شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 3 - ايدىڭ 31 - كۇنى ۇرىمجىدەن حابارلايدى. 3 - ايدىڭ 31 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 15 - رەتكى ءماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
تۇراقتى كوميتەت قۇرامىنداعىلاردان 51 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس «اۆتونوميالى رايوننىڭ <وتباسى وزبىرلىعىنا قارسى تۇرۋ زاڭىن> اتقارۋ ءادىسىن» داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى تۇراقتى كوميتەتىنىڭ «تۇرپان قالاسىنىڭ مادەنيەتتى ارەكەتتەردى جەبەۋ ەرەجەسىن»، «موري قازاق اۆتونوميالى اۋداندىق حالىق قۇرىلتايىنىڭ <موري قازاق اۆتونوميالى اۋدانىنىڭ ەكولوگيالىق ورتاسىن قورعاۋ ەرەجەسىنە> وزگەرىس ەنگىزۋ جونىندەگى قارارىن»، «يانجي حۇيزۋ اۆتونوميالى اۋدانىنىڭ اۋىل - قىستاق قونىستانۋ ورتاسىن رەتتەۋ - وڭاۋ ەرەجەسىن» بەكىتۋ جونىندەگى قارارىن داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى تۇراقتى كوميتەتىنىڭ 2020 - جىلعى اۆتونوميالى رايوننىڭ ءوز دارەجەسىندەگى مەجە ەسەبىن رەتتەۋ جوباسى جونىندەگى قاۋلىسىن داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسىنىڭ ءتوراعالار القاسى قاراۋعا تاپسىرعان، ۋاكىلدەر ورتاعا قويعان كەڭەستىك جوباسىن قاراۋ ناتيجەسى جونىندەگى باياندامانى داۋىسقا سالىپ ماقۇلدادى، كادرلاردى مىندەتكە تاعايىنداۋ - مىندەتتەن قالدىرۋ ىستەرىن داۋىسقا سالىپ ماقۇلدادى.
ءماجىلىس مىنالاردى باسا دارىپتەدى: جاۋاپكەرشىلىك سەزىم مەن كوكەي تەستىلىك سەزىمدى شىن مانىندە كۇشەيتىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، ىندەتتەن ساقتانۋ - تىزگىندەۋدى ۇدايىلاندىرۋمەن بىرگە، تۇتاس جىلدىق نىسانالار مەن مىندەتتەردى ءجىتى قاداعالاپ، شوگەلدىكپەن مىندەت اتقارىپ، جاۋاپكەرشىلىكتى ادا ەتىپ، قارقىندى ارتتىرىپ، قىزمەتتەردى تياناقتاندىرۋدى بار كۇشپەن ويداعىداي يگەرىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن جاپپاي ورىنداۋعا شىنايى كەپىلدىك ەتىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتۋگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە شىنايى كەپىلدىك ەتىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋعا شىنايى كەپىلدىك ەتىپ، جاڭا داۋىردەگى اۆتونوميالى رايوننىڭ حالىق قۇرىلتايى قىزمەتىن تاعى دا تىڭ بەلەسكە كوتەرۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: حالىق قۇرىلتايىنىڭ كەدەيلىكتەن ارىلتۋدان قامال الۋداعى فۋنكتسياسىن باتىل ويداعىداي اتقارۋ كەرەك. حالىق قۇرىلتايىنىڭ باقىلاۋى ارقىلى كەدەيلىكتەن ارىلتۋدان قامال الۋدىڭ بىرىككەن كۇشىن ارتتىرۋ؛ ءار دارەجەلى حالىق قۇرىلتايى ۋاكىلدەرىن كەدەيلىكتەن ارىلتۋدان قامال الۋ شايقاسىندا جەڭىسكە جەتۋدە بەلسەندىلىكپەن شىن سويلەپ، ناقتى ءادىس - امالداردى ورتاعا قويىپ، تاماشا شارا كورسەتۋگە جەتەكشىلىك ەتىپ، بۇكىل رايونداعى ءار دارەجەلى حالىق قۇرىلتايى ۋاكىلدەرىن كەدەيلىكتەن ارىلتۋدان قامال الۋدىڭ نەگىزگى شايقاس مايدانىنا بەلسەنە ارالاسۋعا اتتانىسقا كەلتىرۋ، ۇيىمداستىرۋ؛ جەرگىلىكتى زاڭ ەرەجە شىعارۋ تۇرعىسىنان، قاتىستى ءتۇزىلىس - مەحانيزمگە مۇقيات زەرتتەۋ جۇرگىزىپ، كەدەيلىكتەن ارىلتۋدان قامال الۋعا جانە اۋىل - قىستاقتى كوركەيتۋگە زاڭمەن جونگە سالۋ تىرەگىن ازىرلەپ بەرۋ؛ شايقاستى قاداعالاۋ، قۋزاۋ - جەتەكشىلىك ەتۋ جاۋاپكەرشىلىگى مەن كومەكتەسۋ - سۇيەمەلدەۋ قىزمەت، مىندەتىن باتىل، ويداعىداي ورىنداپ، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن ۋاعىندا، جوعارى ساپالى ورىنداۋعا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: نازاردى باستان - اياق قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋعا شوعىرلاندىرىپ، باس نىسانانى تىعىز ارقاۋ ەتە وتىرىپ حالىق قۇرىلتايىنىڭ ءتۇرلى قىزمەتتەرىن جوسپارلاپ، ورىستەتىپ، ىلگەرىلەتىپ، اۋەلگى ماقساتتى ارەكەتتە تياناقتاندىرىپ، بورىشتى ارقالاپ، ۋاقىتتى قولدان بەرمەۋ، ۋاقىتتى ۇتۋ رۋحىندا بولا وتىرىپ تۇراقتى كوميتەتتىڭ بيىلعى ءتۇرلى قىزمەت، مىندەتتەرىن ويداعىداي ورىنداپ، جاپپاي دوڭگەلەك داۋلەتتى قوعام ورناتۋ جانە ”13 - بەسجىلدىق“ جوسپاردى جاپپاي تولىق اياقتاتۋ ءۇشىن ۇلەس قوسۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ابدىقادىر، مانەن زەينەل، سو يۋە ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىلارى، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، قاتىستى تاراۋلاردىڭ جاۋاپتىلارى، ت. ب ماجىلىسكە سىرتتاي قاتىناستى.
