەنەلدى.
اقتاۋ اۋدانى بارىن اۋىلى حانتەرەك قىستاعىنىڭ تۇرعىنى سىدىقجان جۇماق بىلتىرعى ”كومىردىڭ ورنىنا ەلەكتر پايدالانۋ“ نىسانىنان يگىلىكتەنۋشىلەردىڭ ءبىرى. ول بىلاي دەدى: بۇرىن قىستان ءوتۋ ءۇشىن وتىن الىپ، كومىر جاعاتىنبىز، ۇنەمى جارىم تۇندە توڭىپ وياناتىنبىز، بيىل قىستا وتباسىمىز ءارى جىلى ءارى تازا بولاتىن بولدى.
