شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 3 - ايدىڭ 31 - كۇنى ۇرىمجىدەن حابارلايدى. ”قاھارمان قۇربانداردىڭ ىزگى ىستەرىن كورىپ، باقىتتى تۇرمىستىڭ وڭاي - وسپاق قولعا كەلمەگەندىگىن تەرەڭ سەزىندىم. ءبىز ءوزىمىزدىڭ قوس قولىمىزعا سۇيەنىپ تاماشا تۇرمىس جاراتقانىمىزدا عانا، جەر استىندا ماڭگىلىك ۇيقىدا جاتقان قۇربانداردىڭ ءۇمىتىن اقتاي الامىز“. 3 - ايدىڭ 29 - كۇنى اۆتونوميالى رايوندىق اسكەري قوسىننان قايتقاندار ىستەرى مەڭگەرمەسىنىڭ جۇپ قۇراپ، تۋىس بولعان كادرى سۇن ليدىڭ جەتەكشىلىگىندە، اۋات اۋدانى عورۇچول قالاشىعى كەلپىن قىستاعىنىڭ تۇرعىنى نۇرمامەت اۋىت قول تەلەفونى ارقىلى ينتەرنەتتە قاھارمان قۇرباندارعا ازا ءبىلدىرۋ قيمىلىنا قاتىناستى.
3 - ايدىڭ 11 - كۇنى اۆتونوميالى رايوندىق اسكەري قوسىننان قايتقاندار ىستەرى مەڭگەرمەسى بۇكىل رايون كولەمدە ”قۇرمەت . 2020 چيڭميڭدە قاھارمان قۇرباندارعا ازا ءبىلدىرۋ“ ينتەرنەتتە ازا ءبىلدىرۋ قيمىلىن ورىستەتىپ، ارناۋلى تاقىرىپتىق پاراقشا، ينتەرنەتتە ۇتىلاپ ازا ءبىلدىرۋ H5، ميكروبلوگ توعىز تاقتالى ۇگىت سۋرەتى، دوستار شەڭبەرى الەۋمەتتىك يگىلىك جارناماسى، تەلەۆيزور كليەنتى IPTV ارناۋلى اۋماعى (جۇڭگو جىلجىمالى حابارلاسۋ) ازا ءبىلدىرۋ ارناۋلى اۋماعى سياقتى كوپ ءتۇرلى فورمالارداعى ينتەرنەتتە ازا ءبىلدىرۋ قيمىلدارىن جولعا قويدى.
بىرنەشە كۇننەن بەرى، رايونىمىزداعى قالىڭ كادرلارمەن بۇقارا ينتەرنەتتە ازا بىلدىرۋگە بەلسەندىلىكپەن قاتىناسىپ، قاھارمان قۇربانداردى ساعىنىشپەن ەسكە الىپ، قىزىل رۋحتى جالعاستىردى.
3 - ايدىڭ 25 - كۇنى سانجى قالاسى وڭتۇستىك بەيجيڭ جولى ءمالى باسقارماسى ۋساي شينچىڭ الەۋمەتتىك اۋماعىنىڭ پارتيالى كادرلارى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى، قاراستى اۋماقتاعى ساقا پارتيا مۇشەلەرى قاتارلىلار ”قۇرمەت . 2020 چيڭميڭدە قاھارمان قۇرباندارعا ازا ءبىلدىرۋ“ ينتەرنەتتە ازا ءبىلدىرۋ نەگىزگى تاقىرىپتىق پارتيا كۇنى قيمىلىن بىرلەسىپ ورىستەتتى. كوپشىلىك قۇربانداردىڭ قاھارماندىق ىزگى ىستەرىن ينتەرنەتتە ۇيرەنۋ، قۇرباندارعا گۇل قويۋ، لەبىز قالدىرۋ ارقىلى قۇرباندارعا دەگەن تەرەڭ ساعىنىشى مەن وسكەلەڭ قۇرمەتىن ءبىلدىردى.
”چيڭميڭدە قاھارمان قۇربانداردى ساعىنىشپەن ەسكە الۋداعى ماقسات − كوپشىلىكتى اۋەلگى ماقساتتى ۇمىتپاي، بورىشتى ەستە بەرىك ساقتاپ، قاھارمان قۇربانداردىڭ رۋحىن جالعاستىرىپ، ءىس جۇزىندىك ارەكەتتەرى ارقىلى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ءتيىستى ۇلەستەرىن قوستىرۋ“ دەدى ۋساي شينچىڭ الەۋمەتتىك اۋماعى پارتيا باس ياچەيكاسىنىڭ شۋجيى ياڭ جاۋجياڭ.
توردوستار ازا بىلدىرگەننەن كەيىن، وزدەرىنىڭ كوڭىل سوزدەرىن جابال قالدىردى. توردوس ءمادينا ازەز: ”جۇڭگونىڭ باتىرلارى، سىزدەردىڭ قاھارماندىق رۋحتارىڭىز ءبىزدىڭ جۇرەگىمىزدە ماڭگى ساقتالادى“ دەپ لەبىز قالدىردى. كورلا قالالىق 1 - باستاۋىش مەكتەپ 6 - جىلدىق وقۋشىسى ليۋ حاۋران لەبىز قالدىرىپ: ”قاھارمان قۇرباندارعا قۇرمەت بىلدىرەمىن، ولار ماڭگى جاسايدى“ دەدى. كۇيتۇن قالالىق 1 - جوعارى دارەجەلى ورتا مەكتەپتىڭ وقۋشىسى ان ميڭميڭ لەبىز قالدىرىپ، بىلاي دەدى: ”ەڭ كوڭىلدى ادامنىڭ كوپ نارسەگە يە بولا المايتىندىعىن، قايتا كوپ تەر توگەتىندىگىن ەستە ساقتاۋىمىز كەرەك“...
ءتىلشى ءۇرىمجى قالاسى قۇرباندار قابىرستاندىعىنان مىنالاردى ۇعىستى: ىندەتتەن ساقتانۋ - تىزگىندەۋ كەزىندە ادامداردىڭ شوعىرلانۋىن ازايتۋ ءۇشىن، قۇرباندار قابىرستاندىعى قازىر كوللەكتيۆ، توپتىق ازا ءبىلدىرۋ قيمىلىن ۋاقىتشا قابىلدامايدى ەكەن. قالا تۇرعىندارىنىڭ قاھارمان قۇرباندارعا ازا بىلدىرۋىنە قولايلىلىق جاساۋ ءۇشىن، قۇرباندار قابىرستاندىعى قابىرستاندىققا جەرلەنگەن 94 قۇربانعا ارناپ، ينتەرنەتتە قۇربانداردى ەسكە الۋ سارايىن جاساپ، قالا تۇرعىندارىن ءۇرىمجى قالاسى قۇرباندار قابىرستاندىعىنىڭ رەسمي سايتى، ”ءۇرىمجى قالاسى قۇرباندار قابىرستاندىعى“ ۋيچات الەۋمەتتىك ءنومىرى ارقىلى قاھارمان قۇرباندارعا گۇل قويىپ، لەبىز قالدىرىپ، توڭكەرىستىك قاھارمان قۇرباندارعا دەگەن وسكەلەڭ قۇرمەت كوڭىلىن، العىس ايتۋ سەزىمىن بىلدىرۋگە ۇندەدى.
قازىرگە دەيىن، رايونىمىزدا ”قۇرمەت. 2020 چيڭميڭدە قاھارمان قۇرباندارعا ازا ءبىلدىرۋ“ ينتەرنەتتە ازا ءبىلدىرۋ قيمىلىنا 2 ميلليوننان استام كادر، بۇقارا قاتىناسىپ، قالدىرعان لەبىزدىڭ سانى 120 مىڭعا تايادى.
