حاۋىپسىزدىكتىڭ تومەنگى شەگىن ويداعىداي ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەيىك
سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ وسىزاماندانۋىن جەدەل ىلگەرىلەتەيىك
«شينجياڭنىڭ وقۋ - اعارتۋىن وسىزامانداندىرۋ 2035»تى، «شينجياڭنىڭ وقۋ - اعارتۋىن وسىزامانداندىرۋدى جەدەل ىلگەرىلەتۋدىڭ اتقارۋ جوباسىن (2018 - جىلدان 2022 - جىلعا دەيىن)» قارادى
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 4 - ايدىڭ 1 - كۇنى ۇرىمجىدەن حابارلايدى. 4 - ايدىڭ 1 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ سىچۋاننىڭ شيچاڭ قالاسىنىڭ جيڭجيۋ اۋىلىندا تۋىلعان ورمان ءورت اپاتى جونىندەگى ماڭىزدى نۇسقاۋىنىڭ رۋحى قاتارلىلاردى جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى حالىق كوسەمىنىڭ حالىقتى سۇيەتىن وسكەلەڭ قاسيەتىن تولىق ايگىلەدى، ءوندىرىس حاۋىپسىزدىگىنە وسكەلەڭ ءمان بەرەتىندىگىن بەينەلەدى. بۇكىل رايونداعى ءار دارەجەلى، ءارقايسى تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ىندەتتەن ساقتانۋ - تىزگىندەۋ مەن جۇمىستى، ءوندىرىستى قالپىنا كەلتىرۋدى ويداعىداي ءبىر تۇتاس جوسپارلاۋمەن بىرگە، ءومىر بارىنەن قىمبات، حاۋىپسىزدىك ءبىرىنشى يدەياسىن بەرىك ورناتىپ، حاۋىپسىزدىك حاۋىپ - قاتەرىنەن ساقتانۋدىڭ ءتۇرلى قىزمەتتەرىن تىڭعىلىقتى ويداعىداي ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك. حاۋىپسىزدىك ۇستانىمىن بەرىك ورناتىپ، حالىقتى وزەك ەتۋ دامۋ يدەياسىنا تاباندى بولىپ، بەيعامدىققا سالىنۋ يدەياسى مەن باق سىناۋ ويىن باتىل جەڭىپ، ساقتانۋدى الدىڭعى ورىنعا قويىپ، ساقتانۋ مەن باسقارۋعا بىردەي ءمان بەرىپ، حاۋىپسىزدىكتىڭ قىزىل سىزىعىن، تومەنگى شەگىن قاتاڭ ساقتاۋ كەرەك. كومەسكى قاتەرلەردى جان - جاقتى ءبىر - بىرلەپ تەكسەرىپ، ءوندىرىس حاۋىپسىزدىگىندەگى كومەسكى قاتەرلەردى جاپپاي ءبىر - بىرلەپ تەكسەردى، جاپپاي رەتتەۋ - جونگە سالۋدى ۇزدىكسىز ىشكەرىلەي ىلگەرىلەتىپ، ءار سالانى، ءار كاسىپ سالاسىن، ءار ورىندى، ءار ۋاقىتتا جان - جاقتىلى، جالپى بەتتىك ءبىر - بىرلەپ تەكسەرىپ، كومەسكى قاتەر قالدىرماي، ولقىلىق قالدىرماي، قالتارىس قالدىرماي، حاۋىپ - قاتەردى بار كۇشپەن جويۋ، الاستاۋ كەرەك. ءورت اپاتىنان قاتاڭ ساقتانىپ، كەزەكتە اۋا رايىنىڭ قۇرعاق بولۋى، بۇقارانىڭ قابىر سىپىرۋى، كوكتەمگى ەگىس جۇمىستارىنىڭ دايىندىعى سياقتى قيمىلدار كوبەيگەن، ءورت قاتەرىنىڭ دارەجەسى جوعارىلاعان ەرەكشە جاعدايعا مەڭزەس، ءورت كوزىن باسقارۋدى قاتاڭداستىرىپ، دالالىق جۇمىستاردى ولشەمدەستىرىپ، اۋىر، ەرەكشە اۋىر ورمان، جايلىم ءورت اپاتىنان باتىل ساقتانۋ كەرەك. اپاتتان ساقتانۋ شارالارىن كۇشەيتىپ، ادام كۇشىمەن ساقتانۋدى، زاتتىق كۇشپەن ساقتانۋدى، تەحنيكالىق ساقتانۋدى ءوزارا ۇشتاستىرۋعا تاباندى بولىپ، شۇعىل جاعدايعا توتەپ بەرۋ دايىندىق جوباسىن كەمەلدەندىرىپ، كەزەكشىلىككە تۇرۋدى، كۇزەتكە تۇرۋدى كۇشەيتىپ، باقىلاۋ - تەكسەرۋدى، الدىن الا سيگنال بەرۋدى كۇشەيتىپ، مىندەت ءبولىسىن ەگجەي - تەگجەيلەندىرىپ، باۋلۋعا، جاتتىعۋعا ءمان بەرىپ، زاتتىق ماتەريالداردى تولىق، جەتكىلىكتى دايىنداپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قابىلەتى مەن ءوندىرىس حاۋىپسىزدىگىن باسقارۋ ورەسىن جاپپاي جوعارىلاتۋ كەرەك. قىزمەت جاۋاپكەرشىلىگىن قاتايتىپ، ”پارتيا مەن ۇكىمەت تەڭ جاۋاپتى بولۋ، ءبىر قىزمەت ورنىندا ەكى جاۋاپكەرشىلىك ارقالاۋ، مىندەتىن وتەمەسە جاۋاپكەرشىلىگىن قۋزاۋعا“ تاباندى بولىپ، ءار دارەجەلى پارتيا، ۇكىمەت ورىندارىنىڭ ”ءبىرىنشى باسشىسى“ ”ءبىرىنشى جاۋاپتى ادام“ جاۋاپكەرشىلىگىن شىنىمەن ارقالاپ، جاۋاپتى باسشى ارناۋلى جاۋاپكەرشىلىگىن ارناۋلى يگەرىپ، جەر - جەر، ورىندار مىندەتىن اتقارىپ، جاۋاپكەرشىلىگىن وتەپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋعا جانە ءوندىرىس حاۋىپسىزدىگى قىزمەتىندە باسشىلىقتىڭ تياناقتانۋىنا، ۇيىمداستىرۋدىڭ تياناقتانۋىنا، كۇشتەردىڭ تياناقتانۋىنا، شارالاردىڭ تياناقتانۋىنا، قامتاماسىز ەتۋدىڭ تياناقتانۋىنا شىنايى كەپىلدىك ەتۋ كەرەك.
ءماجىلىس «شينجياڭنىڭ وقۋ - اعارتۋىن وسىزامانداندىرۋ 2035» پەن «شينجياڭنىڭ وقۋ - اعارتۋىن وسىزامانداندىرۋدى جەدەل ىلگەرىلەتۋدىڭ اتقارۋ جوباسىن (2018 - جىلدان 2022 - جىلعا دەيىن)» قارادى. ءماجىلىس مىنالاردى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيانىڭ وقۋ - اعارتۋ قىزمەتىنە باسشىلىعىن كۇشەيتىپ، ماركسيزمنىڭ جەتەكشى ورنىنا تاباندى بولىپ، جۇڭگوشا سوتسياليستىك وقۋ - اعارتۋدىڭ دامۋ جولىنا تاباندى بولىپ، سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋ ىستەرىن الدىمەن دامىتىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋگە، تياناقتاندىرۋعا شوعىرلاندىرىپ، وقۋ - اعارتۋ ساپاسىن كۇش سالا جوعارىلاتىپ، وقۋ - اعارتۋ ادىلدىگىن جەبەپ، وقۋ - اعارتۋ قۇرىلىمىن ساپالىلاندىرىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن زور كۇشپەن باۋلىپ، حالىق رازى بولاتىن وقۋ - اعارتۋدى قۇلشىنا قۇرىپ، جۇڭگوشا ەرەكشەلىككە يە سوتسياليستىك شينجياڭ قۇرۋعا مىعىم اقىل - پاراسات قولداۋىن جانە دارىندى كەپىلىن ازىرلەۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين قاتارلىلار ماجىلىسكە قاتىناستى.
