شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 4 - ايدىڭ 1 - كۇنى ۇرىمجىدەن حابارلايدى. 4 - ايدىڭ 1 - كۇنى تۇستەن كەيىن، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 83 - رەتكى ۇنەمىلىك ىستەر ءماجىلىسىن باسقارىپ اشىپ، اۋىل شارۋاشىلىعى ونىمدەرىن كورىنىس وڭىرلەرىنە كىرگىزۋ، وسى زامانعى جىلقى شارۋاشىلىعىن دامىتۋ، اۋىل - قىستاقتاردىڭ كوللەكتيۆ مال - مۇلىك ۇقىعى ءتۇزىمى رەفورماسى سياقتى قىزمەتتەردى ىلگەرىلەتۋدى اقىلداستى.
ءماجىلىس مىنانى اتاپ كورسەتتى: اۋىل شارۋاشىلىعى ونىمدەرىن كورىنىس وڭىرلەرىنە كىرگىزۋ ءداستۇرلى اۋىل شارۋاشىلىعى قوسىمشا ونىمدەرى كاسىپ سالاسى تىزبەگىن ۇزارتۋعا، ”اۋىل شارۋاشىلىعى + ساياحات“تىڭ توعىسپالى دامۋىن جۇزەگە اسىرۋدى ىلگەرىلەتۋگە ءتيىمدى، رايونىمىزدىڭ اۋىل شارۋاشىلىعى ساپاسىنىڭ جوعارىلاۋىن، ونىمدىلىگىنىڭ ارتۋىن، ەگىنشى - مالشىلاردىڭ جۇمىستانۋىن، كىرىستەرىنىڭ ارتۋىن، كەدەيلىكتەن ارىلتۋدان قامال الۋ تابىستارىنىڭ بەكەمدەلۋىن دەمەيدى. ۇكىمەت جەتەكشىلىك ەتۋ، بازار اينالىمىن، اۋىل شارۋاشىلىعى مەن ساياحاتتى ۇشتاستىرۋ، ساياحات كاسىبى ارقىلى اۋىل شارۋاشىلىعىن جەبەۋ، جەرگىلىكتى جاعدايعا قاراي ىستەۋ، وزىندىك ەرەكشەلىكتى كورنەكتىلەندىرۋ پرينسيبىنە تاباندى بولىپ، كورىنىس وڭىرلەرىندە شينجياڭنىڭ اۋىل شارۋاشىلىعى ونىمدەرى تيجارات ورتالىقتارىنان ءبىر توبىن شوعىرلى جاڭالاپ، قۇرىپ، شينجياڭنىڭ ايتۋلى، تاڭداۋلى، وزىندىك ەرەكشەلىكتەگى اۋىل شارۋاشىلىعى قوسىمشا ونىمدەرى، سەيىل - سەرۋەن اۋىل شارۋاشىلىعى جاڭاشا ونىمدەرى سياقتىلاردى كورىنىس وڭىرلەرىنە كىرگىزۋگە بەلسەنە جەتەكشىلىك ەتۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، تيجارات ساۋدا ورتاسىن ۇزدىكسىز ساپالىلاندىرىپ، ساياحات ارقىلى كەدەيلەردى سۇيەمەلدەۋدەن ۇلگى كورسەتۋ كاسىپورىندارىن، سەلبەستىك كووپەراتيۆتەرىن، كەدەي قىستاقتارداعى بايۋ كوشباسشىلارىن ءتۇرلى فورماداعى تيجاراتقا ات سالىسۋعا الدىمەن قابىلداپ، شارۋالاردى جەتەكتەپ كىرىستەرىن ارتتىرۋ، كەدەيلەردى جەتەكتەۋ، كەدەيلەرگە پايدا جەتكىزۋ رولىن اناعۇرلىم ويداعىداي ساۋلەلەندىرۋ كەرەك. كۇندەلىكتى تيجارات، ساتۋ، قىزمەت وتەۋدى جۇيەگە ءتۇسىرىپ، بازار باقىلاۋ - باسقارۋدى كۇشەيتىپ، كوپ نەگىزدى توعىسپالى جاڭاشا كاسىپ جاعدايىن جەتىلدىرىپ، شينجياڭنىڭ اۋىل شارۋاشىلىعى ونىمدەرىنىڭ ”سىرتقا شىعۋىن“ جان - جاقتى ىلگەرىلەتۋ كەرەك.
ءماجىلىس مىنالاردى اتاپ كورسەتتى: وسى زامانعى جىلقى شارۋاشىلىعىن دامىتۋ ءداستۇرلى بايلىق ابزالدىلىعىنىڭ ەكونوميكالىق ابزالدىلىققا اينالۋىن جەبەۋگە، 1 - ، 2 - ، 3 - كاسىپ سالاسىنىڭ توعىسپالى دامۋىن جەدەلدەتۋگە، ەگىنشى - مالشىلاردىڭ كىرىستەرىن ارتتىرۋ ارنالارىن كەڭەيتۋگە ءتيىمدى. جىلقى ءوسىرۋ ءوندىرىسى جۇيەسى قۇرىلىسىن جەدەلدەتىپ، تاۋارلى جىلقى بازاسى قۇرىلىسى مەن جىلقى ونىمدەرىن اشۋدى ىلگەرىلەتىپ، جىلقى مادەنيەتى ساياحات كاسىبىنىڭ دامۋىن جەبەپ، ات ونەرى، بايگە قيمىلدارىنىڭ ىقپالىن كەڭەيتىپ، جىلقى شارۋاشىلىعىن دامىتۋدىڭ تىرەكتى جۇيەسىن جەدەل ورناتىپ، شينجياڭنىڭ جىلقى شارۋاشىلىعىنىڭ اتاعىن ۇزدىكسىز جوعارىلاتىپ، جىلقى شارۋاشىلىعىنىڭ جىلدام دامۋىن جەبەۋگە ءتيىمدى ورتا قالىپتاستىرۋ كەرەك.
ءماجىلىس مىنالاردى اتاپ كورسەتتى: اۋىل - قىستاقتاردىڭ كوللەكتيۆ مال - مۇلىك ۇقىعى ءتۇزىمى رەفورماسى اۋىل - قىستاقتى گۇلدەندىرۋ ستراتەگياسىن اتقارۋدىڭ تۇزىمدىك نەگىزىن ورناتۋمەن قاتىستى، شارۋالاردىڭ ۇقىق - مۇددەسىن قامتاماسىز ەتۋ، اۋىل - قىستاقتاردى جونگە سالۋدى كەمەلدەندىرۋ جونىنەن ماڭىزدى ءمان الادى. اۋىل - قىستاقتاردىڭ كوللەكتيۆ مال - مۇلكىن باسقارۋدى جان - جاقتى كۇشەيتىپ، اۋىل - قىستاقتاردىڭ كوللەكتيۆ ەكونوميكالىق ۇيىمىنداعى مۇشەلەردىڭ سالاۋاتىن جاپپاي تۇراقتاندىرىپ، تيجارات سيپاتىندىق مال - مۇلىك جارنا سەلبەستىك ءتۇزىمى رەفورماسىن جەدەل ىلگەرىلەتىپ، اۋىل - قىستاقتاردىڭ كوللەكتيۆ ەكونوميكالىق ۇيىمدارىنىڭ يقۋاتىن، رولىن ساۋلەلەندىرىپ، اۋىل - قىستاقتاردىڭ كوللەكتيۆ شارۋاشىلىعىنىڭ دامۋ جولىن كەڭەيتىپ، ءتۇرلى رەفورما مىندەتتەرىنىڭ ءونىمدى تياناقتانۋىن كۇش بىرىكتىرىپ ىلگەرىلەتۋ كەرەك.
ءماجىلىس باسقا دا كەڭەستىك تاقىرىپتاردى اقىلداستى.
