جۇمىس باستاۋ، جۇمىستى قالپىنا كەلتىرۋ ۋاقىتى بۇرىنعى جىلدارداعىدان ءبىر اي ىلگەرى بولدى
شينجياڭ گازەتىنىڭ جالپىلىق اقپارات قۇرالدارى تىلشىلەرى شى شين، ۋاڭ يۇيجاۋ 3 - ايدىڭ 31 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، ىندەتتەن ساقتانۋ - تىزگىندەۋدى تىڭعىلىقتى ىستەۋگە شىنايى كەپىلدىك ەتۋ العى شارتىندا، 3 - ايدىڭ سوڭىنا دەيىن، بۇكىل رايونداعى سالىنۋ ۇستىندەگى 2188 نىسان جۇمىستى ％100 قالپىنا كەلتىرىپ، جاڭادان سالىنۋ جوسپارلانعان 4536 نىساننىڭ 1693ى جۇمىس باستاعان، اۆتونوميالى رايوننىڭ جاڭادان سالىناتىن 80 ءتۇيىندى نىسانىنىڭ 18ى جۇمىس باستاعان.
بيىل جىل باسىنان بەرى، اۆتونوميالى رايوندىق دامۋ - رەفورما كوميتەتى اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، ءتۇيىندى مىندەت پەن شەشۋشى بۋىنداردى يگەرىپ، بار كۇشپەن قارجى قوسۋدى جەبەپ، ارتۋدى ورنىقتىردى. ەكولوگيالىق ورتا، جاراتىلىستىق بايلىق، سۋ يگىلىگى، ورمان شارۋاشىلىعى جانە جايلىم، تۇرعىن ءۇي، قالا، اۋىل قۇرىلىسى سياقتى تاراۋلارمەن بىرلەسىپ ءتۇيىندى نىسانداردى تەكسەرىپ بەكىتۋدىڭ العاشقى مەرزىمدىك قىزمەتى بىرلەسكەن ءماجىلىسى ءتۇزىمىن ورناتىپ، اۆتونوميالى رايوننىڭ ءتۇيىندى نىساندارىنا جاسىل ارنا اشىپ، ورىن تاڭداۋ، جەردەن پايدالانۋ، قورشاعان ورتانى باعالاۋ سياقتى الدىڭعى مەرزىمدىك راسمياتتاردى ءبىتىرۋىن سايكەستىرۋدى، ىلگەرىلەتۋدى تەزدەتىپ، نىسان قۇرىلىستارىن كۇش بىرىكتىرە ىلگەرىلەتتى. سونىمەن بىرگە، كۇندەلىكتى ورنالاستىرۋ، كەڭەسۋ مەحانيزمىن ورناتىپ، نىساندى ىلگەرىلەتۋ بارىسىنداعى قيىنشىلىقتار مەن ماسەلەلەردى دەر كەزىندە شەشىپ، كۇش - قۋاتتى توپتاپ، قيىن وتكەلدەردەن قامال الدى.
اۆتونوميالى رايوننىڭ ورنالاستىرۋى بويىنشا، ”3 - ايدىڭ 31 - كۇنىنەن بۇرىن سالىنۋ ۇستىندەگى نىسانداردىڭ جۇمىستى تۇگەلدەي قالپىنا كەلتىرىپ قۇرىلىس جۇرگىزۋىنە، كوپ ساندى جاڭادان جۇمىس باستاعان نىسانداردىڭ الدىڭعى جارتى جىلدا جۇمىس باستاپ قۇرىلىس جۇرگىزۋىنە كۇش سالۋ“ سىندى تالاپتى ارقاۋ ەتىپ، اۆتونوميالى رايوندىق دامۋ - رەفورما كوميتەتى اۆتونوميالى رايونداعى سالا، مەڭگەرمە، مەكەمە، ايماقتارمەن (وبلىس، قالا) بىرگە بۇكىل رايونداعى قارجى قوسۋ نىساندارىن سارالاپ، جيناقتاپ، سالىنۋ ۇستىندەگى نىساندار قامباسىن، جاڭادان قۇرىلىس باستاعان نىساندار قامباسىن، اۆتونوميالى رايوننىڭ ءتۇيىندى نىساندار قامباسىن العاش رەت قۇرىپ، قۇرىلىس مەرزىمىن قاۋىرت ورنالاستىرىپ، جاۋاپكەرشىلىكتى ايقىندادى.
”ءبىز ’3 نىسان قامباسىن‘ تۇتقا ەتىپ، نىسانداردىڭ جۇمىس باستاۋ، جۇمىستى قالپىنا كەلتىرۋ ۋاقىتىن بۇرىنعى جىلدارداعىدان ءبىر اي ىلگەرىلەتتىك، ناقتى زاتتىق جۇمىس مولشەرىن قالىپتاستىرىپ، تۇراقتى مۇلىككە قارجى قوسۋدىڭ ارتۋىن پارمەندى تۇردە دەمەدىك“، - دەدى اۆتونوميالى رايوندىق دامۋ - رەفورما كوميتەتى نىسان قۇرىلىستارىن باسقارۋ باسقارماسىنىڭ باستىعى ياڭ شۋەليان تانىستىرىپ.
