تيانشان تورى   ›   جاڭالىقتار   ›   ماڭىزدى حابارلار

حۋبەي ولكەسىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەرگەن كەزدەگى سويلەنگەن ءسوز

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

حۋبەي ولكەسىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەرگەن كەزدەگى سويلەنگەن ءسوز

  شينحۋا اگەنتتىگىنىڭ 3 - ايدىڭ 31 - كۇنى بەيجيڭنەن بەرگەن حابارى. 4 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 7 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى − «حۋبەي ولكەسىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەرگەن كەزدەگى سويلەنگەن ءسوز» جاريالانادى.

  ماقالادا بىلاي دەپ باسا دارىپتەلدى: حۋبەي مەن ۋحان وسى رەتكى ىندەتتەن ساقتانۋ - تىزگىندەۋ كۇرەسىندەگى توتەنشە ماڭىزدى جانە شەشۋشى جەڭىسكە جەتەتىن جەر. قاجىرلى قۇلشىنۋدىڭ ارقاسىندا، حۋبەي مەن ۋحاننىڭ ىندەتتەن ساقتانۋ - تىزگىندەۋ جاعدايىندا بەلسەندى جاقسارعان وزگەرىس جارىققا شىعىپ، كەزەڭدىك ماڭىزدى ناتيجەگە قول جەتتى، الايدا ىندەتتەن ساقتانۋ - تىزگىندەۋ مىندەتى ءالى جاپالى دا اۋىر. نەعۇرلىم وسىنداي ساتتەردە، وي - سانانى سولعۇرلىم سەرگەك ۇستاپ، سولعۇرلىم باستان - اياق بايسالدى بولىپ، سولعۇرلىم كۇش ۇستىنە كۇش قوسىپ، جاقسى ىستەپ، جاقسى ناتيجەگە جەتىپ، ىندەتتەن ساقتانۋ - تىزگىندەۋدى ۇزدىكسىز تۇردە كەزەكتەگى ماڭداي الدى ءىرى ءىس جانە ەڭ ماڭىزدى قىزمەت ەتىپ، بەيعامدىققا سالىنباي، شايقاستان قاجىماي، بوساڭسىماي، ساقتانۋ - تىزگىندەۋ قىزمەتتەرىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋ كەرەك.

  ماقالادا بىلاي دەپ اتاپ كورسەتىلدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، پارتيا ورتالىق كوميتەتى وسكەلەڭ ءمان بەرىپ، قاشاندا حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويىپ، حۋبەي مەن ۋحاننىڭ ىندەتتەن ساقتانۋ - تىزگىندەۋ قىزمەتىنە ءتۇيىندى تۇردە قولداۋ كورسەتىپ، ەڭ جان - جاقتى، ەڭ قاتاڭ، ەڭ ءۇزىلدى - كەسىلدى ساقتانۋ - تىزگىندەۋ شارالارىن قولدانىپ، ىندەتتىڭ تارالۋ، ءورشۋ بەتالىسىن باتىل تەجەدى. حالىق ازاتتىق ارمياسى، ورتالىقتىڭ جانە مەملەكەتتىڭ مينيسترلىكتەرى، كوميتەتتەرى، ءارقايسى ولكە، رايون، قالا بار كۇشپەن كومەك كورسەتىپ، ءبىرىنشى شەپكە كومەككە اتتانىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزدى.

  ماقالادا بىلاي دەپ اتاپ كورسەتىلدى: ەمدەۋ - قۇتقارۋ قىزمەتىن ءبىرىنشى ورىنعا قويىپ، عىلمي، دالمە - ءدال ەمدەۋ - قۇتقارۋ جاعىنا كۇش سالىپ، ەمدەپ ساۋىقتىرۋ مولشەرىن ەڭ جوعارى دەڭگەيگە جەتكىزۋ، اۋرۋدان ءولۋ مولشەرىن بارىنشا تومەندەتۋ كەرەك. باسىم ەمدەۋ بايلىقتارىن جانە تەحنيكالىق كۇشتەردى شوعىرلاندىرىپ ناۋقاستاردى قۇتقارىپ، ەمدەپ، جاڭا تيپتى تەكسەرۋ سىناق ءدارىسى، انتيبيوتيك دارىلەر، ۆاكسينا جانە دياگنوز قويۋ - ەمدەۋ جوباسى سياقتى عىلىم - تەحنيكالىق قامال الۋدى تەز ىلگەرىلەتىپ، زەرتتەلىپ اشىلعان جانە سارالانىپ تاڭدالعان ءونىمدى دارىلەردى جەدەل جالپىلاستىرىپ، قولدانىپ، قۇتقارۋ - ەمدەۋ دەڭگەيىن جوعارىلاتۋ كەرەك.

  ماقالادا بىلاي دەپ اتاپ كورسەتىلدى: بۇقارالىق ساقتانۋ، بۇقارالىق تىزگىندەۋ حالىقتىق شايقاسىن ويداعىداي جۇرگىزۋ كەرەك. ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدىڭ ءتۇيىنى − ”ساقتانۋدا“. حالىق بۇقاراسىنا تىعىز سۇيەنىپ، حالىق بۇقاراسىن تولىق اتتانىسقا كەلتىرىپ، بۇقارانىڭ ءوز - وزىنە قىزمەت وتەۋ، ءوز - ءوزىن ساقتاندىرۋ - قورعاۋ قابىلەتىن جوعارىلاتۋ كەرەك. كىرىپ - شىققان ادامداردى باسقارۋدى كۇشەيتىپ، ەپيدەميولوگيالىق تەكسەرۋ قىزمەتىن ىشكەرىلەي ورىستەتۋ كەرەك. ىندەتتىڭ ىشكە تارالۋىنان ساقتانۋ، سىرتقا شىعۋىنان ساقتانۋ سىندى ساقتانۋ - تىزگىندەۋ تاكتيكاسىن جالعاستىرۋمەن بىرگە، سالاماتتىق باسقارۋدى ويداعىداي ىستەۋ، ساقتانۋ - تىزگىندەۋ شارالارىن تياناقتاندىرۋ العى شارتىندا، ”ءتۇيىن مەن ءتۇيىن ۇشتاستىرىلعان، ءبىر بەكەتتىك“ ءادىس قولدانىپ، جۇمىسكەرلەردى جۇمىس ورىندارىنا شوعىرلى، دالمە - ءدال حاۋىپسىز جەتكىزۋ كەرەك.

  ماقالادا بىلاي دەپ اتاپ كورسەتىلدى: كۇشى ءالسىز وڭىرلەردىڭ ىندەتتەن ساقتانۋ - تىزگىندەۋ قىزمەتىن كۇشەيتىپ، ەمدەۋ كۇشتەرى ءالسىز قالالار مەن وبلىستاردى قولداۋ سەرپىنىن ارتتىرىپ، جوعارى دەڭگەيدەگى ماماندار ۇجىمىنىڭ رولىن ساۋلەلەندىرىپ، ارالاپ ءجۇرىپ دياگنوز قويۋ - ەمدەۋ، الىس ارالىقتان بىرلەسىپ دياگنوز قويۋ سياقتى ءونىمدى ادىستەر جونىندە ىزدەنىس جاساپ، ساپالى مەديتسينالىق بايلىقتاردىڭ تومەنگە بارۋىن جەبەۋ كەرەك. اۋىل - قىستاقتىڭ ەمدەۋ - دەنساۋلىق ساقتاۋ شارت - جاعدايىن جاقسارتىپ، اۋىل - قىستاقتاعى ەمدەۋ قىزمەتكەرلەرى مەن نەگىزگى ساتى كادرلارىن باۋلۋدى كۇشەيتىپ، قاجەتتى ساقتانۋ - قورعانۋ زاتتىق ماتەريالدارىمەن قامداۋ كەرەك.

  ماقالادا بىلاي دەپ اتاپ كورسەتىلدى: بۇقارانىڭ نەگىزگى تۇرمىسىن ويداعىداي قامتاماسىز ەتۋ كەرەك. حالىق تۇرمىسى ورنىقتى بولسا، جۇرت كوڭىلى ورنىعادى، قوعام ورنىقتى بولادى. بۇقارانىڭ نەگىزگى تۇرمىس قاجەتىن تولىق ويلاستىرىپ، كۇرىش، ۇن، استىق - ماي، ەت، قۇس ەتى، جۇمىرتقا، ءسۇت سياقتى تۇرمىستىق قاجەتتى بۇيىمدارمەن قامداۋدى قامتاماسىز ەتۋ كەرەك. پسيحيكالىق جەتەكتەۋدى جانە پسيحيكالىق جاقتان ارالاسۋدى كۇشەيتىپ، قوعامدىق پىكىر جەتەكشىلىگىن كۇشەيتىپ، زاڭ بويىنشا ساقتانۋ - تىزگىندەۋگە تاباندى بولىپ، ىندەتتەن ساقتانۋ - تىزگىندەۋ بارىسىندا جارىققا شىعۋى مۇمكىن بولعان ءتۇرلى ماسەلەلەردى لايىقتى ءبىر جاقتى ەتىپ، قوعامدىق كەلەلى جاعدايدىڭ ورنىقتىلىعىن قورعاۋ كەرەك.

  ماقالادا بىلاي دەپ اتاپ كورسەتىلدى: ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن قالىپتاستىرۋ كەرەك. بۇل رەتكى ىندەت قىسقا ۋاقىت ىشىندە حۋبەيدىڭ ەكونوميكالىق، قوعامدىق دامۋىنا مەزەتتىك قيىندىق اكەلگەنىمەن، ەكونوميكانىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى جاعدايىنا ىقپال جاسامايدى. ىندەتتەن ساقتانۋ - تىزگىندەۋدى كۇشەيتۋ العى شارتىندا، پارىقتى تاكتيكالار قولدانىپ، وڭىرگە، دارەجەگە ءبولىپ، تۇرگە، ۋاقىتقا ايىرىپ، شارتتى تۇردە جۇمىستى، ءوندىرىستى قالپىنا كەلتىرۋدى لايىقتى ۋاقىتتا ىسكە قوسۋ كەرەك. ورتالىق پەن مەملەكەت ورگاندارىنىڭ، ءارقايسى مينيسترلىك، كوميتەتتەرىنىڭ حۋبەيدى قولداۋ سەرپىنىن ۇزدىكسىز ارتتىرىپ، حۋبەيدىڭ ءىس جۇزىندىك قيىنشىلىق پەن ناقتى ماسەلەلەردى شەشۋىنە، ەرتەرەك جاپپاي قالىپتى ارناعا تۇسۋىنە كومەكتەسۋ كەرەك.

  ماقالادا بىلاي دەپ اتاپ كورسەتىلدى: جونگە سالۋ جۇيەسى مەن جونگە سالۋ قابىلەتىندەگى ولقىلىقتاردى تولىقتاۋ كەرەك. بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونگە سالۋ جۇيەسى مەن جونگە سالۋ قابىلەتىنە ءبىر رەتكى ۇلكەن سىناق بولدى، مۇندا تاجىريبە دە بار، ساباق تا بار. ۇزاق بولاشاقتى كوزدەپ، تاجىريبە - ساباق قورىتىندىلاپ، جونگە سالۋ جۇيەسىنىڭ ولقىلىقتارى مەن ءالسىز تۇستارىن جەدەل تولىقتاپ، حالىق بۇقاراسىنىڭ ءومىرىنىڭ حاۋىپسىزدىگى مەن سالاماتتىعىن قامتاماسىز ەتۋدىڭ تۇزىمدىك قورعانىس شەبىن بەكەمدەۋ كەرەك. الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ - باسقارۋ جۇيەسىن كۇش سالا كەمەلدەندىرىپ، تۇتقيىل تۋىلاتىن ەلەۋلى الەۋمەتتىك دەنساۋلىق ساقتاۋ ىستەرىنە توتەپ بەرۋ قابىلەتى مەن ورەسىن جوعارىلاتۋ كەرەك. قالا، اۋىل نەگىزگى ساتىلارىن جونگە سالۋ جۇيەسىن كۇش سالا كەمەلدەندىرىپ، ”جالپى پەريودتىق باسقارۋ“ تانىمىن ورناتىپ، اسا ءىرى قالالاردى جونگە سالۋدىڭ وسىزاماندانعان جاڭا جولدارىن قۇلشىنا قاراستىرۋ كەرەك.

  ماقالادا بىلاي دەپ باسا دارىپتەلدى: پارتيامىز ىشتەن تاۋقىمەت ءتونىپ، سىرتتان جاۋ انتالاعان جاعدايدا دۇنيەگە كەلىپ، قيىنشىلىقتار مەن ساتسىزدىكتەر بارىسىندا تولىسىپ، قامال الۋ، قيىندىقتاردى ەڭسەرۋ بارىسىندا الۋەتتەنگەن. كۇرەس جۇرگىزۋگە باتىل بولۋ، جەڭىسكە جەتۋگە باتىل بولۋ − جۇڭگو كوممۋنيستەرىنىڭ ايقىن ساياسي قاسيەتى ءارى ءبىزدىڭ ساياسي ابزالدىلىعىمىز. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىك ارقالاپ، سىننان سۇرىنبەي ءوتىپ، وسى رەتكى ۇلكەن سىناقتا جاۋاپكەرشىلىك ارقالايتىن باتىلدىقتى، عىلمي ساقتاناتىن - تىزگىندەيتىن پاراساتتى، ءبىر تۇتاس جوسپارلاپ تەڭ ءمان بەرەتىن ءتاسىلدى، ۇيىمداستىرىپ اتقاراتىن قابىلەتتى شىڭداپ، ءوز جاۋاپكەرشىلىگىن ءبىلۋ، ءوز جاۋاپكەرشىلىگىن شەبەرلىكپەن اتقارۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.