شي جينپيڭ جىجياڭدا قىزمەت تەكسەردى

شي جينپيڭ جىجياڭدا قىزمەت تەكسەرگەندە بىلاي دەپ باسا دارىپتەدى

ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق، قوعامدىق دامۋ نىسانالارىن، مىندەتتەرىن قايراتتانا جۇزەگە اسىرۋ كەرەك

　　　3 - ايدىڭ 29 - كۇنىنەن 4 - ايدىڭ 1 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جىجياڭدا قىزمەت تەكسەردى. سۋرەتتە: 3 - ايدىڭ 29 - كۇنى شي جينپيڭ نيڭبو بەيلۇن داچي وزىق اۆتوكولىك بولشەكتەرى قالىپتارى باقشا رايونىنىڭ باسقارۋ - قىزمەت وتەۋ ورتالىعىندا، باقشا رايونىنىڭ باسقارۋشى قىزمەتكەرلەرىمەن، ورتا، شاعىن كاسىپورىن جاۋاپتىلارىنىڭ ۋاكىلدەرىمەن، سىرت جەرلەردەن جىجياڭعا قايتىپ كەلگەن قىزمەتكەرلەردىڭ ۋاكىلدەرىمەن، ت. ب ىقىلاسپەن اڭگىمەلەستى.  سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　3 - ايدىڭ 29 - كۇنىنەن 4 - ايدىڭ 1 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جىجياڭدا قىزمەت تەكسەردى. سۋرەتتە: 3 - ايدىڭ 30 - كۇنى شي جينپيڭ حۋجوۋ قالاسى انجي اۋدانى تيانحۋاڭپيڭ قالاشىعىنىڭ يۇيسۇن قىستاعىندا تەكسەرۋ - زەرتتەۋ جۇرگىزگەندە، شامگۇل كولشىگىن تازالاپ جاتقان قىستاق تۇرعىندارىمەن ىقىلاسپەن اڭگىمەلەسىپ، كوكتەمگى ەگىس، ەگىس دايىندىعى جاعدايىن سۇراستىردى.  سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

　　شينحۋا اگەنتتىگىنىڭ 4 - ايدىڭ 1 - كۇنى حاڭجوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا جىجياڭدا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى ويداعىداي ىستەپ، ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىنا تاباندى بولىپ، ”سەگىز سەگىز ستراتەگياسىن“ ءبىر تۇتاس باسشىلىققا الىپ، ناقتاپ ىستەپ، الدىڭعى لەكتە ءجۇرىپ، باتىلدىقپەن اتويلاپ، ىندەتتەن ساقتانۋ - تىزگىندەۋ مەن جۇمىستى، ءوندىرىستى قالپىنا كەلتىرۋدىڭ ءتۇرلى شارالارىن دالمە - ءدال تياناقتاندىرىپ، بيىلعى ەكونوميكالىق، قوعامدىق دامۋ نىسانالارىن، مىندەتتەرىن قايراتتانا جۇزەگە اسىرىپ، جاڭا داۋىردەگى جۇڭگوشا سوتسياليزم ءتۇزىمىنىڭ ابزالدىلىعىن جاپپاي ايگىلەيتىن ماڭىزدى تەرەزەگە اينالۋعا قۇلشىنۋ كەرەك.

　　كوكتەم شۋاعىن شاشقان 3 - ايدا، جىجياڭ دالاسىندا الۋان گۇلدەر جايناپ، اعاشتار جاپىراق جايىپ، ماساتىداي قۇلپىرعان. 3 - ايدىڭ 29 - كۇنىنەن 4 - ايدىڭ 1 - كۇنىنە دەيىن، شي جينپيڭ جىجياڭ ولكەلىك پارتكومنىڭ شۋجيى چى جۇن مەن ولكە باستىعى يۋان جياجۇننىڭ سەرىك بولۋىندا، ىلگەرىندى - كەيىندى نيڭبو، حۋجوۋ، حاڭجوۋ سياقتى جەرلەرگە كەلىپ، پورت، كاسىپورىن، اۋىل - قىستاق، ەكولوگيالىق سازدىقتارعا بارىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى.

　　3 - ايدىڭ 29 - كۇنى شي جينپيڭ نيڭبو جوۋشان پورتى چۋانشان پورت اۋماعىنا بارىپ قىزمەت تەكسەردى. چۋانشان پورت اۋماعى شارا قولدانۋ ارقىلى ءوندىرىستى ەرتە قالپىنا كەلتىرگەندىكتەن، پورتتىڭ قابىلداۋ - جونەلتۋ مولشەرى بىرتىندەپ كۇندەلىكتى ورەگە جەتكەن. جۇمىس ورنالاستىرۋ زالىندا، شي جينپيڭ پورت اۋماعىنىڭ جاعدايى مەن جۇمىستى، ءوندىرىستى قالپىنا كەلتىرۋ جاعدايىنان بەرىلگەن مالىمەتتى تىڭدادى. ءبىرىنشى قاباتتاعى زالدا، شي جينپيڭ پورتتاعى جۇمىسشى - قىزمەتشىلەردىڭ ۋاكىلدەرىمەن ىقىلاسپەن اڭگىمەلەسىپ، ولاردان حال سۇرادى. شي جينپيڭ بىلاي دەپ باسا دارىپتەدى: نيڭبو جوۋشان پورتى بارىنەن بۇرىن ءوندىرىستى قالپىنا كەلتىردى، بۇل ەلىمىز كاسىپورىندارىنىڭ جۇمىستى، ءوندىرىستى قالپىنا كەلتىرۋىن، زات اينالىمى جۇيەسىن قالپىنا كەلتىرۋىن، الەمدىك كاسىپ سالاسى تىزبەگىن قالپىنا كەلتىرۋدى ىلگەرىلەتۋ جونىنەن ماڭىزدى مانگە يە. ەرتە باستان قامدانىپ، شەكارا سىرتىنداعى ىندەت جاعدايىنا نازار اۋدارىپ، ىندەتتەن ساقتانۋ - تىزگىندەۋدى بۇلجىماستان مىقتى يگەرۋگە تاباندى بولۋمەن بىرگە، ءار ەلدىڭ ىندەتكە قارسى اتتانۋ جولىندا قولدانعان ءتۇرلى شەكتەمەلىك شارالارىنىڭ تەڭىز زات تاسىمالىنا اكەلگەن ىقپالىنا بەلسەنە توتەپ بەرىپ جانە ونى جويىپ، ەلىمىزدىڭ ەكسپورت ەتەتىن زاتتارىنىڭ شىعارىلۋىن، يمپورت ەتەتىن زاتتارىنىڭ كىرگىزىلۋىن جەبەۋ كەرەك. شي جينپيڭ ولاردىڭ ىندەتتىڭ ىقپالىن قۇلشىنا جەڭىپ، ۇزدىك ناتيجەگە قول جەتكىزۋىن ءۇمىت ەتتى.

　　وسىدان كەيىن، شي جينپيڭ اۆتوكولىكپەن چۋانشان پورت اۋماعىنىڭ 2 - ءنومىرلى جۇك قورابى كەمەتۇراعىنا كەلىپ، جاۋىنعا قاراماي كەمەجايدىڭ وزىندە جۇك قورابى جۇمىس احۋالىن كورىپ، پورتتىڭ جۇمىس جاعدايىن ۇعىستى. شي جينپيڭ بىلاي دەپ باسا دارىپتەدى: پورت − نەگىزدىك، توراپتىق قۇرىلعى، ەكونوميكالىق دامۋدىڭ ماڭىزدى تىرەگى. نيڭبو جوۋشان پورتى ”ءبىر بەلدەۋ، ءبىر جولدى“ بىرگە قۇرۋ، چاڭجياڭ ەكونوميكالىق بەلدەۋىن دامىتۋ، چاڭجياڭ اتىراۋىن ءبىر تۇلعالاندىرىپ دامىتۋ سياقتى مەملەكەت ستراتەگياسىندا ماڭىزدى ورىندا تۇراتىن مىعىم كۇش. ماڭداي الدى ولشەمگە تاباندى بولىپ، پورتتى ويداعىداي قۇرىپ، ويداعىداي باسقارىپ، دۇنيە جۇزىندەگى بىرەگەي قۋاتتى پورت قۇرۋعا قۇلشىنىپ، مەملەكەتتىڭ دامۋى ءۇشىن اناعۇرلىم زور ۇلەس قوسۋ كەرەك.

　　پورت اۋماعىنان اتتانعان سوڭ، شي جينپيڭ نيڭبو بەيلۇن داچي وزىق اۆتوكولىك بولشەكتەرى قالىپتارى باقشا رايونىنا بارىپ، ورتا، شاعىن حالىقتىق جاساۋ كاسىپورنى نيڭبو جىنجى ماشينا قالىپتارى شەكتى سەرىكتەستىگىندە قىزمەت تەكسەرىپ، كاسىپورىننىڭ ءوندىرىس، تيجارات جۇرگىزۋ جانە جۇمىستى، ءوندىرىستى قالپىنا كەلتىرۋ جاعدايى جونىندەگى تانىستىرۋدى تىڭدادى. شي جينپيڭ ءوندىرىس جەلىسىنىڭ قاسىنا كەلىپ، جۇمىسشىلارمەن ىقىلاسپەن اڭگىمەلەسىپ، كوپشىلىكتەن جۇمىسقا ورالۋ بارىسىنىڭ ءساتتى بولعان - بولماعاندىعىن، جۇمىستى قالپىنا كەلتىرگەننەن كەيىنگى وندىرىستە، تۇرمىستا تاعى قانداي قيىنشىلىقتار بار ەكەندىگىن، ەڭبەكاقىنىڭ تاراتىلۋىنىڭ قالىپتى بولعان - بولماعاندىعىن سۇراستىردى. شي جينپيڭ بىلاي دەپ اتاپ كورسەتتى: كوپىشىلىكتىڭ ىندەتتىڭ ىقپالىن جەڭىپ، دەر كەزىندە جۇمىس ورىندارىنا قايتىپ، جۇمىستى قالپىنا كەلتىرۋى كاسىپورىن ءۇشىن، مەملەكەت ءۇشىن جاقسى بولىپ قالماستان، وزدەرى ءۇشىن دە جاقسى. كاسىپورىن قالىپتى ءوندىرىس جۇرگىزسە، مەملەكەت ەكونوميكاسىنىڭ قالىپتى اينالىمىن قامتاماسىز ەتۋگە، كوپشىلىككە جۇمىستانۋ ورايىن ازىرلەۋگە بولادى، كوپشىلىكتە كىرىس بولسا، وتباسى قامتاماسىز ەتىلەدى. شي جينپيڭ بىلاي دەپ باسا دارىپتەدى: ەلىمىزدىڭ ورتا، شاعىن كاسىپورىندارىندا تەبىن بار، ومىرشەڭدىك بار، قيىندىققا قارسى اتتانۋعا، تىنباي تالپىنۋعا شەبەر، پارتيا مەن ۇكىمەتتىڭ جانە قوعامداعى ءار جاقتىڭ قولداۋىندا، ءسوزسىز، قيىن وتكەلدەن ءوتىپ، اناعۇرلىم تاماشا دامۋدى قارسى الادى.

　　باقشا رايونىن باسقارۋ - قىزمەت وتەۋ ورتالىعىندا شي جينپيڭ باقشا رايونىنداعى كاسىپورىنداردىڭ جۇمىستى، ءوندىرىستى قالپىنا كەلتىرۋ جاعدايىن ەگجەي - تەگجەيلى ۇعىستى ءارى باقشا رايونىنىڭ باسقارۋشى قىزمەتكەرلەرىمەن، ورتا، شاعىن كاسىپورىن جاۋاپتىلارىنىڭ ۋاكىلدەرىمەن، سىرت جەرلەردەن جىجياڭعا قايتىپ كەلگەن قىزمەتكەرلەردىڭ ۋاكىلدەرىمەن، ت . ب ىقىلاسپەن اڭگىمەلەسىپ، كوپشىلىكتىڭ پىكىرلەرى مەن ۇسىنىستارىن تىڭدادى. ول بىلاي دەپ باسا دارىپتەدى: حالىقتىق كاسىپورىندار، ورتا، شاعىن كاسىپورىندار ەلىمىزدىڭ دامۋىندا، اسىرەسە، كاسىپ سالاسىنىڭ دامۋىندا ماڭىزدى ورىنعا يە. وسى رەتكى توسىننان كەلگەن ىندەت ءتۇرلى كاسىپورىندارعا تۇگەلدەي تۇرلىشە دارەجەدە ىقپال جاسادى. پارتيا ورتالىق كوميتەتى ايرىقشا ءمان بەرىپ، جۇيەلى ساياساتتىق كەشەندى شارا قولداندى، ىندەت جاعدايىنىڭ كەڭەيۋى مەن وزگەرۋىنە قاراي، تاعى ۋاعىندا كەمەلدەندىرىپ وتىرادى. پارتيا ورتالىق كوميتەتى ورتا، شاعىن كاسىپورىنداردى ەرەكشە ويلاستىرىپ، ءبىر قىدىرۋ شارا شىعارىپ، ورتا، شاعىن كاسىپورىنداردىڭ قيىن وتكەلدەن وتۋىنە قولداۋ كورسەتتى جانە كومەكتەستى. قالىڭ ورتا، شاعىن كاسىپورىندار كاسىپورىنشىلار رۋحىن ساۋلەلەندىرىپ، قايىسپاي شايقاس جاساپ، قيىندىقتاردان قامال الىپ، ىندەتتىڭ سىن - سايىسىن جەڭۋگە قۇلشىنۋ كەرەك.

　　3 - ايدىڭ 30 - كۇنى شي جينپيڭ حۋجوۋ قالاسى انجي اۋدانى تيانحۋاڭپيڭ قالاشىعىنىڭ يۇيسۇن قىستاعىنا بارىپ قىزمەت تەكسەردى، تەكسەرۋ - زەرتتەۋ جۇرگىزدى. 2005 - جىلى 8 - ايدىڭ 15 - كۇنى جىجياڭ ولكەلىك پارتكومنىڭ شۋجيى بولىپ تۇرعان كەزدە شي جينپيڭ وسى قىستاقتا قىزمەت تەكسەرگەندە تۇڭعىش رەت ”تۇنىق سۋ، جاسىل تاۋ − باعالى بايلىق“ دەگەندى ورتاعا قويعان ەدى. 15 جىلدان بەرى، يۇيسۇن قىستاعى وسى ۇستانىمدى باتىلدىقپەن امالياتتا ايگىلەپ، ەكولوگياسى كوركەم، كاسىپ سالاسى كوركەيگەن، بۇقارا اۋقاتتانعان باياندى دامۋ جولىنا ءتۇسىپ، كوركەم اۋىل - قىستاق قۇرىلىسى يۇيسۇن قىستاعىندا رەالدىققا اينالدى. قىستاقتىڭ پارتيا مەن بۇقاراعا قىزمەت وتەۋ ورتالىعىندا، شي جينپيڭ يۇيسۇن قىستاعىنىڭ دامۋ جاعدايىن ەگجەي - تەگجەيلى ۇعىسىپ، ولاردىڭ جاسىل ەكونوميكانى دامىتۋداعى، قىستاق تۇرعىندارىن كىرىستى ارتتىرىپ، اۋقاتتانۋعا باستاۋداعى ادىستەرىن تۇراقتاندىردى.

　　سىركىرەپ جاۋىن جاۋىپ تۇر، قىستاق جاسىل ماناتپەن كومكەرىلگەن. شي جينپيڭ قىستاقتىڭ جاسىل جولىن بويلاپ، قىستاقتىڭ كەلبەتى مەن اۋىل شارۋاشىلىق داقىلدارىنىڭ ءوسۋ جاعدايىن كوردى، قىستاق تۇرعىندارىنىڭ شامگۇل كولشىگىن تازالاپ جاتقانىن كورىپ، شي جينپيڭ اتىز جاعالاۋىنا كەلىپ، قىستاق تۇرعىندارىمەن اڭگىمەلەسىپ، كوكتەمگى ەگىس، ەگىس دايىندىعى جاعدايىن سۇراستىردى. باس شۋجيدىڭ كەلگەندىگىن ەستىگەن قىستاق تۇرعىندارى قىستاق جولىنىڭ ەكى جاعاسىنا ءتىزىلىپ تۇرىپ، شاتىرلاتا شاپالاق سوعىپ، الاقايلاپ، باس شۋجيدى قىزۋ قارسى الدى.

　　چۇنلين ساياجايى يۇيسۇن قىستاعىنداعى تاۋ كەندەرىن جاۋىپ، جاسىل دامۋ جولىمەن جۇرگەننەن كەيىن قۇرىلعان تۇڭعىش حالىقتىق تۇسەلحانا. ساياجايدىڭ قوجايىنى ىستىق ىقىلاسپەن باس شۋجيدى اۋلاسىنا باستاپ، وعان سوڭعى جىلداردان بەرگى شارۋالار شاتتىعى ساياجايىنىڭ تيجاراتى مەن اق شۋلان شاي سياقتى ەرەكشە اۋىل شارۋاشىلىق ونىمدەرىنىڭ ساتىلۋ جاعدايىن تانىستىردى. شاعىن اۋلادا شي جينپيڭ قىستاق ياچەيكاسىنىڭ ساقا شۋجيىمەن جانە اۋىلعا قايتىپ شارۋاشىلىق قۇرعان قىستاق تۇرعىندارىنىڭ ۋاكىلدەرىمەن كەڭەس قۇردى. شي جينپيڭ بىلاي دەپ باسا دارىپتەدى: ”تۇنىق سۋ، جاسىل تاۋ − باعالى بايلىق“ ۇستانىمى بۇكىل پارتيانىڭ، بۇكىل قوعامنىڭ ورتاق تانىمى مەن ارەكەتىنە اينالدى، جاڭا دامۋ ۇستانىمىنىڭ ماڭىزدى قۇرامداس بولىگىنە اينالدى. اماليات ەكونوميكانى دامىتۋدا ەكولوگيانى ءبۇلدىرۋدى بوداۋ ەتۋگە بولمايتىندىعىن، ەكولوگيانىڭ ءوزى ەكونوميكا، ەكولوگيانى قورعاۋدىڭ ءوزى وندىرگىش كۇشتى دامىتۋ ەكەندىگىن دالەلدەدى. اۋىلداستاردىڭ تاباندىلىقپەن باياندى دامۋ جولىمەن ءجۇرىپ، ەكولوگيانى ويداعىداي قورعاۋ العى شارتىندا، سان سالالى تيجاراتتى بەلسەندى دامىتىپ، ەكولوگيالىق ونىمدىلىكتى ەكونوميكالىق ونىمدىلىككە، قوعامدىق ونىمدىلىككە اناعۇرلىم ويداعىداي اينالدىرۋىن ءۇمىت ەتەمىن. سوتسياليستىك وسىزاماندانعان مەملەكەتتى جاپپاي قۇرۋ ءۇشىن ءارى قالانى وسىزامانداندىرۋ، ءارى اۋىل شارۋاشىلىعى مەن اۋىل - قىستاقتى وسىزامانداندىرۋ كەرەك. اۋىل - قىستاقتى جاپپاي گۇلدەندىرۋدى ىلگەرىلەتۋگە اناعۇرلىم زور كۇش سالىپ، اۋىل - قىستاق ەكونوميكاسىنىڭ، اۋىل - قىستاقتى زاڭمەن جونگە سالۋدىڭ، اۋىل - قىستاق مادەنيەتىنىڭ، اۋىل - قىستاقتى جونگە سالۋدىڭ، اۋىل - قىستاق ەكولوگياسىنىڭ، اۋىل - قىستاق پارتيا قۇرىلىسىنىڭ جاپپاي كۇشەيۋىن ىلگەرىلەتىپ، اۋىلداستاردىڭ تۇرمىس جاعدايىنىڭ بارعان سايىن جاقسارا تۇسۋىنە مۇمكىندىك جاساۋ كەرەك.

　　وسىدان كەيىن، شي جينپيڭ انجي اۋداندىق قوعامدىق قايشىلىقتاردى، داۋ - شارلاردى جاراستىرۋ - ءبىر جاقتى ەتۋ، شەشۋ ورتالىعىنا كەلىپ، بۇقارانىڭ قايشىلىقتارىن، داۋ - شارلارىن ءبىر ورىندا قابىلداۋ، جالپىلاي جاراستىرۋ - ءبىر جاقتى ەتۋ، تۇتاس تىزبەك بويىنشا شەشۋ ۇلگىسىنىڭ اينالىم جاعدايىن ۇعىستى. شي جينپيڭ بىلاي دەپ باسا دارىپتەدى: نەگىزگى ساتى − قوعامنىڭ جاراسىمدىلىعىنىڭ، ورنىقتىلىعىنىڭ نەگىزى. قوعامدىق قايشىلىقتان، داۋ - شاردان جان - جاقتى ساقتانۋدىڭ، جاراستىرۋ - ءبىر جاقتى ەتۋدىڭ، شەشۋدىڭ كەشەندى مەحانيزمىن كەمەلدەندىرىپ، پارتيا مۇشەلەرىنىڭ، كادرلاردىڭ نەگىزگى ساتىعا بارىپ جاعداي ۇعىسۋى مەن بۇقارانىڭ جوعارىلاپ ارىزدانۋىن ۇشتاستىرىپ، بۇقارانىڭ قايشىلىقتارىن، داۋ - شارلارىن جاراستىرۋ - ءبىر جاقتى ەتۋ، شەشۋ قىزمەتىن ارناعا ءتۇسىرىپ، بۇقارا ماسەلەگە جولىققاندا ”ءداتىن ايتاتىن“ جەرى بولۋىنا مۇمكىندىك جاساپ، قايشىلىقتى شىن مانىندە وركەن كۇيىندە شەشۋ، نەگىزگى ساتىدا جويۋ كەرەك. انجي اۋدانىنىڭ ءادىس - امالدارى جالپىلاستىرۋعا تاتيدى.

　　حاڭجوۋ شيشي مەملەكەتتىك سازدىق باقشاسى بۇكىل ەلدەگى تۇڭعىش مەملەكەتتىك سازدىق باقشا. 3 - ايدىڭ 31 - كۇنى شيشي سازدىق باقشاسى سىركىرەگەن جاڭبىرمەن مۇنارتىپ، كوكوراي شالعىن كوز تارتىپ تۇر. شي جينپيڭ وسى اراعا كەلىپ، لۇيديدى، فۋديدى جاعالاپ، سازدىقتى قورعاۋ، پايدالانۋ جاعدايىن كوردى. جول بويى ساياحاتشىلار جابال باس شۋجيمەن سالەمدەستى، شي جينپيڭ ءالسىن - ءالى كوپشىلىككە قول بۇلعاپ، قۇرمەت ءبىلدىردى. جولدا قۋىرما لۇڭجيڭ شايىن جانە جەرگىلىكتى ورىننىڭ ەرەكشە مادەنيەت جاسامپازدىعى ونىمدەرىن ساتاتىن جايماعا كەلگەندە، شي جينپيڭ تاياپ بارىپ ءۇڭىلىپ، ولاردى ءداستۇرلى قولونەر سياقتى بەيزاتتىق مادەنيەت مۇرالارىن جاقسى جالعاستىرۋعا شابىتتاندىردى. شي جينپيڭ بىلاي دەپ اتاپ كورسەتتى: سازدىقتىڭ قۇنى تابيعيلىعىندا، تابيعيلىق ساياحاتتىڭ كاپيتالى، ساياحاتتى دامىتقاندا ەكولوگيالىق ورتانى قۇربان ەتۋگە بولمايدى، شەكتەن تىس ساۋدالىق سيپاتتا اشۋعا بولمايدى، ەكولوگيالىق ورتاعا ىقپال ەتەتىن قۇرىلىستاردى سالۋعا بولمايدى، جەكەلەردىڭ ساۋىقحاناسى ەتۋگە تىپتەن بولمايدى، باقشانى حالىق بۇقاراسى بىرگە يگىلىكتەنەتىن جاسىل كەڭىستىككە اينالدىرۋ كەرەك. شي جينپيڭ بىلاي دەپ باسا دارىپتەدى: سۋ − سازدىقتىڭ جانى، جاراتىلىستىق ەكولوگيانىڭ كوركەمدىگى شيشي سازدىعىنىڭ ەڭ ماندىك، ەڭ ماڭىزدى كوركەمدىگى. قورعاۋدى بۇلجىماستان ءبىرىنشى ورىنعا قويىپ، سازدىقتىڭ ەكولوگياسى مەن سۋ ورتاسىن بارىنشا قۇلشىنىپ ساقتاۋ كەرەك. شيحۋ كولى مەن شيشي سازدىعىن ويداعىداي قورعاۋدى حاڭجوۋدىڭ قالانى دامىتۋىنىڭ جانە جونگە سالۋىنىڭ ايقىن باعدارى ەتىپ، ءوندىرىس، تۇرمىس، ەكولوگيا سىندى 3 ءىرى كەڭىستىك ورنالاستىرۋىن ءبىر تۇتاس ويداعىداي جوسپارلاپ، ادام مەن تابيعات جاراسىمدى بىرگە تۇراتىن، بىرگە ءوسىپ - ءونىپ، بىرگە گۇلدەنەتىن قونىستانۋعا جايلى قالا قۇرۋ جاعىندا ءتىپتى دە كوپ تاجىريبە جاراتۋ كەرەك.

　　شي جينپيڭ ىلە - شالا حاڭجوۋ قالالىق ۇلكەن زەردە جۇمىسى قولباسشىلىق ورتالىعىنا كەلىپ، ”بوگەتتەردى سيفرلى جونگە سالۋ“، ”قالانى سيفرلى باسقارۋ“، ”ىندەتتى سيفرلى ەمدەۋ“ سياقتى قولدانىلمالى كورسەتىلىمدەردى كورىپ، حاڭجوۋ قالاسىنىڭ قالا ۇلكەن زەردەسىنەن پايدالانىپ قاتىناس، مادەنيەت - ساياحات، دەنساۋلىق ساقتاۋ - سالاماتتىق سياقتىلاردى جۇيەلى جونگە سالۋ قابىلەتىن جوعارىلاتۋداعى جاسامپاز جەتىستىكتەرىن تۇراقتاندىردى. شي جينپيڭ بىلاي دەپ اتاپ كورسەتتى: مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە، ءسوز جوق، قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى مىقتى يگەرۋ كەرەك. ءىرى ساندى مالىمەت، بۇلتتىق ەسەپتەۋ، اۋماق - بولىك تىزبەگى، جاساندى زەردە سياقتى وزىق تەحنيكالاردان پايدالانىپ، قالانى باسقارۋ تاسىلىندە، باسقارۋ ۇلگىسىندە، باسقارۋ ۇستانىمىندا جاڭالىق اشۋدى ىلگەرىلەتىپ، سيفرلانۋدان زەردەلىلەنۋگە، ونان پاراساتتانۋعا دەيىن، قالانى اناعۇرلىم زەردەلى، اناعۇرلىم پاراساتتى ەتۋ − قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە ءسوزسىز باسىپ وتەتىن جول، كەلەشەگى جارقىن. شي جينپيڭ حاڭجوۋدىڭ قالا ۇلكەن زەردەسىن قۇرۋ جاعىندا ۇزدىكسىز ىزدەنىس جاساپ، جاڭالىق اشىپ، قالانىڭ دامۋ كومەسكى كۇشىن ىشكەرىلەي اشىپ، پاراساتتى قالا قۇرۋدى جەدەلدەتىپ، بۇكىل ەل ءۇشىن جالپىلاستىرۋعا بولاتىن ءتىپتى دە كوپ تاجىريبە جاراتۋىن ءۇمىت ەتتى.

　　4 - ايدىڭ 1 - كۇنى تۇستەن بۇرىن، شي جينپيڭ جىجياڭ ولكەلىك پارتكومنىڭ جانە ولكەلىك ۇكىمەتتىڭ قىزمەت مالىمەتىن تىڭداپ، جىجياڭنىڭ قىزمەتتەرىن تۇراقتاندىردى. شي جينپيڭ بىلاي دەپ باسا دارىپتەدى: ءبىر مەزگىل ۋاقىت جاپالى قۇلشىنىس ارقىلى ەلىمىزدىڭ ىندەتتەن ساقتانۋ - تىزگىندەۋ جاعدايى ۇزدىكسىز جاقسارىپ، شەكارا ىشىندەگى وسى رەتكى ىندەتتىڭ تارالۋ جوعارى ورلەۋى ءوتىپ كەتتى، دەسەدە، شەكارا سىرتىندا ىندەت ۇدەپ - ورشۋدە، ەلىمىز ىندەتتىڭ شەكارا سىرتىنان كىرۋ قاتەرى زور مولشەردە ارتۋ جاعدايىنا ءدوپ كەلدى. ءسوز جوق، سىرتتان كىرۋدەن ساقتانۋعا، ىشتە قايتالاۋدان ساقتانۋعا مىقتاپ تاباندى بولىپ، ىندەتتەن ساقتانۋ - تىزگىندەۋدى باسا دارىپتەگەننىڭ ۇستىنە باسا دارىپتەپ، تاباندى بولعان ۇستىنە تاباندى بولىپ، باستان - اياق قىراعىلىقتى ساقتاپ، قاتاڭ ساقتانۋ، اسىرەسە، اۋرۋ بەلگىسى جوق جۇعىمدالۋشىلاردى باسقارۋ قىزمەت تەبىنىن ارتتىرىپ، ساقتانۋ - تىزگىندەۋ قىزمەتتەرىن ۇزدىكسىز مىقتاپ، ناقتى، ەگجەي - تەگجەيلى يگەرىپ، جۇمىستى، ءوندىرىستى قالپىنا كەلتىرۋ جانە قوعامدىق تۇرمىستىڭ ءار جاعىندا دالمە - ءدال تياناقتاندىرۋ كەرەك. ىندەتتىڭ شەكارا سىرتىنان كىرۋىنەن قاتاڭ ساقتانۋدى كەزەكتەگى، ءتىپتى، ءبىرشاما ۇزاق ۋاقىتتاعى ىندەتتەن ساقتانۋ - تىزگىندەۋدەگى ەڭ ماڭىزدى جۇمىس ەتىپ، ساقتانۋ - تىزگىندەۋ شارالارىنىڭ باعىتتامالىلىعى مەن ناقتى ونىمدىلىگىن كۇشەيتىپ، ىندەتتىڭ شەكارا سىرتىنان كىرۋ قاتەرىنە توتەپ بەرۋدىڭ بەرىك قورعانىس شەبىن ورناتىپ، ەشقانداي شالاعايلىق تۋدىرماۋ كەرەك.

　　شي جينپيڭ بىلاي دەپ اتاپ كورسەتتى: قاتەر مەن وراي قاشاندا بىرگە تۋىپ، قاتار ءومىر سۇرەدى، قاتەردى جەڭسەڭ ورايعا اينالادى. شەكارا سىرتىنداعى ىندەتتىڭ تەز كەڭەيىپ تارالۋىنا ىلەسە، حالىقارانىڭ ەكونوميكا - ساۋدا قيمىلى اۋىر ىقپالعا ۇشىراپ، ەلىمىزدىڭ ەكونوميكالىق دامۋى جاڭا سىن - سايىسقا ءدوپ كەلدى، سونىمەن بىرگە ەلىمىزدىڭ عىلىم - تەحنيكانى جەدەل دامىتۋىنا، كاسىپ سالاسىن ساپالىلاندىرىپ، دارەجەسىن جوعارىلاتۋدى ىلگەرىلەتۋىنە دە تىڭ وراي الا كەلدى. ىشكەرىلەي تالداۋ جاساپ، جان - جاقتى سالماقتاپ، وزگەرىستى ءدال تانىپ، وزگەرىسكە عىلمي سايكەسىپ، ىرىقتىلىقپەن وزگەرۋگە تالپىنىپ، كوز الداعى قاتەردەن، كوز الداعى قيىنشىلىقتان ورايدى يگەرۋگە جانە جاراتۋعا شەبەر بولۋ كەرەك. ىندەتتەن ساقتانۋ - تىزگىندەۋ قىزمەتىن قاتاڭ تۇردە جاقسى ىستەۋ العى شارتىندا، جۇمىستى، ءوندىرىستى قالپىنا كەلتىرۋدىڭ قارقىنىن ارتتىرۋدى، كولەمىن كەڭەيتۋدى تەبىندى، ءتارتىپتى ىلگەرىلەتىپ، جۇمىستى، ءوندىرىستى قالپىنا كەلتىرۋ بارىسىنداعى قيىن تۇيىندەردى، بوگەتتەردى بەلسەندىلىكپەن جويىپ، تۇتاس كاسىپ سالاسى تىزبەگىنىڭ قوسىلا ارەكەت ەتىپ جۇمىستى قالپىنا كەلتىرۋىن ىلگەرىلەتۋ كەرەك. حالىقارالىق ەكونوميكالىق جاعدايدى تۇجىرىمداۋدى، وعان تالداۋ جاساۋدى كۇشەيتىپ، باعىتتامالىلىعى بار ساياسات - شارالاردى دەر كەزىندە جاساپ، حالىقارالىق قامداۋ تىزبەگىنىڭ ىركىلىسسىزدىگىن ساقتاپ، ءتۇرلى ەكونوميكا - ساۋدا قيمىلدارىنىڭ قالىپتى ورىستەتىلۋىن قامتاماسىز ەتۋ كەرەك. دارىندى قابىلداۋدىڭ، دارىندى باۋراۋدىڭ، جاڭالىق اشۋدى جەبەۋدىڭ ناقتى، جارامدى شارالارىن شىعارىپ، قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتۋ كەرەك. كاسىپتى سيفرلاندىرۋ، سيفردى كاسىپ سالالاندىرۋ بەرگەن ورايدى مىقتاپ ۇستاپ، 5G ينتەرنەتى، ساندى مالىمەت ورتالىعى سياقتى جاڭا نەگىزدىك قۇرىلعى قۇرىلىستاردى جەدەلدەتىپ، سيفرلى ەكونوميكا، تىرشىلىك سالاماتتىعى، جاڭا ماتەريال سياقتى ستراتەگيالىق سيپاتتى جاڭادان گۇلدەنگەن كاسىپتەردى، كەلەشەك كاسىپتەردى مىقتاپ يگەرىپ ورنالاستىرىپ، عىلىم - تەحنيكادا جاڭالىق اشۋدى زور كۇشپەن ىلگەرىلەتىپ، جاڭا ارتۋ تۇيىندەرىن ۇلعايتۋعا، دامۋدىڭ جاڭا قوزعاۋشى قۋاتىن قالىپتاستىرۋعا كۇش سالۋ كەرەك. ماڭىزدى سالالارداعى جانە شەشۋشى بۋىندارداعى رەفورمانى ىشكەرىلەي ىلگەرىلەتىپ، رەفورما تەبىنىن ارتتىرىپ، رەفورما شارالارىن كەمەلدەندىرىپ، ءتىپتى دە كوپ ناقتى، ناتيجەلى، جۇيەلى جەتىستىكتەردى جەدەل قولعا كەلتىرىپ، بۇكىل ەلدىڭ رەفورماسىنا جول ىزدەۋ، تاجىريبە ارناۋ كەرەك.

　　شي جينپيڭ بىلاي دەپ باسا دارىپتەدى: قازىرگىنى تياناق ەتىپ، بولاشاققا كوز تاستاپ، ستراتەگيالىق جوسپارلاۋدى جانە الدىن الا ورنالاستىرۋدى كۇشەيتىپ، ادەتتەگى جاعداي مەن شايقاستىق كۇيدى ۇشتاستىرۋعا تاباندى بولىپ، ەلەۋلى ىندەتتەن ساقتانۋ - تىزگىندەۋ ءتۇزىلىس مەحانيزمىن كەمەلدەندىرىپ، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ، باسقارۋ جۇيەسىن اقاۋسىزداندىرىپ، قىزمەت كۇشتەرىن ءبىرىنشى شەپكە ويىستىرۋدى ىلگەرىلەتۋ كەرەك. وتانشىلدىق تازالىق قيمىلىن ىشكەرىلەي ورىستەتىپ، قالا مەن اۋىلدىڭ قورشاعان ورتاسىن رەتتەۋ - وڭاۋدى ىلگەرىلەتىپ، الەۋمەتتىك دەنساۋلىق ساقتاۋ قۇرىلعىلارىن كەمەلدەندىرىپ، وركەنيەتتى، اقاۋسىز، جاسىل، قورشاعان ورتانى قورعايتىن تۇرمىس ءتاسىلىن دارىپتەۋ كەرەك.

　　شي جينپيڭ بىلاي دەپ اتاپ كورسەتتى: وڭىرلىك سايكەستى دامۋ قالا مەن اۋىلدىڭ سايكەستى دامۋىمەن تىعىز قاتىستى. اۋىل - قىستاقتى گۇلدەندىرۋ ستراتەگياسىن ىشكەرىلەي اتقارۋدى تۇتقا ەتىپ، ”مىڭ قىستاقتا ۇلگى كورسەتۋ، ون مىڭ قىستاقتى رەتتەۋ - جونگە سالۋ“ ينجەنەرياسىن جانە كورىكتى اۋىل - قىستاق، كورىكتى قالا - قالاشىق قۇرىلىسىن تەرەڭدەتىپ، ونەركاسىپ - ساۋدا كاپيتالىنىڭ، عىلىم - تەحنيكانىڭ جانە دارىندىلاردىڭ ”تاۋعا بارۋىن، اۋىلعا ءتۇسۋىن“ ىلگەرىلەتىپ، قالا مەن اۋىلدى توعىستىرا دامىتۋدىڭ ءتۇزىلىس مەحانيزمى مەن ساياسات جۇيەسىن ورناتىپ، اقاۋسىزداندىرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋ كەرەك. اۋىل شارۋاشىلىق، مال شارۋاشىلىق ءوندىرىسىن مىقتاپ، ناقتى يگەرىپ، قالا تۇرعىندارىنىڭ ”استىعىنىڭ“، ”كوجە قاتىعىنىڭ“ جەتكىلىكتى، باعاسىنىڭ تۇراقتى بولۋىنا شىنايى كەپىلدىك ەتۋ، شارۋالاردىڭ ”اقشا قاپشىعىنىڭ“ تولى بولۋىنا شىنايى كەپىلدىك ەتۋ كەرەك. جاڭاشا قالا - قالاشىقتاندىرۋدى تىڭعىلىقتى ىلگەرىلەتىپ، كورىكتى اۋىل - قىستاقتى ويداعىداي قۇرۋدى جەبەۋ كەرەك. شىعىس - باتىس بولىكتەردەگى كەدەيلەردى سۇيەمەلدەۋدەگى ىستەستىكتى جانە باعىتتامالى كومەكتەسۋ، باعىتتامالى سەلبەسۋ قىزمەتتەرىن مۇقيات جاقسى ىستەپ، باعىتتامالى كومەكتەسىلەتىن وڭىرلەردىڭ قارىشتاپ دامۋىنا دەم بەرۋ كەرەك. ”تۇنىق سۋ، جاسىل تاۋ − باعالى بايلىق“ دامۋ ۇستانىمىن امالياتتا ايگىلەپ، جىجياڭنىڭ ەكولوگيالىق وركەنيەت قۇرىلىسىنىڭ تىڭ ساتىعا كوتەرىلۋىن ىلگەرىلەتىپ، تۇنىق سۋ، جاسىل تاۋدى ءتىپتى دە كورىكتەندىرىپ، باعالى بايلىقتى ءتىپتى دە مولايتىپ، جاسىل ءتۇستى جىجياڭنىڭ دامۋىنداعى ەڭ اسەرلى رەڭگە اينالدىرۋ كەرەك.

　　شي جينپيڭ بىلاي دەپ باسا دارىپتەدى: وسى رەتكى ىندەتتەن ساقتانۋ - تىزگىندەۋ كۇرەسى وڭىرلەردىڭ، ورىنداردىڭ پارتيانى باسقارۋ، پارتيانى جونگە سالۋ ورەسىنە، باسشىلىق القالارى مەن پارتيالى كادرلار قوسىنى قۇرىلىسى ورەسىنە دەگەن ناقتى سىن. ءار دارەجەلى پارتكومدار (پارتيا باسشىلىق گرۋپپاسى) پارتيا قۇرىلىسى قىزمەتىن مىقتاپ ۇستاپ، پارتيا مۇشەلەرىنىڭ، كادرلاردىڭ ۇنەمىلىك تاربيەسىن باسقارۋدى ناقتى يگەرىپ، نەگىزگى ساتى پارتيا ۇيىمى سىندى وسى نەگىزدى مىقتاپ بەكەمدەپ، پارتيانى جاپپاي قاتاڭ جونگە سالۋ تالاپتارىن ناقتى تياناقتاندىرۋ كەرەك. ءار دارەجەلى پارتيا ۇيىمدارى، اسىرەسە، نەگىزگى ساتى پارتيا ۇيىمدارى بۇقارامەن بايلانىس جاساۋ، بۇقاراعا قىزمەت وتەۋ جاعىنا كوبىرەك دەن قويۋ، بۇقاراعا ۇگىت جۇرگىزۋ، بۇقارانى تاربيەلەۋ جاعىنا كوبىرەك ىقىلاس قويۋ، بۇقارانى ۇيىمداستىرۋ، ۇيىستىرۋ جاعىنا كوبىرەك كۇش سالۋ كەرەك. نازاردى فورماشىلدىق، تورەشىلدىك ماسەلەلەرىنە شوعىرلاندىرا وتىرىپ جاپپاي قاداعالاۋ، نىسانالى ەمدەۋ ورىستەتىپ، نەگىزگى ساتىنىڭ اۋىرتپالىعىن شىن مانىندە جەڭىلدەتىپ، كادرلاردىڭ ءتىپتى دە كوپ ۋاقىتى مەن زەيىن - كۇشىن تياناقتاندىرۋدى يگەرۋگە جۇمساۋىنا مۇمكىندىك جاساۋ كەرەك.

　　ديڭ شۋەشياڭ، ليۋ حى، حى ليفىڭ جانە ورتالىقتىڭ قاتىستى تاراۋلارىنىڭ جاۋاپتى جولداستارى قىزمەت تەكسەرۋدە بىرگە بولدى.