شينجياڭ گازەتىنىڭ جالپىلىق اقپارات قۇرالدارى تىلشىلەرى
وڭتۇستىك شينجياڭداعى ارتىق ەڭبەككۇشتەردى باسقا كاسىپ سالاسىنا ويىستىرىپ جۇمىستاندىرۋ بارىسىندا رايونىمىزداعى جەر - جەر، تاراۋلار جۇمىسكەرلەرگە كوڭىل ءبولىپ، قامقورلىق جاساپ، قاتىستى قىزمەت وتەۋ، قامتاماسىز ەتۋ قىزمەتتەرىن لايىقتى ويداعىداي ىستەپ، مەحانيزم ورناتىپ، ىرىقتىلىقپەن ىسكەرلىك كورسەتىپ، جۇمىسكەرلەر مەن قابىلداۋشى ورىنداعى قىزمەتكەرلەردىڭ بارىس - كەلىسىن، اۋىس - كۇيىسىن، توعىسۋىن جەبەپ، كەدەيلىكتەن ارىلتۋدان قامال الۋ شايقاسىن قول ۇستاسا جەڭدى.
جاڭا قىزمەت ورنىندا كوپتەگەن جۇمىسكەرلەر شىن كوڭىلىنەن: ”بۇل ارادا جاڭا ءۇيىم بولدى“ دەگەن سۇيىنىشتەرىن ءبىلدىردى.
ازىق - تۇلىك سەحىندا قۇلشىنا قىزمەت ىستەدى
جارقىراعان تاتتانبايتىن بولات ۇستەلدە اعاش ساڭىراۋقۇلاق، كەپتىرىلگەن ازىقتىق ساڭىراۋقۇلاق سياقتى وڭدەلگەن ونىمدەر ءۇيىلىپ جاتىر، جۇمىسشىلار كوك ءتۇستى شاڭ - توزاڭنان قورعانۋ باس كيىمىن كيىپ، ماسكى تارتىپ، ۇستەلدىڭ الدىندا تۇرىپ سۋلياۋ وراۋىشپەن مىقتاپ قاپتاۋدا. ولاردىڭ اراسىندا گۇما اۋدانىنان كەلگەن ءۇسانجان ابىلا ۇستازىنان قوراپتاۋ تەحنيكاسىن مۇقيات ۇيرەنۋدە، بۇل 3 - ايدىڭ 30 - كۇنى قورعاستاعى ءبىر ازىق - تۇلىك عىلىم - تەحنيكا اشۋ شەكتى سەرىكتەستىگىنىڭ سەحىنداعى كورىنىس بولاتىن.
3 - ايدىڭ 24 - كۇنى ءۇسانجان سەرىكتەرىمەن بىرگە قورعاس قالاسىنا كەلىپ جۇمىسقا تۇردى. ”مەن پويەزعا شىققان كەزدە - اق جاڭا قىزمەت ورنىنا بارعاننان كەيىن قىزمەتتى، ءسوز جوق، جاقسى ىستەۋدى ويلانعانمىن“. ول بىلاي دەدى: ”مەن جانە مەنىمەن بىرگە زاۆودقا كىرگەن جۇمىسشىلار تاربيەلەنگەننەن كەيىن رەسمي جۇمىس ورنىنا شىقتىق. قازىر بۇل ارانىڭ قىزمەتىنە ۇيلەسىپ كەتتىم. زاۆود مەنىڭ تىرشىلىك تياناعىم ءارى ارمانىمنىڭ باستالعان ورنى“.
ۇعىسۋعا قاراعاندا، بۇل سەرىكتەستىك نەگىزىنەن بۇرشاق ونىمدەرىن، كەپتىرىلگەن ازىقتىق ساڭىراۋقۇلاق، كراحمال ونىمدەرى قاتارلىلاردى وڭدەيدى، قازىر سەرىكتەستىك تاپسىرىس بويىنشا كۇش سالا ءوندىرىس جۇرگىزىپ جاتىپتى.
بىرنەشە كۇننەن بەرى، باسقا كاسىپ سالاسىنا ويىستىرىپ جۇمىستاندىرىلعان توپ - توپ جۇمىسكەرلەر قورعاس قالاسىنداعى كوپتەگەن كاسىپورىنداردا ءساتتى جۇمىستانىپ، وزگە جەردە كۇرەس جاساۋدىڭ تىرەگىن تاپتى.
سەلبەستىك كووپەراتيۆىندە ءبىر جاعىنان، ۇيرەنىپ، ءبىر جاعىنان، ىستەدى
”بۇل ارادا تاماعىمىز جاقسى، جاتىن ورنىمىز جايلى، جاتاعىمىزدا ايىرىم تازالىق بولمەسى بار، ونىڭ ۇستىنە سۋ جىلىتۋ جابدىعى ورناتىلعان، قالاعان ۋاقىتتا جۋىنا الامىز. جاتاقتا كورپە، ستاكان، سۇيرەتپە كەبىس قاتارلى تۇرمىستىق بۇيىمداردىڭ ءبارى بار، وتە ىستىق سەزىلەدى“. 3 - ايدىڭ 29 - كۇنى ءماتياسىن سايت تىلشىگە ءوزىنىڭ 6 كۇننىڭ الدىندا شەريا اۋدانىنان حىجيڭگە كەلىپ، وسى كولەمدى باعىمشىلىق كاسىپتىك سەلبەستىك كووپەراتيۆىندە جۇمىسشى بولىپ ورنالاسقاندىعىن ايتتى.
”كولىكتەن تۇسە قالعاندا، سەلبەستىك كووپەراتيۆىندەگى اعاي - اپايلار مەنەن شارشاڭدىڭ با، قارنىڭ اشتى ما دەپ سۇراپ، بەينە وتباسىمداعىلارداي جىلۋ باعىشتادى“. ءماتياسىن بىلاي دەدى: ”سەلبەستىك كووپەراتيۆىنىڭ جالپىلىق ىستەر كەڭسەسىنىڭ مەڭگەرۋشىسى جياڭ شياۋپيڭ ۇنەمى ءبىز ءبىر ءۇيلى جانبىز، قانداي قيىنشىلىعىڭ بولسا ايتا بەر دەيدى“.
”بارلىق قىزمەتكەرلەرىمىز وسى جاستاردىڭ ءبىزدىڭ ۇلكەن وتباسىمىزعا قوسىلعاندىعىن ايرىقشا قارسى الدى، ولاردىڭ تەزىرەك ۇيلەسۋىنە مۇمكىندىك جاساۋ ءۇشىن، ارتقى شەپ قامداۋ ءبولىمى جاڭا قۋىرماش كەستەسىن جاسادى، سەلبەستىك كووپەراتيۆى باۋلۋ جوسپارىن بەلگىلەپ، ولارعا پۋتۇڭحۋا ۇيرەتىپ، ولارعا سەلبەستىك كووپەراتيۆىنىڭ بەلگىلەمە - تۇزىمدەرىن ءتۇسىندىردى“. سەلبەستىك كووپەراتيۆىنىڭ القا باستىعى چىن لەي بىلاي دەدى: ”ءبىز ءبىر جۇپ بولىپ شاكىرت تاربيەلەۋ ءتاسىلىن قولدانىپ، جۇمىسكەرلەردى تەحنيكالىق جاقتان باۋلىدىق“.
”جۇمىسشى ىستەتۋ قاجەتىنە ساي جۇمىس ورنى ينفورماتسياسى جاعدايىن تەكسەرىپ انىقتادىق، قازىر بۇكىل اۋداندا ءتۇيىندى كاسىپورىنداردان ءبىر توپ جۇمىس ورنىن سارالاپ شىعىپ، جۇمىسكەرلەردىڭ ۇزاق ۋاقىت ورنىقتى جۇمىستانۋىنا شىنايى كەپىلدىك ەتتىك“، - دەدى حىجيڭ اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى، اۋداندىق ادام كۇشى بايلىعى جانە قوعامدىق قامتاماسىز ەتۋ مەكەمەسى پارتيا باسشىلىق گرۋپپاسىنىڭ شۋجيى ۋاڭ ۋيپيڭ.
قالا ومىرىمەن توعىسىپ، ارمانعا قانات قاقتى
3 - ايدىڭ 26 - كۇنى قاشقار ايماعىنان كەلگەن ءبىر توپ جۇمىسكەر قارامايلى قالاسىنىڭ جايرانبۇلاق رايونىنا جەتتى.
”اۋىلدان تۇڭعىش رەت ۇزاپ شىقسام دا بۇل اراداعى ۇقىپتى ورنالاستىرۋدى كورىپ، كوڭىلىم ەداۋىر ورنىعىپ قالدى“، - دەدى 3 - ايدىڭ 30 - كۇنى ءپايزاۋات اۋدانىنان كەلگەن بۇرابيا احات تىلشىگە.
”ءبىزدى شوعىرلى باۋلىپ جاتىر، سودان كەيىن الەۋمەتتىك يگىلىك سيپاتتى جۇمىس ورىندارىنا جۇمىسقا تۇرامىز“. بۇرابيا بىلاي دەدى: قارامايلىنىڭ كوشەلەرى كەڭ، عيماراتتارى بيىك، كەشتە الۋان ءتۇستى شىراقتار سامسىپ، كەرەمەت تاماشا كورىنەدى ەكەن، مەن بۇل ارانى توتەنشە ۇناتىپ قالدىم.
”ەستۋلەرگە قاراعاندا، بىرنەشە جىلدىڭ الدىندا جۇمىستانۋعا كەلگەن جۇمىسكەرلەر بۇل ارادان ءۇي، اۆتوكولىك ساتىپ الىپتى، كەيبىرەۋلەر دۇكەن اشىپتى، مەن دە ولاردان ۇيرەنەمىن“، - دەدى بۇرابيا.
”ءبىز ويداعىداي قىزمەت وتەپ، جۇمىسكەرلەردىڭ كەدەيلىك قالپاعىن الىپ تاستاۋىنا، جاڭا تۇرمىستىڭ ەسىگىن اشۋىنا كومەكتەسەمىز“. قارامايلى قالاسى جايرانبۇلاق رايونى (قارامايلى جوعارى، جاڭا تەحنيكالىق رايونى) الەۋمەتتىك جۇمىستاندىرۋدى باسقارۋ مەكەمەسىنىڭ ورىنباسار باستىعى ديڭ رۋگاڭ بىلاي دەدى: قازىر الەۋمەتتىك جۇمىستاندىرۋدى باسقارۋ مەكەمەسى جۇمىسكەرلەرگە جۇمىستانۋ الدىنداعى ءبىر ايلىق باۋلۋ كۋرسىن اشىپ، ولاردىڭ جاڭا ورتاعا ەرتەرەك ۇيلەسۋىنە كومەكتەستى. ولاردىڭ وسى قالاعا ەرتەرەك ۇيىرلەسىپ، ءوزىن جانە وتباسىن ءتىپتى دە باقىتتى تۇرمىسقا كەنەلتۋىن ءۇمىت ەتەمىز.
(ءتىلشى چىڭ يۋەيۋە، ەرىكتى ءتىلشى ماليكە، ۋي يۋان، جۋ يۇن)
