شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 3 - ايدىڭ 31 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، جولاۋشىلاردىڭ قايتا كوبەيۋىنە بايلانىستى، شينجياڭ تەمىر جول تاراۋلارى ىندەتتەن ساقتانۋ - تىزگىندەۋ تورىن اناعۇرلىم بەكەمدەپ، كوپ ءتۇرلى شارالاردان پايدالانىپ، جولاۋشىلاردىڭ ءجۇرىس - تۇرىس حاۋىپسىزدىگىن قامتاماسىز ەتكەن.
3 - ايدىڭ 31 - كۇنى تۇستەن بۇرىن، ءتىلشى ءۇرىمجى ۆوكزالىندا ۆوكزالعا كىرەتىن جولاۋشىلاردىڭ دەنە تەمپەراتۋراسىن ولشەتكەننەن كەيىن، ۆوكزالعا تارتىپپەن كىرىپ جاتقاندىعىن كوردى. بەلەت ساتۋ زالى، ۆوكزالعا كىرۋ ەسىگى، پويەز كۇتۋ زالى، بەلەت تەكسەرۋ ەسىگى سياقتى ادام قالىڭ جەرلەردە قىزمەتكەرلەر قايتا - قايتا زارارسىزداندىرۋ سۋىن شاشىپ، زارارسىزداندىرىپ، جۋىپ تازالاۋ ماشيناسىمەن ەدەندى جۋىپ تازالاپ ءجۇر.
3 - ايدىڭ 11 - كۇنى شينجياڭ تەمىر جولى جولاۋشىلار پويەزىنىڭ قاتىناسىن قالپىنا كەلتىرگەننەن بەرى، ءۇرىمجى ۆوكزالىنداعى جولاۋشىلاردىڭ مولشەرى كۇن سايىن كوبەيدى، قازىر وڭتۇستىك - سولتۇستىك الاڭداعى ۆوكزالعا كىرەتىن ارنانىڭ ءبارى اشىلدى ءارى جولاۋشىلاردىڭ ۆوكزالعا تارتىپپەن كىرۋىنە جەتەكشىلىك ەتەتىن قىزمەتكەرلەر ورنالاستىرىلدى.
ءۇرىمجى ۆوكزالىنىڭ تازالىق قىزمەتىنە جاۋاپتىسى تيان جىشۋاڭ بىلاي دەدى: تازالىقشىلار پويەز كۇتۋ زالىنداعى ءتۇرلى جابدىقتاردى ءار 2 ساعاتتا ءبىر رەت شوعىرلى زارارسىزداندىرادى، ليفت، جاقتاۋ، تۇتقا سياقتى دەنەگە تيەتىن جەرلەردى ۋاق - ۋاق زارارسىزداندىرادى؛ سونىمەن بىرگە، تازالىق بولمەسىنە ارناۋلى كەزەكشى ورنالاستىرىپ، ادام شىعىپ كەتىسىمەن زارارسىزداندىرۋعا كەپىلدىك ەتتى. ءار كۇنى ساعات نولدەن كەيىن، پويەز كۇتۋ زالىنىڭ، ايالدامانىڭ ەدەنى، بەلەت تەكسەرۋ اسپابى سياقتى الەۋمەتتىك ورىنداردى، سونداي - اق ليفت، جولاۋشىلار وتىراتىن ورىندىق سياقتى ءتۇرلى الەۋمەتتىك قۇرىلعىلاردى دا جاپپاي زارارسىزداندىرادى.
ۆوكزال قاتاڭ ساقتانۋ - تىزگىندەۋ شارالارىن اتقارعاننان سىرت، شينجياڭ تەمىر جول تاراۋلارى پويەزداردىڭ ىندەتتەن ساقتانۋ سەرپىنىن دە كۇشەيتتى. پويەز جولدا كەلە جاتقاندا، پويەز قىزمەتكەرى ۆاگوننىڭ ءىشى، بەتى - قول جۋۋ بولمەسى، دارەتحانا، قوقىر - قوقسىق ساندىعى، جۇك سورەسى، اۋىز سۋ ىسىتقىش، ورىندىق، ەسىك تۇتقاسى سىقىلدى جولاۋشىلار ۇنەمى جۇعىساتىن جەرلەرگە زارارسىزداندىرۋ سۇيىقتىعىن ءار 2 ساعاتتا ءبىر رەت شاشىپ جانە ولاردى ءسۇرتىپ، باكتەريانى ءولتىرىپ، ۆاگون ءىشىنىڭ تازالىعىنا كەپىلدىك ەتت−ى. سونىمەن بىرگە، راديودان پايدالانىپ ىندەتتەن ساقتانۋ - تىزگىندەۋ بىلىمدەرىن دە ۇگىتتەپ، جولاۋشىلارعا ماسكى تاعۋدى، باسى ارتىق ءجۇرىس - تۇرىس پەن اڭگىمەلەسۋدى ازايتۋدى ەسكەرتتى ءارى جولاۋشىلاردىڭ دەنە تەمپەراتۋراسىن ولشەدى. پويەز سوڭعى ۆوكزالعا جەتىپ، قويماعا كىرگەننەن كەيىن، ىندەتتەن ساقتانۋ تاراۋلارى تۇتاس پويەزدى جاپپاي، تيتتەي دە قاعىس قالدىرماي، قۇرىلعىلارىن زارارسىزداندىرۋ جانە اۋاسىن زارارسىزداندىرۋ، تازارتۋ قىزمەتتەرىن ىستەيدى.
